Showing posts with label नेपाली खबर. Show all posts
Showing posts with label नेपाली खबर. Show all posts

Thursday, August 22, 2019

कमल थापा र बाबुरामबीच जुहारी : फेरी लम्पसारबादको नमुना देखियो


काठमाडौं । कुटनीतिक मर्यादालाई बास्तै नगरी भारतीय विदेशमन्त्री एस जयशंकरलाई होटलमा भेट्न जाने नेपाली नेताहरुको चौतर्फी विरोध भइरहेका बेला राप्रपा अध्यक्ष कमल थापा र समाजबादी पार्टीका अध्यक्ष डा. बाबुराम भट्टराईबीच जुहारी चलेको छ ।

भारतीय विदेशमन्त्री जयशंकरलाई भेट्न पूर्वप्रधानमन्त्री एवं नेपाली कांग्रेसका सभापति शेरबहादुर देउवा, पूर्व प्रधानमन्त्री एवं समाजबादी पार्टीका अध्यक्ष डा. भट्टराई र समाजबादी पार्टीकै अर्का अध्यक्ष तथा बहालवाला उपप्रधानमन्त्री उपेन्द्र यादव होटल द्धारिकाजमा पुगेका थिए । प्रोटोकललाई ख्यालै नगरी विदेशमन्त्री भेट्न पुगेपछि चौतर्फी विरोध भइरहेको छ ।

त्यही बेला राप्रपा अध्यक्ष थापाले ‘फेरी एकपटक देउवा, भट्टराई र यादवले कुटनीतिक मर्यादा र स्वाभिमानीलाई उपेक्षा गर्दै लम्पसारबादको नमुना पेश गरे’ भन्दै सामाजिक सञ्जालमा ट्वीट गरे । उनको ट्वीटलाई डा. भट्टराईले ‘राष्ट्रवादको डंका पिटेर जनता ठग्ने’ भन्दै प्रतिवाद गरेका छन् ।

थापाले भारतका सामु एकपटक फेरी देउवा, भट्टराई र यादव लम्पसार भएको टिप्पनी गरेका थिए । तर भट्टराईले जवाफमा भनेका छन् ‘शिशाको घरमा बस्नेले अर्काको झोपडीमा ढुंगा हान्नुहुँदैन भन्ने लोकोक्ति मेरा सहपाठी मित्रले स्मरण गर्नु राम्रो होला ! सुगौलीसन्धी यताका शासकले भित्र दिल्लीको चाकरी गर्ने र बाहिर राष्ट्रवादको डंका पिटेर जनता ठग्ने विरासत तोड्दै हामी छिमेकीसंग देशको हितमा खुलासम्बन्ध राख्ने पक्षमा छौं ! ’

जयशंकरका तर्फबाट भेटघाटका लागि नेकपा अध्यक्ष पुष्पकमल दाहाल प्रचण्ड र वरिष्ठ नेता माधव नेपाललाई पनि निम्तो पठाइएको थियो । तर दाहाल र नेपाल प्रोटोकल नमिलेको भन्दै होटल द्धारिकामा भेट्न गएनन् ।

Continue Reading…

गौरा पर्व सुदूरपश्चिमको मात्रै नभई राष्ट्रकै पहिचान: उपराष्ट्रपति पुन

काठमाडौं । उपराट्रपति नन्दबहादुर पुनले गौरा पर्वले धार्मिक सहिष्णुता र सद्भावलाई अझ बलियो बनाउने विश्वास व्यक्त गरेका छन् ।

सुदूरपश्चिम प्रदेशलगायत अन्य क्षेत्रमा मनाइने गौरा पर्वको अवसरमा आज शुभकामना दिँदै उनले गौरा पर्व, देउडा संस्कृति सुदूरपश्चिम प्रदेशको मात्रै नभई नेपाल राष्ट्रकै पहिचान भएको बताएका छन् । “सुन्दर सुदूरपश्चिम प्रदेशलाई गौरा पर्व र सो अवसरमा नाचिने देउडामा गाइने पौराणिक कथा, देवीदेवताका गाथा र धार्मिक ग्रन्थ, देउडाका माध्यमबाट महिलाले पोख्ने सुख–दुःख र सामाजिक विकृतिविरुद्ध गरिने व्यङ्ग्यजस्ता संस्कार, संस्कृतिले झनै सुन्दर बनाएको छ”, उपराष्ट्रपतिले सन्देशमा भनेका छन् ।

गहुँ, केराउ, गहत, मास र गुरौसको समिश्रणबाट बन्ने बिरुडा खाएर मनाइने गौरा पर्वले धार्मिक आस्था, आपसी सद्भाव बढाउनुका साथै सुख शान्ति प्राप्त हुने, इष्ट र कुलदेवता खुशी हुनेजस्ता जनविश्वास रहिआएको उनले स्मरण गरे ।

उपराष्ट्रपतिले गौरा पर्वको अवसरमा सुदूरपश्चिम प्रदेशवासी र स्वदेश तथा विदेशमा रहेका नेपाली दिदी–बहिनी तथा दाजुभाइमा सुख, शान्ति, समृद्धि र राष्ट्रको निरन्तर समुन्नतिको कामनासमेत गरे ।

Continue Reading…

पुर्नबाहलीको माग गदै रेडियो नेपाल दिपायलमा धर्ना

डोटी । रेडियो नेपाल प्रदेश प्रशारण केन्द्र दिपायलमा कार्यरत तीन कर्मचारीलाई बिना जानकारी सेवाबाट हटाएको विरोधमा नेपाल पत्रकार महासंघ डोटी शाखाको अगुवाईमा पुर्नबाहलीको माग गर्दै धर्ना सुरु गरेको छ ।

रेडियो नेपालमा कार्यरत तीन जना कर्मचारीलाई जागिरबाट बर्खास्त गरेपछि पुनर्वहाली गर्नु पर्ने माग गर्दै मुखमा कालो पट्टी बाधेर धर्ना सुरु गरिएको नेपाल पत्रकार महासंघ डोटी शाखाका अध्यक्ष योगेन्द्र बलायरले बताए ।

पहिलो चरणमा बिहिबार देखि तीन दिनसम्म पत्रकार महासंघ डोटीको अगुवाईमा प्रदेश प्रशारण केन्द्र दीपायलको गेटमा धर्ना सुरु गरिएको हो ।प्रदेश प्रशारण केन्द्र दिपायलमा कार्यरत सुनिता रावल, प्रकाश बम र चक्र कुँवरलाई बिना सुचना बर्खास्त गरेपछि महासंघले रेडियो प्रसार सेवा बिकास समितिलाई ज्ञापन पत्र बुझाउनुका साथै विज्ञप्ती जारी गर्दै पुर्नबाहलीको लागि जोडदार माग गरेको छ ।

रावल १० बर्ष देखि रेडियो नेपालमा कार्यरत थिइन् भने बम र कुँवर तीन बर्षदेखि कार्यरत थिए । तीनै जनालाई गत सोमबार रेडियो प्रसार सेवा विकास समितिले जागिरबाट बर्खास्त गरेको थियो। भाद्र १ गते देखि लागु हुने गरी अन्य तीन जनालाई नियुक्ती दिईएको छ ।

Continue Reading…

विप्लव समूहका जनसरकार प्रमुख पक्राउ

परासी । नेत्रविक्रम चन्द ‘विप्लव’ समूहका नवलपरासी जिल्ला सदस्य एवं जनसरकार प्रमुख भनिएको प्रेमप्रसाद ढकाल पक्राउ परेका छन् ।सुनवल नगरपालिका–१३ बडेरास्थित घरबाटै गए राति ढकाललाई पक्राउ गरिएको जिल्ला प्रहरी कार्यलय पश्चिम नवलपरासीका प्रवक्ता प्रहरी नायब उपरीक्षक वीरेन्द्र थापाले जानकारी दिए ।

पक्राउ परेका ढकाललाई जिल्ला प्रहरी कार्यलयमा राखी आवश्यक अनुसन्धान थालिएको उनले बताए । ढकालसँगै पश्चिम नवलपरासीमा विप्लव समूहका अधिकांश नेताहरू यसअघि नै पक्राउ परिसकेका छन् ।

विप्लव समूहका जिल्ला इन्चार्ज सुमन ज्ञवाली यसअघि नै पक्राउ परी कारागारमा छन् भने पक्राउ परेका अन्य केही जिल्लास्तरका नेताहरूले विप्लव समूह परित्याग गरी धरौटीमा छुट्दै आएका पनि छन् ।

Continue Reading…

सांस्कृतिक परम्पराले समाजलाई एकताको सूत्रमा बाँधेको छ: राष्ट्रपति भण्डारी

काठमाडौं । राष्ट्रपति विद्यादेवी भण्डारीले ऐतिहासिक सांस्कृतिक परम्पराले समाजलाई एकताको सूत्रमा बाँधेको बताएकी छिन् ।

श्रीकृष्ण जन्माष्टमीको अवसरमा शुभकामना सन्देश दिँदै उनले श्रीकृष्णजन्माष्टमीजस्ता ऐतिहासिक सांस्कृतिक परम्पराले समाजलाई एकताको सूत्रमा बाँध्नुका साथै सामाजिक तथा धार्मिक सहिष्णुता एवं सद्भाव अभिवृद्धि गर्न ठूलो मद्दत पु¥याएको बताएकी छिन् ।

“हाम्रा सांस्कृतिक सम्पदा, प्रचलन र मान्यता राष्ट्रिय जीवनका अमूल्य निधि हुन्”, सन्देशमा उनले भनेकी छिन् , “मुलुकको सभ्यता र सम्पन्नताको सूचकसमेत मानिने यस्ता मौलिक परम्परा र संस्कृतिको प्रवद्र्धधन गर्नु हामी सबैको साझा दायित्व हो ।”

उनले श्रीकृष्ण जन्माष्टमी पर्वले हामीबीच सदाचार, सत्कर्म, प्रेम र करुणा जागृत गर्न सकोस् भनी कामनासमेत व्यक्त गरेकी छिन् ।

Continue Reading…

आज गौरा पर्व, हर्षोल्लासका साथ मनाइँदै, सुदूरपश्चिममा सार्वजनिक विदा

काठमाडौं । सुदूरपश्चिम प्रदेशमा आज गौरा पर्व हर्षोल्लासका साथ मनाइँदै छ। सुदूरपश्चिममा मनाइँने गौरापर्वको मुख्य दिन आज दुर्वाष्टमी अर्थात् अठ्यावाली हो। हिजो साँझ गौराघरमा भित्र्याएको गौरालाई आज व्रतालु महिलाहरुले गौराखला (आँगन)मा लगेर पूजा गर्ने प्रचलन छ। यस दिन गौराको पूजाआजा गरी मनाइन्छ। सुदूरपश्चिमको मौलिक संस्कृति झल्किने गरी मनाइने गौरा पर्व ९ वटै जिल्लामा धार्मिक तथा सांस्कृतिक मान्यता अनुसार मनाउने चलन छ। प्रदेश बाहिर र विदेशमा समेत बसोबास गर्ने सुदूरपश्चिमेलीले गौरा पर्व मनाउँदैछन्।

भदौ शुक्ल पञ्चमीदेखि आरम्भ हुने गौरापर्वको पहिलो दिन महिलाहरुले घरघरमा तामाको भाँडामा बिरुडा ९पाँच प्रकारका अन्न० भिजाएर गौरा पर्वको विधिवत रुपमा सुरुवात गर्दछन्। भदौ शुक्ल पञ्चमीका दिन महिलाहरुले व्रत बसी केराउ, गहत, गहुँ, मास र गुरौस मिसाएर तामाको भाँडामा विरुडा भिजाएपछि गौरा पर्वको थालनी हुन्छ।

भदौ शुक्ल पञ्चमीका दिन भिजाइएको बिरुडा भोलिपल्ट षष्ठीका दिन नजिकको धारा, तलाउ वा पोखरीमा लगेर धुने चलन छ। त्यस्तै सप्तमीका दिन गौरा देवीलाई नजिकैको मठमन्दिरमा भित्र्याएर पूजा अर्चना गरी विवाहित महिलाहरुले दुवधागो चढाउने चलन छ। अठवली अर्थात् अष्टमीको दिन व्रत बसेर गौरा पर्व मनाउने स्थलमा पार्वती र शिवको पूजापाठ गर्ने चलन छ। ब्रतालु महिलाहरुले गौराको पूजन गरिसकेपछि मुख्य प्रसादको रुपमा रहेको बिरुडाले आफ्ना श्रीमान्, छोराछोरी र आफन्तजनको दीर्घायुको कामना गर्दै टाउको पुज्ने गर्दछन्।

पुरुषहरुले ठाडोखेल, ढुस्को धमारीलगायतका ऐतिहासिक संस्कृतिमा आधारित खेलहरु खेल्ने गर्दछन्। महिलाले आफ्नो अटल सौभाग्य समृद्धि सन्तान र परिवारमा सुख शान्तिका लागि व्रत बसी पूजाआजा गर्दछन्। गौरा पर्व विशेष गरेर सुदूरपश्चिम, मध्यपश्चिमका केही जिल्लाहरु र भारतको कुमाउँमा परापूर्व कालदेखि नै मनाउँदै आएको पर्व हो। सुदूरपश्चिमेलीहरुले यस पर्व दशैंभन्दा पनि महत्त्वका साथ मनाउने गरेको स्थानीय गणेश विष्टले बताए।

त्यसैले गौरामा एकै छिन भए पनि डेउडामा रमाउन परदेशिएकाहरु पनि घरपरिवार सम्झिएर फर्किने गर्छन्। यस वर्ष पनि छिमेकी भारतका विभिन्न सहरमा मजदुरी गर्ने हजारौं सुदूरपश्चिमेली गौराका लागि घर फर्किएका छन्। गौरामा विवाहित चेलीहरु पनि माइत आउने चलन छ।

गौरा पर्वको मुख्य आकर्षणको रुपमा रहेको देउडामा पौराणिक कथा, देवी देवताका गाथा गाउने, चैतली, धुमरी, ढुस्को लगायतका भाकामा देउडा खेल खेल्ने चलन छ। देउडाका माध्यमबाट समाजमा भएको विकृति, देशको राजनीतिक अवस्था लगायतका बारेमा तिखो व्यङ्ग्य गरी पनि गरिन्छ।

गौरा पर्व भदौ शुक्ल पञ्चमीका दिन आरम्भ हुने भएपनि गौरा विसर्जन भने आ–आफ्नै चलन अनुसार गर्ने गरिन्छ। आज सुदूरपश्चिम प्रदेश सरकार र संघीय सरकारले समेत प्रदेशभरी सार्वजनिक विदा समेत दिएको छ।

Continue Reading…

गौरा नेपालको एक विशिष्ट पहिचान झल्काउने पर्व: प्रधानमन्त्री ओली

काठमाडौं । प्रधानमन्त्री केपी शर्मा ओलीले गौरा पर्व नेपालको एक विशिष्ट पहिचान झल्काउने पर्वको रुपमा सुपरिचित रहेको बताएका छन् । गौरा पर्वको अवसरमा शुभकामना सन्देश दिँदै उनले कर्णाली प्रदेश तथा सुदूरपश्चिम प्रदेशमा विशेष हर्षोल्लासका साथ मनाइने यस पर्वले आपसी सद्भावलाई अझ मजबुत बनाउने बताए ।

उनले सन्देशमा धार्मिक र सांस्कृतिक महत्वका साथ गौरा पर्व मनाउने स्वदेश तथा विदेशमा रहनुभएका समस्त नेपाली दिदी बहिनी तथा दाजुभाइमा सुस्वाथ्य, दीर्घायु, सुख, समृद्धि र उत्तरोत्तर प्रगतिको हार्दिक शुभकामना व्यक्त गरेका छन् ।

प्रधानमन्त्री ओलीले देशका विभिन्न भूभागमा बोलिने भाषा र विभिन्न क्षेत्रका संस्कृति, वेषभूषा, रीतिरिवाज र संस्कारले विविधताबीच एकता, आपसी सम्बन्ध र सामाजिक सद्भावको सम्मिलन गराएको उल्लेख गर्दै बहुजातीय, बहुभाषिक, बहुधार्मिक र बहुसांस्कृतिक विशेषता हाम्रो देशका अमूल्यहरु निधि रहेको बताए ।

“हाम्रो देशको जातीय र सांस्कृतिक विविधतालाई आपसी द्वन्द्वमा रुपान्तरण गर्ने दुष्प्रयासलाई हामीले सधैँ एकताबद्ध भएर परास्त गर्दै आएका छौँ”, उनको सन्देशमा भनिएको छ, “हिमाल, पहाड र तराईका नेपालीहरुबीचको आपसी एकता झनझन प्रगाढ हुँदै गएको छ ।”

हाम्रा चाड पर्व जीवन्त अन्तर–सांस्कृतिक अन्र्तघुलनका अनुपम उदाहरण रहेको उल्लेख गर्दै उनले सद्भाव र एकताको प्रवद्र्धन गर्ने हाम्रा अनेकौँ पर्व र सांस्कृतिक अवसरमध्येको गौरा पर्वले समस्त नेपाली दिदी बहिनी दाजुभाइबीचको आपसी सद्भावलाई अझ मजबुत बनाउने विश्वास गरेका बताए ।

Continue Reading…

महँगियो सुनः रहर मेटाउन नक्कलीको भर

काठमाडाै‌ँ । सक्कली सुन महँगिए पनि नक्कलीका भने बिक्री ह्वात्तै बढेको छ । सुनको जलप लगाइएका गहनाको व्यापार दुई सातामै २५ प्रतिशतले बढेको छ ।

झट्ट हेर्दा सक्कलीझैँ देखिने भएकाले सस्तोमा नक्कली सुनका गहना खरिद गर्ने बढेका छन् । महिलाहरुको महत्त्वपूर्ण चाड तीजको समयमै सुनको भाउ अकासिएपछि रहर मेटाउन पनि नक्कली सुन किन्ने बढेका छन् ।

सितापाइलाकी सानु शाक्यले मखन टोलको सोना शृंगार पसलबाट नक्कली सुनको गहना किनेको बताइन् । ‘सुन महँगो भयो त्यसैले यो किनेर लगाउने, ’ उनले भनिन्, ‘सुन लाउनैपर्ने भो, अहिले महँगिएको अवस्थामा किन्न पनि नसकिने भो ।’ सस्तोमा नयाँ डिजाइनको गहना फेरीफेरी लगाउन पाइने उनको अनुभव छ । यो समाचार आजको कान्तिपुर दैनिकमा नुमा थाम्सुहाङले लेखेकी छिन् ।

Continue Reading…

नेपाल प्रहरीमा ४ हजार पदका लागि जागिर खुल्यो (सूचनासहित)

काठमाडौं । नेपाल प्रहरीले विभिन्न पदका लागि ३ हजार आठ सय ३१ जनाको दरखास्त माग गरेको छ।

प्रहरी प्रधान कार्यालयको मानवश्रोत एवं भर्ना छनौट महाशाखा नक्सालले ठूलो संख्यामा दरखास्त मागेको हो। जस अनुसार प्रहरी जवान पदमा ३ हजार पाँच सय ९६ जना माग गरिएको छ । यस्तै १९० जना भान्छे मागेको छ भने हजाम १० जनाको माग गरिएको छ । त्यसै गरी कुचिकार २० जना माग्दा खेलाडी भने २५ जनाको माग छ।

खेलाडीका लागि भने राष्ट्रिय प्रहरी प्रशिक्ष प्रतिष्ठान महाराजगंजमा मात्र दरखास्त दिन सकिने छ ।

सूचना:

Continue Reading…

जयशंकर दिल्ली नपुग्दै पाकिस्तानी विदेशमन्त्रीको टेलिफोन, बालुवाटारको सुचना कसरी चुहियो ?

काठमाडौं । भारतीय विदेशमन्त्री एस जयशंकर स्वदेश फर्केको एक घण्टाभित्रै पाकिस्तानी विदेशमन्त्री मकदुम कुरेशीले नेपालका परराष्ट्रमन्त्री प्रदीप ज्ञवालीसँग टेलिफोन सम्वाद गरेका छन् । पाकिस्तानी विदेशमन्त्रीको आकस्मिक टेलिफोनको मुल कारण हो बालुवाटारको गोप्य भेटवार्ता ।

नेपाल भ्रमणमा रहेका भारतीय विदेशमन्त्री जयशंकरले प्रधानमन्त्री केपी शर्मा ओलीसँग एक घण्टा लामो गोप्य छलफल गरेका थिए । गोप्य छलफलमा जम्मु काश्मीर विवादमा भारतको विरोध नगर्न जयशंकरले आग्रह गरेका थिए । प्रधानमन्त्री ओलीले पनि जम्मु काश्मीरमा आफुहरुले औपचारिकरुपमा मुख नखोल्न आश्वासन दिएका थिए ।

ओली र जयशंकरबीच भएको सहमति दिल्लीभन्दा पहिले कराँची पुगेको छ । पाकिस्तानका विदेशमन्त्रीले नेपालका परराष्ट्रमन्त्री ज्ञवालीलाई टेलिफोन गरी भारतको अवैध र एकतर्फी निर्णयको विरोध गर्न आग्रह गरेका थिए । बालुवाटारको गोप्य सहमति लिएर जयशंकर दिल्ली नपुग्दै पाकिस्तानका विदेशमन्त्रीले टेलिफोन गरेका थिए ।

पाकिस्तानका विदेशमन्त्री कुरेशीले जम्मु काश्मिरमा भारतीय कदम अन्तर्राष्ट्रिय कानुन र राष्ट्रसंघ सुरक्षा परिषद् प्रस्ताव विपरीत रहेको बताउँदै सहयोग र समर्थन गर्न आग्रह गरेका थिए । परराष्टमन्त्री ज्ञवालीसँग टेलिफोन गरेपछि पाकिस्तान सरकारले प्रेस विज्ञप्ति पनि जारी गरेको थियो ।

पाक अधिनस्थ कश्मिरमा खाद्यान्नको अभाव, मानवअधिकारको उल्लघंन र नागरिकहरुको जनधनको क्षति हुने सम्भावना रहेको भन्दै पाकिस्तानका विदेशमन्त्रीले सार्क राष्ट अध्यक्षको हैसियतमा मध्यस्त गर्न आग्रह पनि गरेका थिए ।

Continue Reading…

ओली-नेपाल चर्काचर्की, ओलीले स्विकारेनन् स्वास्थ्यलाभको कामना

काठमाडौं । प्रधानमन्त्री केपी शर्मा ओली बिहीबार उपचारका लागि सिंगापुर आनुअघि बसेको नेकपा सचिवालय बैठक‘अप्रिय’ बन्यो । बैठकमा ठोस एजेन्डाबारे छलफल भएन । पार्टी अध्यक्ष ओली र वरिष्ठ नेपाल माधवकुमार नेपालबीचको चर्काचर्कीका कारण अरु विषयले प्रवेश नै पाउन सकेन ।

सहभागी एक नेताका अनुसार संवाद यतिसम्म तल पुग्ने कि नेपालले ‘स्वाथ्य लाभको कामना छ’ भन्दा प्रधानमन्त्रीले ‘तपाईँको स्वस्थ्य लाभको कामना चाहिएन’ भन्दै अस्वीकार गरे ।

पार्टीका गत शुक्रबार र आइतबारको बैठकका निर्णयलाई लिएर नेता नेपालले सातबुँदे लिखित असहमति राखेका थिए । बिहीबारको बैठकमा त्यही लिखित असहमति र त्यसपछि नेताहरुबीच उत्पन्न तरंगले प्रवेश पायो । यो समाचार कान्तिपुर दैनिकमा छ ।

Continue Reading…

६७ हजार नर्स र १९ हजार डाक्टरको अभाव

काठमाडौं । देशका विकासका लागि नागरिक स्वास्थ्य हुनुपर्ने हुनुपर्छ। भनिन्छ, स्वस्थ्य जीवन नै स्वस्थ्य मष्तिस्कको उपज हो। यस्तो महत्वपूर्ण भूमीकामा रहेको स्वास्थ्य क्षेत्र भने वर्षै देखि राज्य तहबाटै उपेक्षित हुँदै आएको छ।

यो कुरामा सर्वसाधारणको मात्रै होइन, सरकारकै उप्रधानमन्त्त्री तथा स्वास्थ्यमन्त्री उपेन्द्र यादवको पनि स्वीकारोक्ति रहेको छ। ‘जनताललाई सुलभ सेवा दिन भने अझै १९ हजार डाक्टरको अभाव छ, ६७ हजार नर्स छैनन्।, ‘स्वास्थ्य क्षेत्रको पीडा पोख्दै स्वास्थ्यमन्त्री यादवले प्रश्न गरे, ‘यस्तो अवस्थामा कसरी सर्वसुलभ स्वास्थ्य सेवा दिन सकिन्छ।’ स्वास्थ्य मन्त्री यादवकै अनुभवमा राज्को उपेक्षाका कारण स्वास्थ्य क्षेत्रमा बग्रेल्ती समस्याले भरिएको छ।

३ हजार पाँच सय विशेषज्ञ डाक्टरको आवश्यक हुँदा ७०० मात्रै डाक्टर उपलब्ध भएको खबर राजधानी दैनिकले लेखेको छ। त्यस्तै २० हजार डाक्टरको आवश्यक पर्दा १३ सय मात्रै डाक्टर उपलब्ध रहेका छन्। ८० हजार नर्सको आवश्यकता परेकोमा अहिले सम्म १३ हजार नर्स रहेको तथ्यांक रहेको छ।

Continue Reading…

Wednesday, August 21, 2019

प्रधानमन्त्री ओली आज उपचारका लागि सिंगापुर जाँदै

काठमाडौं । प्रधानमन्त्री केपी शर्मा ओली स्वास्थ्य परीक्षणका लागि आज सिंगापुर जाने भएका छन् । थप उपचारका लागि आज दिउँसो साढे १ बजे सिंगापुर जाने प्रधानमन्त्रीको सचिवालयले जनाएको छ।

सिंगापुरमै स्वास्थ्य परीक्षण गराएर गत साउन २७ गते फर्किएका प्रधानमन्त्री ओली १० दिनपछि फेरि त्यसतर्फ जान लागेका हुन् । यसअघिको उपचारमा दुई साइकल औषधि चलाइएको र थप एक साइकल तीन साताको बीचमा चलाउनुपर्ने भएकाले त्यस तर्फ प्रस्थान गर्न लागेका हुन् । चिकित्सकको सल्लाहअनुसार दिउँसो साढे १ बजे थाई एयरमार्फत सिंगापुर प्रस्थान गर्न लागेको उनका प्रेस संयोजक चेतन अधिकारीले जानकारी दिए ।

ओलीसँगै प्रधानमन्त्री पत्नी राधिका शाक्य, प्रमुख राजनीतिक सल्लाहकार विष्णु रिमाल, निजी चिकित्सक डा.दिव्या सिंहलगायत पनि सिंगापुर जाने प्रधानमन्त्रीको सचिवालयले जनाएको छ । सिंगापुरस्थित नेसनल युनिभर्सिटी अस्पतालमा उपचार गराउँदै आएका ओलीको १२ वर्षअघि मृगौला प्रत्यारोपण गरिएको थियो।

Continue Reading…

हिरासतबाट रविले भने -म प्रहरीबाटै असुरक्षित छु

काठमाडौं । शालिकराम पुडासैनीको आत्महत्यापछि अनुसन्धानका लागि प्रहरी हिरासतमा रहेका सञ्चारकर्मी रवी लामिछानेले आफु असुरक्षीत भएको बताएका छन् । पत्नी निकिता पौडेलले सामाजिक सञ्जालबाट आफु असुरक्षीत भएको र फसाउन खोजिएको बताएको बताएका हुन् । पतिका नामबाट निकिताले सामाजिक सञ्जालबाट स्ट्याटस लेखेकी छिन् ।

उनले शुरुका पाँच दिन आफु प्रहरीसँग हिरासतमा सुरक्षीत भएको महसुस गरेपनि म्याद थप गरेपछि आफु सशंकित भएको बताएका छन् । -पाँचौ दिन सम्म मैले प्रहरीसँग आफू सुरक्षित रहेको महसुश गरेको थिए तर आजबाट भने म प्रहरीसँगै नै असुरक्षित भएको महसुश गरेको छु -रविका नामबाट पत्नीले लेखेको स्ट्याटसमा भनिएको छ -यो घटनामा हाम्रो कहि कतै संग्लनता नदेखिएको पोईन्ट वाईज स्पष्ट भईरहेको बेला फेरी पाँच दिनको म्याद थप्दै प्रहरीले चलाएको कदम हामीलाई फसाउँने गरी सुनियोजित र नियतपूर्ण रहेको स्पष्ट पार्न चाहन्छु ।

Continue Reading…

अब अध्यापन अनुमतिपत्रको उत्तरपुस्तिका परीक्षण कम्प्युटरबाट

काठमाडौँ। स्थायी अध्यापन अनुमतिपत्रको वस्तुगत परीक्षाको उत्तरपुस्तिका कम्प्युटर प्रणालीबाट परीक्षण गरिने भएको छ । शिक्षक सेवा आयोगले सञ्चालन गर्ने लिखित परीक्षाको ४० अङ्क वस्तुगत रहने व्यवस्था छ ।

विगतमा परीक्षकले उत्तरपुस्तिका परीक्षण गर्ने गरेकोमा अब अप्टिकल मार्क रिडर (ओएमआर) मेसिनले परीक्षण गर्नेछ । अध्यापन अनुमतिपत्र ९लाइसेन्स० को परीक्षामा विषयगत प्रश्नहरू वस्तुगत रहनेछ ।

आयोगका सूचना अधिकारी दामोदर आचार्यले ओएमआर मेसिनबाट उत्तरपुस्तिका परीक्षण गराउँदा खर्च कम लाग्नुका साथै कम समयमै नतिजा निकाल्न सकिने बताए ।स्थायी अध्यापन अनुमतिपत्रको प्राथमिक तहको परीक्षा आगामी असोज ९, माध्यमिक तहको असोज १० र निम्न माध्यमिक तहको असोज ११ गते हुँदैछ ।

यस पटकबाट परीक्षार्थीले अनलाइनबाट फाराम भर्ने व्यवस्थाको थालनीसमेत गरिएको थियो । स्थायी अध्यापन अनुमतिपत्रको उत्तीर्णाङ्क ५० प्रतिशत छ । गोरखापत्र दैनिकमा खबर छापिएको छ।

Continue Reading…

जहाँ विद्यार्थीले लगाउँछन् शिक्षकको हाजिरी !

काठमाडौं । सल्यानको दार्मा गाउँपालिका–१ स्यालास्थित बालकल्याण प्राथमिक विद्यालयमा शिक्षकको हाजिरी विद्यार्थीले लगाउने गर्छन् ।

प्रायः विद्यालयमा शिक्षकले विद्यार्थीको हाजिरी लगाइरहेको अवस्थामा उक्त विद्यालयमा भने विद्यार्थीले शिक्षकको हाजिरी लगाउँदै आएका हुन् । कुन शिक्षक कति बजे कक्षामा प्रवेश गरे, कति मिनेट पढाए, कक्षा घण्टी सकिएको कति मिनेटपछि कक्षा छाडे लगायतका विगयामा विद्यार्थी हाजिरी लगाउने गर्छन् ।

शिक्षकको अधिनमा विद्यार्थी बस्नुपर्ने बाध्यात्मक अवस्थालाई अन्त्य गरी शैक्षिक वातावरण सिर्जना गर्न यसप्रकारको कार्य गरिएको प्रधानाध्यापक कुमार देवकोटाले जानकारी दिए। नेपाल समाचारपत्रमा यो खबर छापिएको छ ।

Continue Reading…

चलचित्र शुरु गर्नुभन्दा पहिले अनिवार्य राष्ट्रिय गान

काठमाडौं । संविधान दिवसका दिनदेखि मुलुकभरका फिल्म हलले चलचित्र सुरु गर्नुअघि अनिवार्य रुपम राष्ट्रिय गान बजाउनुपर्ने भएको छ ।

असोज ३ मा संविधान दिवस मनाउनका लागि मूल समारोहसमिति गठन गर्न बुधबार प्रधानमन्त्री केपी शर्मा ओलीको अध्यक्षतामा सरकारका सबैजसो मन्त्री र सचिवसहितको बैठकले सञ्चार तथा सूचनाप्रविधि मन्त्रालयको प्रस्ताव सम्पूर्ण फिल्महललाई त्यस्तो निर्देशन दिनएको हो ।

राष्ट्रिय गानको सम्मानमा सबै दर्शक अनिवार्य उभिनुपर्ने जानकारी समेत गृहले दिएको छ । यो समाचार कान्तिपुर दैनिकमा बलराम बानियाँले लेखेका छन् ।

Continue Reading…

अब प्रधानमन्त्री जहाँ भएपनि भिडियोबाटै मन्त्रिपरिषद् बैठक

काठमाडौं । प्रधानमन्त्री केपी शर्मा ओलीको स्वास्थ्य उपचारमा लामो समय लाग्ने भएपछि मन्त्रिपरिषद् बैठक कार्यसञ्चालन विधि संशोधन गरिएको छ ।

प्रधानमन्त्री निवास बालुवाटारमा बुधबार साँझ बसेको मन्त्रीपरिषद्  बैठकले सञ्चालन विधि संशोधन गरेको हो । ओली स्वास्थ्य उपचारका लागि बिहीबार सिंगारपुर जाँदैछन् ।

अब प्रधानमन्त्री जहाँ भएपनि भिडियो कन्फ्रेरेन्समार्फत बैठक गर्न सक्ने व्यवस्था गरिएको छ । प्रधानमन्त्री विदेश जाँदा उपप्रधानमन्त्री अथवा निकटतममन्त्रीलाई कार्यवाहक प्रधानमन्त्रको जिम्मेवारी दिने प्रचलन थियो । यो समाचार आजको नागरिक दैनिकमा छ ।

Continue Reading…

प्रदेश ३ सामाजिक विकास मन्त्रालयद्वारा सयौँको संख्यामा कर्मचारी माग (सूचनासहित)

काठमाडौं । प्रदेश नम्वर ३ सरकारले ‘एक विद्यालय एक नर्स’ कार्यक्रमका लागी दरखास्त आह्वान गरेको छ ।

प्रदेश ३ को सामाजिक विकास मन्त्रालयले एक सूचना निकाल्दै करार सेवाका लागी ‘एक विद्यालय एक नर्स’ कार्यक्रम अन्र्तगत प्रदेश ३ का सबै स्थानीय तहका लगी एक एक जना नर्सको लागी दरखास्त माग गरेको हो । मन्त्रालयले जम्मा १०१ पदका लागी दरखास्त माग गरेको छ ।

योग्यता पुगेका नागरिकहरुले सूचना प्रकाशित भएको २१ दिनभित्र दरखास्त दिन सकिने मन्त्रालयले जनाएको छ ।

सूचना हर्नुहाेस्:

Continue Reading…

नेपाल–भारत बैठक: तितो मेट्ने पहल मात्रै

काठमाडौं । नेपाल–भारत संयुक्त आयोगको पाँचौ बैठकमार्फत दुई मुलुकबीच सम्बन्धमा रहेको तिक्तता मेट्ने पहल भएको छ । काठमाडौँमा बुधबार सम्पन्न बैठकमा नेपाल र भारतबीच थाती रहेका समग्र विषयमा छलफल भएको हो ।

नेपाल–भारतका समग्र विषयमा समेटिएका विभिन्न ८० वुँधामा माइनुट भएको परराष्ट्र सचिव शंकरदास वैरागीले बैठकपछि जानकारी दिए । माइनुटमा परराष्ट्रमन्त्री ज्ञवाली र भारतरीय विदेशमन्त्री एस जयशंकरले हस्ताक्षर गरेका छन् ।

दुई पक्षबीच कार्यान्वयन भएका विषयमा सन्तुष्टि जारी गर्दै बाँकी विषयमा सरोकारवाला निकायसँग अन्तरक्रिया गरेर प्रक्रिया अघि बढाउने सहमति भएको छ । यो समाचार अन्नपूर्ण दैनिकमा चन्द्रशेखर अधिकारीले लेखेका छन् ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog