Showing posts with label nepali news. Show all posts
Showing posts with label nepali news. Show all posts

Saturday, April 20, 2019

गाजलु आँखा, लाली ओठ र कालो पहिरनमा बोल्ड बर्षा सिवाकोटी (तस्वीरहरु)

काठमाडौं । गाजलु आँखा, लाली ओठ र सुन्दर मुहारले चम्किएकी बर्षा शिवाकोटी यतिबेला आफ्नो फिल्म ‘वीर विक्रम–२’ को प्रचारमा जोडतोडले लागेकी छिन् ।
नेपाली चलचित्र क्षेत्रमा सुन्दर अभिनेत्रीको छवि बनाएकी बर्षा आफ्नो फिल्मकै लागि पनि बोल्ड देखिन थालेकी छिन् । उनको बोल्ड रुपले फिल्म प्रमोशनको कार्यक्रममा मात्र रौनक छाएको छैन । सामाजिक सञ्जालमा पनि उनका तस्विर भाइरल बन्न थालेका छन् ।
बर्षाले सवैभन्दा बढि मेहेनत ‘वीर बिक्रम–२’ मा गरेकी छिन् । आफुले पसिना बगाएको फिल्म हलमा चले उनको क्यारिएर चल्नेछ । हलमा फिल्म चलाउन र आफ्नो क्यारिएर बनाउन उनी बोल्डरुपमा देखा पर्न थालेकी छिन् । ‘वीर विक्रम–२’ पछि उनले अर्काे फिल्ममा हस्ताक्षर गरिसकेकी छैनन् । यो फिल्मको ब्यवसायले उनको भाग्य निर्धारण गर्नेछ ।

The post गाजलु आँखा, लाली ओठ र कालो पहिरनमा बोल्ड बर्षा सिवाकोटी (तस्वीरहरु) appeared first on YesKathmandu.com.

Continue Reading…

चीनले अगाडि सारेको बीआरआई परियोजना मानव जातिको सुन्दर बगैंचा जस्तै हो- राष्ट्रपति भण्डारी

काठमाडौं । केही दिनपछि चीनको पहिलो राजकीय भ्रमणमा निस्कने तयारी गरिरहेकी राष्ट्रपति विद्यादेवी भण्डारीले बेइजिङमा हुने बीआरआई फोरमले ‘नेपाली नागरिकका विकासका आकांक्षा पूरा गर्ने’ बताएकी छिन्।

चिनियाँ राष्ट्रपति सी चिनफिङको निमन्त्रणामा भण्डारी वैशाख ११ गते चीनको राजकीय भ्रमणमा निस्कँदैछिन्। बेइजिङमा भण्डारी अन्य ३६ देशका उच्च नेताहरूसँग बेल्ट एण्ड रोड इनिसियटिभ (बीआरआई) दोस्रो अन्तर्राष्ट्रिय शीखर सम्मेलनमा सहभागी हुनेछिन्।

बीआरआई फोरममा सहभागी हुन बेइजिङ उड्नुअघि राष्ट्रपति भण्डारीले काठमाडौंमा भनिन्, ‘चीनले अगाडि सारेको यो परियोजना मानव जातिको सुन्दर बगैंचा जस्तै हो।’

आफ्नो चीन भ्रमण निश्चित भएपछि काठमाडौंस्थित राष्ट्रपति भवनमा सिन्ह्वाका प्रतिनिधिसहित केही चिनियाँ सञ्चारकर्मीसँग भण्डारीले बीआरआई परियोजनामा संलग्न हुँदा नेपालले फाइदा उठाउन सक्ने तर्क गरेकी हुन्।

चीनका राष्ट्रपति सीले छ वर्षअघि अगाडि सारेको बीआरआई परियोजनामा अहिलेसम्म नेपालसहित १२५ देश र २९ अन्तर्राष्ट्रिय संस्थाहरूले हस्ताक्षर गरेका छन्।

The post चीनले अगाडि सारेको बीआरआई परियोजना मानव जातिको सुन्दर बगैंचा जस्तै हो- राष्ट्रपति भण्डारी appeared first on YesKathmandu.com.

Continue Reading…

मह जोडीलाई वसुन्धरा-मान प्रज्ञाप्रतिष्ठान पुरस्कार दिइने घोषणा

काठमाडौं । वरिष्ठ कलाकारद्वय मह जोडी मदनकृष्ण श्रेष्ठ र हरिवंश आचार्यलाई वि.स. २०७६ सालको वसुन्धराश्री तथा मानश्री पुरस्कार दिने वसुन्धरा—मान प्रज्ञाप्रतिष्ठानले निर्णय गरेको छ ।

वसुन्धरा—मान प्रज्ञाप्रतिष्ठानका कुलपति डा. दुबसु क्षेत्रीको अध्यक्षतामा गत शुक्रबार बसेको बैठकले उक्त निर्णय गरेको हो । पुरस्कार साथै जनही ५० हजार रुपैयाँसमेत दिइने घोषणा गरेको छ ।

विशेष बैंठकले नेपाली हास्यव्यङ्ग्य, नाटक, चलचित्र र टेलिचलचित्रहरुको सिर्जना तथा अभिनयद्वारा नेपाली कला, रङ्गमञ्च र हास्यव्यङ्ग्य क्षेत्रलाई सार्थक, समृद्ध र समुन्नत बनाई नेपाली वाङ्मयलाई वैभवशाली र गरिमामय बनाउन विशिष्ट योगदान गरे वापत प्रसिद्ध कलाकार तथा हास्यव्यङ्ग्यकार श्रेष्ठलाई वसुन्धराश्री पुरस्कार प्रदान गर्ने निर्णय गरेको हो ।

यसैगरी नेपाली कला र रङ्गमञ्चका क्षेत्रमा आफ्नो अलग्ग र विशिष्ट स्थान, पहिचान बनाएका कलाकार तथा हास्यव्यङ्ग्यकार हरिवंश आचार्यलाई मानश्री पुरस्कार प्रदान गर्ने निर्णय गरेको विज्ञप्तिमा जनाएको छ ।

The post मह जोडीलाई वसुन्धरा-मान प्रज्ञाप्रतिष्ठान पुरस्कार दिइने घोषणा appeared first on YesKathmandu.com.

Continue Reading…

संसारकै चर्चित गायिका एडेलको छोरा जन्मेको चार बर्षपछि विवाह, तीन बर्षमा सम्बन्ध बिच्छेद

एजेन्सी । संसारकै चर्चित बेलायती गायिका एडेलले पारिवारिक सम्बन्ध बिच्छेद गरेकी छिन् । सन् २०१६ मा एडेल र साइमन कोनेक्कीबीच विवाह भएको थियो । विवाह हुनुभन्दा अगाडी उनले साइमनबाटै बच्चा जन्माएकी थिइन ।

बच्चा जन्मिएको ४ बर्षपछि उनले साइमनसँग विवाह गरेकी थिइन । विवाह गरेको तीन बर्षपछि सम्बन्ध बिच्छेद भएको छ । पाँच बर्षदेखि साइमनको प्रेममा रहेकी एडेलले २०१२ मा रोरा एन्जेलोलाई जन्म दिएकी थिइन । छोरा चार बर्षको भएको बेला उनले विवाह गरेकी थिइन ।

गोप्य र निजी समारोहका बीच विवाह गरेका एडेल र साइमनले गोप्यरुपमै सम्बन्ध बिच्छेद गरेका छन् । दुवैले सम्बन्ध विच्छेदको कारण भने खुलाएका छैनन् । वैयक्तिक गोपनियताको सम्मान गरिदिन उनीहरुले आग्रह पनि गरेका छन् ।

एडेलले आफ्नो पहिलो एल्बम सन् २००८ मा सार्वजनिक गरेकी थिइन । एल्बम चेसिङ्ग पेभमेन्ट र होमटाउन ग्लोरी बेलायतको टार्चमा पहिलो नम्बरमा पुगेका थिए ।त्यसपछिको दोस्रो एल्बम अमेरिका र बेलायतसहित विश्वका ३० देशको चार्टमा पहिलो नम्बरमा पुगेको थियो । उनको तेस्रो एल्बम, २५, पहिलो हप्तामै कीर्तिमानी ८ लाख प्रति बिक्री भएको थियो । उक्त एल्बम सन् २०१५ को सबैभन्दा बढि बिक्री हुने एल्बम बनेको थियो ।

The post संसारकै चर्चित गायिका एडेलको छोरा जन्मेको चार बर्षपछि विवाह, तीन बर्षमा सम्बन्ध बिच्छेद appeared first on YesKathmandu.com.

Continue Reading…

मनिषा कोइरालाजी एक सय आठ थुम्कीको ‘शैलुङ’ अर्काे स्वर्ग हो (तस्वीरहरु)

काठमाडौं । बलिउडकी चर्चित अभिनेत्री तथा नेपाली चेली मनिषा कोइरालाले सगरमाथा आधार क्षेत्रबाट फर्केपछि भनिन् ‘यही जुनीमा स्वर्ग देखेँ, जहाँ पुगेर फेरी बाँचेर फर्केकी छु ।’

बलिउडको फिल्मी पर्दाबाट संसारको मन जित्न सकेकी मनिषाको मन सगरमाथा आधार क्षेत्रले जित्यो । सगरमाथा आधार क्षेत्रको सौन्दर्यता बेग्लै छ तर एकसय आठ थुम्की मिलेर बनेको ‘शैलुङ’ पनि अर्काे स्वर्ग हो । पर्यटन क्षेत्र जहाँ पनि हुन सक्छ तर जस्ले मानवीय मन जित्छ त्यही स्वर्ग हो । ‘जुन ठाउँले तनामुक्त र मनमा आनन्द दिलाउँछ, त्यही बास्तविक पर्यटकीय क्षेत्र हो’ शैलुङ रहेको दोरम्वा गाउँपालिकाका अध्यक्ष कमानसिं मोक्तानले भने ।

शैलुङलाई धार्मिकरुपमा पनि स्वर्ग मानिदै आएको छ । बुद्ध गुरु रेम्बोचोले एउटा खुट्टा टेकेर तपस्या गरेको ठाउँ हो । संसारभरीका बुद्धिष्टहरुले यसलाई स्वर्गका रुपमा मान्दै आएका छन् । शैलुङमा एउटा पाइला छ । गुरु रेम्वोचोको पाइलाका रुपमा मानिदै आएको छ । ६० देखि ७० वर्षको उम्मेरमा त्यहाँ पुग्यो भने आयु बढ्छ भन्ने जनश्रृति छ । मानिसको मृत्युपछि यहाँ अस्तु पनि जलाउने गरिएको छ । स्वर्गभूमि मानेरै यहाँ अस्तु जलाउने गरिएको हो । पौरानिक डाँफे र बाघको ढुंगा छ ।

मन शान्ति र तनावमुक्त गराउने आठ थुम्की मिलेर बनेको छ ‘शैलुङ’ । शैलुङको सुन्दर पर्यटनलाई चिनाउने मुल उदेश्य यतिबेला स्थानीय सरकारले लिएको छ । रामेछाप र दोलखाको सीमा क्षेत्र ‘शैलुङ’ मा दोरम्वा गाउँपालिकाले महोत्सवको आयोजना गरेको छ ।

दोरम्वार त्यसैपनि युद्ध पर्यटन क्षेत्र हो । युद्धका बेला यो क्षेत्र निकै चर्चित थियो । केही होनाहार युवाको खुनले संचित दोरम्वा युद्धकाल पहिचान बोक्छ । जसको चर्चा नेपालको सिंहदरवारमा मात्र सिमित भएन । संयुक्त राष्ट्र संघको फोरममा पनि बारम्वार उठ्ने गरेको छ ।
शैलुङ दोरम्वाको केही क्षेत्रमा पर्दछ । आठ थुम्की मिलेर शैलुङ बनेको छ ।

१३ बैशाखदेखि पर्यटन महोत्सव हुँदैछ । तर महोत्सवको उद्घाटन गर्न युद्धका कमाण्डर तथा पूर्वप्रधानमन्त्री पुष्पकमल दाहाल प्रचण्ड आफै जाँदैछन् । कहिँले काँहि अहिले पनि प्रचण्डले धेरै फोरममा दोरम्वालाई सम्झने गरेका छन् । तीनदिनसम्म चल्ने महोत्सवम दश हजार पाहुँना भित्राउने लक्ष्य गाउँपालिकाले राखेको छ । ‘हामीसँग सुन्दर पर्यटकीय स्थत त छ तर बास बस्ने राम्रो ब्यवस्था थिएन । अहिले धमाधम होमस्टे बनिरहेका छन्’ गाउँपालिकाका अध्यक्ष मोक्तानले भने ‘यहाँ आउने पाहुनालाई खाना र बस्नको पनि अब कुनै समस्या छैन ।’

The post मनिषा कोइरालाजी एक सय आठ थुम्कीको ‘शैलुङ’ अर्काे स्वर्ग हो (तस्वीरहरु) appeared first on YesKathmandu.com.

Continue Reading…

माँझी गाउँमा नमुना बस्ती सकेर श्वेता खड्का ‘हेलो जिन्दगी’तिर

काठमाडौं । पति श्रीकृष्ण श्रेष्ठको निधनपछि लामो समय शोकमा परेकी श्वेता खड्काले त्यसयता एउटा मात्र फिल्ममा अभिनय गरिन । पति वियोगमा लामो समय परेकी स्वेता पछिल्लो समय समाजसेवा ब्यस्त भइन । भूकम्पले क्षति बिच्छेद भएको सिन्धुपाल्चोकको गाउँमा पुगेर उनले नमुना बस्ती पनि बनाएकी छिन् ।
उनले बनाएको बस्तीमा दर्जनौ मानिसहरुले सहारा पाएका छन् । समाजसेवामा ब्यस्त भएकी श्वेता फेरी अभिनयको क्षेत्रमा फर्केकी छिन् । सिन्धुपाल्चोकको भुकम्प पिडित माझी गाँउमा एकिकृत बस्ती निर्माण गरिसकेपछि उनी ‘हेल्लो जिन्दगी’ अभिनय गर्न लण्डनतिर लागेकी छिन् । सुटिङ युनिट केही समयअघि नै लण्डन पुगिसकेको थियो । तर श्वेता भने शुक्रवार मात्र लण्डनतर्फ लागेकी छिन् । पति श्रीकृष्णको मृत्युपछि उनले ‘कान्छी’ फिल्ममा मात्र अभिनय गरेकी थिइन । त्यसपछि उनले कुनैपनि फिल्ममा अभिनय गरिनन् । तर अब बन्दै गरेको ‘हेलो जिन्दगी’ मा उनले अभिनय गर्ने भएकी छिन् ।

The post माँझी गाउँमा नमुना बस्ती सकेर श्वेता खड्का ‘हेलो जिन्दगी’तिर appeared first on YesKathmandu.com.

Continue Reading…

नेकपा स्थायी कमिटीका नेताको चुनौतिः निर्देशनका भरमा नेतृत्व तोके सामानान्तर कमिटी बन्छ

काठमाडौं । नेकपा अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपालबीच दुई दिन सघन छलफल भएपनि जिल्ला नेतृत्वको विषयमा निस्कर्ष निस्किन सकेन । विहीबार साँझ र शुक्रवार विहान ओली र नेपालले लामो छलफल गरेका थिए । तरपनि दुई नेताबीच जिल्ला नेतृत्वको बिषयमा सहमति जुटन नसकेको स्रोतले बताएको छ ।

पूर्वएमालेको भागमा परेका ४५ जिल्लाको अध्यक्ष र ३२ जिल्लामा सचिव टुंग्याउने गरी ओली र नेपालले दुई दिन प्रयास गरेका थिए । तरपनि दुई नेताबीच पूर्ण सहमति हुन सकेन । ‘प्रत्येक जिल्ला र ब्यक्तिका बिषयमा दुई नेताबीच छलफल भएको हामीले सुचना पाएका छौ’ नेपाल निकट एक नेताले भने ‘तरपनि पूर्ण सहमति भएन, आंशिक सहमति भने भएको छ ।’

९ बैशाख कम्यूनिष्ट पार्टीको स्थापना दिवसमा जिल्ला नेतृत्व चयनको समयसिमा निर्घारण गरेका नेताहरु यतिबेला सघन छलफलमा छन् । तरपनि सहमति जुट्न सकेको छैन । शिर्ष नेताहरुबीच सहमति जुट्न नसकेका कारण सचिवालय, स्थायी कमिटी बैठक बोलाइएको पनि छैन । सचिवालय वा स्थायी कमिटीको बैठक नै नवोलाई निर्देशनका भरमा गरिएको निर्णय मान्य नहुँने जिकिर स्थायी कमिटीका नेताहरुले गरेका छन् ।

‘लोकतान्त्रिक पार्टी लोकतान्त्रिकरुपमा चल्नु पर्दछ, केही ब्यक्तिको निर्देशनका भरमा चल्दैन’ नेकपा स्थायी कमिटीका एक नेताले भने ‘स्थायी कमिटीबाट अनुमोदन नै नगराई जिल्ला नेतृत्व निर्देशनका भरमा तोके हामी मान्न बाध्य छैनौ, समानान्तर कमिटी गठन हुन्छ ।’

सचिवालयले निर्णय गरेर मात्र जिल्ला नेतृत्व चयन हुन नसक्ने जिकिर स्थायी कमिटीका नेताहरुले गर्न थालेका छन् । उनीहरुले पार्टीको शक्तिशाली निकाय स्थायी कमिटीबाट अनुमोदन गर्नुपर्ने माग राखिरहेका छन् । तरपनि दुई अध्यक्ष ओली र पुष्पकमल दाहाल प्रचण्ड सचिवालयबाटै टुंग्याउने पक्षमा पुगेका छन् ।

The post नेकपा स्थायी कमिटीका नेताको चुनौतिः निर्देशनका भरमा नेतृत्व तोके सामानान्तर कमिटी बन्छ appeared first on YesKathmandu.com.

Continue Reading…

कर्मचारी नेताको प्रतिबद्धताः भनेजति तलव दिनुहोस, कर्मचारीले भ्रष्टाचार गर्दिनन्

काठमाडौं । निजामति कर्मचारी संगठनहरुले राष्टसेवक कर्मचारीको तलव बृद्धि गर्न सरकारसँग लविड थालेका छन् । अर्थमन्त्रालयले ढोका थुनेर बजेट निर्माण भइरहेका बेला कर्मचारीहरुले कम्तिमा ३० प्रतिशत तलव बृद्धि गरिदिन सरकारसँग आग्रह गरेका छन् ।

प्रत्येक बर्ष कर्मचारीको तलवमा बृद्धि हुँदै आएको छ । तर गतबर्ष भने तलवमा बृद्धि भएन । कर्मचारीहरुले तलवबृद्धि नभएपछि असन्तुष्टी जनाएका थिए । अघिल्लो बर्ष बढ्न नसकेको तलव पनि यही बर्ष समायोजन गर्न मन्त्रीदेखि सचिवसम्म लविड थालेका छन् ।

निजामति कर्मचारीले भनेजति तलव पाए भ्रष्टाचार नगर्ने प्रतिबद्धता जनाउन थालेका छन् । हामीलाई पुग्ने तलव राज्यले दिए कुनैपनि कर्मचारीले भ्रष्टाचार गर्दैनन्, टेड युनियनका एक सदस्यले भने महिनाभरी काम गर्दा खाना र बस्न नपुग्ने भएपछि कर्मचारीले लामो हात गर्न बाध्य हुन्छन् ।

निजामति कर्मचारीका नेताहरुले प्रत्येक बर्ष बजेट आउनुअघि भ्रष्टाचार नगर्ने प्रतिबद्धता जनाउँछन् तर भ्रष्टाचार रोकिनुको सट्टा बढ्दै गएको तथ्यांकले देखाउँछ । सानादेखि ठुला कर्मचारी सानोदेखि ठुलो भ्रष्टाचारमा संलग्न भएका तथ्यहरु सार्वजनिक पनि भइरहेका छन् ।
तलवबृद्धिको माग गर्दै कर्मचारी नेताहरुले अर्थमन्त्री डा. युवराज खतिवडासँग भेट गरेका छन् भने प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डसँग भेट्ने योजना बनाइरहेको छन् ।

The post कर्मचारी नेताको प्रतिबद्धताः भनेजति तलव दिनुहोस, कर्मचारीले भ्रष्टाचार गर्दिनन् appeared first on YesKathmandu.com.

Continue Reading…

Friday, April 19, 2019

President Bhandari to start China visit on Wednesday

President Bidya Devi Bhandari leaves for a four day visit to Qatar, on Monday, October 29, 2018.

Kathmandu, April 14

President Bidya Devi Bhandari embarks on a week-long state visit to China from April 24, Ministry of Foreign Affairs said on Friday.

Bhandari is to visit China at the invitation of her Chinese counterpart Xi Jinping. She is scheduled to participate in the Second Belt and Road Forum for International Cooperation to be held in Beijing and address the Forum, according to the ministry.

The President will hold delegation-level bilateral talks Chinese President Xi, which will be followed by a signing ceremony, according to the ministry.

President Bhandari will be accompanied by Minister for Foreign Affairs Pradeep Kumar Gyawali, Chief Minister of Province No. 3 Dor Mani Paudel, Federal Parliament members, high-ranking government officials, Ambassador of Nepal to China, representatives of the private sector and media persons.

The delegation returns on May 2.

 

Continue Reading…

विप्लव नेकपा केन्द्रीय सदस्य असलसहित ६ जना पक्राउ

सल्यान । सरकार र बिप्लव नेतृत्वको नेकपाबीच आन्तरिकरुपमा बार्ता चलिरहेको भएपनि प्रहरीले नेता कार्यकर्ता पक्राउ गर्न छोडेको छैन । दैनिक विप्लव नेकपाका नेता कार्यकर्ता पक्राउ परिरहेका छन् ।

शुक्रवार विप्लव नेकपाका केन्द्रीय सदस्य चन्द्रबहादुर खड्का ‘असल’ र चुडामणि खड्का दाङबाट पक्राउ परेका छन् । दाङदेखि सल्यानतिर जाँदै गरेको बेला दुई केन्द्रीय सदस्यसहित ६ जनालाई दाङ प्रहरीले पक्राउ गरेको छ । तर प्रहरीले भने आधिकारिकरुपमा पुष्टि गरिसकेको छैन ।

केही महिनाअघि अदालतको आदेशबाट असल रिहा भएका थिए । अदालतको आदेशबाट रिहा भएका असललाई फेरी प्रहरीले पक्राउ गरेको ।

The post विप्लव नेकपा केन्द्रीय सदस्य असलसहित ६ जना पक्राउ appeared first on YesKathmandu.com.

Continue Reading…

कांग्रेसको जागरण अभियानमा गगन थापा अछाम ( को-नेता कहाँ खट्टिए ? सूचिसहित)

काठमाडौं । ११ बैशाखबाट शुरु हुने नेपाली कांग्रेसको राष्ट्रिय जागरण अभियानमा नेताहरुको कार्यविभाजन गरिएको छ । केन्द्रीयस्तरका नेताहरुलाई जिल्ला पठाएर कांग्रेसले कार्यविभाजन गरेको छ ।

‘हिमाल, पहाड, तराई–मधेश नेपाली कांग्रेस राष्ट्रिय जागरण अभियान’ सफल बनाउन कृष्णप्रसाद सिटौलालाई मोरङ खटाइएको छ भने प्रकाशमानलाई बारा र गगन थापालाई अछाम खटाइएको छ । वैशाख ११ बाट शुरु हुने अभियानमा प्रदेश १ देखि सुदूरपश्चिमसम्मको नाम टुंगो लगाएको हो।

नेपाली कांग्रेसको महासमिति बैठकले राष्ट्रिय जागरण अभियान सञ्चालन गर्ने निर्णय गरेको थियो । आन्तरिक किचलोले अभियान शूरु हुन सकेको थिएन । तर शुक्रवार कांग्रेसले सवै नेताहरुलाई जिम्मेवारी तोकेर जिल्ला पठाउन लागेको छ ।

The post कांग्रेसको जागरण अभियानमा गगन थापा अछाम ( को-नेता कहाँ खट्टिए ? सूचिसहित) appeared first on YesKathmandu.com.

Continue Reading…

कमल थापाले लगाए धर्मनिरपेक्षतामा आगो, प्रहरी हस्तक्षेप हुँदा राप्रपा नेताहरु पक्राउ

काठमाडौं । हिन्दू राष्ट्रका पक्षमा आन्दोलन गर्दै आएको राष्ट्रिय प्रजातन्त्र पार्टीले धर्मनिरपेक्षताको ब्यानर र पोष्टरमा आगो लगाएपछि काठमाडौंमा प्रहरीले हस्तक्षेप गरेको छ । प्रहरीले हस्तक्षेप गर्दा राप्रपा नेताहरु पक्राउ परेका छन् ।

शुक्रवार देशभर धर्मनिरपेक्षता लेखिएका ब्यानर र पोष्टर जलाउने पार्टीको निर्णय अनुसार नै राप्रपा अध्यक्ष कमल थापा रत्नपार्कस्थित शान्तिबाटिकामा पुगेका थिए । उनले धर्मनिरपेक्ष लेखेको पोष्टरमा आगो पनि लगाएका थिए । लगतै प्रहरीले हस्तक्षेप गरेको थियो ।

हिन्दू राष्ट्रको माग गर्दै राप्रपाले केही समयअघि मेचि–महाकाली अभियान सञ्चालन गरेको थियो भने सिंहदरवारदेखि प्रदेशको राजधानी र जिल्ला सदरमुकाममा धर्ना दिएको थियो । शुक्रवार देशभर धर्मनिरपेक्षता लेखेको ब्यानर र पोस्टरमा आगो लगाइएको छ । राप्रपा अध्यक्ष कमल थापाले पनि धर्मनिरपेक्षतामा आगो लगाएका थिए ।

The post कमल थापाले लगाए धर्मनिरपेक्षतामा आगो, प्रहरी हस्तक्षेप हुँदा राप्रपा नेताहरु पक्राउ appeared first on YesKathmandu.com.

Continue Reading…

Nepal Supreme Court shoots down govt ban on PUBG

Kathmandu, April 19

Nepal’s Supreme Court has struck down the government’s ban on the popular mobile game PUBG.

A single bench of Justice Ishwar Khatiwada, responding to a writ petition filed by advocate Prabin Subedi, issued an interim order to the government to not enforce the ban.

Subedi and other petitioners in the case had argued that the ban would curtail fundamental rights guaranteed by the constitution.

The government last week banned the game saying that the game was to blame for numerous untoward incidents across the country.

 

 

Continue Reading…

विभिन्न देशका मन्त्रीहरुसँग नेपालमा लगानी गर्न मन्त्री यादवकाे आग्रह

काडमाडाैं । उद्योग, वाणिज्य तथा आपूर्तिमन्त्री मातृकाप्रसाद यादवले विभिन्न देशका मन्त्रीहरुसँग नेपालमा लगानी गर्न आग्रह गरेका छन्।

बहराइनस्थित नेपाली राजदूतावासका अनुसार मन्त्री यादवले बहराइनका उद्योग तथा पर्यटनमन्त्री जायद आर अलजायनी, मौरिटसका व्यापार, उद्यम तथा सहयोगमन्त्री सोमिलदूथ भोलाह र श्रीलङ्काका विकास योजना तथा अन्तर्राष्ट्रिय व्यापार सहायकमन्त्री नलिन बनडारासँग भएको द्विपक्षीय भेटमा लगानी गर्न आग्रह गरेका हुन् ।

उद्योग सचिव यामकुमारी खतिवडा, बहराइनका लागि नेपाली राजदूत पदम सुन्दाससहितको टोलीले सोमबार गरेको भेटका क्रममा नेपालले लगानी प्रवद्र्धन गर्न गरेको नीतिगत एंव संस्थागत व्यवस्थाका बारेसमेत छलफल भएको राजदूतावासद्वारा मंगलबार जारी विज्ञप्तिमा उल्लेख गरिएको छ।

The post विभिन्न देशका मन्त्रीहरुसँग नेपालमा लगानी गर्न मन्त्री यादवकाे आग्रह appeared first on YesKathmandu.com.

Continue Reading…

धर्मनिरपेक्षताको ब्यानर र पोष्टर देशभर जल्यो (तस्वीरहरु)

काठमाडौं । हिन्दू राष्ट्रका पक्षमा आन्दोलन गर्दै आएको राष्ट्रिय प्रजातन्त्र पार्टीले धर्मनिरपेक्षताको ब्यानर र पोष्टर जलाएको छ । शुक्रवार देशभर धर्मनिरपेक्षता लेखिएका ब्यानर र पोष्टर जलाइएको महामन्त्री राजेन्द्र लिङदेनले बताएका छन् ।

धर्मनिरपेक्षताको ब्यानर र पोष्टर जलाउन राप्रपाले नेताहरुलाई विभिन्न जिल्ला पठाएको थियो । अध्यक्ष कमल थापाले पोष्टर जलाउने कार्यक्रमको नेतृत्व गरेका थिए भने महामन्त्री लिङदेन झापा पुगेका थिए । झापाको सडकमा र्याली निकालेर ब्यानर र पोष्टर जलाइएको थियो ।

प्रधानमन्त्री केपी शर्मा ओलीको गृहजिल्लामा सवैभन्दा बढी राप्रपा नेता कार्यकर्ताको उपस्थिती थियो भने राजधानीको रत्नपार्कमा पनि जलाइएको थियो ।

हिन्दू राष्ट्रको माग गर्दै राप्रपाले केही समयअघि मेचि–महाकाली अभियान सञ्चालन गरेको थियो भने सिंहदरवारदेखि प्रदेशको राजधानी र जिल्ला सदरमुकाममा धर्ना दिएको थियो ।

The post धर्मनिरपेक्षताको ब्यानर र पोष्टर देशभर जल्यो (तस्वीरहरु) appeared first on YesKathmandu.com.

Continue Reading…

भिटामिन ‘ए’ र जुकाको ओषधी देशभरका बालबालिकालाई खुवाइँदै

काठमाडौं । शुक्रवार र शनिवार सरकारले जन्मेको ६ महिनादेखि ५ वर्षसम्मका बालबालिकालाई भिटामिन ‘ए’ र जन्मेको १ वर्षदेखि ५ वर्षसम्मका बालबालिकालाई जुकाको औषधि खुवाउँदैछ ।

यस कायैक्रमलाई स्वास्थ्य तथा जनसंख्या मन्त्रालयको उच्च प्राथमिकतामा राखेको छ । संघीयता कार्यान्वयन भएसँगै स्थानीय तहले सो कार्यक्रम सञ्चालन गर्दै आएका छन् ।

जन्मेको १ वर्षदेखि ५ वर्षसम्मका करीब २७ लाख ६८ हजार ५ सय ४० बालबालिकालाई भिटामिन ‘ए’ र जन्मेको १ वर्षदेखि ५ वर्षसम्मका २३ लाख ५६ हजार ८ सय ४३ बालबालिकालाई जुकाको औषधि र ती बालबालिकाको पोषणस्थित जानकारीका लागि पाखुराको नाप लिइने कार्यक्रम रहेको स्वास्थ्य सेवा विभाग, पोषण शाखाका प्रमुख केदार पराजुलीले बताए ।

भिटामिन ए र जुकाको औषधि खुवाउने कार्यक्रम ४१ जिल्ला र ५६ जिल्ला पाखुराको नाप लिने कार्यक्रम सञ्चालन हुने छ । ती जिल्लामा ती कार्यका लागि करीब ३६ हजार बुथमा महिला स्वयंसेविका र स्वास्थ्यकर्मी गरी करीब ६० हजार जनशक्ति परिचालन हुनेछन् ।

भिटामिन ए को कमिले बालबालिकामा रतन्धो, दादुरा, झाडापखाला, कडा कुपोषण तथा छालाको रोग हुनसक्छ । यसबाट जोगाउन भिटामिन ए कार्यक्रमले सहयोग गरेको उनले जानकारी दिए ।

सरकारले हरेक वर्ष वैशाख ६ र ७ र कात्तिक २ र ३ गते कार्यक्रम सञ्चालन गर्दै आएको छ ।

The post भिटामिन ‘ए’ र जुकाको ओषधी देशभरका बालबालिकालाई खुवाइँदै appeared first on YesKathmandu.com.

Continue Reading…

Human Rights Watch urges Nepal to stop prosecuting journalists, social media users

 

Kathmandu, April 19

A prominent international rights watchdog has urged the Nepali government to stop prosecuting journalists and social media users for peaceful reporting and online expression.

In a statement on Friday, Human Rights Watch has also urged the government to review the Electronic Transactions Act, 2006, which has been used by authorities to prosecute online journalists as well as social media users.

“The government of Prime Minister Khadga Prasad Sharma Oli should review and reform the Electronic Transactions Act, 2006, which has been repeatedly used to unlawfully muzzle speech, and ensure that any new or revised legislation upholds freedom of expression,” said the rights body.

HRW says that at least six journalists, including Pokhara-based Arjun Giri, have been arrested under the Electronic Transactions Act after the Oli administration came to power in February 2019.

“Nepalis have fought hard for their democratic rights so it’s especially troubling that a government elected on a promise to uphold constitutional freedoms is intimidating and restricting Nepal’s vibrant public discourse,” said Meenakshi Ganguly, South Asia director. “The government should drop their investigation of Giri and stop harassing people for expressing their peaceful views.”

The HRW has cited two separate reports produced by Freedom Forum and Committee to Protect Journalists which have talked about the violations of press freedom in Nepal since the Oli-led administration came to power in February 2018.

The watchdog has reminded Nepal to adhere to the International Covenant on Civil and Political Rights, and respect the right to freedom of expression, including the freedom to seek, receive, and impart information and ideas of all kinds, in any medium.

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog