Monday, July 15, 2019

नेकपा नेताहरुको कार्यविभाजन टुंगियो, जिल्ला इन्चार्ज र प्रभाग प्रमुख आजै घोषणा

काठमाडौं । एकताको १४ महिनापछि |नेकपाले नेताहरुको कार्यविभाजनलाई अन्तिम टुंगोमा पुरयाएको छ । सोमबार दिनभर नेताहरुको कार्यविभाजनलाई लिएर प्रधानमन्त्री निवास बालुवाटारमा छलफल भएको छ । छलफलपछि नेताहरुको कार्यविभाजन अन्तिम टुंगोमा पुगेको छ ।

पुरानैलाई जिल्ला इन्चार्जको जिम्मेवारी दिन नेताहरु सहमत भएपछि सहइन्चार्जमा भने सहमति जुटेको थिएन । एउटा जिल्लामा दुई जना सहइन्चार्ज राख्ने प्रस्ताव महासचिव बिष्णु पौडेलले गरेका थिए । तर महासचिवको प्रस्तावमा नेकपा अध्यक्ष पुष्पकमल दाहाल प्रचण्ड र माधव नेपालले भने असहमति जनाएका थिए ।

सोमबार दिउँसो बसेको चार नेताको बैठकले सहइन्चार्जका बिषयमा पनि टुंगो लगाएको छ । अध्यक्षद्धय केपी शर्मा ओली, पुष्पकमल दाहाल प्रचण्ड, महासचिव पौडेल र सचिवालय सदस्य रामबहादुर थापा बादलले दिनभर नेताहरुको कार्यविभाजनमा छलफल गरेका थिए । छलफलपछि नेताहरु सहमतिमा पुगेको स्रोतले बताएको छ ।

चार नेताबीच भएको सहमतिलाई आजै अन्तिमरुप दिने तयारी गरिएको छ । नेकपा सचिवालय बैठक बसेर आजै नाम घोषणा गर्ने तयारी गरिएको बालुवाटार स्रोतले बताएको छ । जिल्ला इन्चार्ज, पाटीको बिभाग र संगठन विभागको घोषणा हुने भएको छ ।

नेकपाभित्र जिल्ला इन्चार्ज र संगठन विभाग प्रमुख निकै पेचिलो बनेको थियो । पुरानैलाई जिल्ला इन्चार्ज बनाउने सहमति भएपछि विवाद सकिएको छ । तर संगठन विभागको प्रमुखमा भने तीन नेताको दावी सशक्त नै छ । संगठन विभागमा महासचिव बिष्णु पौडेल, सचिवालय सदस्य बामदेव गौतम र रामबहादुर थापाले दावी गरिरहेका छन् । अध्यक्ष ओली महासचिव बिष्णु पौडेलका पक्षमा छन् भने दाहाल बामदेव गौतमका पक्षमा उभिएका छन् । तर ओलीले बादलको नाम प्रस्ताव गरेका छन् ।

0 comments:

Post a Comment

Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog