Showing posts with label nepalnews. Show all posts
Showing posts with label nepalnews. Show all posts

Thursday, April 18, 2019

कसैले ट्रेड युनियनलाई चुनावमा गाडी दिए विभागीय कारबाही हुन्छ: कुलमान घिसिङ

काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले आधिकारिक ट्रेड युनियको चुनावमा ट्रेड युनियनलाई कार्यालय र आयोजनाको गाडी प्रयोग गर्न दिए विभागीय कारवाही गर्ने चेतावनी दिएका छन् ।

कार्यकारी निर्देशक घिसिङले बिहीबार परिपत्र जारी गर्दै निर्वाचन प्रायोजनका लागि सामान्य सेवा विभागबाट उपलब्ध गराएको सवारी साधनबाहेक कुनै पनि ट्रेढ युनियनलाई गाडी उपलब्ध नगराउन निर्देशन दिएका हुन् ।

प्राधिकरणमा आधिकारिक ट्रेड युनियनको चुनाव १९ वैशाखमा हुँदैछ । चुनावमा नेकपा निकट राष्ट्रिय कर्मचारी युनियन र नेपाली काँग्रेस निकट कर्मचारी संघबिच मुख्य प्रतिश्पर्धा हुने छ ।

घिसिङले संस्थाको हित विपरित सार्वजनिकरुपमा अभिव्यक्ति दिएपछि कर्मचारी संघका अध्यक्ष जनार्दन भट्टराईलाई स्पष्टीकरण सोधेका छन् । स्पष्टीकरणको निर्णय फिर्ता नभएसम्म चुनावमा सहभागी नहुने अडान संघले राखेको थियो ।

तर, कार्यकारी निर्देशक घिसिङले निर्णयबाट कुनै पनि अवस्थामा पछि नहट्ने अडान राखेपछि संघ बाध्य भएर चुनावमा सहभागि भएको थियो । प्राधिकरणमा क्रियाशील ट्रेड युनियनहरुले विहीबार उमेदवारी दर्ता गराएका छन् ।

The post कसैले ट्रेड युनियनलाई चुनावमा गाडी दिए विभागीय कारबाही हुन्छ: कुलमान घिसिङ appeared first on YesKathmandu.com.

Continue Reading…

सचिनद्धारा प्रशिक्षत मुम्बई इंन्डियन र सन्दीपको दिल्लीबीच आज आइपीएलमा कडा मुकाविला

एजेन्सी । नेपाली स्पिनर सन्दीप लामिछाने रहेको दिल्ली क्यापिटलस र मुम्बई इंन्डियनबीच आज मुकाविला हुने भएको छ । मुम्बईबिरुद्धको खेलमा सन्दीपलाई दिल्लीले मैदानमा उतार्ने सम्भावना रहेको छ । दिल्लीको टीममा दुनियाकै चर्चित बलर कैगिसो रबाडासहित मैदानमा उत्रिने छ भने मुम्वई इन्डियन कप्तान रोहित शर्मासहित मैदानमा आउने भएको छ । लगातार तीन खेल जितेको दिल्ली उच्च मनोबलमा छ भने मुम्बई पनि शक्तिशाली टिम छ । यी दुई शक्तिशाली टिमबीच आज आइपीएल म्याच हुँदैन ।

दिल्लीको जितमा रबाना र सन्दीप मैदानमा उत्रिन सक्नेछन् भने ऋषभ पंतप्रति सवैको नजर टिकेको छ । भारतबाट विश्वकप क्रिकेटमा ठाउँ नपाएपछि उनले आजको खेल कस्तो खेल्छन्, सवैले चासोका साथ हेरिरहेका छन् । यी दुई टीमको अंकपनि सामान छ । ८/८ म्याच खेलेका दुवै टिमको सामान १०/१० अंक रहेको छ । आज जित हाँसिल गर्ने टिमले प्लेअफमा आफ्नो मजबुत स्थान बनाउने छ । रन रेटका आधारमा भने मुम्बईभन्दा दिल्ली अगाडी छ ।

पंतसँग यतिबेला आफुलाई सावित गर्ने मौका छ भने भारतीय क्रिकेट बोर्डलाई चुनौति दिने अबसर छ । भारतीय क्रिकेट बोर्डले उनलाई विश्वकपमा समावेश गरेको छैन । मुम्वईबिरुद्धको खेलमा यसअघि पन्तले २७ बलमा ७८ रनको तुफानी पारी खेलेका थिए । आजको खेल विशेष हुनेछ । विश्व चर्चित क्रिकेट खेलाडी सचिन तेन्दुरकरले प्रशिक्षण दिएको मुम्बई इंडियन र सन्दीप रहेको दिल्लीबीच कडा मुकाविला हुनेभएको छ ।

The post सचिनद्धारा प्रशिक्षत मुम्बई इंन्डियन र सन्दीपको दिल्लीबीच आज आइपीएलमा कडा मुकाविला appeared first on YesKathmandu.com.

Continue Reading…

समाचार लेखेकै आधारमा पक्राउ परेका पत्रकार गिरी साधारण तारेखमा रिहा

काठमाडौं । समाचार लेखेको आधारमा पक्राउ परेका पोखराका पत्रकार अर्जुन गिरी साधारण तारेखमा रिहा भएका छन् । गिरीलाई साधारण तारेखमा रिहा गर्न काठमाडौं जिल्ला अदालतले आदेश दिएको हाे।

समाचार लेखेको आधारमा पक्राउ परेका गिरीलाई विद्युतीय कारोबार ऐन अन्तर्गत दायर भएको मुद्दामा थुनछेक आदेश गर्दै अदालतले धरौटीबिना रिहा गर्न आदेश गरेको हो।

साइबर अपराध मुद्दामा अनुसन्धानका लागि पक्राउ परेका गिरीलाई जिल्ला न्यायाधीश अम्बरराज पौडेलको एकल इजालसले तारेखमा रिहा गर्ने आदेश गरेको हो।

उनीविरुद्ध पोखराका व्यवसायी विपेन्द्रराज बतासले उजुरी दिएका थिए। लगत्तै प्रहरीले अनुसन्धानका लागि भन्दै ताण्डव साप्ताहिक तथा अनलाइनका सम्पादक गिरीलाई बैसाख २ गते नियन्त्रणमा लिएको थियो।

The post समाचार लेखेकै आधारमा पक्राउ परेका पत्रकार गिरी साधारण तारेखमा रिहा appeared first on YesKathmandu.com.

Continue Reading…

बालुवाटार जग्गा प्रकरणमा एनआरएनमाथी शेष घलेद्धारा १४ करोडको घात

काठमाडौं । भूमाफियाबाट बालुवाटारको सरकारी जग्गा खरिद गरेर गैरआवासीय नेपाली संघ (एनआरएन) माथी पूर्वअध्यक्ष शेष घलेले घात गरेका छन् । प्रधानमन्त्री निवास छेउको सरकारी जमिन संघका नाममा खरिद गर्दा नै घलेलाई जानकारी थियो । तरपनि उनले भूमाफियाबाट ३ रोपनी १ आना अतिक्रममित सरकारी जग्गा खरिद गरेको एनआरएन अस्ट्रेलियाका एक सदस्यले बताए ।

घलेले २०७२ जेठ १४ मा ‘भूमाफिया’ शोभाकान्त ढकाल, अधिवक्ता रामकुमार सुवेदी र उनीहरूको परिवारबाट ३ रोपनी १ आना जग्गा खरिद गरेका थिए । भूमिसुधार कार्यालय डिल्लीबजारको तथ्यांक अनुसार कित्ता नम्बर ७४४ सन्दीप ढकाल, कित्ता नम्बर ७४६ र ७५० उमा ढकाल, कित्ता नम्बर ७५२ शोभाकान्त ढकाल र कित्ता नम्बर ७४८ विवेककुमार सुवेदीबाट एनआरएनका नाममा खरिद गरेका थिए । १३ करोड रुपैयाँमा तीन रोपनी १ आना जग्गा गरिद गरिएको थियो ।

अतिक्रमित जग्गा खरिद भएपछि त्यति बेला नै कुरा उठेको थियो । अतिक्रमति सरकारी जग्गा खरिदमा केही सदस्यले विरोध गरेपछि १३ लाख रुपैया आफ्नो खाताबाट एनआरएनका नाममा जग्गा गरिदिने र जग्गा आफैले राख्ने बताएका थिए । ‘१३ करोड एनआरएनका खातामा रकम जग्गा भएन र जग्गा पनि उनको नाममा गएन’ पूर्व एक सदस्यले भने ‘पछि गएर अतिक्रमति जमिनमा एनआरएनको घर कार्यालय नै बन्यो ।’

एनआरएनका तत्कालिन अध्यक्ष घलेलाई एक मिडिया मालिकले बालुवाटारको विवादित जग्गा खरिद गर्न लगाएका हुन । भूमाफियाले मिडिया मालिकलाई प्रयोग गरी घलेमार्फत एनआरएनलाई ३ रोपनी १ अना जग्गा खरिद गराएका थिए । जग्गा खरिद गर्दासम्म मिडिया मालिकलाई अतिक्रमति जग्गा भएको थाहा थिएन । तर जग्गा पास भएको केही समयमै उनले जानकारी पाएका थिए ।

बालुवाटारको सरकारी जमिन ब्यक्तिका नाममा ल्याएर खरिद बिक्रि गर्ने मुख्य माफियाहरु फरार भइसकेका छन् । तर विवादमा भने नेकपा महासचिव विष्णु पौडेल, निर्वाचन आयोगका आयुक्त सुधीरकुमार शाह, एनआरएनका पूर्वअध्यक्ष शेष घले परेका छन् ।

पूर्वसचिव शारदाप्रसाद त्रितालको संयोजकत्वमा गठित छानबिन समितिले अतिक्रमित ११३ रोपनी जग्गा सरकारको नाममा फिर्ता ल्याउन सरकारलाई सिफारिस गरेको छ भने मन्त्रिपरिषद्ले ११३ रोपनी जग्गा किनबेचमा रोक लगाएको छ । कारवाहीका लागि अख्तियार दुरुपयोग अनुसन्धान आयोगलाई जिम्मा दिएको छ । भूमाफिया र जग्गा किनबेच शृंखलामाथि छानबिन गरी दोषी पत्ता लगाएर मुद्दा चलाउन नेपाल प्रहरीको केन्द्रीय अनुसन्धान ब्युरोलाई जिम्मा दिएको छ ।

The post बालुवाटार जग्गा प्रकरणमा एनआरएनमाथी शेष घलेद्धारा १४ करोडको घात appeared first on YesKathmandu.com.

Continue Reading…

‘प्रकाण्ड’ भए विप्लव नेतृत्वको नेकपाका मध्यकमाण्ड इन्चार्ज

काठमाडौं । विप्लव नेतृत्वको नेकपाका मध्यकमाण्ड इन्चार्ज हेमन्त प्रकाश ओली ‘सुदर्शन’ पक्राउ परेसँगै पार्टीले खड्गबहादुर विश्वकर्मा ‘प्रकाण्ड’ लाई सो जिम्मेवारी दिएको छ ।

यसअघि प्रवक्ताको जिम्मेवारी रहेमा रहेका प्रकाण्डलाई प्रहरीबाट पक्राउ परेपछि पार्टीका केही गोप्य दस्तावेज बाहिरिएको भन्दै उनलाई जिम्मेवारविहीन बनाइएको हल्ला चलेपनि विप्लवले त्यसको विज्ञप्तिमार्फत खण्डन गरेका थिए ।

यता मध्य कमाण्ड इन्चार्जको भूमिकामा रहेका सुदर्शन चैत पहिलो साता काभ्रेबाट पक्राउ परेका थिए। सरकारले विप्लवको पार्टीलाई प्रतिबन्ध लगाएसँगै सुदर्शन पक्राउ पर्ने उच्चस्तरीय नेता हुन् ।

The post ‘प्रकाण्ड’ भए विप्लव नेतृत्वको नेकपाका मध्यकमाण्ड इन्चार्ज appeared first on YesKathmandu.com.

Continue Reading…

विप्लवकाे बन्द बहिस्कार गर्दै प्रचण्ड पुगे सुटुक्क सुकुटे

सिन्धुपाल्चोक । सत्तारुढ नेकपाका अभ्यक्ष पुष्पकमल दाहाल प्रचण्ड विप्लव नेकपाको बन्द छल्दै सिन्धुपाल्चोकको सुकुटे पुगेका छन् ।

नेकपा विप्लवको बन्दका कारण राजमार्गमा सवारी साधन कम चलेको अवस्थामा पनि नेकपा अध्यक्ष प्रचण्ड आरामका लागि भन्दै सुकुटे पुगेका हुन् ।

उनीसँगै पत्नी सीता दाहाल र नेकपा नेता तथा सिन्धुपाल्चोकबाट निर्वाचित सांसद अग्नि सापकोटा पनि उनको साथमा सुकुटे पुगेका छन् ।

The post विप्लवकाे बन्द बहिस्कार गर्दै प्रचण्ड पुगे सुटुक्क सुकुटे appeared first on YesKathmandu.com.

Continue Reading…

सांसद भन्छन्: अदालतमा बिचौलिया बढ्याे, प्रस्तावित न्यायाधीश ढुंगाना भन्छन्: त्यस्ताे छैन्

काठमाडौं । सर्वोच्च अदालतका प्रस्तावित न्यायाधीश प्रकाश ढुंगानाको सिंहदरबारस्थित संघीय संसदको सुनुवाई समितिमा आज भएको सुनुवाईमा सांसद भीमसेनदास प्रधान न्यायाधीश भएपछि अख्तियार नलाग्ने भएकाले अकुत सम्पत्ति कमाएका व्यक्ति न्यायिक क्षेत्रमा प्रवेश गर्न चाहने आरोप लगाएका छन्।

उनले यसलाई कसरी रोक्न सकिन्छ ? भनी प्रश्न गर्दै अदालतमा बिचौलिया भरिभराउ रहेको दावीसमेत गरे ।

जवाफमा प्रस्तावित न्यायाधीश ढुंगानाले सर्वोच्चमा विचौलियालाई प्रवेश नरहेको दाबी गरे।

सांसद सुमनराज प्याकुरेलले अदालतमा बेन्च फिक्सिङ र बेन्च सपिङ बढेको दाबी गर्दै यसलाई निराकरण गर्ने उपाय मागेका थिए।

जवाफमा ढुंगानाले यस्तो समस्या बढ्दै गएको स्वीकार गर्दै यसका लागि न्यायलयसहित कार्यपालिका र सांसदलेसमेत ध्यान दिनुपर्ने बताए।

सांसद योगेश भट्टराईले कोटको कपडाभन्दा कोट सिलाउन महँगो भएको उदाहरण पेश गर्दै अदालतको न्याय महँगो हुन थालेकोबारे प्रश्न गरेका थिए।

यसबारे ढुंगानाले सेवाग्राही नै सरकारले निशुल्क सेवा दिने वकिल राख्दाराख्दै महँगा वकिल खोज्न गएकाले न्याय महँगो पर्न गएको दाबी गरे। यसका लागि सरकारी वकिलबाट सेवा लिन सकिने उनको तर्क थियो।

The post सांसद भन्छन्: अदालतमा बिचौलिया बढ्याे, प्रस्तावित न्यायाधीश ढुंगाना भन्छन्: त्यस्ताे छैन् appeared first on YesKathmandu.com.

Continue Reading…

हनुमानढोकादेखि स्वयम्भूसम्मको पदमार्ग जोडने गुरुयोजना सार्वजनिक

काठमाडौं । विश्व सम्पदा सूचीमा रहेको हनुमानढोकादेखि स्वयम्भूसम्मको पदमार्ग जोडने गुरुयोजना सार्वजनिक गरिएको छ। बिहीबार विश्व सम्पदा दिवसको अवसर पारेर काठमाडौं महानगरपालिकाका मेयर विद्यासुन्दर शाक्यले हनुमानढोकामा एक कार्यक्रमकाबीच सो गुरु योजना सार्वजनिक गरेका हुन्।

कारिब दुई किलोमिटर दुरीमा रहेका दुई विश्व सम्पदा क्षेत्र स्वयम्भू र हनुमानढोका दरबार क्षेत्रको सम्पदा जोड्ने मार्ग उद्घाटन गरिएको हो।

काठमाडौं महानगरपालिकाको लगानीमा दुई विश्व सम्पदाहरुको बीचमा २ दशमलव २ किलो मिटर पैदल यात्रा निर्माण गर्ने योजना तय गरिएको छ। कार्यक्रममा बोल्दै महानगरका मेयर शाक्यले स्थानीय सम्पदाहरुको संरक्षण गर्ने र त्यसलाई पर्यटनसँग जोडेर समृद्धिको अभियानलाई तीव्रता दिन सो गुरुयोजना तय गरिएको बताए।

उनले काठमाडौं महानगरपालिकाको सम्पदाहरुको पुनर्निर्माणमा सहयोग गर्न पनि सबैलाई आह्वान समेत गरेका छन्। मेयर शाक्यले काठमाडौंका सम्पदाहरुको संरक्षणमा स्थानीय संघ, संस्थाहरु जुटे त्यसमा ८५ प्रतिशत लगानी गर्न काठमाडौं महानगरपालिका तयार रहेको समेत जानाकारी दिए।

The post हनुमानढोकादेखि स्वयम्भूसम्मको पदमार्ग जोडने गुरुयोजना सार्वजनिक appeared first on YesKathmandu.com.

Continue Reading…

Nepali Army corporal injured in Pokhara blast

Pokhara, April 18

A Nepali Army corporal attempting to defuse an improvised explosive device in Pokhara has been injured, officials said.

The army was called in after a suspicious object was reported near the Provincial Assembly building in Pokhara-3. Corporal Dharma Thapa and his team discovered a denotator and they trying to defuse the bomb when it exploded.

Kaski Police spokesperson DSP Rabindra Man Gurung said that the injured personnel has been rushed to Fishtail Hospital for treatment. Authorities said that they have received several calls reporting sucpicious objects around the city on Thursday.

This comes as the banned communist outfit Netra Bikram Chand enforces a nationwide shutdown on Thursday protesting a government crackdown against the group. While private vehicles can be seen on the road, public vehicles remain off the road. Schools and colleges are also shut.

Continue Reading…

भ्रष्टाचार आरोपी पेरुका पूर्वराष्ट्रपति एलेनले गरे गाेली हानी आत्महत्या

काठमाडौं । भ्रष्टाचार आरोप लागेका पेरुका पूर्वराष्ट्रपति एलेन गार्सियाले आत्महत्या गरेका छन् । उनलाई पक्राउ गर्न प्रहरी निवासमा पुगेपछि आफैंले गोली हानेर आत्महत्या गरेको बीबीसीले जनाएको छ ।

प्रहरी घरमा आएपछि उनी फोन गर्न भन्दै अर्को कोठामा गएर ढोका बन्द गरी गोली गानी आत्महत्या गरेको समाचार छ । उनी रहेको कोठाभित्र गोली चलेको आवाज सुनेपछि प्रहरीले ढोका खोलेर हेर्दा कुर्सीमा बसिरहेका एलेनको टाउकोमा गोली लागेको घाउ भएको बिबिसीमा समाचार छ।

त्यसलगत्तै प्रहरीहरुले राजधानी लिमास्थित अस्पतालमा उपचार गर्न लगे पनि चिकित्सकहरुले बचाउन असफल भएका थिए ।

वर्तमान राष्ट्रपति भिस्काराले ट्वीट गर्दै पूर्वराष्ट्रपति गार्सियाको निधनको पुष्टि गर्दै यो घटनाले आफू ‘स्तब्ध’ बताएका छन् ।

गार्सिया सन् १९८५ देखि १९९० र सन् २००६ देखि २०११ सम्म गरी दुई पटक राष्ट्रपति बनेका थिए । राजधानीमा मेट्रोलाइन परियोजनासँग सम्बन्धित निर्माण कम्पनी ओडुब्रेस्टसँग ३ करोड डलर घुस लिएको आरोप उनीमाथि लागेको थियो ।

The post भ्रष्टाचार आरोपी पेरुका पूर्वराष्ट्रपति एलेनले गरे गाेली हानी आत्महत्या appeared first on YesKathmandu.com.

Continue Reading…

यूएईसँग व्यहोरेको एक रनको हारका कारण नेपालले यू-१९ विश्वकप गुमायाे

काठमाडौं । नेपालले २०२० को यू-१९ विश्वकप गुमाएको छ । मलेसियामा सम्पन्न छनोट प्रतियोगितामा वर्षाले प्रभावित खेलमा यूएईसँग व्यहोरेको एक रनको हारका कारण यू-१९ विश्वकप गुमाएको  हाे ।

नेपाललाई एक रनकाे हार निकै मह‌ंगाे र घातक बन्यो । याे हारसँगै २०२० को यू-१९ विश्वकप क्रिकेट खेल्ने नेपालकाे सपना अधुरै बनेकाे छ ।

नेपाललाई एक रनले जितलेको यूएईले भने ओमानमाथि १० विकेटको शानदार जित हात पारेसँगै ५ खेलबाट १० अंक जोडेको यूएई विश्वकपमा छनोटमा पर्न सफल भएको छ ।

प्रतियोगिताको अन्तिम खेलमा नेपालले कुवेतले दिएको १५८ रनको लक्ष्य पछ्याइरहेको छ ।

The post यूएईसँग व्यहोरेको एक रनको हारका कारण नेपालले यू-१९ विश्वकप गुमायाे appeared first on YesKathmandu.com.

Continue Reading…

युद्धकै शैलीमा रोल्पामा प्रहरीको खानतसासी, उर्जामन्त्री पुन हेलिकप्टर चढेर थवाङबाट लिवाङ

रोल्पा । उर्जामन्त्री वर्षमान पुन गृहजिल्ला पुगेपछि प्रहरीले रोल्पाका गाउँमा खानतसाली गरेको छ । प्रतिबन्धित नेत्रविक्रम चन्द विप्लव समुहले विरोधस्वरुप गाउँ आसपास क्षेत्रमा मसाल जुलुस निकालेपछि प्रहरीले थवाङ गाउँमा खानतलासी गरेको स्थानीयले बताएका छन् ।

घर खानतलासी गर्न पुगेको प्रहरीले स्थानीय चन्द समूहका नेता जयप्रकाश रोका प्रताप र अर्का नेता अमित घर्तीमगरको घरमा जबर्जस्ती छिरेको र धम्क्याएको परिवारले बताएका छन् । ‘माथिको आदेश छ, तिमीहरुलाई ठिक पार्छौं भनेर धम्क्याए’ स्थानीय एक महिलाले भनिन् ‘ मेरो घरमा प्रहरीले ढोका फुटाली दिएका छन् ।

घरमा खानतलासी गर्न पुगेको प्रहरीले महिला र बालबालिका युद्धकै शैलीमा थम्क्यिाएको पीडितहरुले बताए । मन्त्री पुन थबाङ पुगेको साँझ गाउँ आसपासका डाँडाहरुमा चन्द समूहले राँके जुलुस र नाराबाजी गरेका थिए ।

जलजला क्षेत्रलाई पर्यटकीय स्थल घोषणा गर्न उर्जामन्त्री पुन त्यस क्षेत्रमा पुगेका थिए । उनीसँग प्रमुख जिल्ला अधिकारी र रोल्पाका प्रहरी प्रमुख पनि थिए । सडक बाटोबाट मन्त्री पुन विप्लवको बन्दमा परेका थिए । त्यसपछि उनी हेलिकप्टर मगाएर थवाङबा लिवाङ पुगेका छन् ।
पार्टीमाथी लागेको प्रतिबन्ध हटाउन र पक्राउ परेका नेता कार्यकर्तालाई रिहाईको माग गरी विप्लव समुहले बुधवार रोल्पा बन्द गरेको थियो भने विहीवार नेपाल बन्द गरेको छ ।

The post युद्धकै शैलीमा रोल्पामा प्रहरीको खानतसासी, उर्जामन्त्री पुन हेलिकप्टर चढेर थवाङबाट लिवाङ appeared first on YesKathmandu.com.

Continue Reading…

शक्तिशाली आणविक अस्त्र ‘युद्धशीर्ष’ परिक्षण गरेकाे उत्तर काेरियाकाे दावी

पोङयाङ । उत्तर कोरियाले नयाँ किसिमको आणविक अस्त्रको परीक्षण गरेको छ। ट्याक्टिकल गाइडिङ वेपनु नाम दिइएको उक्त अस्त्रमा शक्तिशाली ‘युद्धशीर्ष’ जडान गरिएको बताइएको छ।

उत्तर कोरियाली सरकारी समाचार संस्था केसीएनएले अस्त्रबारे थप केही नखुलाएको बीबीसीले उल्लेख गरेको छ। केसीएनएका अनुसार उत्तर कोरियाली नेता किम जोङ उनले अस्त्र परिक्षणको निरीक्षण आफै गरेका थिए।

फेब्रुअरीमा भियतनामको हनोईमा अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच भएको दोस्रो शिखरवार्ता असफल भएपछि उत्तरले पहिलोपटक आणविक अस्त्र परिक्षण गरेको हो। सो वार्तामा किमले उत्तर कोरियामाथि लागेका प्रतिबन्धहरु फुकुवा गर्न राखेको प्रस्तावलाई ट्रम्पले अस्वीकार गरेका थिए। प्रतिबन्ध हटाउने विषयमा सहमति नभएपछि वार्ता बिना कुनै सहमति टुंगिएको थियो।

उत्तरको यसप्रयासलाई अमेरिकामाथि दबाब सिर्जना गर्ने प्रयासका रुपमा हेरिएको छ। गत हप्ता मात्रै किमले सही नियत लिएर अमेरिकी राष्ट्रपति आए आफू पुन वार्तामा बस्न तयार भएको बताएका थिए।

भियतनाममा अमेरिकी राष्ट्रपति डोनाल्ड ट्रम्पसँग भएको वार्ताको दुईदिन पछि उत्तर कोरियाले भत्काउन सुरु गरेको रकेट प्रक्षेपण हुने स्थल तोङचाङरी साइटु मा पुन निर्माण गरिरहेको अमेरिकी एजेन्सीहरुले दाबी गरेको थियो।

गत वर्षको जुन महिनामा सिंगापुरमा भएको पहिलो शिखर वार्ताका क्रममा दुई नेताबीच कोरियाली प्रायद्वीपलाई पूर्ण रुपमा आणविक निशस्त्रीकरण गर्ने सहमति भएको थियो। यस्तै उत्तर कोरियामाथि लगाइएको प्रतिबन्धहरु फुकुवा गर्ने समेत सहमति भएको थियो। तर पछि, दुवै राष्ट्रले एकअर्कासँग गरेको सहमति पालना नगरेको आरोप लगाउँदै आएका थिए।

The post शक्तिशाली आणविक अस्त्र ‘युद्धशीर्ष’ परिक्षण गरेकाे उत्तर काेरियाकाे दावी appeared first on YesKathmandu.com.

Continue Reading…

सूर्यविनायकमा गएराति बस र टिपर ठक्कर खाँदा एकजनाको मृत्यु

काठमाडौं । भक्तपुरको सूर्यविनायक नगरपालिका–१० भातेढिकुरमा गएराति बस र टिपर ठक्कर खाँदा एकजनाको मृत्यु भएको छ भने दुई घाइते भएका छन्।

गएराति १२ः४५ बजे भक्तपुरबाट बनेपा जाँदै गरेको बा ३ ख १७८४ नं को बस र बनेपाबाट भक्तपुरतर्फ आउँदै गरको बा ४ ख ४८१५ नं. को टिपर एकापसमा ठक्कर खाँदा सिन्धुपाल्चोक चौतारा साँगाचोक नपा–३ बतासे बस्ने ३४ वर्षीय बस मालिक रमेश भण्डारीको मृत्यु भएको हो।

मध्यपुर अस्पतालमा उपचारको क्रममा बिहीबार बिहान उनको मृत्यु भएको महानगरीय प्रहरी परिसर भक्तपुरले जानकारी दिएको छ। दुर्घटनामा बस चालक सिन्धुपाल्चोक चौतारा साँगाचोक–३ बतासेका २४ वर्षीय सन्तोष थापा र टिपर चालक सिन्धुपाल्चोक चौताराका २८ वर्षीय देवकुमार श्रेष्ठ घाइते भई मध्यपुर अस्पतालमा उपचार भइरहेको प्रहरीले जानकारी दिएको छ।

The post सूर्यविनायकमा गएराति बस र टिपर ठक्कर खाँदा एकजनाको मृत्यु appeared first on YesKathmandu.com.

Continue Reading…

आठौँ राष्ट्रिय खेलकुद: बास्केटबल प्रतियोगितामा महिलातर्फ नेपाल पुलिस क्लबलाई उपाधि

काठमाडौं । दाङको घोराहीमा भएको आठौँ राष्ट्रिय खेलकुद प्रतियोगिताअन्तर्गत बास्केटबल प्रतियोगितामा महिलातर्फ नेपाल पुलिस क्लबले उपाधि जितेको छ।

घोराही–१८ सालघारीमा गत चैत २८ देखि सुरु भएको प्रतियोगितामा पुलिसले प्रदेश ३ लाई २९ र ५४ स्कोरले पछि पार्दै उपाधि हात पारेको हो।

त्यसैगरी, प्रदेश ३ दोस्रो र आर्मी क्लब तेस्रो स्थान प्राप्त गरेको छ। यस्तै, प्रदेश ३ लाई ५८ र ७६ स्कोरले हराउँदै आर्मी क्लब प्रथम भएको हो। प्रतियोगितामा प्रदेश ३ दोस्रो भयो। त्यसैगरी गण्डकी प्रदेशलाई ५४ र ७४ स्कोरले पछि पार्दै नेपाल पुलिस क्लब तेस्रो भएको छ। पुरुषतर्फ त्रिभुवन आर्मी क्लब र महिलातर्फ नेपाल पुलिस क्लव प्रथम भएका छन्। प्रतियोगितामा सात प्रदेशका टिम र तीन विभागीय टिम गरी १० समूह सहभागी थिए।

The post आठौँ राष्ट्रिय खेलकुद: बास्केटबल प्रतियोगितामा महिलातर्फ नेपाल पुलिस क्लबलाई उपाधि appeared first on YesKathmandu.com.

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog