Showing posts with label samachar. Show all posts
Showing posts with label samachar. Show all posts

Wednesday, July 10, 2019

आजका पत्रपत्रिका : सँगै चियापान, अनि गोली हानाहान

२६ असार, काठमाडौं । भोजपुर भिडन्त र विषादी परीक्षणबारे सर्वोच्चले दिएको अन्तरिम आदेश आजका मुख्य दैनिक पत्रिकाहरूको पहिलो प्राथमिकतामा परेको छ । यसबाहेक ‘असारे विकास’, बाढीपहिरोको जोखिम, सरकारी अस्पतालको बेथितिलगायत विषयमाथि पनि पत्रिकाहरूले नजर लगाएका छन् ।

कान्तिपुरले ‘सँगै चियापान, अनि गोली हानाहान’ शीर्षक दिएर भोजपुर घटनाबारे मुख्य समाचार बनाएको छ । सँगै चियापान गरेका प्रहरी र विप्लव कार्यकर्ताबीच पछि गोली हानाहान भएको समाचारको सार छ ।

कान्तिपुर लेख्छ–सँगै चियापान गरिरहेका नीरकुमार राई पिसाब गर्न जाने भन्दै पसलबाट निस्किन खोजे । सञ्जीव राईले नीरकुमारको पाखुरा समाते । गफ गरौं । अरु साथी आउँदै छन् । दुवैबीच तानातान भयो । चन्द समूहका हतियार बोकेका कार्यकर्ता दगुर्दै होटल अघिल्तिर आए । त्यतिबेला तानातानकै क्रममा नीरकुमार र सञ्जीव होटल बाहिर पुगिसकेका थिए । चन्द्र समूहका कार्यकर्ताले गोली प्रहार गरे । त्यति नै बेला घटनास्थल आइपुगेको हतियारधारी प्रहरीले पनि गोली प्रहार गरे ।’

विषादी परीक्षण रोक्न सर्वोच्चले गरेको आदेश र भारतीय दबावबारे प्रधानमन्त्रीले व्यक्त गरेको भनाइलाई पनि कान्तिपुरले पहिलो पृष्ठमा प्राथमिकतापूर्वक समेटेको छ । कान्तिपुरका अनुसार, प्रधानमन्त्री केपी शर्मा ओलीले विषादी परीक्षण रोक्नका लागि भारतीय दूतावासले पठाएको पत्रबारे आफूलाई सरकारी निकायले अनभिज्ञ राखेको बताएका छन् ।

यसअघि उद्योग मन्त्री मात्रिका यादवले पनि यस्तै प्रतिक्रिया दिएका थिए ।

समाचार अनुसार भारतीय दूतावासले विभिन्न संवाद गर्दै हिँडेको र पत्र पठाएकोबारे २३ गते मात्र जानकारी प्राप्त गरेको प्रधानमन्त्री ओलीले जिकिर गरेका छन् ।

‘मलाई पछि मात्र थाहा भयो र त्यससम्बन्धमा भारतले कूटनीतिक प्रयासहरू र विभिन्न ठाउँमा संवादहरू अघि बढाएको रहेछ । त्यो कुराबाट पनि मलाई अनभिज्ञ नै राखियो । तसर्थ मेरो जानकारीमा नभएको हुनाले मैले पत्र आएको छैन भनेँ । तर, २३ गते बेलुका मात्र मैले पत्र आएकोबारे जानकारी पाएँ । म त्यसबाट दुखित छु’, प्रधानमन्त्री ओलीले जनतासँग प्रधानमन्त्री कार्यक्रममा विषादी परीक्षणबारे दिएको प्रष्टीकरण कोट गर्दै कान्तिपुरले लेखेको छ, ‘र, मलाई जसले जानेर भ्रममा राख्यो वा अन्जानमा बताउन भुल्यो, जेसुकै होस् मसँग त्यो कुरा आएन र मैले प्रधानमन्त्रीको हैसियतमा त्यो जानकारी पाउनुपथ्र्यो । यथार्थ मबाट लुकेको रहेछ ।

अन्नपूर्णले असारेविकासमाथि केन्द्रित भएर सामग्री छापेको छ । अन्नपूर्णका अनुसार आर्थिक वर्ष सकिनै लाग्दा सरकारको दैनिक विकास खर्च अत्यधिक बढ्दै गएको छ । महालेखा नियन्त्रण्क कार्यालयले असार १५ पछि दैनिक एक अर्ब रुपैयाँ हाराहारीमा खर्च हुँदै आएकोमा मंगलबार र बुधबार दैनिक पाँच अर्ब रुपैयाँभन्दा बढी खर्च भएको जनाएको छ ।

भवन भासिँदा भारतको कर्नाटक राज्यको राजधानी बैंगलोरमा एकै परिवारका तीन नेपालीको मृत्यु भएको दुःखद् खबरलाई पनि अन्नपूर्णले पहिलो पृष्ठमा स्थान दिएको छ । मृत्यु हुनेमा बझाङको थलारा गाउँपालिका–२ बगाडाका २८ वर्षीय नारायण खड्का, उनकी पत्नी २६ वर्षीया निरु र चार वर्षीया छोरी अनुष्का छन् ।

Continue Reading…

Tuesday, July 9, 2019

बनेपा ‘सिरिन्ज’ प्रकरणमा दुवै पक्षको विज्ञप्ति– परिस्थितिजन्य घटनाप्रति दुःखी छौं

२५ असार, काठमाडौं । बनेपाको कथित सिरिन्ज प्रकरणमा जोडिएका दुवै पक्षले मेलमिलाप गरेका छन् । उनीहरुले घटनाप्रति दुःख व्यक्त गर्दै सबैमा संयम हुनसमेत आग्रह गरेका छन् ।

बनेपास्थित चारदोबाटोमा गत सोमबार युवतीमाथि सिरिन्ज आक्रमण भएको हल्लाकै भरमा वालिङ न.पा १३, स्याङ्जाका खगेन्द्रपसाद पाठकमाथि भीडले कुटपिट गरेको थियो । कुटपिटपछि प्रहरीले युवकलाई नियन्त्रणमा लिएर आरोपबारे छानबिन गरेको थियो ।

तर, अनुसन्धानका क्रममा युवकमाथि लगाइएको आरोप निराधार भएको पुष्टि भएको छ । उनी निर्दोष सावित भएपछि मंगलबार नै प्रहरीबाट थुनामुक्त भइसकेका छन् ।

कथित सिरिन्ज प्रकरणलाई लिएर बनेपालगायतका क्षेत्रमा त्रास फैलिरहेका बेला दुवै पक्षले घटना निराधार भएको भन्दै दुःख व्यक्त गरेका छन् ।

यो प्रकरणमा जोडिएका पाठक, वेथानचोक गाउँपालिका–६ काभ्रेपलाञ्चोककी मनीषा तामाङ र चौरीदेउराली गाउँपालिका–५ कि सपना वागदासले मंगलबार संयुक्त विज्ञप्ति जारी गर्दै घटनाप्रति दःख व्यक्त गरेका हुन् ।

‘सिरिन्ज आक्रमण गरिएको भनी लाञ्छनासमेत लाग्न गई उत्पन्न भीडबाट सिर्जित परिस्थितिजन्य घटनाप्रति दुवै पक्ष खेद प्रकट गर्दछौं,’ पाठक, तामाङ र वागदास तीनै जनाले निकालेको संयुक्त विज्ञप्तिमा भनिएको छ, ‘शंकाको भरमा आगामी दिनमा समेत कुनै सामाजिक दुर्घटना नहोदोरिउन भन्दै सबैमा संयमताका साथ शान्ति सुरक्षालाई मजबुत बनाइ राख्न अपिल गर्दछौं ।

Continue Reading…

प्रशासकीय अदालत गठन नगर्ने प्रस्ताव कानुन समितिबाट अस्वीकार

२५ असार, काठमाडौं । राष्ट्रियसभाको विधायन समितिबाट पारित भइसकेको प्रशासकीय अदालत गठनसम्बन्धी विधेयक प्रतिनिधिसभाको कानुन समितिले संशोधनसहित पारित गरेको छ ।

कानुन न्याय तथा मानवअधिकार समितिको बुधबार बिहान बसेको बैठकले केन्द्रमा एउटा प्रशासकीय अदालत रहने गरी विधेयक संशोधन गरेको हो ।

यसअघि राष्ट्रियसभाको विधायन समितिले केन्द्रमा र प्रदेशमा बेन्चमात्र रहने व्यवस्थासहित विधेयक पारित गरेको थियो । राष्ट्रियसभामा प्रस्तुत गरिएको विधेयकको मस्यौदामा भने केन्द्रमा बेन्च एउटा प्रशासकीय अदालत रहने र प्रदेशमा उच्च अदालतमा बेन्च रहने प्रस्ताव थियो ।

प्रतिनिधिसभा अन्तर्गतको कानुन न्याय तथा मानवअधिकार समितिका सभापति कृष्णभक्त पोखरेलले केन्द्रमा प्रशासकीय अदालत रहने व्यवस्था राख्दै प्रदेशमा बेन्च रहने व्यवस्था हटाएर विधेयक पारित गरेको जानकारी दिए ।

तर २ सयभन्दा बढी मुद्दा भएको अवस्थामा प्रदेश प्रशासकीय अदालत नै गठन गर्ने र कम भएको अवस्थामा अदालत आवश्यक छैन भनेर प्रश्न उठाउन नपाइने गरी संशोधन गरिएको’ पोखरेलले जानकारी दिए ।

समिति सभापति पोखरेलले राष्ट्रियसभाबाट संशोधन गरेर पठाइएको विधेयक जस्ताको तस्तै पारित गरेको भए कार्यालय, जनशक्तिलगायतको व्यवस्थापनको झन्झटलाई आफूहरुले रोकेको दाबी गरे ।

बुधबार पारित विधेयकमा प्रशासकीय अदालतको मुकाम काठमाडौं उपत्यकामा रहने र सो अदालतको प्रादेशिक क्षेत्राधिकार नेपालभर रहने उल्लेख छ । अदालतको प्रादेशिक क्षेत्राधिकार न्याय परिषदको परामर्शमा नेपाल सरकारले राजपत्रमा सूचना प्रकाशन गरी तोके बमोजिम हुने छ ।
यो पनि पढ्नुहोस प्रशासकीय अदालत कि इजलास ? राष्ट्रियसभाको संशोधनले प्रतिनिधिसभामा असन्तुष्टि

निजामती कर्मचारीसँग सम्बन्धित मुद्दाहरु हेर्ने गरी प्रशासकीय अदालत गठनको व्यवस्था गरिएको छ ।

अदालतको अध्यक्ष र सदस्यको पदावधि पाँच वर्षको हुने छ । अध्यक्ष र सदस्यलाई दुई पटकभन्दा बढी अवधिको लागि अध्यक्ष तथा सदस्य पदमा नियुक्त गरिने छैन ।

अध्यक्षको सामान्य निर्देशन र नियन्त्रणमा रही अदालतको प्रशासकीय प्रमुखको रुपमा काम गर्न न्याय सेवाको राजपत्रांकित प्रथम श्रेणीको एक जना रजिष्ट्रारको व्यवस्था पनि गरिने छ ।

Continue Reading…

विप्लव समूहको गोलीबाट प्रहरीको मृत्यु, विप्लवका कार्यकर्ताको पनि मृत्यु

२५ असार, काठमाडौं । भोजपुर सदरमुकाममा एक प्रहरी र विप्लव समूहका कार्यकर्ताको भिडन्तमा मृत्यु भएको छ ।

यो घटनाको भोजपुर सदरमुकामको हटिया लाइनमा भएको हो । घटनाको विस्तृत विवरण आउन बाँकी छ ।

Continue Reading…

पाहुना आएका ठूलोबुवा र ससुराको चिर्पटले हानेर हत्या

२५ असार, अछाम । अछामको मंगलसेन नगरपालिका–१ मा एक व्यक्तिले आफ्नो घरमा पाहुना आएका ठूलो बुवा र ससुराको हत्या गरेका छन् । कुन्तीबण्डालीको ढुंगानी निवासी लफे भनिने पिरमकुमार साउँदले सोही ठाउँमा बस्ने ठूलोबुवा देउसिंह थापा र ससुरा विरभान थापाको मंगलबार मध्यरातमा हत्या गरेका हुन् ।

साउदलाई प्रहरीले पक्राउ गरेको छ । हत्यापछि फरार रहेका साउदलाई मंगलसेन नगरपालिका–२ को खम्बबाट पक्राउ गरेको अछाम प्रहरी प्रमुख डिएसपी जनकबहादुर शाहीले जानकारी दिए ।

घटना राति करिब एक बजेतिर भए पनि प्रहरीले बुधबार बिहानपख पौने चार बजे खबर पाएको अछाम प्रहरीको भनाइ छ । घटनाको अनुसन्धान भइरहेको डिएसपी शाहीले बताए ।

Continue Reading…

ओखलढुंगामा बस दुर्घटना, ३ को मृत्यु

२५ असार, ओखलढुंगा । ओखलढुंगामा यात्रु बस दुर्घटना हुँदा तीन जनाको मृत्यु भएको छ भने १५ जना घाइते भएका छन् ।

काँकडभिट्टाबाट सोलुखुम्बुतर्फ जाँदै गरेको मे १ ख १८९१ नम्बरको बस बुधबार बिहान ३ बजेतिर सिद्धिचरण राजमार्गअन्तर्गत मानेभञ्ज्याङ गाउँपालिका–६ डढुवामा दुर्घटना भएको हो ।

मृतक दुई जना पुरुष र एक जना महिला रहेको बताइए पनि सनाखत नभएको जिल्ला प्रहरी कार्यालय ओखलढुंगाले जनाएको छ ।

घाइते ११ जनालाई उपचारका लागि उदयपुरको घुर्मी अस्पतालमा लगिएको छ । गम्भीर घाइते ४ जनालाई भने हेलिकोप्टरबाट काठमाडौं पठाइएको प्रहरीले जनाएको छ ।

पानी परिरहेकाले बाटो चिप्लो भएका कारण बस दुर्घटना भएको प्रहरीले प्रारम्भिक अनुमान गरेको छ ।

Continue Reading…

सलमान- कट्रिनाको विवाहको दृष्य भाइरल भएपछि

सलमान खान र कट्रिना कैफको विवाह भए के होला ? कुनैबेला यस्तो अनुमान सामान्य मानिन्थ्यो । पछि उनीहरुको ब्रेकअप भयो । अहिले कट्रिना सिंगल छिन् । साथै उनी पूर्वप्रेमी सलमानकै आसपासमा छिन् ।

हालैमात्र कट्रिना सलमानको फिल्म ‘भारत’मा देखिइन् । त्यही फिल्मको एउटा भिडियो अहिले चर्चामा छ, जसमा सलमान खान तथा कट्रीना कैफ विवाह गरिरहेका छन् । उक्त भिडियो प्रशंसकहरुमाझ चर्चाको विषय बनेको छ ।

हुन पनि सलमान खानका फ्यानहरुलाई केवल दुई वटा कुराको मात्र प्रतिक्षा भैरहेको हुन्छ । एउटा हो सलमानको नयाँ फिल्म तथा अर्को हो उनको विवाह कहिले हुन्छ ?

अहिलेसम्म फिल्महरुमार्फत सलमानले आफ्ना फ्यानहरुलाई ट्रीट दिइ नै रहन्छन् । तर विवाहको लागि भने उनले लामो प्रतिक्षा गराइरहेका छन् ।

यसबीचमा सलमानको नाम थुप्रै अभिनेत्रीहरुसँग जोडिइसकेको छ । थुप्रै अभिनेत्रीहरुसँग उनको रिलेशनशीप पनि भैरहेको छ, यद्यपि विवाहको प्रसंगमा भने उनी टाढा-टाढा भागिनै रहन्छन् । वास्तविक जीव्नमा सलमान विवाहबाट भाग्ने क्रम जारी नै रहे पनि रील लाइफमा भने उनले धेरै पटक विवाह गरिसकेका छन् ।

हालैमात्र सलमानको विवाहको एउटा भिडियो सार्वजनिक भएको छ, जसले निकै चर्चा समेत पाइरहेको छ ।

सलमानका डिजाइनर एश्ले रिलेबोद्वारा शेयर गरिएको उक्त भिडियोमा सलमानले कट्रीनासंग विवाह गरिरहेको देखिन्छ भने बाँकी मानिसहरुले उनीहरुमाथि फूल वषर्ाइरहेको देखिन्छ । उक्त भिडियो सलमानको पछिल्लो फिल्म ‘भारत’ को छायांकनको बेला खिचिएको हो, जुन अहिले आएर सार्वजनिक भएको हो । प्रशंसकहरुका लागि उक्त भिडियो कुनै टि्रट भन्दा कम छैन । यद्यपि, अब हेर्नुछ सलमानले वास्तविक जीवनमा भने कहिले विवाह गर्नेछन् ?

त्यसो त स्वयं सलमानका बुवा सलीम खानले पनि यो प्रसंगमा आफ्ना छोरासंग हार मानिसकेका छन् । उनलाई पनि आफ्नो छोरा दुलाहा बनेको हेर्ने चाहाना छ ।

यतिबेला सलमान खान टेलिभिजन शो ‘नच बलिए-९’ मा व्यस्त छन् । उक्त शोको सेटबाट पनि एउटा भिडियोले चर्चा बटुलिरहेको छ, जसमा सलमानले आफ्नो विवाहदेखि लिएर पूर्व प्रेमिकाहरुसंगका फिल्महरुको बारेमा कुराकानी गरेका छन् ।

उक्त भिडियोमा सलमानले भनेका छन्-‘हरेक व्यक्ति मलाई मर्डर मिस्ट्री सम्झेर त्यसलाई समाधान गर्नका लागि अघि बढ्छन् । जीवनमा मैले अहिलेसम्म के-के सुनें होला । आफ्नो विवाहको जिज्ञासा गर्ने पत्रकारसँग सलमान पुनः भड्किए, के सलमानको आगामी फिल्ममा उनकै कुनै एक्स हुनेछिन् ?’

Continue Reading…

कागको पछि दौडने हामी !

उहिले पुर्खाहरुले ठिकै भने, ‘आफ्नो कान छाम्नु छैन, कागको पछाडि दौडने ।’ अहिलेको पुस्ताले यो उखानलाई अधकल्च बुझेका होलान् । खास कुरो यस्तो छ ।

‘कागले कान लग्यो, कान लग्यो ।’ मान्छेहरु कराउँछन् । काग आकासतिर बत्तिएर उडिरहेको छ । सबै कागलाई लखेट्न पछि-पछि दौडन्छन् । कागले कसको कान लग्यो ? कसैलाई थाहा छैन । सबैको कान त सही हालतमै छ ।

आफ्नो कान नछामी कागको पछाडि दौडने यो प्रवृत्ति अहिले अरु मौलाएर गएको छ ।

भर्खरै मात्र वनेपामा एक पुरुषलाई ‘सिरिन्ज आक्रमण गरेको’ भन्दै अन्धधुन्द कुटपिट गरियो । भलै, यो घटनाको सत्यतथ्य आउन बाँकी नै छ । उनी दोषी हुन् वा होइनन् ? अनुसन्धानले देखाउनेछ । अहिलेसम्मको अवस्थामा उनले सिरिन्ज आक्रमण गरेको पाइएको छैन । सार्वजनिक बसमा यात्रा गरिरहेकी एक महिलाले ‘मलाई सिरिन्ज आक्रमण भयो’ भन्दै चिच्याएपछि अरु यात्रुले उनै पुरुषमाथि हातपात गर्न थाले । लछारपछार गर्न थाले ।

त्यती मात्र होइन, उनलाई ‘सिरिन्ज आक्रमणकारी’ भन्दै मोवाइल, ट्याबबाट भिडियो खिच्नेहरु ताँती लागे । क्षणभरमै सामाजिक सञ्जालमा ति भिडियो ‘भाइरल’ भयो ।

यदि उनले अपराध गरेको हो भने त ठिकै होला ।

तर, निर्दोष सावित भए भने ? उनले सिरिन्ज आक्रमण गरेको रहेनछ भने ? उनीमाथि झुटो आरोप लागेको रहेछ भने ?

सोच्नुहोस् त, उनले बेकसुर भोगेको सजायको जवाफदेही को हुन्छ ? उनले झेलेको अपमान, पीडा, दूव्र्यवहारको जिम्मा कसले लिन्छ ? सामाजिक सञ्जालभरी उनको जुन बदनामी भयो त्यसको क्षतिपूर्ति कसले दिन्छ ? उनी स्वयम् र उनको परिवारले भोगेको मानसिक प्रातडनाको क्षतिपूर्ति कसले गर्छ ?

यी प्रश्नहरुको जवाफ हामीसँग छैन । किनभने हामी गैरजिम्मेवार छौं । हामीलाई अरुको जीवनको मूल्य थाहा छैन । त्यही कारण हामी अनावश्यक उक्साहटमा लागेर जे पनि गर्छौं, जे पनि भन्छौं । हामीमा किन यस्तो प्रवृत्ति मौलायो ? मानव हुनुको गुण किन हामीले गुमायौं ? किन हामीमा राक्षसी स्वभावले प्रवेश गर्‍यो ?

हाम्रो विवेक कता हरायो ?

कुनैपनि कुरा सही हो वा होइन ? गलत हो वा होइन ? छुट्याउनका लागि हामीले ल्याब टेस्ट गरिरहनु आवश्यक छैन । कुनै प्रयोगशालामा पुर्‍याउनु पनि आवश्यक छैन । किनभने प्रकृतिले हामीमा चेतना, विवेक दिएको छ । चेतना र विवेकले नै हामी के सही र के गलत भन्ने कुरा छुट्याउन समर्थ छौं ।

तर, आज हामी आफ्नो विवेक र चेतनाको बिर्को लगाएर हल्लाको पछाडि दौडिरहेका छौं । अरुले जे भन्छ, हामी पनि त्यही भनिरहेका छौं । अरुले जे गर्छ, हामी पनि त्यही गरिरहेका छौं ।

नेता गणेशमान सिंह उहिले यस्तै प्रवृत्तिलाई ‘भेडा’ भनेर सम्बोधन गरेका थिए । भेडाको लस्कर जब भिरमा पुग्छ, अनायसै लड्न थाल्छ । उक्त लस्करमा भएका सबै भेडा त्यसरी नै लड्छ, जसरी पहिलो भेडा लडेका थिए । अर्थात पहिलो भेडा लडेपछि दोस्रो, तेस्रो, चौथो भेडाले सोचेनन् कि यहाँ लडिन्छ भन्ने कुरा । उनीहरुको विवेक र चेतना हरायो ।

अहिले हामीले पनि आफ्नो विवेक र चेतना गुमाएका छौं । त्यसो नहुँदो हो त अरुको हल्लाको पछाडि दौडने थिएनौं । कसैले केही भन्छ, केही गर्छ भने सही के हो ? यर्थाथ के हो ? हामीले कम्तीमा विवेचना गर्नुपर्छ । मन्थन गर्नुपर्छ । भिडले गतल देखाएको कुरा गलत नै हो त ? हाम्रो विवेकले छुट्याउनुपर्छ ।

यदि हामीलाई विवेक नचाहिने भएको भए किन प्रकृतिले यसको रचना गर्ने थिए ?

सत्य के हो ? खोजौं

गौतम बुद्धको आदर्शलाई आज विश्वले अंगालेर हिँडेको छ । बुद्धिज्मलाई स्विकार्ने र अंगाल्नेको संख्या आज करोडौं छन् । यद्यपी गौतम बुद्धको भनाईको सार यस्तो थियो, ‘मैलें जे भने त्यसलाई तिमीले अकाट्य मान्नुपर्छ भन्ने छैन । आफैले पनि निरिक्षण गर्नु । जाँच गर्नु । तिमीलाई यो सही हो भने त्यसलाई अंगाल्दा हुन्छ ।’

यसको अर्थ के हो भने कसैले भनेको कुरा आँखा चिम्लेर पत्याउनुपर्छ, मान्नुपर्छ भन्ने छैन । तपाईंले आफ्नो विवेकको प्रयोग गरेर त्यसको सत्यता पहिल्याउन सक्नुहुन्छ । जब तपाईंको विवेकले सही ठहर्‍याउँछ, तबमात्र तपाईंले त्यसमाथि विश्वास गर्नुपर्छ ।

तर, आज हामी हल्लाको पछाडि दौडिरहेका छौं । त्यसको वास्तविकता के हो ? सत्यता के हो ? हामीले खुट्याउन सक्ने अवस्थामा छैनौं । अरुले जे भन्छ, त्यही कुरालाई स्विकारेर बसेका छौं ।

कवि भूपि शेरचनले त्यसैले लेखेका थिएनन्, ‘यो हल्लै हल्लाको देश हो ।’

अहिले सामाजिक सञ्जाल ‘बाँदरलाई भर्‍याङ’ भएको छ । हल्ला फैलाउने र त्यसलाई आँखा चिम्लेर अनुमोदन गर्नेहरु सामाजिक सञ्जालमा छ्यापछ्याप्ती छन् ।

हल्लाको पछाडि लागेर अन्धधुन्द गलत काम गर्नुअघि आफैलाई सोधौं, मेरो विवेक त हराएको छैन ?

Continue Reading…

के गर्दैछन् आलिया र रणबीर ?

रणबीर कपूर र आलिया भट्टको लभ-अफेयर उत्कर्षमा छ । दुबै डेडिङमा रमाइरहेका छन् । हालैमात्र उनीहरु न्यूर्योकमा थिए । न्यूर्योकमा रमाइला दिनहरु विताएपछि उनीहरु भारत फर्किएका छन् ।

मुम्बईमा पनि धेरै पटक संग-संगै देखिएका छन् । उनीहरु दुबैलाई कहिले साथीहरुसंग रेष्टुराँमा देखिएको छ भने कहिले कारमा यात्रा गरिरहेको अवस्थामा । केही दिनअघि मात्र उनीहरुलाई अर्जुन कपूरको घरमा देखिएको थियो ।

अहिले आएर यी दुबै कलाकारलाई निर्देशक लव रञ्जनको कार्यालयको बाहिर देखिएको छ । सोमबार राती उनीहरु निर्देशक रञ्जनको कार्यालयबाट बाहिरिएको देखिएको हो । उनीहरु त्यहाँ निर्देशक रञ्जनसँग नयाँ फल्मको लागि छलफल गर्न पुगेको बताइन्छ ।

रणबीरले निर्देश्ाक रञ्जनको आगामी फिल्ममा अभिनय गर्ने सम्भावना छ, जसमा अजय देवगण पनि प्रमुख भूमिकामा रहने छन् । उक्त फिल्म सन् २०२० को प्रारम्भदेखि फ्लोरमा जाने अनुमान गरिएको छ ।

उक्त फिल्ममा आलियाको भूमिका रहने अथवा नरहने बारेमा केही बताइएको छैन । यदि आलियाले पनि उक्त फिल्ममा अभिनय गरिन् भने रणबीर र आलियाका प्रशंसकहरुले रमाइलो मान्न सक्ने छन् ।
यद्यपि, समाचारहरुमा जनाइए अनुसार उक्त फिल्ममा रणबीर र अजयको अपोजिटमा दीपिका पादुकोण तथा तब्बूलाई लिइने सम्भावना अत्यधिक छ ।

त्यसो त यो फिल्मबाहेक रणबीर र आलिया निर्देशक अयान मुखर्जीको फिल्म ‘ब्रम्हास्त्र’ मा पहिलो पटक संगै देखिने निश्चित भैसकेको छ । आगामी वर्ष प्रदर्शन हुने उक्त फिल्ममा अमिताभ बच्चन पनि महत्वपूर्ण भूमिकाका प्रस्तुत हुनेछन् ।

Continue Reading…

जीवन जिउने कलाः पाँच हजार बर्ष पुरानो ग्रन्थमा यस्तो छ

काम कसरी गर्ने, भोजन कसरी गर्ने, निद्राबाट कसरी जाग्ने, कामवासनाबाट कसरी मुक्त रहने ? यही कुरा सिकाउन्छ विज्ञान भैरव तन्त्रले ।

विज्ञान भैरव तन्त्र पाँच हजार बर्ष पुरानो ग्रन्थ मानिन्छ । यस ग्रन्थमा भगवान शिवले माता पार्वतीको आत्म उपलब्धिको एक सय बाह्र सूत्र बताएका छन् । यो सूत्र वा विधी जीवन जिउने एक पद्धती हो, जीवन जिउने एक कला हो । एक तौर-तरिका हो । जीवन कसरी जिउने ?

यस सूत्रमा ‘कसरी’ एक महत्वपूर्ण शब्द हो, जुन कुरा हाम्रो जीवनबाट हराएको छ । हामीले भुल्यौं कि जीवन कसरी जिउने ? हामीले यस्तो कुरा भेटेका छैनौ कि जसले जीवन कसरी जिउने भन्ने सिकाउँछ । न हामीलाई शिक्षक-शिक्षिकाले बताए, न आमाबुवाले बताए, न जान्नेबुझ्ने अग्रजले बताए ।

तन्त्रमा भनिएको छ, हामी आफ्नो मूल स्वभावमा छैनौं । हामी आफ्नो मूल स्वभावबाट टाढा रह्यौं । हामीले आफ्नो ‘मन’लाई सुन्यौं, ‘शरीर’लाई सुनेनौं । मन त हाम्रो चौथो तला हो । शरीर नै हाम्रो पहिलो तला हो । पहिलो तला, जहाँ हामी उभिएका छौं, त्यसलाई सुनेनौं । तर, चौथो तलालाई सुनिरहेका छौं ।

हामीले आफ्नो शरीरको कुरा कहिल्यै ध्यान दिएनौं । उसले बारम्बार हामीलाई इशारा गरिरहेको छ, बारम्बार भित्रबाट भनिरहेको छ, ‘तिमीले जे खाइरहेका छौ, त्यो सही छैन । पछि दुःख पाउनेछौं ।’

हामी खानेकुरा सेवन गरिरहँदा मनमा भने अर्कै कुरामा मग्न भइरहेका हुन्छौं । अर्कै कुरा विचार गरिरहेका हुन्छौं । कसैसँग कुराकानी गरिरहेका हुन्छौं । खानेकुराको असली स्वाद कस्तो थियो ? हामी भुल्छौं । वा बेवास्ता गर्छौं । जब स्वाद थाहा पाउँछौं, त्यसबेलासम्म पेट भरिसकेको हुन्छ । तर, स्वादकै लागि हामी अरु भोजन ग्रहण गर्छौं, जुन शरीरलाई आवश्यक थिएन । शरीरले डकार्छ र संकेत गर्छ कि ‘खानेकुरा बढी भयो ।’ तर, हामी उक्त कुरामा ध्यान दिदैनौं । नतिजा के हुन्छ ? शरीरमा अनावश्यक तत्व जम्मा हुन्छ । यही कारण मोटोपन बढ्छ । मोटोपनले रोगलाई निमन्त्रणा गर्छ ।

तन्त्रले भन्छ, भोजन गर्ने हो भने कस्तो गर्ने ?

भोजन गर्दा पूर्ण स्वाद लिएर गरौं । कुनै विचार होइन, कुनै कुराकानी होइन, आफ्नो सम्पूर्ण ध्यान चपाउन र स्वाद लिनमा लगाउनुपर्छ ।

यदि ध्यान दिएर र पुरा चपाएर खानेकुरा खाने हो भने धेरै खाना खाइदैन । यसले गर्दा पाचन यन्त्रमा दबाव पर्दैन । पाचन यन्त्र चुस्त र बलियो भएपछि नै हामी धेरै किसिमका रोगबाट मुक्त हुने हो ।

तन्त्रले हाम्रो जीवन जसरी जिउनुपर्ने हो, त्यही किसिमले मार्गदर्शन गर्छ । तन्त्रले हामीलाई शरीरको भाषा सिकाउँछ । तन्त्रले भन्छ कि जो शरीरको अनुकुल हो, त्यो नैतिक हो । जो शरीरको प्रतिकुल हो, त्यो अनैतिक हो ।

तन्त्रले हामीलाई शरीरसँग जिउन सिकाउँछ । जब भोक लाग्छ, भोजन ग्रहण गरिन्छ । जब निद्रा आउँछ, सुतिन्छ, जब संगीत बज्छ नाचिन्छ । शरीरलाई यसरी स्वतन्त्रता दिनुपर्छ । स्वतन्त्रताको अर्थ उच्छृंखलता भने होइन ।

तन्त्रले हामीलाई सही ढंगले जिउन सकिन्छ । श्वास लिनुछ भने कसरी लिनुपर्छ, बस्ने हो भने कसरी बस्नुपर्छ, हिँड्ने हो भने कसरी हिँड्नुपर्छ । अर्थात दैनिक जीवनको कार्यलाई सुनियोजित गर्ने तरिका सिकाउँछ ।

जीवनको सबैभन्दा महत्वपूर्ण कार्य हो प्रजननका लागि वा आफ्नो आनन्दका लागि कामवासनाबाट मुक्त रहनु । तन्त्रले सिकाउँछ कि कसरी कामवासनाबाट मुक्त रहने ?

तन्त्र भन्छ कि कामवासनाबाट पूर्ण रुपमा मुक्त नपाउनुको कारण हाम्रो चित्त त्यसकै वरीपरी घुमेर हो । कामवासनालाई काम उर्जामा परिणत गर्न सकिन्छ । तन्त्रले कामवासनाबाट लामो समयसम्म मुक्त हुने सूत्र सिकाएको छ । तन्त्र भन्छ कि श्वास लिने हो भने कसरी लिने ? कामवासनमा श्वासको जुन लय थियो, यदि त्यो लयलाई समात्ने हो, श्वासलाई धीमा र गहिरो लिने हो भने कामवासनाबाट उत्रनै पर्दैन । अर्थात कामवासना कामउर्जामा र कामउर्जा केवल उर्जामा रुपान्तरण हुनेछ ।

Continue Reading…

पूर्वकर्मचारीको चाडपर्व खर्च कटौती नगर : कांग्रेस

२५ असार, काठमाडौं । प्रमुख सत्तारुढ दल नेपाली कांग्रेसले अवकाशप्राप्त कर्मचारीहरुलाई दिइँदै आएको चाडपर्व खर्च कटौती नगर्न माग गरेको छ ।

संघीय निजामती सेवाको प्रस्तावित विधेयकमाथि संसद्को राज्य व्यवस्था समितिमा गत आइतबार भएको छलफलमा अधिकांश सांसद्हरुले सेवा निवृत्त कर्मचारीहरुलाई चाडपर्व भत्ता दिनु उपयुक्त नभएकाले कटौती गर्न प्रस्ताव गरेका थिए ।

तर, कांग्रेस संसदीय दलको कार्यालयले सेवा निवृत्त कर्मचारीले पाउँदै आएको चाडपर्व खर्च कटौती नगर्न माग गरेको छ । पूर्व कर्मचारीहरुले लामो समयसम्म राष्ट्र सेवकका रुपमा योगदान पु¥याएकाले चाडपर्व खर्चमा मन खुम्च्याउन नहुने मत कांग्रेस संसदीय दलको छ ।

हाल सेवा निवृत्त कर्मचारीलाई चाडपर्व खर्चबापत दशैंमा १ महिना बराबरको तलब दिइँदै आएको छ ।

‘पेन्सन लिने राष्ट्रसेवक कर्मचारीलाई दिँदै आएको सुविधा कटौती गर्न नेपाली कांग्रेस सहमत छैन । तसर्थ उक्त खर्च कटौती नगर्न सरकार र सम्बन्धित निकायसँग नेपाली कांग्रेस संसदीय दल आग्रह गर्दछ’, कांग्रेस प्रमुख सचेतक बालकृष्ण खाणले मंगलबार एक विज्ञप्ति जारी गर्दै भनेका छन् ।

Continue Reading…

मनसुन सौन्दर्यः कपालको चायाँ हटाउने काइदा

मनसुनमा शरीरबाट तेल र पसिना निस्कने हुँदा कपालमा चाया पर्ने समस्या देखापर्छ । गर्मी मौसममा टाउकोको छाला तैलिय भए पनि कपाल चाहि सुख्खा र रुखो नै भैरहन्छ । टाउकोको छालामा रोमछिद्र बन्द भएका कारण यो समस्या पैदा हुन्छ । यसले टाउकोबाट निस्कने प्राकृतिक तेलको बाँडफाडमा नै समस्या पैदा गर्छ ।

आयल थेरापी

तपाईंको टाउकोको छालामै यदि चाया टाँसिएको भने त्यसका लागि हट आयल थेरापी उपयुक्त हुन्छ । यो थेरापीका लागि तिल अथवा जैतुनको तेललाई तताएर कपासले हल्का रगड्दै टाउकोको छालामा लगाउनुपर्छ । त्यसपछि तातोपानीमा तौलिया भिजाएर निचोरेपछि टाउकोमा बेर्नु पर्छ ।

करिव ५ मिनेटसम्म तौलियामा टाउकोमै राखेपछि पुनः तातोपानीमा तौलिया भिजाएर निचोरेपछि टाउकोमा बेर्नु पर्छ । यो प्रकृयालाई तीन-चार पटक सम्म जारी राख्नु पर्छ । यसबाट कपाल र टाउकोको छालाले राम्रोसँग तेल सोस्छ ।

तेल लगाइएको कपाल एक रातसम्म नपखाली त्यसै छोड्नुपर्छ । बिहान उठेर टाउकोको छालामा कागतीको रस लगाएर २० मिनेटपछि कपाल पखाल्नु पर्छ । यसो गर्नु भयो भने तपाईंले टाउकोको छालामा टाँसिएर बसेको चायाबाट छुटकारा पाउन सक्नु हुनेछ ।

कमालमा नियमित स्याम्पु

मनसुनको सिजनमा कपालमा केही समयको अन्तरालमा स्याम्पु गरिरहनु पर्छ । तपाईंको कपाल तैलिय छ भने त दिनका दिन स्याम्पु गर्दा पनि फरक पर्दैन । यसका लागि हामीले कपालमा माइल्ड हर्बल स्याम्पु प्रयोग गर्न सक्छौं । सम्झनु पर्ने कुरा के छ भने कपालमा स्याम्पो गरिसकेपछि राम्ररी धुनु पर्छ ।

मेहन्दीको प्रयोग

मनसुनमा हरेक साता आफ्नो कपालमा मेहन्दी लगाएर पनि कपाललाई स्वस्थ तथा आकर्षक बनाउन सकिन्छ भने चायाबाट छुटकारा पाउन सकिन्छ । मेहन्दीमा केही चम्चा कागतीको रस, त्यत्तिकै मात्रामा कफि पाउडर, दुई वटा अण्डा, एउटा सानो चम्चा मेथी पाउडरमा चियापत्ति मिसाएर गाढा पेस्ट बनाउनु पर्छ । त्यसपछि उक्त पेस्टलाई कपालमा लगाउनु पर्छ ।

करिव एक घण्टापछि कपाल धुनु पर्छ । यदि मेहन्दीमा अण्डा समेत प्रयोग गर्न चाहानु हुन्छ भने चियापत्तिको मात्रा बढाउन सक्नु हुनेछ । यसबाट कपाललाई चायामुक्त राख्न सहयोग मिल्छ ।

एसेन्सियल आयलको प्रयोग

बजारमा एसेन्सियल आयल पाइन्छ । यसको प्रयोगले पनि मनसुनमा टाउकोमा भएको चायाबाट मुक्त हुन सकिन्छ । त्यसका लागि ५० मिलिमिटर गुलावजलमा रोजमेरी एसेन्सियल ओयलको पाँच थोपा मिसाउनु पर्छ ।

त्यसरी मिसाएको मिश्रणलाई एउटा सानो बोतलमा बिर्को लगाएर राख्नु पर्छ । कपालमा स्याम्पु लगाएपछि यो तेललाई टाउकोको छालासम्म पुग्ने गरी दल्नु पर्छ । तेल लगाएको केही समयपछि राम्ररी पखाल्नु पर्छ ।

टाउकोको छालाको स्वास्थ

टाउकोको छालामै चाया पर्ने भएकाले यसलाई स्वस्थ राख्नु पर्छ । त्यसका लागि दुई मुठी नीमको पातलाई चार ग्लास तातोपानीमा भिजाएर रातभरी राख्नु पर्छ । बिहान त्यही पानीले कपाल धुन थालियो भने टाउकोको छाला चाया मुक्त हुन्छ भने टाउको चिलाउने समस्यामा पनि कमि आउँछ । यसले टाउकोको छालालाई पनि स्वस्थ र संक्रमणरहित बनाउँछ ।

यसका साथै नीमको पातलाई पिसेर टाउकोको छालामा लगाएर आधा घण्टापछि धुने गरियो भने पनि चायाबाट छुटकारा पाउन सकिन्छ ।

प्राकृतिक कन्डिसनर

बजारमा पाइने कन्डिसनरको साटो चियापत्ति र कागतीबाट बनाइएको झोलले कपालका लागि राम्रँे कन्डिसनरको काम गर्न सक्छन् । त्यसका लागि चियापत्तिलाई अलि धेरै बेरसम्म उमालेर चिसोभएपछि त्यसमा कागतीको रस मिसाउनु पर्छ । स्याम्पु लगाएपछि उक्त मिश्रणलाई कपालमा लगाएर पखाल्नु पर्छ । यसले गर्मी मौसममा कपालबाट पसिना आएर हुने चिपचिपाहतबाट मुक्ति दिलाउँछ ।

Continue Reading…

नवलपरासीको राष्ट्रपति रनिङ शिल्डमा जीवन ज्योति मावि पहिलो

२५ असार, नवलपरासी । पूर्वी नवलपरासीको यस वर्षको राष्ट्रपति रनिङ शिल्ड प्रतियोगितामा जीवन ज्योति मावि प्रथम भएको छ । सोमबार र मंगलबार गरी दुई दिनसम्म गैडाकोटको जनक माविमा चलेको प्रतियोगितामा जीवन ज्योति ८ स्वर्ण, एक रजत र दुई कास्य पदकसहित प्रथम भएको हो ।

त्यसैगरी मणिसंगम मावि डाँडाजोरले ३ स्वर्ण, ६ रजत र १ कास्य पदक सहित द्वितीय स्थान हासिल गरेको छ भने ३ स्वर्ण, २ रजत पदक सहित जनता मावि त्रिभुवनटार तृतीय भएको छ ।

प्रतियोगिताको समापन कार्यक्रममा जिल्ला समन्वय समिति नवलपुरका प्रमुख चेसराम आलेले विजयी खेलाडी तथा विद्यार्थीहरुलाई पुरस्कार, शिल्ड, प्रमाणपत्र वितरण गरेका थिए ।

 

Continue Reading…

हारले इंग्ल्यान्डलाई झनै बलियो बनायो- प्लुंकेट

२५ असार, काठमाडौं । विश्वकप क्रिकेटमा हारले इंग्ल्यान्डलाई झनै बलियो बनाएको टिमका महत्वपूर्ण सदस्य लियाम प्लुंकेटले बताएका छन् ।

लिग चरणको खेलमा इंग्ल्यान्डले पाकिस्तान, श्रीलंका र अष्ट्रेलियासँग हार ब्यहोरेको थियो । तर भारत, अफगानिस्तान, दक्षिण अफि्रका, वेष्ट इन्डिज, बंगलादेश र न्युजिल्यान्डलाई पराजित गर्दै आयोजक इंग्ल्यान्ड सेमिफाइनलमा प्रवेश गर्‍यो । अब सेमिफाइनलमा फाइनल प्रवेशका लागि अष्ट्रेलियासँग प्रतिस्पर्धा गर्दैछ ।

अष्ट्रेलियाविरुद्धको सेमिफाइनल अघि इंग्ल्यान्ड टिमका सदस्य प्लुंकेटले आफ्नो टिम हारले झनै बलियो बनेको प्रतिक्रिया दिएका हुन् । उनले भनेका छन्, ‘मलाई लाग्छ की हारले हामीलाई अझ बलियो बनाएको छ । हामीले केही खराब खेल खेल्यौं र हामीले जसरी खेल्थ्यौं यसरी खेल्न सकेनौं । तर मेरो विचारमा यो कमजोरीलाई हामीले सही समयमा पहिचान गर्‍यौं । अब हामी आफ्नो वास्तविक क्रिकेट खेल्नेछौं र अझै सुधार गर्नेछौं ।’

उनले आफ्नो टिमले विश्वकपको सुरुवातमा गरेको प्रदर्शन जसरी नै सेमिफाइनलमा खेल्ने बताएका छन् । इंग्ल्यान्डले पछिल्लो चार वर्षमा एकदिवसीय क्रिकेटमा एकदमै राम्रो खेलेको छ ।

Continue Reading…

बलिउडकर्मीले नै भिडियो बनाएपछि

पछिल्ला दिनहरुमा सामाजिक सञ्जालमा ब्याटल क्याप च्यालेञ्ज भाइरल भैरहेको छ । थुप्रै सेलिब्रिटी तथा सर्वसाधारणहरुले पनि यो च्यालेञ्जलाई स्विकार्दै आफ्ना भिडियोहरु बनाइसकेका छन् । अहिले आएर बलिउड अभिनेता सोनू सूदले यो च्यालेञ्जका लागि एउटा रमाइलो भिडियो तयार पारेका छन् ।

हालैमा एक्सन गुरु अक्षय कुमारले रिभर्स स्पिनि किक हान्दै बोतलको बिर्को खोलेको भिडियो पोस्ट गरेका थिए । उक्त भिडियोसंगै अक्षयले आफ्नो प्रसंशकहरुका साथे बलिउडका साथीहरुलाई पनि च्यालेञ्ज पनि दिएका थिए ।

उक्त भिडियोपछि अधिकांश बलिउड सेलिब्रेटीहरु (अभिनेता/अभिनेत्रीहरु) तथा अक्षयका प्रसंशकहरुले उक्त च्यालेञ्जलाई स्विकार्दै आफ्ना भिडियोहरु पोस्ट गर्न थाले । उक्त च्यालेञ्जलाई स्विकार गर्दै अभिनेता सोनू सूदले पनि आफ्नो भिडियो पोस्ट गरे, जुन अन्य भिडियोभन्दा बिल्कुलै पृथक तथा आकर्षक छ ।

सूदले उक्त भिडियो पोस्ट गर्दै क्याप्सनमा #bottlecapchallenge लेखेका छन् । उक्त भिडियोमा उनले ह्याङगिङ् एक्सरसाइज गर्दै आफ्नो खुट्टालाई माथितर्फ लगेको देखिएको छ, संगैका व्यक्तिको एउटा हातमा बोतल पनि देखिन्छ । भिडियोमा जसै सोनू आफ्नो खुट्टालाई माथिसम्म पुर्याउँछन्, बोतलको बिर्को झरेको देखिन्छ ।

सोनू सूदको उक्त भिडियो उनका प्रसंशकले निकै मन पराएका छन् । कसैले यसलाई सबै बोटल च्यालेञ्जको बुवा बताइरहेका छन् भने कसैले हालसम्म हेरेका च्यालेञ्जका भिडियोमध्ये यसैलाई सर्वोत्कृष्ट भनेका छन् ।

प्रशंसकहरुबाहेक बलिउडका अन्य सेलिब्रेटीहरुले पनि यो च्यालेञ्जलाई स्विकार गरेका छन्, जसमा सिद्धार्थ चतुर्वेदी, टाइगर श्राफ, अनिता हसनंदानी, अदा शर्मा आदि छन् ।

अक्षयले आफ्नो प्रशंसकहरुलाई यो च्यालेञ्ज प्रयास गर्न आग्रह गरेका छन् । उनले उक्त च्यालेञ्जलाई उत्कृष्ट शैलीबाट गर्ने व्यक्तिको भिडियोलाई री-पोष्ट तथा री-ट्वीट गर्ने घोषणा गरेका छन् ।

Continue Reading…

पिटरले इंग्ल्यान्डविरुद्ध सेमिफाइनलमा खेल्ने

२५ असार, काठमाडौं । पिटर हृयान्ड्सकोम्बले विश्वकप क्रिकेटको सेमिफाइनलमा इंग्ल्यान्डविरुद्ध खेल्ने भएका छन् ।

अष्ट्रेलियाका मुख्य प्रशिक्षक जस्टिन लेंगरले पिटरले सेमिफाइनलमा खेल्ने पक्का भएको बताएका छन् । उनी यसै साता साउन मार्सको स्थानमा टिममा परेका हुन् । मार्स अभ्यासको दौरानमा घाइते भएपछि विश्वकपका लागि अष्ट्रेलियाले टिममा उनलाई स्थान दिएको हो ।

आयोजक राष्ट्र इंग्ल्यान्डविरुद्ध अष्ट्रेलियाले बिहीबार सेमिफाइनलमा प्रतिस्पर्धा गर्दैछ । यो खेलमा पिटरले खेल्ने निश्चित भएको मुख्य प्रशिक्षक लेंगरले बताएका हुन् । उनले भनेका छन्, ‘म तपाईंहरुलाई साचो भन्छु । पिटरले निश्चित रुपमा खेल्ने छन् । उनले खेल्ने १०० प्रतिशत साचो हो ।’

प्रशिक्षक लेंगरले थपेका छन्, ‘उनी राम्रा खेलाडी हुन् । अष्ट्रेलियाका लागि उनले राम्रो खेलेका छन् । उनले मिडिल अर्डरमा राम्रो गर्नेछन् ।’

Continue Reading…

छापामा आज : भारतबाट धमाधम भित्रिन थाले विषादीयुक्त तरकारी र फलफूल

२५ असार, काठमाडौं । भारतबाट आयातीत तरकारी तथा फलफूलको विषादी परीक्षणबारे चासो राख्दै आइरहेका पत्रपत्रिकाहरु आज पनि यही विषयमा केन्द्रित छन् ।

अन्नपूर्णले विषादीयुक्त सागसब्जी र फलफूल भारतबाट धमाधम भित्रिन थालेको लेखेको छ । सरकार भारतीय तरकारी तथा फलफूलको विषादी परीक्षण गर्ने निर्णयबाट पछि हटेसँगै नाकाबाट धमाधम त्यस्ता तरकारी तथा फलफूल भित्रिन थालेका हुन् ।

प्रदेश १ का तीन नाका झापाको काँकडभिट्टा, मोरङको विराटनगर र सुनसरीको भन्टाबारीबाट सयौंको संख्यामा भारतीय तरकारी र फलफूल बोकेका दर्जंनौं ट्रक नेपाल प्रवेश गरेको समाचारमा उल्लेख छ ।

काँकडभिट्टा नाकाबाट मंगलबारसम्ममा ९० को संख्यामा यस्ता ट्रक भित्रिएका छन् भने विराटनगर र भन्टाबारी नाकाबाट पनि उत्तिकै संख्यामा तरकारी र फलफूल बोकेका ट्रक नेपाल भित्रिएको भन्सार कार्यालयले जनाएका छन् ।

अन्नपूर्णका अनुसार सरकारबाट विषादी मापन रोकेको पत्र भन्सारमा सोमबार बिहान आइपुगेकाले तरकारी र फलफूल बिना परीक्षण भित्रिन थालेको मेची भन्सार कार्यालय काँकडभिट्टाका प्रमुख टेकबहादुर अर्यालले बताएका छन् ।

कान्तिपुरले पनि विषादी परीक्षणले विकसित राजनीतिक घटनाक्रमकै वरिपरि रहेर मुख्य समाचार र सम्पादकीय लेखेको छ । कान्तिपुरले सरकारका प्रवक्तासँगै नेकपा नेता वामदेव गौतमको भनाइ छापेको छ ।

सरकारका प्रवक्ता एवं सञ्चार तथा सूचना प्रविधिमन्त्री गोकुल बास्कोटाले तरकारी तथा फलफूलको विषादी परीक्षण स्थगित गर्न भारतीय दूतावासबाट सरकारलाई पत्र आएको स्वीकारेका छन् । समाचार अनुसार सिंहदरबारमा मंगलबार बसेको मन्त्रिपरिषद् बैठकपछि बास्कोटाले दुई देशका सरकारबीच पत्र आउजाउ हुने कुरा स्वभाविक हुने भएकाले त्यसलाई अन्यथा लिन नहुने बताएका छन् ।

तर, प्रवक्ताले भारतीय पत्र स्वभाविक भएको बताए पनि नेकपाका सचिवालय सदस्य वामदेव गौतमले भने यसलाई गैरकूटनीतिक कदम भएको टिप्पणी गरेको छन् ।

कान्तिपुरमै ‘भूमाफिया’ लाई न्यायाधीशको लिफ्ट’ शीर्षकको अर्को समाचार पनि छ । तत्कालीन प्रधानन्यायाधीश दामोदर शर्मा, जिल्ला न्यायाधीश नगेन्द्रलाल कर्ण, उच्च अदालतका न्यायाधीशद्वय शिवनारायण यादव र नारायणप्रसाद श्रेष्ठलगायतले बालुवाटार जग्गा प्रकरणमा मुछिएका शोभाकान्त ढकालको पक्षमा फैसला गरेको समाचारको सार छ ।

नागरिकले विषादी परीक्षण प्रयोगशालाबारे सोधीखोजी गरेको छ भने गोरखापत्रले एमआरआई सेवाबारे एंकर बनाएको छ ।

Continue Reading…

भारत र न्युजिल्यान्डको बाँकी खेल आज

२४ असार, काठमाडौं । विश्वकप क्रिकेटको सेमिफाइनलमा न्युजिल्यान्ड र भारतबीच बाँकी खेल आज हुँदैछ । इंग्ल्यान्डको म्यान्चेस्टरमा भारत र न्युजिल्यान्डबीच मंगलबार खेल चलिरहँदा वर्षा भएपछि रोकिएको थियो । ‘डिजर्ब डे’ अनुसार आज बाँकी खेल हुन लागेको हो ।

न्युजिल्यान्डले टस जितेर ब्याटिङ गर्दै ४६.१ ओभरमा पाँच विकेटको क्षतिमा २११ रन बनाउँदा पानी परेको थियो । लगातार पानी परेपछि यो खेल ‘डिजर्ब डे’ को लागि सारिएको थियो ।

खराब सुरुवात गरेको न्युजिल्यान्डका लागि कप्तान केन विलियम्सनले ६७ रन बनाउँदै टिमलाई उकासेका थिए । उनले हेनरी निकोलससँग ६८ रनको साझेदारी गरे । निकोलस भने २८ रनमा आउट भए ।

न्युजिल्यान्डका लागि क्रिजमा रोस टायलर ६७ रन बनाएर अविजित छन् । न्युजिल्यान्डले आज ४६.१ ओभरमा पाँच विकेटको क्षतिमा २११ रनदेखि नै ब्याटिङ थाल्नेछ ।

दुवै टिम जित हात पार्दै फाइनलमा प्रवेश गर्ने लक्ष्यमा छन् । आजको विजेताले फाइनलमा उपाधिका लागि अर्को सेमिफाइनल विजेता अष्ट्रेलिया वा आयोजक इंग्ल्यान्डसँग खेल्नेछ ।

यो पनि पढ्नुहोस विश्वकप सेमिफाइनल : भारत कि न्युजिल्यान्ड ?
Continue Reading…

Monday, July 8, 2019

कलंकको असफलताबारे के भनिन् सोनाक्षीले ?

बलिउड अभिनेत्री सोनाक्षी सिन्हा यतिबेला आफ्नो नयाँ फिल्म ‘खानदानी शफारखाना’ को प्रचार-प्रसारमा व्यस्त छिन् ।

हालै आयोजित एउटा कार्यक्रममा सोनाक्षीले आफ्नो पछिल्लो मेगा बजेट भएको फिल्म ‘कलंक’ को असफलताका बारेमा खुलेर कुराकानी गरेकी छिन् ।

कलंकको असफलताको बारेमा सोनाक्षीको भनाइ थियो-‘कुनै पनि फिल्म यदि चलेन भने त्यसको प्रभाव सबैलाई पर्छ ।

कलाकार, निर्माता, निर्देश्ाक, लाइटम्यानदेखि स्पट ब्वाइसम्मलाई नरमाइलो लाग्छ । हामी सबैलाई के अपेक्षा हुन्छ भने हामीले गरेको फिल्म बक्स अफिसमा हिट हुनेछ । आफुले चिताएको परिणाम आएन भने हामी सबैलाई दुःख त लाग्छ, तर त्यो दुःखलाई बिर्सिएर अगाडि त बढ्नै पर्छ ।’

बुवा शत्रुघ्न सिन्हा तथा आमा पूनमको लोकसभा निर्वाचनमा भएको हारका बारेमा पनि सोनाक्षीले आफ्नो धारणा व्यक्त गरेक छिन् । उनको भनाइ छ-‘मलाई लाग्छ सबै जनालाई यसको कारण थाहा थियो र परिणामको अनुमान पनि थाहा थियो ।

तपाईं-हामी सबैजना सुखद तथा दुःखद दुबै परिणामका लागि तयार भएर बस्नु पर्छ । मेरा बुवा-आमा निकै स्ट्रङ हुनुहुन्छ । उहाँहरुलाई यो असफलताले खासै नकारँत्मक प्रभाव पारेको छ जस्तो लाग्दैन । केही दिन त दुःख लाग्यो होला, तर उहाँहरुलाई राम्ररी थाहा छ अब अगाडि कसरी बढ्नु पर्छ भन्ने कुरा ।’

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog