Tuesday, April 30, 2019

अर्थमन्त्री खतिवडा फिजी जाँदै

१७ वैशाख, काठमाडौं । एशियाली विकास बैंकको बोर्ड अफ गभर्नर्सको ५२ औं वार्षिक बैठकमा भाग लिन अर्थमन्त्री डा. युवराज खतिवडा मंगलबार फिजी जाने भएका छन् ।

एडीबीको बैठक मे ०२–०५ सम्म फिजीको नादीमा आयोजना हुनेछ । बैठकमा अर्थमन्त्री खतिवडाले नेपालको गर्भनरको रुपमा वार्षिक बैठकका विषय सूचीहरुमा धारणा राख्ने कार्यक्रम ट ।

खतिवडाले एडीबीका अध्यक्ष तथा दक्षिण एशियाका महानिर्देशक, युरोपियन लगानी बैंक, ओफिडलगायतका वित्तिय संस्थाका उच्च पदस्थ प्रतिनिधिहरुसँग महत्वपूर्ण भेटघाट गर्ने कार्यक्रम छ ।

साथै दक्षिण एशियाली क्षेत्रीय सहयोग संगठन (सार्क) अर्थमन्त्रीस्तरीय अनौपचारिक बैठकको अध्यक्षता गर्दै सम्बोधन गर्नेछन् । सार्क विकास कोषको गभर्निङ काउन्सिलको बैठकमा समेत सहभागी हुने कार्यक्रम छ ।

बैठक र द्वीपक्षीय वार्ताको क्रममा नेपालको संंघीयता कार्यान्वयन, पूर्वाधार निर्माणलगायत समग्र विकासको लागि आवश्यक पर्ने वित्तीय स्रोत जुटाउन आवश्यक पहल गर्नुका साथै नेपालमा लगानीको वातावरण सुधार हुर्दै गएको सन्देश विश्व समुदायका वित्तीय क्षेत्रका जानकारहरुलाई दिने बताइएको छ ।

अर्थमन्त्री खतिवडा २१ गते साँझ स्वदेश फर्किने कार्यक्रम रहेको उनको निजी सचिवालयले जनाएको छ ।

Continue Reading…

धर्मेन्द्रको ‘मैले बोल्दा देशको नक्सा हल्लिन्छ’ बजारमा

पोखरा / कवि धमेन्द्र नेम्वाङको कवितासंग्रह ‘मैले बोल्दा देशको नक्सा हल्लिन्छ’ विमोचन भएको छ । मण्डला थियटरमा आयोजित एक कार्यक्रममा उनको किताब सार्वजनिक गरिएको हो ।

रंगवादी साहित्य अभियानका एक अभियनता नेम्वाङको उक्त कविता संग्रहमा ३९ कविता संग्रहित छन् । कवि बैरागी काइँला, प्राज्ञ कवि श्रवण मुकारुङ, सिर्जनशील अराजकताका अभियन्ता कवि हाङ्युग अज्ञातलगायतले सार्वजनिक गरेका हुन् ।

प्राज्ञ श्रवण मुकारुङले कवि नेम्वाङ लोकतन्त्रप्रति अत्यन्त विश्वास राख्ने युवा समाजवादी नेता पनि भएको बताएका थिए । उनले धमेेन्द्रका कविता पढेर पनि सोच्नुपर्ने प्रकृतिका भएको विश्लेषण गरेका थिए ।

रंगवादी साहित्य अभियानका एक अभियनता नेम्वाङको उक्त कविता संग्रहमा ३९ कविता संग्रहित छन् । कविताकृति फिनिक्स बुक्सले बजारमा ल्याएको हो ।

उनका रातो बाघ, सामान्य बहुरंगवादः एउटा ट्राभलिङ फिलोसोफीको परिकल्पना, युवा विचार युवा नेपालः आमूल परिवर्तनको एक अवधारणा आदि कृति प्रकाशित छन् ।

Continue Reading…

फल्कनरले भने – म समलिङ्गी होइन, गलत अर्थ लाग्यो

१७ वैशाख, काठमाडौं । अस्टे«लियन क्रिकेटर जेम्स फल्कनरले ‘इन्स्टाग्राम’ मा फोटोसहित लेखेको कुरामा गलत अर्थ लाग्न गएको खुलासा गरेका छन् ।

सोमबार बेलुका उनले इन्स्टाग्रामको गरेको पोस्टले उनी समलिङ्गी भएको खबरहरु आइरहेका थिए, जसलाई उनले इन्स्टाग्राममार्फत नै गलत अर्थ लाग्न गएको र आफू समलिङ्गी नभएको बताएका छन् ।

सोमबार उनले आमा रोसलिन क्यारोल र साथी रब जुबसँगको तस्बीर राखेर ‘आमा र केटा साथीसँगै जन्मदिनको खाना खाँदै’ लेखेका थिए । जसमा उनले उल्लेख गरेको ‘ब्वाइफ्रेण्ड’ शब्द र ‘पाँच वर्षदेखि सँगै’ वाक्यांशले उनी समलिङ्गी भएको खबरहरु आइरहेका थिए ।

मंगलबार बिहान फल्कनरले इन्स्टाग्राममा नै लेखेको छन्, ‘हिजो राति मैले लेखेको कुराले गलत अर्थ दिएछ । म समलिङ्गी होइन । तर पनि ‘एलजीबीटीआई’ समूहबाट आइरहेको समर्थनले खुशी दिएको छ । हामीले भुल्नु हुँदैन, माया त माया हो । मेरा साथी रब राम्रा साथी मात्रै हुन् । हिजो हामी एउटै घरमा बसेको पाँच वर्ष पुगेको हो ।’

क्रिकेट अस्ट्रेलियाले पनि फल्कनरले उल्लेख गरेका कुराले एलजीबीटीआई समूहमा भावनात्मक असर पार्ने उद्देश्य नरहेको जनाएको छ ।

‘उनले उल्लेख गरेको कुराले उनीहरु बिजनेश पार्टनरका रुपमा रहेको जनाएको हो । उनीहरु मिल्ने साथी र पाँच वर्षदेखि घरका साझेदार पनि हुन् । उनले कसैको भावनामा असर पार्न त्यस्तो लेखेका होइनन्’ क्रिकेट अस्ट्रेलिया उल्लेख गरेको छ ।

फल्कनरको उक्त पोस्टमा २८ हजार भन्दा बढी लाइक र झण्डै १५ सय कमेन्ट आएका थिए । कतिले उनलाई हिम्मत गरेकोमा बधाई दिएका थिए भने कतिले नकारात्मक कमेन्ट पनि गरेका थिए ।

Continue Reading…

विप्लव नेकपाका जिल्ला इञ्चार्जसहित १० जना पक्राउ

बाजुरा । नेत्रविक्रम चन्द नेतृत्वको समूहका बाजुरा जिल्ला इञ्चार्ज भुपेन्द्र विकसहित १० जना पक्राउ परेका छन् । विकलाई बूढीगङ्गा नगरपालिकाको अम्कोटबाट प्रहरीले पक्राउ गरेको हो ।

जिल्ला प्रहरी कार्यालय बाजुराका प्रहरी नायब उपरीक्षक उद्धवसिंह भाट नेतृत्वको टोलीले सो समूहका नेता तथा कार्यकर्तालाई पक्राउ गरेको हो । प्रक्राउ पर्नेमा बाजुरा जिल्ला इञ्चार्ज भुपेन्द्र विक।,सचिव भरत थापा, महिला सङ्घ क्रान्तिकारीका केन्द्रीय सदस्य पवित्रा विक र जिल्ला कमिटी सदस्य अङ्गराज भण्डारी रहेका छन् । विद्यार्थी कमिटीका गोरख रोकाया, समीक्षा विक सुशीला विक, सुस्मिता विक, केशातार विक र प्रेम थापा रहेको प्रहरीले जनाएको छ । उनीहरुलाई आज बिहान प्रहरीले पक्राउ गरेको हो ।

प्रहरीले प्रक्राउ गरेसँगै उनीहरुबाट विभिन्न विष्फोटक पदार्थसमेत जफत गरेको छ । चन्दा सङ्कलन गरेका रसिदसमेत फेला परेका छन् । प्रक्राउ परेकालाई मुद्दा चलाउने प्रहरीले जनाएको छ ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog