Showing posts with label समाचार. Show all posts
Showing posts with label समाचार. Show all posts

Wednesday, November 14, 2018

कोलम्बो प्रोसेसको बैठक काठमाडौंमा शुरु

काठमाडौं । वैदेशिक रोजगारीका लागि कामदार पठाउने राष्ट्रहरुको साझा मञ्च कोलम्बो प्रोसेसको छैटौं बैठक विहिबारदेखि काठमाडौंमा शुरु भएको छ । आप्रवासी श्रमिकको हक हितका लागि साझा मुद्दा तय गर्न बैठक हुदैछ ।

होटल सोल्टीमा शुरु भएको बैठकमा आज पहिलो दिन सदस्य राष्ट्रका उच्च अधिकारीहरुको सहभागिता रहनेछ । बैठकमा सुरक्षित, व्यवस्थित र नियमित आप्रवासनका लागि विश्वव्यापी सम्झौता जिसिएम र कोलम्बो प्रोसेसबिचको अन्तरसम्बन्ध, जिसिएम कार्यान्वयनलगायत विषयमा छलफल हुनेछ ।

भोलि मन्त्रीस्तरीय बैठक हुने र उक्त बैठकलाई प्रधानमन्त्री केपी शर्मा ओलीले उद्घाटन गर्ने कार्यक्रम रहेको जनाइएको छ ।

कोलम्बो प्रोसेस वैदेशिक रोजगारमा कामदार पठाउने एशियाली राष्ट्रको साझा मञ्च हो । नेपालसहित अफगानिस्तान, बङ्गलादेश, कम्बोडिया, चीन, भारत, इण्डोनेसिया, पाकिस्तान, फिलिपिन्स, श्रीलङ्का, थाइल्याण्ड र भियतनाम कोलम्बो प्रोसेसका सदस्य देश हुन् । कोलम्बो प्रोसेसमा १२ सदस्य देश र आठ पर्यवेक्षक देश छन् ।

सन् २०१७ मार्च २९ देखि नेपालले कोलम्बो प्रोसेसको अध्यक्षता गरिरहेको छ ।

Continue Reading…

बोक्सी आरोपमा श्रीमति कुट्दा कारागार चलान !

पोखरा । बोक्सीको आरोप लगाएर श्रीमती कुटपिट गर्ने सन्तोष परियारलाई जिल्ला अदालत कास्कीले छ महीना जेल र पाँच हजार जरिवानाको सुनाएको छ ।
अन्नपूर्ण गाउँपालिका–१ ढिकुरपोखरीका परियारले श्रीमती पूजा परियारमाथि बोक्सीको आरोप लगाएर कुटपिट गरेका थिए । घरको अर्को एक सदस्य बिरामी भएपछि झारफुक गर्ने क्रममा पूजालाई बोक्सी भनेर झाँक्रीले नाम लिएपछि सन्तोषले श्रीमतीलाई बोक्सी भन्दै कुटपिट गरेका थिए । सो घटनाका बारेमा प्रहरीमा उजुरी परेपछि प्रहरीले सन्तोष र अन्य सदस्यलाई पक्राउ गरी अनुसन्धान गरेको थियो ।

उक्त अभियोगमा गत जेठ ९ गते सन्तोष र परिवारका अन्य सदस्यविरुद्ध जिल्ला अदालतमा मुद्दा दायर भएको थियो । उनीहरुलाई बोक्सी आरोप कसुर सजाय ऐन २०७२ को १ परिच्छेदको ४ को दफा ११ ‘१’ को क, ख, घ र ङ र उपदफा ४ अनुसार सजाय सुनाइएको हो । न्यायाधीश काजीबहादुर राईले उक्त मुद्दामाथि फैसाला गर्नुभएको हो । उक्त घटनामा परिवारका सासु, ससुरा, देवर, देवरानीले भने सफाइ पाएका छन् ।

Continue Reading…

मन्त्री रविन्द्र अधिकारी, मन्त्रालय चलाउने हवाई माफिया आङछिरिङ शेर्पा !

काठमाडौं । प्रधानमन्त्री केपी शर्मा ओली नेकपा एमालेको सर्वाेच्च पदमा पुग्नै लाग्दा निकै विरामी परे । विरामी ओलीलाई बैंककदेखि सिंगापुरसम्म उपचार गराउँदा नेपाल सरकारबाट ठुलै रकम लिने आङछिरिङ शेर्पा यतिबेला ओलीको बेडरुमसम्म पुग्ने एक्ला ब्यक्ति हुन् ।

दीपक अमात्यलाई पर्यटनमन्त्रीबाट हटाएर आफ्नै नातेदार कृपासुर शेर्पालाई पर्यटन तथा नागरिक उड्यनमन्त्री बनाएका शेर्पा ओली सरकारका अघोषित पर्यटन तथा नागरिक उड्यनमन्त्री हुन् । नेकपाभित्र बामदेव गौतम निकट मानिने पर्यटन तथा नागरिक उड्यनमन्त्री रविन्द्र अघिकारीभन्दा उनी मन्त्रालयभित्र शक्तिशाली सावित भएका छन् ।

यसको पछिल्लो उदाहरण हो नेपाल बायुसेवा निगमको कार्यकारी अध्यक्षमा मदन खरेलको नियुक्ति । विभागीय मन्त्री अधिकारी सुगतरत्न कंसाकारलाई अप्ठेरोमा पार्ने मनस्थितिमा थिएनन् । तर शेर्पाको योजनामा प्रधानमन्त्री ओलीले विभागीय मन्त्रीलाई थाहा नै नदिई २९ भदौमा खरेललाई कार्यकारी अध्यक्षमा नियुक्त गरे ।

नेपाल बायुसेवा निगमले दुई वटा वाइडबडी विमान भर्खरै भित्राएको छ । अन्नपूर्ण नाम दिइएका वाइडबडी विमान सञ्चालनमा अवरोध गर्ने उदेश्यका साथ हवाई माफियाले खरेललाई अध्यक्षमा नियुक्ति गर्ने योजना बनाएका थिए । विभागीय मन्त्रीलाई थाहा नै नदिई उनको नियुक्ति मन्त्रीपरिषदको बैठकबाट भइसकेको छ ।

हवाई माफियाले जहाज खरिदमा सुगतरत्न कंसाकार नै नेवानिको कार्यकारी पदमा रहँदा चलखेल गर्न नपाइने अवस्था देखेपछि उनीहरुले आफ्नो स्वार्थका लागि खरेल ल्याउन प्रधानमन्त्री ओलीलाई भेटेर बारम्बार दबाब दिएका थिए। तर, मन्त्री अधिकारी भने कंसाकारलाई कार्यकारी पदबाट हटाएर निगममा अर्को व्यक्ति ल्याउने सोचमा थिएनन्।

प्रधानमन्त्री ओलीको बेडरुमसम्म पुगेर उनीहरुले संस्कति, पर्यटन तथा नागरिक उड्यनमन्त्रालय चलाईरहेका छन् । मन्त्रालयका कतिपय नियुक्ति र निर्णय प्रधानमन्त्रीले सोझै गराउन थालेका छन् । आफुलाई थाहा नै नदिई आफ्नो मन्त्रालयका काम प्रधानमन्त्रीबाट सोझै हुन थालेपछि विभागीय मन्त्री अधिकारी दिक्दारीमा परेका छन् । तरपनि ओलीसँग उनी केही बोल्न सकेका छैनन् ।

Continue Reading…

नवलपुरमा यात्रु बस पल्टियो, ४ को अवस्था गंम्भिर

काठमाण्डौ । नवलपुर जिल्लाको कावासोतीमा बिहीबार बिहान यात्रुवाहक बस दुर्घटना हुँदा १६ जना यात्रु घाइते भएका छन् । घाइतेमध्ये ४ को अवस्था गम्भीर छ ।दाङबाट काठमाडौंतर्फ गइरहेको राप्ती यातायातको ना ६ ख ६३०१ नम्बरको बस कावासोती नगरपालिका–३ पुरानो कावासोतीको सडक छेउबाट पल्टिएर दुर्घटना भएको हो ।

जिल्ला प्रहरी कार्यालय, नवलपुरले दिएको जानकारी अनुसार गम्भीर घाइते ४ जनालाई उपचारका लागि नयाँ मेडिकल कलेज, भरतपुर चितवन पठाइएको छ । सामान्य घाइते १२ जनाको भने कावासोतीकै कालीगण्डकी अस्पतालमा उपचार भइरहेको छ । चालक निदाएका कारण दुर्घटना भएको आशंका गरिए पनि चालकलाई नियन्त्रणमा लिएर थप अनुसन्धान भइरहेको प्रहरी भनाइ छ ।

Continue Reading…

नेपाली राष्ट्रिय महिला फुटबल टोली आज स्वदेश फर्कदैं

काठमाण्डौ । ओलम्पिक महिला फुटबलका लागि एसियन छनोटको खेल्न गएको नेपाली महिला फुटबल टोली आज स्वदेश फर्कदैं छन् । दोस्रो चरणमा पुग्न सफल नेपाली राष्ट्रिय महिला फुटबल टोली आज स्वदेश फर्कन लागेका हुन । म्यानमारमा सम्पन्न पहिलो चरणको एसिया छनोट खेलेर नेपाली टोली फर्कन लागेका हुन् ।

नेपाली टोली अपरान्ह नेपाल आइपुग्ने अखिल नेपाल फुटबल संघ एन्फाले जानकारी दिएको छ । एन्फाका अनुसार नेपाली टोली मालिन्डो एयरलाइन्सबाट अपरान्ह १२ः२० मा नेपाल आइपुग्नेछन् । सन् २०२० मा जापानमा आयोजना हुने ओलम्पिकका भएको छनोटको अन्तिम खेलमा मंगलबार बंगलादेशसंग १ – १ गोलको बराबरी खेल्दै नेपाल दोस्रो चरणमा छनोट भएको थियो । नेपाली महिला फुटबलको यो ऐतिहासिक सफलता हो ।

बंगलादेशसंगको बराबरीसंगै समूह सी मा रहेको नेपालले ३ खेलबाट ३ अंक जोडेको थियो । र, नेपाल समूहको तेस्रो स्थानमा रहन सफल भएको थियो । समूहको तेस्रो स्थानमा रहेसंगै नेपालले छनोटको तेस्रो हुने टोलीमध्ये उत्कृष्ट दुईमा पर्दै दोस्रो चरणमा स्थान बनाएको हो ।

छनोट प्रतियोगिताको नियम अनुसार प्रत्येक समूहका विजेता, उपविजेता र तेस्रो हुने टिममध्ये उत्कृष्ट दुई टिमले समेत दोस्रो चरणको यात्रा तय गर्ने प्रावधान रहेको थियो । यस समूहबाट म्यानमार विजेता र भारत उपविजेता बन्दै दोस्रो चरणमा पुगेका छन् । मंगलबार भएको खेलमा म्यानमारले भारतलाई २ – १ ले हराएको छ । बंगलादेश भने समूह चरणबाट बाहिरिएको छ । दोस्रो चरणका खेलहरु आगामी अप्रिलमा हुनेछ । १० टिम रहने दोस्रो चरणबाट तीन टोली तेस्रो चरणमा स्थान बनाउनेछ । तेस्रो चरणमा ८ टोलीको सहभागिता रहनेछ ।

Continue Reading…

ट्रान्सफर्मर पड्किदा काठमाडौंको ठूलोभर्‍याङमा आगलागी

काठमाडौं । बिधुतको ट्रान्सफर्मर पड्किदा काठमाडौंका ठूलोभर्‍याङमा आगलागी भएको छ । ट्रान्सफर्मर पड्किएपछि राजेन्द्रमान शाक्यको घरमा क्षति पुगेको नेपाल प्रहरीले जनाएको छ । बिहीबार बिहान एक्कासी ट्रान्सफर्मर पड्किएको थियो । पड्किए लगतै आगलागी भएको हो ।

आगलागी भएलगतै स्थानीयबासी र प्रहरी सक्रिय भएका थिए । प्रहरी र स्थानीयबासीको सक्रियतामा घरमा सल्केको आगो नियन्त्रणमा आएको छ । घरपूर्णरुपमा क्षति नभएपनि आशंकरुपमा क्षति भएको स्वयम्भू प्रहरीका डीएसपी सुधीरराज शाहीले बताए । , बिहान ७ बजे लागेको आगलागीबाट शाक्यको घरको एउटा कोठामा सामान्य क्षति पुगेको छ ।

Continue Reading…

दुई हजार अधिकृत माग्ने लाेकसेवाकाे तयारी

काठमाण्डौ । लोकसेवा आयोगले दुई हजारभन्दा बढीको संख्यामा अधिकृतस्तरका कर्मचारीको विज्ञापन गर्ने भएको छ । आयोगले निजामती सेवाअन्तर्गत शाखा अधिकृतदेखि सहसचिवसम्मका लागि विज्ञापन निकाल्ने तयारी गरेको हो । संशोधित कार्यतालिकाअनुसार मंसिर २६ गते अधिकृतका लागि विज्ञापन आह्वान गरिने आयोगका सूचना अधिकारी देवीप्रसाद सुवेदीले जानकारी दिए । यसअघि सरकारको निर्णयका कारण लोकसेवाको कार्यतालिका दुई महिना पर सरेको थियो । ‘आयोगले एकै पटक यति ठूलो संख्यामा विज्ञापन गर्न लागेको पहिलो हो’, सुवेदीले भने, ‘संघ, प्रदेश र स्थानीय तहका लागि धेरै कर्मचारी आवश्यक छन् ।’

आयोगले गतवर्ष शाखा अधिकृतदेखि सहसचिवसम्म १ हजार ९ सय ७० संख्यामा विज्ञापन मागेको थियो । यस वर्ष भने त्योभन्दा पनि बढीको संख्यामा आवेदन खुल्ने सुवेदीले बताए । आयोगले मंगलबार नै संघीय मामिला तथा सामान्य प्रशासन मन्त्रालय, स्वास्थ्य तथा जनसंख्या मन्त्रालय, न्यायसेवा आयोग र व्यवस्थापिका संसद्लाई आवश्यक कर्मचारी माग्दै विवरण पठाउन परिपत्र गरेको छ ।

‘सेवा सञ्चालनका निकायसँग माग पठाउन परिपत्र गरेका छौं । माग आएपछि त्यसकै आधारमा विज्ञापन गर्छौं’, उनले भने । कर्मचारी माग गर्ने अधिकार सेवा सञ्चालन गर्ने निकायको भएको उनले बताए । स्वास्थ्य मन्त्रालयअन्तर्गत सातौं तहदेखि ११ तहसम्म विज्ञापन गरिनेछ । अन्य क्षेत्रमा भने शाखा अधिकृतदेखि सहसचिवसम्मको विज्ञापन खुल्ने उनले जानकारी दिए । संघ, प्रदेश र स्थानीय तहका कर्मचारी सेवासम्बन्धी कानुन नबनेकाले निजामती सेवा ऐनअनुसार पद र प्रतिशत छुट्याएर विज्ञापन गर्न लागिएको हो ।

लोकसेवा आयोगको कामकारबाही नरोकिने सामान्य प्रशासन मन्त्रालयका प्रवक्ता सुरेश अधिकारीले बताए । ‘हाम्रै अनुरोधमा दुई महिनाका लागि रोकियो, अब आयोगको नयाँ कार्यतालिका आएको छ । त्यसअनुसारका विज्ञापन गर्न केही रोकावट रहन्न’, उनले भने ।

कानुनी अड्चन आए पनि त्यसलाई सम्बोधन गरेर लोकसेवाका गतिविधि नरोक्ने सहमति भएको उनले प्रस्ट्याए । कर्मचारी समायोजन अध्यादेश, २०७५ ले लोकसेवाको विज्ञापनमा सहजता ल्याउने अधिकारीको दाबी छ । प्रदेश लोकसेवा आयोग गठन नभएसम्म केन्द्रले नै संघ, प्रदेश र स्थानीय तहका कर्मचारी भर्ना गर्ने उनले बताए ।

Continue Reading…

दुई हजार भन्दाबढी अधिकृत स्तरका कर्मचारीको लागि आवेदन खोल्ने लोक सेवाको तयारी

काठमाण्डौ । लोकसेवा आयोगले दुई हजारभन्दा बढीको संख्यामा अधिकृतस्तरका कर्मचारीको विज्ञापन गर्ने भएको छ । आयोगले निजामती सेवाअन्तर्गत शाखा अधिकृतदेखि सहसचिवसम्मका लागि विज्ञापन निकाल्ने तयारी गरेको हो । संशोधित कार्यतालिकाअनुसार मंसिर २६ गते अधिकृतका लागि विज्ञापन आह्वान गरिने आयोगका सूचना अधिकारी देवीप्रसाद सुवेदीले जानकारी दिए । यसअघि सरकारको निर्णयका कारण लोकसेवाको कार्यतालिका दुई महिना पर सरेको थियो । ‘आयोगले एकै पटक यति ठूलो संख्यामा विज्ञापन गर्न लागेको पहिलो हो’, सुवेदीले भने, ‘संघ, प्रदेश र स्थानीय तहका लागि धेरै कर्मचारी आवश्यक छन् ।’

आयोगले गतवर्ष शाखा अधिकृतदेखि सहसचिवसम्म १ हजार ९ सय ७० संख्यामा विज्ञापन मागेको थियो । यस वर्ष भने त्योभन्दा पनि बढीको संख्यामा आवेदन खुल्ने सुवेदीले बताए । आयोगले मंगलबार नै संघीय मामिला तथा सामान्य प्रशासन मन्त्रालय, स्वास्थ्य तथा जनसंख्या मन्त्रालय, न्यायसेवा आयोग र व्यवस्थापिका संसद्लाई आवश्यक कर्मचारी माग्दै विवरण पठाउन परिपत्र गरेको छ ।

‘सेवा सञ्चालनका निकायसँग माग पठाउन परिपत्र गरेका छौं । माग आएपछि त्यसकै आधारमा विज्ञापन गर्छौं’, उनले भने । कर्मचारी माग गर्ने अधिकार सेवा सञ्चालन गर्ने निकायको भएको उनले बताए । स्वास्थ्य मन्त्रालयअन्तर्गत सातौं तहदेखि ११ तहसम्म विज्ञापन गरिनेछ । अन्य क्षेत्रमा भने शाखा अधिकृतदेखि सहसचिवसम्मको विज्ञापन खुल्ने उनले जानकारी दिए । संघ, प्रदेश र स्थानीय तहका कर्मचारी सेवासम्बन्धी कानुन नबनेकाले निजामती सेवा ऐनअनुसार पद र प्रतिशत छुट्याएर विज्ञापन गर्न लागिएको हो ।

लोकसेवा आयोगको कामकारबाही नरोकिने सामान्य प्रशासन मन्त्रालयका प्रवक्ता सुरेश अधिकारीले बताए । ‘हाम्रै अनुरोधमा दुई महिनाका लागि रोकियो, अब आयोगको नयाँ कार्यतालिका आएको छ । त्यसअनुसारका विज्ञापन गर्न केही रोकावट रहन्न’, उनले भने ।

कानुनी अड्चन आए पनि त्यसलाई सम्बोधन गरेर लोकसेवाका गतिविधि नरोक्ने सहमति भएको उनले प्रस्ट्याए । कर्मचारी समायोजन अध्यादेश, २०७५ ले लोकसेवाको विज्ञापनमा सहजता ल्याउने अधिकारीको दाबी छ । प्रदेश लोकसेवा आयोग गठन नभएसम्म केन्द्रले नै संघ, प्रदेश र स्थानीय तहका कर्मचारी भर्ना गर्ने उनले बताए ।

Continue Reading…

क्यालिफोर्निया डढेलोमा परी मर्नेको संख्या ५० पुग्यो,१०० भन्दा बढी अझै बेपत्ता

काठमाण्डौ । अमेरिकाको क्यालिफोर्निया राज्यको जङ्गलमा लागेको डढेलोका कारण मृत्यु हुनेको संख्या कम्तीमा ५० पुगेको छ । अझै एकसय भन्दा बढी व्यक्ति बेपत्ता रहेको अमेरिकी सञ्चारमाध्यमहरुले जनाएका छन् । उद्धारकर्ताले डढेलोबाट प्रभावितको उद्धार तथा सहयोगका लागि अथक प्रयास जारी राखेता पनि प्रतिकूल मौसमका कारण डढेलो नियन्त्रणमा आउन सकेको छैन ।

खोजीका क्रममा थप आठ जनाको शव फेला परेपछि मृत्यु हुनेको संख्या ५० पुगेको काउन्टीका प्रहरी अधिकारी कोरी होनेआले बताउनुभएको छ । यसअघि ४२ व्यक्तिको मृत्यु भएको बताइएको थियो ।

अमेरिकी सञ्चारमाध्यमले विभिन्न स्रोत उल्लेख गरी अझ १०० भन्दा बढी व्यक्ति बेपत्ता रहेको जनाएका छन् । बेपत्ता व्यक्तिका खोजी, उद्धार र आगो निभाउने कार्यमा हजारौ अग्नि नियन्त्रकहरु परिचालन गरिएका र उनीहरुले आफ्नो ज्यानको बाजी लगाएर उद्धार कार्य जारी राखेको सञ्चार माध्यमहरुले जानकारी दिएका छन् ।

जङ्गलमा विगत लामो समयदेखि आगो लागिरहेको बताइएको छ । समय समयमा सरकारले आगो निभाएको बताए पनि पूर्णरुपमा जङ्गलको डढेलो नियन्त्रणमा आउन सकेको छैन । डढेलोबाट खासगरी जङ्गल आसपास बसोबास गर्नेहरु सबैभन्दा बढी प्रभावित भएका छन् ।

Continue Reading…

बंगलादेशलाई श्रीलंकाले २५ रनले हरायो

काठमाण्डौ । टी ट्वान्टी महिला विश्वकपमा श्रीलंकाले बंगलादेशलाई पराजित गरेको छ । बुधबार राति भएको खेलमा श्रीलंकाले बंगलादेशलाई २५ रनले हराएको हो । जितसंगै श्रीलंकाले अघिल्लो चरण प्रवेशको सम्भावना बलियो बनाएको छ । बर्षाका कारण प्रभावित पहिलो खेलमा इङ्ल्याण्डसंग अंक बाँडेको श्रीलंकाले ३ अंक जोडेको छ ।

समुहमा श्रीलंका दोस्रो स्थानमा छ । इङ्ल्याण्ड २ खेलबाट ३ अंक सहित शीर्ष स्थानमा छ । बंगलादेश तीनै खेलमा पराजित छ । ९८ रनको लक्ष्य पछ्याएको बंगलादेश ७२ रनमा अलआउट भएको थियो । निगर सुल्तानले बनाएको २० रन टोलीको सर्वाधिक स्कोर रह्यो ।

यसअघि, पहिले ब्याटिङ गरेको श्रीलंकाले निर्धारित ओभरमा ७ विकेट गुमाएर ९७ रन बनाएको थियो । शशिकला शिरिवार्दनेले टालीका लागि सर्वाधिक ३१ रन बनाएकी थिईन् । बंगलादेशकी जहानारा आलमले सर्वाधिक ३ विकेट लिईन् ।

Continue Reading…

दीपिका र रणवीरले लगनगाँठो कसे,बलिउडका लागि यो वर्ष कै ठूलो बिवाह

काठमाण्डौ । बलिउडका सुन्दर जोडीका रुपमा परिचित दीपिका पादुकोण र रणवीर सिंह अब पति पत्नी बनेका छन् । उनीहरुले बुधबार इटालीमा एक भब्य समारोहबीच बिहे गरे‍का छन् । लामो प्रेम सम्बन्धपछि दुवै परिवार र नजिकका नातेदारको उपस्थितिमा इटालीको लेक कोमोमा यी जोडी दाम्पत्य जीवनमा बाँधिएका हुन् । बलिउडका लागि यो वर्षकै सबैभन्दा ठुलो बिहे हो ।

यसभन्दा पहले यही साल सोनम कपुर र आनन्द आहूजाले पनि बिहे गरेका थिए । रणवीर–दीपिकालाई सामाजिक सञ्जालमा शुभचिन्तक र प्रशंसकले बधाई दिएका छन् । अब १५ नोभेम्बर अर्थात् भोली यो जोडीले सिन्धी रीति रिवाज अनुसार फेरि बिहे गर्नेछन् । यी जोडीको आझ कोन्कणी रिवाज अनुसार मन्त्रोच्चारणबीच दुवैजनाले बिहे गरे। पारम्परिक रिवाज अनुसार वर बधुले चार फेरा लिएका हुन् ।

बलिउडका निर्देशक करण जौहरले सबैभन्दा पहिले दीपिका र रणवीरलाई बिहेको शुभकामना दिए । बिहेस्थलमा सेतो गुलाब र वाटर लिलीबाट सजाइएको थियो । बिहेका क्रममा त्यहाँ कडा सुरक्षा व्यवस्था गरिएको थियो । पानीदेखि स्थलसम्म कडा निगरानी राखिएको थियो । उनीहरुको बिहेमा करिब ४० जना पाहुना सहभागी भएका थिए । फिल्म फेयरको रिपोर्ट अनुसार बलिउडबाट दुईजना पाहुना बिहेमा जाने सूचीमा थिए । यी दुई पाहुनामा शाहरुख खान र सञ्जय लीला भन्साली थिए । तर उनीहरु बिहेमा पुगे नपुगेको बारेमा केही विवरण आएको छैन ।

Continue Reading…

२०२१ सम्मका लागि रियलको मुख्य प्रशिक्षकमा सान्टियागो सोलारी नियुक्त

काठमाण्डाै । स्पानिस क्लब रियल मड्रिडले सान्टियागो सोलारीलाई सन २०१० सम्मका लागि क्लबको मुख्य प्रशिक्षकमा नियुक्त गरेको छ।क्लबले स्टेटमेन्ट जारी गर्दै सोलारीलाई सन २०२१ जुन ३० सम्मको लागि फस्ट टिमको जिम्मेवारी दिइएको जनाएको छ। अक्टोवर २९ मा तत्कालिन मुख्य प्रशिक्षक युलेन लोपेटगुई बर्खास्तीमा परेपछि सोलारी रियलको अन्तरिम प्रशिक्षक बनेका थिए। त्यसअघि उनी रियलको बी टिम कास्टिलाको प्रशिक्षक थिए।

उनको अन्तरियम प्रशिक्षक अवधीमा रियलले विभिन्न तीन प्रतियोगितामा खेलेको चारवटै खेल जितेको थियो। त्यसैको परिणाम रियलको मंगलवार बसेको बोर्ड मिटिङले सोलारीलाई मुख्य प्रशिक्षक नियुक्त गरेको हो। त्यसअघि नै रियलको मुख्य प्रशिक्षकमा सोलारीले नै निरन्तरता पाउने समाचार सार्वजनिक भएपनि रियलले भने ढिलो मात्र उनको बारेमा औपचारिक निर्णय सार्वजनिक गरेको हो।

४२ वर्षीय अर्जेन्टाइन सोलारीले स्पेनकै एट्लेटिको मड्रिड, रियल मड्रिड र इटलीका इन्‍टर मिलान जस्ता क्लबबाट फुटबल खेलेका थिए। उनले व्यावयासिक रुपमा प्रशिक्षक सम्हालेको रियल मड्रिड नै पहिलो क्लब हो। सन् २०१३ देखि रियलको युथ टिमको प्रशिक्षक रहेका उनले २०१६ देखि २०१८ सम्म रियलकै बी टिम हेरेका थिए। उनले खेलाडी जीवनमा रियलमा रहँदा दुई पटक ला लिगा र एक पटक युरोपियन च्याम्पियन्स लिगको उपाधि जितेका थिए।

Continue Reading…

दिनेश गौतम को आबाज मा रहेको ‘फर्केर आएन मायालु’ सार्वजनिक

काठमाण्डाै । चर्चित नायक नाजिर हुसेन र सृष्टि खड्काको अभिनय रहेको गायक दिनेश गौतम को आबाज मा रहेको ‘फर्केर आएन मायालु’ बोलको गीत को म्युजिक भिडियो सार्वजनिक भएको छ । पुस्तक प्रसादको शब्द संगीत रहेको यो गीतसँगै संगीत जगतमा दिनेशले कमब्याक गरेका छन। गीतको संगीत संयोजन भने उदयराज पौडेलले गरेका हुन् । भिडीयोलाई निसान घिमिरेले निर्देशन गरेका हुन्। उत्सव दाहालले खिचेको भिडीयोलाई विकास दाहालले सम्पादन गरेका हुन्।

Continue Reading…

परराष्ट्रमन्त्री भन्नुहुन्छ : ‘इपिजी प्रतिवेदन पेशमात्र होइन कार्यान्वयन पनि हुन्छ’

काठमाण्डौ । नेपाल–भारत सम्बन्धका सबै पक्षलाई समेटेर सुझावसहितको प्रतिवेदन पेश गर्न गठित प्रबुद्ध व्यक्ति समूह (इपिजी) को प्रतिवेदन दुवै देशका सरकार प्रमुखसमक्ष चाँडै पेश हुने र त्यो कार्यान्वयन पनि भएरै छाड्ने परराष्ट्र मन्त्रीले प्रदीप ज्ञवालीले बताएका छन् ।“नेपाल–भारत सम्बन्धलाई एक्काइसौँ शताब्दी सुहाउँदो बनाउन प्रतिवेदनले आधार तयार गरेको छ जसले पारस्परिक सम्बन्धलाई अझ प्रगाढ तुल्याउन मद्दत गर्नेछ,” इपिजी प्रतिवेदनका विशेषता सुनाउँदै सञ्चारकर्मीमाझ उनी भन्छन् ।

इपिजीका एकजना सदस्य प्रधानमन्त्रीको परराष्ट्र मामिला सल्लाहकारमा नियुक्त तथा अर्का सदस्य भारतका लागि राजदूतमा सिफारिश भएपछि इपिजीको प्रतिवेदन भर्सेलामा पर्ने आशंकालाई चिर्दै ती मन्त्री ज्ञवालीले प्रतिवेदनको प्रतिरक्षा गरेका हुन् । परराष्ट्रमन्त्री प्रदीपकुमार ज्ञवालीले आज अपराह्न आफ्नै मन्त्रालयमा भएको नियमित पत्रकार भेटघाट कार्यक्रममा भारतका प्रधानमन्त्रीको व्यस्तताका कारण प्रतिवेदन पेश गर्न विलम्ब भएको बताए । “दुवै देशका प्रधानमन्त्रीसमक्ष प्रतिवेदन पेश हुनेछ र त्यसको कार्यान्वयन पनि हुनेछ,” नेपाल–भारत सम्बन्धलाई एक्काइसौँ शताब्दी सुहाउँदो बनाउन त्यसलाई पुनःपरिभाषित एवं पुनःरचना गर्ने मनसायले नै दुवै देशका प्रधानमन्त्रीले प्रबुद्ध व्यक्ति समूह गठन गरी प्रतिवेदन तयारीको जिम्मेवारी दिनुभएको उनले स्पष्ट गरेका छन् ।
श्रीलङ्कामा गहिरिँदै गएको राजनीतिक सङ्कट वार्ताको माध्यमबाट समाधान हुनुपर्ने नेपालको अभिमत प्रकट गर्दै मन्त्री ज्ञवालीले त्यहाँ विकसित घटनाक्रमलाई नेपालले नजिकबाट नियालीरहेको बताए ।

समसामयिक विषयमा भएको सवालजवाफका क्रममा उहाँले प्रजातान्त्रीकरणको प्रक्रियातर्फ उन्मुख भुटानले दशकौंदेखि नेपालमा शरणार्थी जीवन बिताइरहेका करिब छ हजार ९०० आफ्ना नागरिकलाई ससम्मान स्वदेश फर्काउने विश्वास व्यक्त गर्नुभयो । उनीहरुलाई स्थानीय नेपालीसँग कुनैपनि हालतमा एकीकरण नगरिने अडान पनि परराष्ट्रमन्त्रीले दोहो¥याए ।

राष्ट्रपति राष्ट्रसङ्घीय सम्मेलनमा

आगामी मङ्सिर १७ देखि २८ गतेसम्म पोल्याण्डको कातोभिचमा आयोजना हुने जलवायु परिवर्तनसम्बन्धी संयुक्त राष्ट्रसङ्घीय सम्मेलनमा सहभागी हुन राष्ट्रपति विद्यादेवी भण्डारी पोल्याण्डको पाँचदिवसीय भ्रमणमा मङ्सिर १५ गते त्यसतर्फ प्रस्थान गर्ने जानकारी मन्त्री ज्ञवालीले दिएका छन् । जलवायु परिवर्तनका प्रतिकूल असरविरुद्ध लड्न र जलवायु अनुकूलनका निम्ति सहायता जुटाउन राष्ट्राध्यक्षबाट हुने भ्रमण फलदायी हुने विश्वास उनले व्यक्त गरेका छन । सन् २०३० मा अल्पविकसित देशको सूचीबाट स्तरोन्नति गर्न भारी रकमको आवश्यकता पर्ने भएकाले त्यस्तो सहायता जुटाउन पनि राष्ट्रपतिको आसन्न भ्रमण सहयोगी हुने उनको कथन थियो ।

कम्बोडियाका प्रधानमन्त्री आउँदै

कम्बोडियाका प्रधानमन्त्री नेपालको औपचारिक भ्रमणमा आगामी मङ्सिर १३ गते काठमाडौँ आउनुहुने बताउँदै परराष्ट्रमन्त्रीले दुई दिवसीय उक्त भ्रमण पारस्परिक हित र चासोका विविध विषयमा द्विपक्षीय वार्ता हुने जानकारी दिए । अन्य देशबाट उच्च राजनीतिक तहका व्यक्तित्वको नेपाल भ्रमण हुने उनले बताए ।

आफ्ना जापानी समकक्षीको निमन्त्रणमा आफू जापानको भ्रमणमा आगामी शनिबार त्यसतर्फ प्रस्थान गर्ने जानकारी दिँदै मन्त्री ज्ञवालीले त्यहाँबाट कृषि प्रविधि तथा कृषिको आधुनिकीकरणमा जापानी सहायता जुटाउनेमा आफू केन्द्रित रहने बताए ।

“नेपालको विकासको प्रमुख साझेदार तथा हाम्रा प्रमुख भौतिक पूर्वाधार निर्माणमा लामो समयदेखि सघाउँदै आएको जापानसँग सडक तथा रेलजस्ता पूर्वाधारमा लगानी ल्याउन मेरो विशेष प्रयास हुनेछ । औपचारिक वैदेशिक सहायता कटौती भइरहेको सन्दर्भमा जापानबाट अधिकभन्दा अधिक लगानी भित्र्याउनु मेरो भ्रमणको अर्को उद्देश्य हो ।” जापानमा लगानीसम्बन्धी कार्यशालासमेत हुने जानकारी दिँदै परराष्ट्रमन्त्रीले भने ।

निर्देशिकाअनुसार नियुक्ति

राजदूत नियुक्त गर्न बाँकी रहेका मुलुकमा राजदूत नियुक्ति निर्देशिकाअनुसार नयाँ नियुक्तिका निम्ति सिफारिश हुने स्पष्ट गर्दै उहाँले कुनै पनि राजदूतावास राजदूतविहीन नहुन् भन्नेतर्फ सरकार गम्भीर रहेको बताए । नेपालको अधिक कार्यगत सम्बन्ध भएका देशमा राजदूताबास भवन खरिद गर्न सरकार लागिपरेको बताउँदै उहाँले घरभाडाबापत वर्षेनि खर्च भइरहेको रु ७७ करोड जोगाउन भवन खरिदको विकल्प नभएको उनको कथन थियो ।

उनले अमेरिकाको राजधानी वासिङटनस्थित नेपाली राजदूतावास हालै खरिद गरिएको नयाँ भवनमा सर्ने तथा सोही भवनमा राजदूतलाई आवासको व्यवस्था पनि हुने जानकारी दिए । करिब रु ७० करोडमा हालै उक्त भवन नेपाल सरकारले खरिद गरेको थियो ।

Continue Reading…

मधुमेह दिवस : नियमित व्यायाम गर्न सुझाव

काठमाण्डाै ।  विश्व मधुमेह दिवसका अवसरमा आज भक्तपुरमा लायन्स क्लब अफ इन्टरनेशनल ३२५ ए टु एमडी ३२५ को आयोजनामा जनचेतनामूलक र्या‍ली सम्पन्न भएको छ । लायन्स क्लब सेवा समन्वय समिति भक्तपुरको समन्वयमा आयोजित सो र्यालीसँगै मधुमेहसम्बन्धी अन्तक्र्रिया र निःशुल्क मधुमेह परीक्षणसमेत गरिएको थियो ।

र्यालीको समापनपछि आयोजित अन्तक्र्रियामा डा अंशुमाली जोशीले मधुमेहबाट बच्न र बचाउन दैनिक खानपानमा ध्यान दिन, नियमित ब्यायाम गर्न, तनावमुक्त जीवनशैली अपनाउन सुझाव दिएका छन् । कार्बोहाइडेटको मात्रा बढी भएको खाना, चिल्लो र गुलियो पदार्थ बढी हुँदा पनि मधुमेहको सम्भावना हुने जनाउँदै उहाँले मधुमेहका बिरामीले हेलचेक्र्याइँ गर्दा मिर्गौला खराब हुने, पक्षाघात, अन्धोपन तथा खुट्टा काट्नुपर्नेसम्मका अवस्था आउने भएकाले सचेत रहन आग्रह गरेका छन् ।

अल्का अस्पताल, डा इवामुरा अस्पताल, भक्तपुर हार्ट एण्ड डायविटिज सेन्टरको सहकार्यमा टौमढी, दरबार स्क्वायर र दत्तात्रयमा निःशुल्क मधुमेह शिविर सञ्चालन भएको थियो । मधुमेह उपचारका लागि प्रयोग गरिने इन्सुलिन बनाउन महत्वपूर्ण भूमिका खेलेका वैज्ञानिक फ्रेड्रिक व्यान्टिङको जन्मदिनको सम्झनामा हरेक वर्ष १४ नोभेम्बरमा विश्व मधुमेह दिवस मनाउन थालिएको हो । विश्वभर ३५ करोडभन्दा बढी जनसङ्ख्या मधुमेहको खतरामा रहेको विश्व स्वास्थ्य सङ्गठनको पछिल्लो आँकडा छ । नेपालमा भने करीब १० लाख मानिस मधुमेह रोगबाट प्रताडित रहेको अनुमान गरिएको छ ।

Continue Reading…

म प्रधानमन्त्री र कर्णबहादुर थापाको कोपभाजनमा परे–बर्खास्त मन्त्री सोडारी

काठमाडौं । प्रदेश सरकारको मन्त्री र पार्टीबाट एकैसाथ कारवाहीमा परेका दिर्घराज सोडारीले प्रधानमन्त्री तथा पार्टी अध्यक्ष केपी शर्मा ओलीको निर्देशनमा आफु पदच्यूत भएको बताएका छन् । ‘मेराबिरुद्ध बालुवाटारमा कुरा लगाइयो, एकलौटी कुरा सुनेर मलाई कारवाही गरियो’ उनले भने ‘पार्टीले गरेको कारवाहीको निर्णय मलाई मान्य छ तर म बिरुद्ध लगाइएका आरोप सह्य छैन ।’

अश्लिल टेलिफोन संवादको मोवाईल रेकर्ड प्रधानमन्त्री निवास बालुवाटारमा पुगेपछि सोडारीलाई मन्त्री र पार्टीबाट कारवाही गरिएको थियो । तर सोडारीले प्रधानमन्त्रीले कारवाही गरेका कारण आफुले यो बिषयमा अहिले केही नबोल्ने बताए । उनले प्रदेश कमिटीका अध्यक्ष कर्णबहादुर थापाको कोपभाजनमा आफु परेको बताएका छन् । प्रदेश अध्यक्ष थापाले नै बालुवाटारमा आफुबिरुद्ध षड्यन्त्र रचेको उनले बताए ।

प्रदेश कमिटीका अध्यक्ष थापा प्रधानमन्त्री ओली समुहका हुन् भने सोडारी बरिष्ठ नेता माधव नेपाल समुहका हुन् । सोडारीलाई कारवाहीबाट बचाउन नेपाल समुहका नेतासमेत रहेका ७ नम्वर प्रदेशका इन्चार्ज भीम रावलले पनि सकेनन् । उनले नै कारवाहीका पक्षमा हस्ताक्षर गरे ।

प्रधानमन्त्री ओलीले हटाउन मुख्यमन्त्री त्रिलोचन भट्टलाई निर्देशन दिनुभन्दा अघि नेकपा प्रदेश कमिटीले उनलाई कारवाही गर्ने निर्णय गरेको थियो । पार्टीको निर्णय भएपछि मोवाइलमाथी गरिएको लश्लिल संवाद सहितिको प्रमाण बालुवाटार पुगेको स्रोतले बताएको छ ।

Continue Reading…

सवारी दुर्घटनामा एक जनाको मृत्यु,४ घाइते

काठमाण्डौ । सानो भर्‍याङमा ट्याक्सी र कार ठोक्किँदा एकजना वृद्धाको ज्यान गएको छ । ४ जना घाइते भएका छन् ।मंगलबार राति बा २ ज ३१५ नम्बरको ट्याक्सी र बा १० च ५१९१ नम्बरको कार ठोक्किँदा ट्याक्सीमा सवार टोखा ११ महादेवटार बस्ने गोरखाको सिरानचोक गाउँपालिका ७ की ७० वर्षकी मोतीसरा भूजेलको ज्यान गएको प्रहरीले जनाएको छ ।

ट्याक्सीमा सवार अरु ४ जना घाइते भएका छन् । उनीहरुको स्यम्भूमा रहेको मनमोहन अस्पतालमा उपचार भैरहेको छ । कार चालकलाई प्रहरीले पक्राउ गरेको छ ।

Continue Reading…

आयरल्याण्डलाई हराउँदै पाकिस्तानले पहिलो जित दर्ता गरायो

काठमाण्डौ । टी ट्वान्टी महिला विश्वकपमा पाकिस्तानले पहिलो जित निकालेको छ । मंगलबार राति भएको खेलमा पाकिस्तानले आयरल्याण्डलाई ३८ रनले पराजित गरेको हो । पाकिस्तानले जितसंगै अघिल्लो चरण प्रवेशको गणितिय सम्भावनालाई कायम राख्न सफल भएको छ । पाकिस्तानले तीन खेलमा पहिलो जित निकाल्दै तालिकामा २ अंक जोडेको छ । आयरल्याण्डको यो लगातार दोस्रो हार हो ।

टस जितेर पहिले ब्याटिङ गरेको पाकिस्तानले निर्धारित ओभरमा ६ विकेट गुमाएर १ सय ३९ रन बनाएको थियो । कप्तान जाभिरिया खानको नटआउट ७४ रनको मदतले पाकिस्तानले मध्यम स्कोर खडा गरेको थियो । १ सय ४० रनको लक्ष्य सहित मैदान उत्रिएको आयरल्याण्डले निर्धारित ओभरमा ९ विकेट गुमाएर १ सय १ रनमात्र बनाउन सक्यो । आयरल्याण्डका लागि आईसोबेल जोयसले बनाएको ३० रन टोलीको सर्वाधिक स्कोर रह्यो । क्लेयर सिलिङटनले २७ रन बनाईन् । अन्य ९ ब्याट्सवुमनले दोहोरो अंकको स्कोर छुन सकेनन् ।

समूह बीमा पाकिस्तानले ३ खेलबाट २ अंक जोडेको छ । आयरल्याण्ड अंक विहिन छ । अष्ट्रेलिया र भारत समान ४ अंक सहित तालिकाको पहिलो र दोस्रो स्थानमा क्रमश छन् ।

Continue Reading…

उदाउँदाे सूर्यलाई अर्घ दिइ सकियाे छठ पर्व

काठमाण्डाै ।  मिथिलाञ्चल लगाएत देशभरमा लोकआस्थाको महापर्व छठ आज बिहान उदाउँदो सूर्यलाई अघ्र्य दिँदै सम्पन्न भएको छ ।
सोमबार कात्तिक शुक्ल पञ्चमी तिथिको बेलुका सख्खरमा पकाइएको खिर मात्र खाएर खरना विधि सम्पन्न गर्दै निराहार ब्रत थालेका ब्रतालुले आज उदाउँदो सूर्यलाई दोश्रो अघ्र्य दिँदै छठ सम्पन्न गरेका हुन् । सप्तमीका दिन बिहान सूर्यलाई दिइने अघ्र्यलाई मिथिलाञ्चलमा ‘भोरका अरख’ भन्ने गरिन्छ । 

मङ्गलबार षष्ठी तिथिका दिन साँझ ब्रतालुले पवित्र जलाशयमा निर्मित घाटमा अस्ताउँदो सूर्यलाई पहिलो अघ्र्य दिएका थिए । साँझको सूर्यलाई दिइने अघ्र्यलाई मिथिलाञ्चलमा ‘सझुका अरख’ भनिन्छ । सोमबार साँझ ‘खरना’ विधि सम्पन्न गरेर निराहार ब्रत थालेका ब्रतालुको उपवासको समय आज बिहान सूर्योदय हुँदासम्म झण्डै ३६ घण्टा भएको छ । आइतबार कात्तिक शुक्ल चौथीका दिन ‘नहाय खाय’ विधिबाट ब्रत सङ्कल्प गरेका ब्रतालुले आज चौथो दिन छठ सम्पन्न गरेका हुन् । छठ सम्पन्न भएसँगै ब्रतालु परिवारजनसँगै पानीघाटबाट घर फर्केपछि प्रसाद खाने ख्वाउने क्रम शुरु भएको छ ।

छठको प्रसाद बनाएर सूर्यलाई देखाइएका ठकुवा, भुसुवासहितका मिष्ठान्न परिकार खाने ख्वाउने क्रम भने मिथिलाञ्चलमा लामो समयसम्म जारी रहन्छ । मिथिलाञ्चलमा छठ सकिएपछि विवाहित चेलीबेटी, कुटुम्ब परिवार, मितमितिनी र अन्य इष्टमित्रको घरमा छठको कोशेली पठाउने चलन छ । यसरी पठाइने कोशेलीमा सूर्यदेवलाई देखाइएको प्रसाद मिसाएर पठाइने क्रम महीना दिनभर चलिरहन्छ । सूर्यदेव र षष्ठीदेवीको श्रद्धा र निष्ठापूर्वक उपासना गरिने छठ मिथिला लोकसंस्कृतिको अभिन्न अङ्ग मानिन्छ । लोकआस्थाको छठ पर्व आपसी सद्भावको प्रतीक मानिन्छ ।

Continue Reading…

नेपालको पर्यटन प्रवर्धन चिनिया चासो,नेपाली जहाजलाई चीनमा उडान भर्न दिइने

काठमाण्डौ । नेपालको पर्यटन प्रवद्र्धनमा चीन सरकारले धेरैभन्दा धेरै आफ्ना नागरिकलाई नेपालको भ्रमण गर्न अभिप्रेरित गरेको छ ।नेपाललाई प्रमुख गन्तब्यको सूचीमा समावेश गरेर चीनले वर्षौंअघिदेखि सघाउँदै आएको छ । सरकारीस्तरमा मात्र नभई जनस्तरमा समेत सुमधुर रहेको नेपाल–चीन सम्बन्धलाई अझ प्रगाढ तुल्याउने उद्देश्यले नेपालको चार दिवसीय भ्रमणमा रहनुभएका चीनका संस्कृति तथा पर्यटनमन्त्री लु सङ्गेङले पर्यटकीय पूर्वाधार बनाएर सघाउने बताएका हुन् ।

संस्कृति, पर्यटन तथा नागरिक उड्डयनमन्त्री रवीन्द्र अधिकारीसँग मंगलबार पर्यटन मन्त्रालयमा भएको छलफलमा चिनियाँ पर्यटनमन्त्री लुले नेपालको पर्यटन प्रवर्धनमा चिनियाँ सहयोग अभिवृद्धिबारे चासो व्यक्त गरेका थिए।

छलफलपछि सञ्चारकर्मीसँग कुरा गर्दै पर्यटनमन्त्री अधिकारीले नेपालको पर्यटन प्रवर्धनमा चीनले कसरी सहयोग गर्न सक्छ र त्यसका लागि आवश्यक वातावरण सिर्जना गर्न दुवै पक्षले अपनाउने रणनीतिबारे छलफल भएको बताए। सरकारले सन् २०२० लाई नेपाल भ्रमण वर्षका रुपमा मनाएर २० लाख पर्यटक भित्र्याउने लक्ष्य लिएको छ । पछिल्लो समय नेपालमा चिनियाँ पर्यटकको सङ्ख्या वृद्धि हुँदै गएको छ ।

पर्यटन मन्त्रालको ‘नेपाल टुरिजम स्टाटिटिक्स–२०१७’ का अनुसार एक लाख ४६ हजार ६४ चिनियाँ पर्यटक नेपाल भ्रमणमा आएका छन् । सन् २०१६ मा एक लाख चार हजार, सन् २०१५ मा ७७ हजार ९८४,सन् २०१४ मा एक लाख २३ हजार ८०५ र सन् २०१३ मा एक लाख १३ हजार १७३ चिनियाँ पर्यटक नेपाल आए ।

नेपाल पर्यटन बोर्डको विवरणअनुसार सन् २०१८ को नौ महीनामा एक लाख २१ हजार ३७८ चिनियाँ पर्यटक आएका छन् । सोही अवधिमा सन् २०१७ मा १० लाखको हाराहारीमा विदेशी पर्यटकले नेपाल भ्रमण गरेका थिए । पर्यटन बोर्डले पनि चिनियाँ भाषामा वेबसाइट बनाएर प्रवद्र्धनात्मक गतिविधिलाई तीव्रता दिएको छ । बोर्डको अभियानलाई मन्त्री लुले प्रशंसासमेत गरेका छन् ।

बोर्डका प्रमुख कार्यकारी अधिकृत दीपकराज जोशीले चीनलाई पर्यटनको मुख्य स्रोत बजारका रुपमा प्रवद्र्धनात्मक गतिविधिलाई तीव्रता दिइएको बताउनुभयो । नेपाल भ्रमण वर्ष २०२० लाई प्रभावकारी बनाउने र चिनियाँ पर्यटन बढीभन्दा बढी आउने वातावरण सिर्जना गर्ने सन्दर्भमा आवश्यक चिनियाँ भाषा र अरु प्रवद्र्धनका कामलाई प्रभावकारीरुपमा अघि बढाउनेबारे सहमति भएको पर्यटनमन्त्री अधिकारीले जानकारी दिए ।

“पर्यटन प्रवद्र्धनमा खास काम गर्ने, भ्रमण वर्षलाई सफल बनाउने सँगसँगै सन् २०३० सम्म एक दशकसम्म प्रवद्र्धनका गतिविधिलाई निरन्तरता दिनेबारे छलफल भएको छ”, उनले भने । विश्व सम्पदामा सूचीकृत वसन्तपुरको नौतले दरबारको पुनःनिर्माणमा चिनियाँ सहयोग अभिवृद्धि तथा दुई देशका प्रधानमन्त्रीबीच भएको सहमतिअनुसार नुवाकोट दरबार निर्माणको कामलाई अघि बढाउने प्रतिबद्धता जनाएको छ । भूकम्पबाट क्षति पुगेका सम्पदाको पुनःनिर्माणले गति लिई सातवटै सम्पदा क्षेत्र खुला भएकामा खुशी व्यक्त गर्दै मन्त्री अधिकारीले एक वर्षभित्र बाँकी पुनःनिर्माणको काम गर्ने प्रतिबद्धता जनाएका थिए । यसमा चिनियाँ सहयोगको प्रतिबद्धता आएको छ ।

चीनमा नेपाली जहाज लैजान सकारात्मक
भेटका क्रममा नेपाली वायुसेवालाई चिनियाँ भूमिका सहजरुपमा प्रवेशका लागि सहजीकरण गर्ने सम्बन्धमा पनि दुई पक्षीय सकारात्मक कुराकानी भएको छ । पर्यटनमन्त्री अधिकारीका अनुसार नेपाली जहाज चिनियाँ भूमिमा जाने सन्दर्भमा आफ्नो विभागीय मन्त्रालय नभए पनि सहजीकरणका लागि जोडदार कुरा उठाउने चिनियाँ पर्यटनमन्त्रीले वचन जानकारी दिएका छन् ।

उड्डयन क्षेत्रलाई प्रभावकारी बनाउन निर्माणाधीन पूर्वाधारको काम छिटोभन्दा छिटो सम्पन्न गर्न पनि चिनियाँ पर्यटनमन्त्रीले चासो जनाउनुभएको थियो । भ्रमणले दुई देशको सम्बन्धलाई प्रगाढ तुल्याउनका साथै दुईवटा मन्त्रालयबीचको सम्बन्धलाई अझ प्रभावकारी बनाएर परिणाममुखी काम गर्न आपसी सहकार्यका साथ पारस्परिक लाभका विषयलाई अघि बढाउने समझदारी बनेको मन्त्री अधिकारीको भनाइ छ ।

राष्ट्रिय ध्वजावाहक नेपाल वायुसेवा निगमले हालै भित्र्याएको दुई नयाँ वाइड बडी विमानले चीनका विभिन्न शहरमा उडान गर्न पाउने अपेक्षा गरिएको छ । यसले नेपालमा चिनियाँ पर्यटकको सङ्ख्यामा वृद्धि हुनुका साथै चीन र नेपालको आवागमनलाई थप सहज र प्रभावकारी बनाउने विश्वास लिइएको मन्त्री अधिकारीले उल्लेख गरे।

भ्रमणमा सहभागी नेपाल नागरिक उड्डयन प्राधिकरणका महानिर्देशक सञ्जिव गौतमले नेपालबाट चीन जाने अन्तर्राष्ट्रिय वायु सेवा कम्पनीलाई कसरी सहजरुपमा प्रवेश गराउने भन्नेबारे चिनियाँ पर्यटनमन्त्रीले पहल गर्ने आश्वासन दिनुभएको जानकारी दिए ।

चिनियाँ महोत्सवमा सहभागी हुन मन्त्री लुको प्रतिनिधिमण्डल नेपाल आएको हो । मन्त्रिस्तरीय छलफलमा आपसी सहयोग द्विपक्षीय सम्बन्ध तथा विगतका भएका सहयोगसम्बन्धी सम्झौताको प्रभावकारी कार्यान्वयनका विषयमा छलफल भएको थियो । छलफलमा पर्यटन मन्त्रालयका सचिव कृष्णप्रसाद देवकोटा, मन्त्रालय मातहत निकायका प्रमुख तथा नेपालका लागि चिनियाँ राजदूत यु होङलगायतका पदाधिकारीको सहभागिता थियो ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog