Wednesday, July 31, 2019

पेरिसडाँडा पुगे पर्यटनमन्त्री, जनयुद्धका सहिदप्रति श्रद्धाञ्जली अर्पण

१६ साउन, काठमाडौं । नवनियुक्त संस्कृति, पर्यटन तथा नागरिक उड्डयमन्त्री योगेश भट्टराई तत्कालीन माओवादी केन्द्रको पार्टी कार्यालय पेरिसडाँडा पुगेर जनयुद्धका सहिदहरुप्रति श्रद्धाञ्जली अर्पण गरेका छन् ।

भट्टराई मन्त्री नियुक्त भएको भोलिपल्ट पेरिसडाँडा पुगेका हुन् । नेता, कार्यकर्ता तथा शुभेच्छुकसहित बिहीबार बिहान पेरिस डाँडा पुगेका भट्टराईले त्यहाँ स्थापना गरिएको जनयुद्धका सहिद तथा वेपत्ताहरूको स्मरणमा बनाइएको स्तम्भमा फूलका गुच्छा चढाएर श्रद्धाञ्जली अर्पण गरे ।

तत्कालीन एमाले र माओवादी केन्द्र मिलेर नेकपा बनेपछि पेरिसडाँडा पुगेर जनयुद्धका सहिद तथा वेपत्ताहरूको स्मरण गर्ने योगेश पहिलो मन्त्री हुन् । पेरिसडाँडामा पत्रकारहरुलाई संक्षिप्त प्रतिक्रिया दिँदै उनले नेकपालाई अहिलेको स्थानसम्म पुर्‍याउन जनयुद्धका सहिद तथा वेपत्ताहरुको पनि योगदान रहेको बताए ।

यसैबीच, मन्त्री भट्टराई बिहीबार बिहान नै तत्कालीन एमालेको पुरानो पार्टी कार्यालय मदननगर बल्खु पुगेर मदन भण्डारी र जिवराज आश्रतिप्रति श्रद्धाञ्जली अर्पण गरेका छन् । पर्यटनमन्त्रीको सपथग्रहण लगत्तै बुधबार उनी लैनचौरस्थित सहिद स्तम्भ पुगेका थिए ।

केपी शर्मा ओली नेतृत्वको सरकारले भट्टराईलाई बुधबार संस्कृति, पर्यटन तथा नागरिक उड्डयन मन्त्रीमा नियुक्त गरेको थियो । रवीन्द्र अधिकारीको निधनपछि यो मन्त्रालय प्रधानमन्त्रीले सम्हाल्दै आएका थिए ।

भट्टराईले बुधबार नै राष्ट्रपतिसमक्ष पद तथा गोपनीयताको शपथ लिँदै सिंहदरबार आएर पदभार सम्हालिसकेका छन् ।

Continue Reading…

उपचार नपाएर हुम्लाको स्वास्थ्यचौकीमा सुत्केरीको मृत्यु

१६ साउन, हुम्ला । जिल्लाको सर्केगाड स्वास्थ्यचौकीमा प्रसूतिका लागि ल्याइएकी एक महिलाको मृत्यु भएको छ ।

बुधबार बिहान प्रसूतिका लागि सर्केगाड स्वास्थ्यचौकीमा भर्ना भएकी वडा नं ४ साँयागाउँ निवासी २० वर्षीया अनरुपा टमटाको बिहान १० बजे मृत्यु भएको हो ।

टमटालाई सुत्केरी व्यथा लागेपछि बुधबार बिहान ४ बजे प्रसूतिगृहमा ल्याइए पनि दुर्गम क्षेत्रमा उपकरण नहुँदा सुत्केरी र शिशु दुवैको मृत्यु भएको स्वास्थ्यचौकी प्रमुख देवेन्द्रवीर मगियाले जानकारी दिए ।

दुर्गम जिल्ला हुम्लाका प्रायः स्वास्थ्यचौकीमा सुत्केरी आमाका लागि औषधि, उपकरण नहुनुले अकालमै ज्यान गुमाउने गरेका छन् । जिल्लाका महिलाले सानै उमेरमा विवाह गरेर छिटो बच्चा पाउने हुँदा उनीहरुले ज्यान गुमाउनुपरेको छ ।

Continue Reading…

एभरेष्ट बैंकको मूनाफा ३ अर्ब नाघ्यो, ब्याज आम्दानी ५ अर्ब ६३ करोड

१६ साउन, काठमाडौं । एभरेष्ट बैंक लिमिटेडले आर्थिक वर्ष २०७५/७६ को चौथो त्रैयमासको वित्तीय विवरण सार्वजनिक गरेको छ । बैंकले बिहीबार सार्वजनिक गरेको वित्तीय विवरण अनुसार गत आर्थिक वर्षमा ३ अर्ब ४ करोड रुपैयाँ खुद मूनाफा आर्जन गरेको छ ।

अघिल्लो बर्ष बैंकको नाफा २ अर्ब ५८ करोड रुपैयाँ मात्रै थियो । एक वर्षको अवधिमा १८ प्रतिशतले मूनाफा बढाएर बैंकले ३ अर्ब ४ करोड रुपैयाँ खुद मूनाफा आर्जन गरेको हो ।

नाफासँगै अन्य सूचकहरुमा पनि बैंकले सुधार गरेको छ । बैंकले ब्याज आम्दानी ५ अर्ब ६३ करोड रुपैयाँ पुर्याएको छ । आर्थिक वर्ष २०७४/७५ को तुलनामा २०७५/७६ मा करिब १६ प्रतिशतले सुधार गर्दै बैंकले खुद आम्दानी ५ अर्ब ६३ करोड रुपैयाँ आर्जन गर्न सफल भएको हो ।

कर्जामा लिने र निक्षेपमा दिने ब्याजदर बिचको अन्तर (स्प्रेड रेट) बैंकको ४.२९ प्रतिशत देखिएको छ । नेपाल राष्ट्र बैंकले स्प्रेड रेट ४.५ सम्म झार्न असार मसान्तसम्मको समयसीमा दिएको थियो ।

वित्तीय विवरण अनुसार बैंकले राष्ट्र बै.कले भनेको भन्दा कम स्प्रेड रेट बनाउन सफल भएको हो । उता बैंकको आधार दर (बेस रेट) मा पनि सुधार भएको छ ।

अघिल्लो आर्थिक वर्षमा ८.४५ प्रतिशत रहेको बेस रेटलाई घटाएर बैंकले गत आर्थिक वर्षमा ८.१२ प्रतिशतमा झारेको छ । बैंकले ऋण लगानी १ खर्ब ४ अर्ब रुपैयाँ पुर्याएको छ भने निक्षेप १ खर्ब २९ अर्ब रुपैयाँ पुर्याएको छ ।

Continue Reading…

प्रचण्डपत्नी सीताको विमारको भित्री कथा !

१६ साउन, काठमाडौं । पूर्वप्रधानमन्त्री तथा नेकपाका अध्यक्ष प्रचण्ड यतिबेला पारिवारिक भ्रमणका लागि दुबईमा छन् । मंगलबार दुबई प्रस्थान गरेका प्रचण्डले पत्नी सीताको इच्छा पूरा गर्न भ्रमण गरेको निकटस्थहरुलाई बताएका छन् । यो उनीहरुको विशुद्ध पारिवारिक भ्रमण हो ।

राजनीतिमा व्यस्त प्रचण्डले पछिल्लो समय परिवारलाई समय दिइरहेका छन् । परिवारसँग विभिन्न रिसोर्टमा रमाउनु, उपचारका लागि विभिन्न देश पुग्नु र बिहे गरेको ५० वर्ष भएको उपलक्ष्यमा फेरि बिहे गर्नु प्रचण्डले पत्नी सीताको खुशीका लागि देखाएको प्रेम हो । प्रचण्डको पत्नीप्रेमबाट सीताले जटिल रोगसँग संघर्ष गरिरहेको थाहा लाग्छ ।

पुत्र वियोगमा विचलित भइरहेकी सीता जीवनभर निको नहुने रोगबाट पीडित छिन् । सोही कारण पनि उनको खुशीका लागि प्रचण्ड मरिमेटेर लागिरहेका छन् । पछिल्लो भ्रमण त्यसैको निरन्तरता भएको उनी आफैंले बताइसकेका छन् ।

मंगलबार प्रचण्डको टोली दुबई प्रस्थान गर्दैगर्दा विमानस्थलबाट खिचिएको भिडियोमा सीतालाई छोरी रेणु र नातिनीले सम्हालेर भित्र लगेको देखिन्छ । उक्त भिडियो हेर्दा सीताको स्वास्थ्य अवस्था नाजुक बन्दै गएको प्रष्ट हुन्छ ।

त्यसो त सीताका यस्ता तस्वीर र भिडियो बाहिरिएको यो पहिलोपटक भने होइन । उनी अस्वस्थ भएको समाचार बाहिरिएको एक वर्ष नाघिसकेको छ । त्यसयता स्वास्थ्य अवस्थालाई लिएर धेरै समाचार बाहिरिए पनि सीतालाई के भएको हो भन्ने वास्तविकता अझै स्पष्ट भइसकेको छैन ।

प्रचण्ड परिवार दुबई जाँदै गर्दा सीताको नाजुक अवस्थाको भिडियो सार्वजनिक भएपछि प्रचण्ड परिवारको दुबई प्रस्थान पारिवारिक भ्रमण बताइए पनि उपचारकै लागि हो कि भन्ने धेरैले अड्कल काटेका छन् ।

सीताको उपचारका लागि हो त दुबई भ्रमण ?

सीताका निजी चिकित्सक डा. युवराज शर्मा प्रचण्ड परिवारको पारिवारिक भ्रमण विशुद्ध आराम गर्नका लागि भएको बताउँछन् । सीताले यहाँ दिक्दारी महुसस गरेपछि छोटो समयका लागि भए पनि उनीहरु दुबई गएको शर्माको भनाइ छ । डा. शर्माका अनुसार अहिले सीताको ‘डायबिटिज’ नियन्त्रणको क्रममा छ भने ‘पीएसपी’ले सताइरहेको छ ।

‘उहाँ (सीता) पहिलेभन्दा हिँडडुल गर्न र बोल्न सक्ने हुनुभएको छ, यही मौका पारेर फ्रेस हुन जानुभएको हो,’ डा. शर्माले भने, ‘उपचार त हामीले यहाँ नै नियमित गराइरहेका छौँ, अहिले तत्काल विदेशमा उपचार गराउने सेड्युल नै छैन ।’

कसरी पत्ता लाग्यो सीताको रोग ?

नेपाल तथा सिंगापुरको अस्पतालमा उपचार गराएरसमेत स्वास्थ्यमा सुधार नआएपछि प्रचण्ड परिवारसहित पाँच महिनाअघि अमेरिका पुगेका थिए । अमेरिकाको जोन हकिङ्स् अस्पतालमा उपचार पश्चात उनलाई निको नहुने रोग प्रोग्रेसिभ सुप्रान्युक्लियर पाल्सी (पीएसपी) लागेको पत्तो लागेको थियो ।

सीताले लामो समयदेखि सुगर तथा अन्य दीर्घ रोगहरुको औषधि खाइरहेकी थिइन् । सुगरले गलाएका कारण उनी बेला-बेलामा बिरामी परिरहन्थिन् । तर, यति घातक रोग ‘पीएसपी’ लाग्छ भनेर कसैले अनुमान गरेका थिएनन् ।

लगभग १६ महिनाअघि सीतालाई लिएर प्रचण्ड सिंगापुर प्रस्थान गरे । सिंगापुर पुग्नुअघि नै अन्तर्राष्ट्रिय विमानस्थलको भीभीआईपी कक्षको सोफामा प्रचण्ड पत्नी सीता सुतेको तस्वीर सार्वजनिक भयो । छेउमा बसेका प्रचण्ड निराश देखिन्थे । सोही कारण सीता गम्भीर बिरामी भएको हुनसक्ने खबर त्यतिबेलै बाहिरिएको थियो । तर, त्यतिबेला उनलाई ‘पीएसपी’ रोगले च्यापेको सार्वजनिक भइसकेको थिएन ।

सिंगापुर पुगेपछि सीताले पानीमा डुबुल्की मारिरहेको केही तस्वीर सार्वजनिक भए । त्यहाँका डाक्टरहरुले ‘सीतालाई पार्किन्सनको लक्षण देखिएको’ बताएका थिए ।

त्यसलगत्तै गत कात्तिकमा प्रचण्ड सीतालाई लिएर तातोपानीको कुण्डमा नुहाउन म्याग्दी पुगे । त्यहाँबाट पनि तातोपानीमा डुबुल्की मारेको तस्वीर सार्वजनिक भयो । त्यसपछि सीताको स्वास्थ्य अवस्थाबारे फेरि चर्चा भयो ।

त्यस्तै सात महिनाअघि सीतालाई धापाखेलस्थित सुमेरु अस्पतालको आईसीयुमा एक सातासम्म राखियो । उनका निजी चिकित्सक डा. युवराज शर्माले विभिन्न रोगका कारण उनी थलिएको बताएका थिए । सीताको रोग प्रतिरोधात्मक क्षमता अत्यन्तै कम भएको उनले जानकारी दिएका थिए ।

यसरी पटक-पटक श्रीमती बिरामी भएर हैरान भएका प्रचण्डले अमेरिका पुगेपछि बल्ल सीतालाई ‘पीएसपी’ भएको थाहा पाए । त्यसयता प्रचण्डले राजनीतिसँगसँगै परिवारलाई पनि समय दिन थालेको देखिन्छ ।

के हो पीएसपी ?

अमेरिकाको नेशनल इन्स्टिच्युट अफ न्युरोलोजिकल डिसअर्डर एण्ड स्ट्रोक (एनआईएनडीएस) का अनुसार, पीएसपीले शरीरको गतिदेखि व्यक्तिको मनोदशा र सोचलाई समेत प्रभावित बनाउँछ । पीएसपी एक प्रकारको असामान्य मस्तिष्क विकार हो ।

मस्तिष्कका स्नायु कोष (नर्भ सेल) क्षय हुने यो रोगले बिरामीलाई मानसिक र शारीरिक रुपमा कमजोर बनाउँछ ।

विश्व चर्चित स्वास्थ्य साइट वेभमेडको अनुसार पीएसपी अत्यन्तै कम मानिसहरुलाई देखिन्छ । यो रोगको लक्षण पार्किन्सनसँग मिल्न गए पनि पार्किन्स नै भने होइन।

पीएसपीले मानिसहरुलाई हिँड्न गाह्रो बनाउने, निद्रा नलाग्ने र मष्तिष्कमा रक्त सञ्चार बन्द गराउनेसमेत गर्छ । वेभमेडका अनुसार यो रोग लागेपछि बानी ब्यहोरा परिवर्तन हुनेदेखि साथीभाइ तथा परिवारबाट टाढा बस्न मन लाग्छ ।

पीएसपीको बिरामीलाई किन पानीमा डुबुल्की मार्नु पर्ने ?

चिकित्सकहरूका अनुसार मनतातो पानीमा डुबुल्की मार्दा हाडजोर्नी, नशा र अन्य मानसिक रोगहरुको लागि प्रभावकारी हुन्छ । यस्तो उपचार पद्दतिलाई ‘हाइड्रोथेरापी’ उपचार भनिन्छ ।

फिजियाट्री मेडिसिन विशेषज्ञ डाक्टर राजु ढकालका अनुसार हाइड्रोथेरापी उपचार पद्दतिमा औषधि प्रयोग हुँदैन । यो उपचार पद्दतिबाट शरीरको कडापन कम भएर दुखाइ कम हुने सम्भावना बढ्छ । उनी भन्छन्, ‘शरीरको प्रतिरक्षा प्रणाली, पाचन प्रणाली र औषधि खाँदा हुने साइड इफेक्टलाई पनि हाइड्रोथेरापीले नियन्त्रण गर्छ ।’

ढकालका अनुसार नशाको रोग मात्रै हैन, अनिद्रा, तनाव र मानसिक रोगीहरूलाई पनि ‘रिल्याक्स’ फिल गराउनको लागि हाइड्रोथेरापी गरिन्छ । हाइड्रोथेरापी’ ब्लड सर्कुलेशन र ब्लडको क्वालिटी राम्रो बनाउन प्रभावकारी हुन्छ । शरीरका अनावश्यक विकारका पदार्थहरू निष्कासनसमेत गर्छ । शरीरका कोषहरुमा पोषण भर्नु पनि यो थेरापीको गुण हो । र, यसले कुनै साइड इफेक्ट गर्दैन ।

के पीएसपीले मानसिकरुपमा प्रभाव पार्छ ? उपचार के त ?

वेभमेडका अनुसार यो रोग लागेका मानिसहरुलाई आफूले के बोलिरहेको छु भन्ने पनि थाहा हुँदैन । आफ्नो नाम बिर्सने, घरपरिवार तथा आफन्त बिर्सनेसम्म हुन्छ । यस्तो रोग लागेको बिरामीलाई एक्लै छोड्नु हुँदैन ।

यो रोग लागेपछि पूरै निको हुने उपचार पद्दति र औषधि बनिसकेको छैन । यो रोगले निम्त्याउने समस्याहरू भने व्यवस्थापन गर्न सकिने चिकित्सकहरु बताउँछन् ।

लामो समयदेखि ‘पीएसपी’बाट पीडित भएकै कारण प्रचण्डपत्नी सीताले आफूलाई सम्हाल्न सकिरहेकी छैनन् । उनको जटिल रोगलाई हेर्ने चिकित्सकले भनेका छन् कि उनको रोग निर्मूल पार्न सकिन्न । तर, औषधिको माध्यमबाट तत्काल नियन्त्रण गर्न भने सकिन्छ ।

चिकित्सकहरुले पीएसपीका लागि ‘सिनमेट’ भन्ने औषधि सिफारिस गरेका छन् । सिनमेटमा ‘लेभोडोपा’ नामक ‘डोपोमाइन’ हुनाले हातखुट्टा बाउँडिने समस्यालाई यसले कम गर्छ । त्यस्तै ‘एण्टिडिप्रेसान्ट’ स्लिपिङ पिल्सले बिरामीलाई निदाउन सहयोग गर्छ भने दुखाइ कम गर्न मद्दत गर्छ ।

एनआइएनडीएसका अनुसार यो रोगले सुरुवाती चरणमा शरीरको चाल बिगारिदिन्छ । त्यसपछि विस्तारै दृष्टिमा समस्या आउने, आँखाको गतिविधि सुस्त हुने हुन्छ । रोग बढ्दै जाँदा मानिसको मनोदशा अस्थिर हुने, उदासी बढ्ने र कुनै कुरामा पनि रुचि नहुने हुन्छ ।

वेभमेडका अनुसार यी औषधिले रोग निर्मुल पार्ने होइन, समस्याहरु तत्काललाई समाधान गर्ने मात्र हो ।

यो रोग हरेक एक लाखमा तीनदेखि ६ जनासम्मलाई हुन्छ । सामान्यतया पीएसपीको लक्षण ६० वर्षको उमेर पुगिसकेका व्यक्तिहरुमा देखिने गरेको भए पनि कसैकसैलाई यो रोगले चाँडै पनि समात्न सक्छ ।

रोगले च्याप्दै लग्दा ठोस बस्तु निल्न गाह्रो हुने, अनुहारमा एकै प्रकारको भाव रहने र बढ्दो उमेरसँगै अल्जाइमर्स र पार्किन्सन्सका जस्ता समस्यासमेत आउने डाक्टरहरुको भनाइ छ ।

Continue Reading…

डाक्टरविहीन गाउँमा आँखा उपचारका लागि मोबाइल फोनको प्रयोग

१६ साउन, काठमाडौं । विद्यार्थीकालमा नेत्र चिकित्सा (अफ्थ्याल्मोलोजी) पढ्दा सुमन थापालाई एउटा कुरा कहिल्यै चित्त बुझ्दैनथ्यो, आफ्ना विषयका शिक्षक, विद्यार्थी सबैमा एउटा आम सहमति के थियो भने उनीहरूले निश्चित अवस्थाका बिरामीको आँखा परीक्षण गर्न हुँदैन ।

“सबैको विश्वास के थियो भने कि हामीले ग्लकोमाजस्ता रोगको परीक्षण गर्नुहुँदैन, किनकि यसको निदान हुने सम्भावना अत्यन्त कम हुन्छ । बिरामीको रोग पत्ता लगाइदिएर उपचार नगरी छाड्नु एउटा चिकित्सकका लागि अनैतिक काम हुन जान्छ ।”

तर, यसमा थापाको चित्त बुझ्दैनथ्यो । विश्वमा अन्धोपनाको दोस्रो ठूलो कारण मानिने ग्लकोमासँग उनको आफ्नै ‘प्रेम’ थियो, त्यसैले पछि उनले यसै विषयमा पिएचडी नै गरे ।

“मलाई त्यो सिद्धान्त नै गलत लाग्थ्यो । किनकि, सुरुवाती चरणमै यस रोगको पहिचान गर्न सकियो भने यसबाट हुने अन्धोपनको रोकथाम गर्न सकिन्छ । यदि हामीले सुरुवाती चरणमै मान्छेको आँखाभित्रका नसाहरूको फोटो खिच्न सक्यौँ भने उनीहरूलाई अन्धो हुनबाट बचाउन सक्छौँ भन्ने मेरो भनाइ थियो ।”

अध्ययनको करिब १५ वर्षपछि आज थापा आफ्नो क्षेत्रका अगुवाहरूले जेका लागि आफूलाई हतोत्साहित गरे, त्यसैका लागि आफ्ना शिष्यहरूलाई प्रोत्साहित गर्दैछन् ।

आँखाका नसाको फोटो खिच्ने प्रविधिको खोजीमा चाहार्दै गर्दा उनी आज आधा बाटो आइपुगेका छन् । तिलगङ्गा आँखा प्रतिष्ठानस्थित अनुसन्धान विभागको नेतृत्व गर्ने डा. थापाको नेतृत्वमा नेपालमा पनि यस्तो फोटो खिच्ने प्रविधिको प्रयोग सुरु भएको छ ।

उनकै अगुवाइमा तुलनात्मक रूपमा सस्तो पर्ने, खल्तीमा राखेर हिँड्न मिल्ने र मोबाइल फोनमा जोडेर प्रयोग गर्न सकिने एक उपकरणको प्रयोग गरी ग्लकोमा मात्र नभई आँखाका विभिन्न रोगको निदानमा सहयोग पुर्‍याउने नयाँ प्रयासको सुरुवात भएको छ ।

आँखाको उपचारका लागि दूर चिकित्सामा संसारभर प्रयोग भएका अधिकांश उपकरणका तुलनामा हाल आफूले प्रयोग गरेको उपकरण सस्तो, सजिलो र गुणस्तरीय भएको थापा समूहको दाबी छ । यसलाई अझै विकसित र सहज बनाउन सके नेत्र विशेषज्ञ सहजै उपलब्ध हुन नसक्ने दुर्गम गाउँगाउँमा आँखाको उपचारमा यो प्रविधि एक कोसेढुङ्गा हुने देशकै ठूला आँखा अस्पतालमध्ये एक प्रतिष्ठानको भनाइ छ ।

के हो त्यो साधन ? कसरी आयो नेपालमा ?

संवत् ०६८ तिर थापा एक कार्यक्रममा भाग लिने सिलसिलामा क्यानाडाको भ्यानकुभर पुगे । अमेरिकाको जन हप्किन्स विश्वविद्यालयका प्राध्यापक एलान रबिनसँग सामान्य कुराकानी हुँदै गर्दा उनले आफूले आँखाको नसाको फोटो खिच्ने यन्त्र खोजिरहेको सुनाए । साथमा उनले बताए कि नेपालको ग्रामीण जनसङ्ख्याका लागि त्यस्तो साधन सानो, सस्तो र सहज हुनुपर्छ ता कि डाक्टर नभएका गाउँगाउँका सामान्य प्राविधिकले पनि त्यसबाट फोटो खिचेर डाक्टरहरूलाई पठाउन सकून् ।

“तत्कालै उनले मलाई क्रिस जन्सन नाम गरेका एक व्यक्तिसँग परिचय गराइदिए । आफैँ डाक्टर नभए पनि जन्सन नेत्रचिकित्सामा प्रयोग हुने प्राविधिक उपकरणको विकासमा सिद्धहस्त ठहरिएका थिए । उनले हजारौँ डलर पर्ने ठुल्ठुला उपकरण बनाएका थिए,” थापा सुनाउँछन्, “साथसाथै, रबिनले मलाई के सुनाए भने उनले चिनेका केही डाक्टरहरूले आफ्ना आइफोनमा जोडेर एउटा सानो क्यामेरा प्रयोग गरिरहेका छन् । त्यसको मूल्य करिब पाँच हजार अमेरिकी डलर पर्छ ।”
पाँचै हजार डलर परे पनि यो थापाका लागि सहज विकल्प थियो । किनकि त्यस्तै काम गर्ने ठूला आकारका उपकरणको ४० हजार डलरसम्म पर्छ भन्ने उनलाई थाहा थियो । त्यसपछि उनले प्रस्ताव राखे, “त्यसोभए अब पाँच हजार डलरवाला क्यामेराको प्रभावकारिता जाँचौँ न त । ४० हजार डलरको क्यामेरा र यसको कामको तुलना गरौँ ।”

त्यसैअनुसार परीक्षण भयो । नतिजा सकारात्मक निस्कियो । “हाम्रो परीक्षण सफल भएको समाचार अन्तर्राष्ट्रिय जर्नलहरूमा प्रकाशित भयो । हामीले विश्वभरिबाटै राम्रो प्रतिक्रिया पायौँ,” उनी सुनाउँछन् ।

थापाले अब त्यो साधनलाई नेपालमा वास्तविक चिकित्सा अभ्यासमा प्रयोग गर्न प्रस्ताव गरे । यहाँका प्रायः गाउँहरूमा नेत्रचिकित्सक उपलब्ध नभएका तर केही गाउँहरूमा भने आफ्नो अस्पतालले आँखाको उपचारमा सामान्य तालिमप्राप्त केही प्राविधिक खटाएको उनले सुनाए ।

“अब हामी ती प्राविधिकलाई यो क्यामेरा दिएर गाउँगाउँ पठाऔँ । उनीहरूलाई सेवाग्राहीका आँखा जाँच्दा यो क्यामेराले फोटो खिच्न लगाऔँ । अनि ती फोटाहरूलाई तिलगङ्गा अस्पतालमा पठाउन लगाऔँ,” थापाले आफ्नो प्रस्ताव सम्झिए ।

टोलीका सबैजना सहमत भए । सबैले आआफ्ना हिसाबले तयारी सुरु गरे । तर, योजना कार्यान्वयन हुन नपाई ०७२ वैशाखको १२ को महाभूकम्पले देशै हल्लायो । सबैको ध्यान उद्धार र पुनर्निर्माणतिर गयो । थापाले आफ्नो योजना स्थगित गरे ।

एकदुई वर्षपछि देश सामान्य अवस्थामा फर्किन सुरु भयो । अब पुरानो योजना कार्यान्वयन गर्न तात्नुपर्छ भन्ने सोचिरहेका बेला थापालाई अमेरिकाको स्टानफर्ड विश्वविद्यालयले एउटा कार्यक्रममा निम्ता दियो । कार्यक्रममा उनले नेपालमा आँखा उपचारका क्षेत्रमा दूरचिकित्साको प्रयोग गर्न केके पहल भइरहेको छ भन्ने विषयमा बोल्न पाए । त्यसै क्रममा विश्वविद्यालयकै कुनै अनुसन्धानकर्ताले उनलाई ‘एप्पल’ कम्पनीका कुनै पनि यन्त्रसँग जोडेर सजिलै फोटो खिच्न सकिने यन्त्र आफूसँग रहेको सुनाए ।

“उनीहरूले मलाई ‘प्याक्सोस स्कोप’ नामको यन्त्र देखाए,” उनी सुनाउँछन्, “यो त एउटा सानो टुयुबजत्रो पो रहेछ । तपाईँको खल्तीमा सजिलै अट्नेरहेछ ।”

“फेरि भाउ पनि कति सस्तो भन्नूस् न । यसका सबै एसेसरीको जम्मा पाँच सय डलर मात्र पर्ने रहेछ । यति सस्तो होला भनेर त्यो बेला मैले कल्पना पनि गरेको थिइनँ ।”

अर्कातर्फ यो उपकरणको प्रभावकारिता अमेरिकामै परीक्षण भइसकेको थियो । फोटोको गुणस्तरमा कुनै गुनासो थिएन ।

अब थापाले निर्णय गरे कि नेपालमा त्यो पाँच हजार डलरवाला होइन, त्यसभन्दा दश गुणा सस्तो प्याक्सोस स्कोप लगिनेछ ।

नेपालमा परीक्षण

तिलगङ्गा अस्पतालले खोलेका सामुदायिक आँखा केन्द्रमा यो उपकरणको प्रयोग गर्न सकियो भने त्यहाँका प्राविधिकहरूलाई बिरामीको सामान्य उपचार गर्न र जटिल रोगका हकमा अस्पतालमा सिफारिस गर्न सजिलो होस् भन्ने थापाको उद्देश्य थियो ।

तिलगङ्गा अस्पतालका सामुदायिक आँखा केन्द्रको मूल काम नै त्यही हो ः बिरामीको आँखा जाँच्ने, सामान्य अवस्थाका बिरामीलाई आवश्यक औषधी दिएर घर पठाउने, जटिल बिरामीलाई कागज दिएर काठमाडौँ (अस्पताल) पठाउने ।
त्यस्ता केन्द्रमा प्राविधिक बन्नका लागि धेरै योग्यता आवश्यक पर्दैन । कक्षा १० (एसइई) उत्तीर्ण गरेपछि प्राविधिक शिक्षा तथा व्यावसायिक तालिम परिषद् (सीटीइभीटी)को तीन वर्षे कार्यक्रम पूरा गरेको हुनुपर्छ । अर्थात्, उनीहरूमा सामान्य प्राविधिक ज्ञान मात्र हुन्छ, विशेषज्ञता हुँदैन ।

स्टानफोर्डबाट फर्किपछि थापाले अस्पताल प्रशासनसँग कुरा गरे अनि देशैभरका प्राविधिकलाई काठमाडौँमा जम्मा गराए । उनीहरूलाई प्याक्सोस स्कोपको प्रयोग कसरी गर्ने भन्ने सिकाए । परीक्षणका लागि दोलखा जिल्लाका तिन ओटा र रामेछाप जिल्लाको एउटा स्वास्थ्य केन्द्रका प्राविधिकलाई एक एक वटा उपकरण दिएर पठाए ।

अब ती आँखा केन्द्रका प्राविधिकले नियमित कामका अतिरिक्त बिरामीका आँखाको फोटो खिची अस्पताललाई पठाउनुपर्ने भयो ।

अस्पतालले उक्त यन्त्रको परीक्षण गर्न लागेकाले केही नियमहरू बनाइए । प्राविधिकले फोटो खिच्नु अगाडि नै बिरामीलाई घर पठाउने कि अस्पताल पठाउने भनेर निर्णय गर्नुपथ्र्यो । अनि फोटो खिचेर पठाएपछि काठमाडौँका डाक्टरले बिरामी भेट्ने वा उनीहरूका अन्य कागजात हेर्न पाउँदैनथे, खालि फोटो हेरेर बिरामीलाई घर पठाउने कि अस्पताल भनेर निर्णय गर्नुपथ्र्यो ।

दश महिनाको अध्ययन अवधिमा ३४६ बिरामीका आँखा जाँचिए । त्यसपछि थापा नेतृत्वको अध्ययन टोलीले गाउँका प्राविधिक र अस्पतालका डाक्टरले गरेको निर्णय तुलना गरे । समग्रमा प्राविधिकले भन्दा डाक्टरले २० प्रशित बढी बिरामीलाई थप उपचारका लागि भर्ना हुन सिफारिस गरेको पाइयो । “यसको अर्थ के हो नयाँ उपकरणले फोटो नखिची प्राविधिकको मात्र भर परेको भए भने ती २० प्रतशित बिरामी थप उपचारका लागि सिफारिस हुँदैनथे ।

अर्थात्, उनीहरू आवश्यक उपचारबाट वञ्चित हुन्थे,” थापाको दाबी छ, “यसबाट हाम्रा गाउँमा यी उपकरण साँच्चै नै आवश्यक रहेछन् भन्ने देखियो ।”

विस्तार

हाल प्याक्सोस स्कोप एप्पलका उपकरणसँग जोडेर मात्र प्रयोग गर्न मिल्छ । तिलगङ्गा अस्पतालको प्राविधिक टोली यसलाई यान्ड्रोएड भर्सनमा विकास गर्नका लागि अध्ययनरत छ । साथै, अस्पतालले यसको प्रयोगका लागि आफ्नै याप पनि बनाउँदै छ । ता कि, गाउँका प्राविधिकलाई यसको प्रयोग गर्न अझ सहज होस् ।

परीक्षण गरिएका चारबाहेक अन्य ११ आँखा केन्द्रमा पनि यो उपकरण बाँडिएको छ । ती केन्द्रहरूले दैनिक कार्य सञ्चालनमै यसको प्रयोग गर्न सुरु गरेका छन् । आँखा केन्द्र बाहेक अस्पतालले गर्ने आँखा सिविरहरूमा पनि यसको प्रयोग सुरु भएको छ । अब ग्रामीण प्राविधिकले बिरामीको थप उपचारबारे गर्ने निर्णय थप परिपक्व हुने अस्पतालको विश्वास छ ।

उता आफ्नो विषयका अगुवाहरूको ‘आम सहमति’ नमानी नमानी आँखाका नसाको फोटो खिच्ने यन्त्रको खोजीमा निस्केका थापा आज मख्ख छन् । आफूले ग्लकोमाको रोकथामका लागि उपाय खोज्दै जाँदा अन्य रोगका बिरामी पनि लाभान्वित हुन सक्ने अवस्था सिर्जना भएको उनी बताउँछन् । आफ्नो अध्ययनको दायरा अझ फराकिलो हुँदै जाँदा यस्ता उपकरणले अझ धेरैलाई लाभ दिने उनको विश्वास छ ।

Continue Reading…

एक दर्जन जिल्लाका एनसेल टावरमा विष्फोट र आगजनी

१६ साउन, काठमाडौं । अज्ञात समूहले एक दर्जन बढी जिल्लाका एनसेल टावरमा आगजनी र विष्फोट गराएको छ । कतिपय जिल्लामा सञ्चार सम्पर्क विच्छेद हुँदा सेवाग्राही मर्कामा परेका छन् ।

प्रहरीका अनुसार झापा, ललितपुर, सिन्धुपाल्चोक, धादिङ, पूर्वी नवलपरासी, पर्वत, बाग्लुङ, म्याग्दी, कपिलवस्तु, डडेलधुरा, कैलाली, रुपन्देही जिल्लाका एनसेल टावरमा आगजनी र विष्फोट भएको छ ।

रुपन्देहीको गैडहवा गाउँपालिका वडा नं. २ सानो धुपईस्थित टावरमा गएराति १२ बजेतिर आगजनी गरिएको थियो । यद्यपि आगजनीबाट सञ्चार सम्पर्क भने विच्छेद भएको छैन ।

आगजनीबाट टावरमा राखिएका केबल तारको बाहिर बेरिएको प्लास्टिक  जलेको तर सञ्चार सेवा बिच्छेद हुने गरी क्षति नभएको इलाका प्रहरी कार्यालय लुम्बिनीका प्रमुख प्रहरी निरीक्षक ईश्वर कार्कीले जानकारी दिए । आगजनी भएको खबर पाएलगत्तै लुम्बिनी र सूर्यपुराबाट प्रहरी टोली घटनास्थल पुगेकाले ठूलो क्षति हुन नपाएको उल्लेख गर्दै कार्कीले घटनाबारे अनुसन्धान भइरहेको बताए ।

एनटीसी टावरमा पनि आगजनी

यसैगरी अर्घाखाँची जिल्लाको पाणिनी गाउँपालिका वडा नम्बर ५ मैदानको अमजामा रहेको नेपाल टेलिकमको टावरमा पनि आगजनी भएको छ । गएराति करिब ८ बजे आगजनी भएको र सामान्य क्षति पुगेको प्रहरीले जनाएको छ ।

यी सबै आगजनी र विष्फोटका घटना बुधबार रातिदेखि बिहीबार बिहान ८ बजेको बीचमा भएका छन् ।

विष्फोट र आगजनी कसले गरायो भनेर एकीन भएको छैन, तर विप्लव समूहको संलग्नता रहेको अनुमान छ । विप्लव समूहले एनसेल र एनटीसीका टावरमा क्षति पुर्‍याउँदै आएको छ ।

विप्लव समूहले ललितपुरको नख्खुस्थित एनसेल मुख्यालय अगाडि १० फागुनमा बम विष्फोट गराउँदा एक जनाको मृत्यु र तीन जना घाइतेसमेत भएका थिए ।

Continue Reading…

उच्च रक्तचाप घट्यो भने औषधी सेवन गर्नुहुन्न ?

अहिले धेरैजसोको दैनिकी धपेडीमा वित्छ । न खाने फुर्सद, न आरम गर्ने । यही दौडधूपले मान्छेको दैनिकी अस्तव्यस्त बनाएको छ । यसले तनाव बढाएको छ । तनावले उच्च रक्तचाप । खराब जीवनशैली र तनावले धेरैलाई उच्च रक्तचापको औषधी खानुपर्ने अवस्थामा पुर्‍याएको छ । धेरैजसोले अहिले उच्च रक्तचापको औषधी नखाई हुन्न ।

उच्च रक्तचापबारे समाजमा अनेक कुरा सुनिन्छ । कसैले यसलाई ‘साइलेन्स किलर’ भन्छन् । अर्थात थाहै नपाई मान्छेलाई यसले मृत्युको मुखमा पुर्‍याउँछ । कति भन्छन्, उच्च रक्तचापको औषधी सेवन गरिसकेपछि जीवनभर छाड्न मिल्दैन ।

यस किसिमका भ्रमले पीडितलाई अरु तनाव थपिदिएको छ ।

उच्च रक्तचापबारे यस्ता अनेक भ्रम समाजमा व्यप्त छ । कतिपय भन्छन्, रेड वाइनले उच्च रक्तचाप नियन्त्रण गर्छ । कतिपय भन्छन्, उच्च रक्तचापको औषधी सेवन गरिरहेको अवस्थामा रक्तचाप घट्यो भने नुन सेवन गर्नुपर्छ । वास्तविकता चाहि के हो त ?

भ्रमः यदि रक्तचाप घट्यो भने नुन सेवन गर्नुपर्छ, सामान्य हुन्छ ।

सत्य के हो ?

के उच्च रक्तचाप घट्यो भने नुन सेवन गर्नुपर्छ । नुन सेवन गर्दा रक्तचाप सन्तुलित हुन्छ । यदि तपाईं पनि यस्तै सोच्नुहुन्छ भने यो गलत हो । के कारणले रक्तचाप घटेको हो वा बढेको हो ? यो कुरा हामी आफै तय गर्न सक्दैनौ । त्यसैले कुन अवस्थामा के खाने भन्ने कुरा पनि हामीले निक्र्यौल गरेर हुँदैन । चिकित्सकले जाँच गरेपछि नै रक्तचाप घट्नु वा बढ्नुको कारण खुल्छ ।

जसलाई उच्च रक्तचापको समस्या छ, उनीहरुले भने नुन कम खानुपर्छ ।

भ्रमः रक्तचाप कम भयो भने औषधी नखानु

सत्य के हो ?

कुनैबेला रक्तचाप घट्न सक्छ । यदि रक्तचाप घट्यो भन्दैमा औषधी खान छाड्ने भन्दा पनि चिकित्सकको परामर्श लिनु आवश्यक छ । के कारणले रक्तचाप घटेको हो ? औषधी छाड्न मिल्छ वा मिल्दैन ? चिकित्सकले आवश्यक परीक्षणपछि भन्न सक्छन् ।

भ्रमः वाइन मुटुको लागि राम्रो हो । त्यसैले उच्च रक्तचाप नियन्त्रणमा पनि यसले सघाउँछ ।

सत्य के हो ?

उच्च रक्तचाप नियन्त्रणका लागि वाइन सेवन उपयुक्त हुन्छ भन्नु पनि भ्रम हो । वाइन एक मदिराजन्य पेय हो । यसले शरीरमा नकारात्मक असर नै गर्छ, जसरी अन्य मदिराले गर्छ । अतः उच्च रक्तचाप नियन्त्रणका लागि स्वस्थ्य र सन्तुलित जीवनशैली नै सर्वोत्तम विकल्प हो । चिन्तारहित जीवन अपनाउनुपर्छ, सुपाच्य खानेकुरा खानुपर्छ, सक्रिय जीवन विताउनुपर्छ ।

भ्रमः टाउको दुखाई उच्च रक्तचापको लक्षण हो

के हो सत्य ?

टाउको दुख्नसाथ उच्च रक्तचापकै संकेत हो भनेर भन्न सकिदैन । सत्य चाहि के हो भने तपाईंलाई कुनै किसिमको पीडा भयो भने त्यसले मुटुको धड्कन बढ्न सक्छ ।

भ्रमः उच्च रक्तचापको रोगीले रक्तदान गर्न सक्दैन

सत्य के हो ?

उच्च रक्तचापको समस्या भएकाले पनि रक्तदान गर्न सक्छ । उच्च रक्तचापको औषधी र रक्तदानबीच कुनै समबन्ध छैन । यद्यपी रुँघा लागेको बेला, पेटको समस्या भएको बेला, एन्टिबायोटिक लिइरहेको बेला चाहि रक्तदान गर्नु उपयुक्त हुँदैन ।

Continue Reading…

‘ओसामा बिन लादेनका छोरा हम्जा मारिए’

१६ साउन, काठमाडौं । अमेरिकी गुप्तचर अधिकारीहरूले अलकायदाका संस्थापक ओसामा बिन लादेनका छोरा हम्जा बिन लादेनको मृत्यु भएको दाबी गरेका छन् ।

अमेरिकी सुरक्षा अधिकारीहरूको हवाला दिँदै हम्जाको मृत्युको खबर प्रकाशमा आए पनि कहाँ, कहिले र कसरी उनको ज्यान गयो भन्नेबारे अस्पष्ट रहेको बीबीसीले जनाएको छ ।

अमेरिकी राष्ट्रपति डोनाल्ड ट्रम्प र हृवाइट हाउसका राष्ट्रिय सुरक्षा सल्लाहकारले पनि हम्जाको मृत्युबारे कुनै टिप्पणी गरेका छैनन् ।

करिब ३० वर्षका हम्जा आफ्ना बाबु ओसामाको पदचाप पछ्याउँदै अघि बढ्दै आइरहेका थिए । उनलाई अलकायदाभित्र उनका पिताका उत्तराधिकारीका रुपमा समेत हेर्ने गरिएको थियो ।

केही समयअघि मात्रै हम्जाले अरब प्रायद्वीपका जनतालाई विद्रोह गर्न अपिल गर्दै अमेरिकालगायतका देशहरूमा आक्रमण गर्न भनेका थिए । उनले आक्रमण गर्न आग्रह गर्दै भिडियो र अडियो रिपोर्ट नै सार्वजनिक गरेका थिए ।

हम्जाको यस्तो गतिविधिबाट सशंकित बनेको अमेरिकी सरकारले त्यसयता उनीबारे सोधीखोजी थालेको थियो । बसेको स्थानबारे जानकारी दिनेलाई मात्रै १० लाख अमेरिकी डलर पुरस्कार दिने घोषणा अमेरिकाले गरेको थियो ।

हम्जा साउदी अरेबियाका नागरिक हुन् । तर, अमेरिकाले खोजी थालेपछि साउदीले गत मार्चमा उनको नागरिकता खारेज गरिदिएको थियो ।

हम्जाका बाबु ओसामाको सन् २०११ मा अमेरिकी सेनाको कारबाहीमा परी पाकिस्तानमा मृत्यु भएको थियो । उनको मृत्युपछि अलकायदा कमजोर बन्दै गएको आँकलन गरिन्छ ।

Continue Reading…

काठमाडौं विश्वविद्यालयका पदाधिकारीविरुद्ध अख्तियारमा उजुरी

१६ साउन, काठमाडौं। काठमाडौं विश्वविद्यालयका उपकुलपति रामकण्ठ माकजु, रजिस्ट्रार सुवाेध शर्मा र स्कुल अफ आर्ट्सका डिन सागर शर्माले विश्वविद्यालयमा सहायक प्राध्यापकको नियुक्तिमा अनियमिता गरेको आरोपसहित अख्तियार दुरुपयोग अनुसन्धान आयोगमा उजुरी परेको छ । विश्वविद्यालयले भने आरोपको खण्डन गर्दै अख्तियारले छानबिन गरे आफू सघाउन तयार रहेको जनाएको छ ।

नियुक्तिका लागि प्रतिस्पर्धा गरेका लक्ष्मणदत्त पन्त र महेन्द्र सापकोटाले पदाधिकारीको मिलेमतोमा नियमविपरीत अपारदर्शी तरिकाबाट स्कुल अफ आर्ट्स अन्तर्गत पत्रकारिता, विकास अध्ययन र पेन्टिङ विषयका सहायक प्राध्यापकको नियुक्ति गरिएको दाबी गरेका छन् ।

खुला प्रतियोगिता भनिए पनि दुई वर्षअघि प्रतिस्पर्धाविना करारमा नियुक्त भई विश्वविद्यालयमा कार्यरत व्यक्तिहरूलाई नै अपारदर्शी तरिकाबाट नियुक्त गरिएको उजुरीकर्ताको भनाइ छ ।

अख्तियारमा उजुरी दिनु अगाडि आफूले मिति ०७६ असार २७मा सार्वजनिक गरिएको नतिजा कुन आधारमा गरिएको, विश्वविद्यालयको नियम के छ, लिखित परीक्षा, पर्फर्मेन्स टेस्ट र अन्तर्वार्तामा गरी प्रतिस्प्रर्धी उम्मेदवारले जम्मा कति अङ्क प्राप्त गरे, वैकल्पिक उम्मेदवारको कति अङ्क आयो, पत्रकारितामा वैकल्पिक उम्मेदवार किन राखिएन लगायतका सूचना माग गरी गत असार ३० गते विश्वविद्यालयका सूचना अधिकारी रजिस्ट्रार शर्मालाई निवेदन बुझाएको, तर उनले बेवास्ता गरेको पन्त बताउँछन् ।

“यसले गर्दा पनि उल्लेखित विषयका नियुक्तिहरू नियमसङ्गत नभएको आशङ्का गरेको छु,” उनी भन्छन् ।

हालसम्म सूचना उपलब्ध नभएपछि उनले राष्ट्रिय सूचना आयोगमा पुनरावेदन गरेका छन् ।

विश्वविद्यालयको नियम अनुसार छनोट समितिमा विश्वविद्यालय अनुदान आयोगका प्रतिनिधि पनि रहनुपर्ने एवं नतिजामा वैकल्पिक उम्मेदवारको सूची पनि प्रकाशित गर्नुपर्नेमा त्यसो नगरिएको पन्तको दाबी छ ।

पहिलो विवाद होइन

पन्तका अनुसार करिब दुई वर्ष अगाडि पनि यस्तै घटना भएको थियो । पत्रकारिता विभागमा सहायक प्राध्यापकका लागि विज्ञापन खोलिएको भए पनि उच्च अधिकारीहरूबीच पहिला नै ‘सेटिङ्‘ मिलाई आफ्ना मान्छे नियुक्त गरिएको पन्तको दाबी छ ।

विश्वविद्यालयको प्राध्यापक सङ्घका एक पदाधिकारी पनि नियुक्तिमा अनियमितता भएकै ठोकुवा गर्छन् । “तर हाम्रो विश्वविद्यालयमा यो पहिलो घटना होइन,” उनी भन्छन्, “पछिल्लो केही वर्षका प्रायः सबै नियुक्तिहरू विवादमा पर्दै आएका छन् ।”
यो पनि पढ्नुहोस मप विश्वविद्यालय वेथिति : क्याम्पसका भित्तैभरि चिट, चोर्न नदिएको भन्दै प्राध्यापकलाई धम्की

उनका अनुसार यसबीचमा आधा दर्जनभन्दा बढी पदाधिकारीले यस्ता अनियमिततामा असहमति जनाउँदै राजीनामा दिएका छन् वा तिनलाई त्यस्तो असहमति जनाए बापत पद छाड्न बाध्य पारिएको छ । गत वर्ष भदौमा तत्कालीन रजिस्टार भोला थापाले राजीनामा बुझाएका थिए भने चैतमा कानुन सङ्कायका डिन तथा संविधाविद् विपिन अधिकारीले । स्रोतका अनुसार अधिकारीले पनि प्राध्यापक पदमा बढुवा हुनका लागि निवेदन दिएका थिए । तर, उनलाई प्रतिस्पर्धामा समावेश नै गरिएन ।

हालसालै मात्र पनि स्कुल अफ एजुकेसनका एक उच्च अधिकारीले राजीनामा बुझाएका छन् ।

“पछिल्लो समय विश्वविद्यालयका पदाधिकारीले विभिन्न संरचनामा प्राध्यापकको प्रतिनिधिका रूपमा प्राध्यापकहरूले छानेका प्रतिनिधि नभई आफूले भनेअनुसार काम गर्ने डिनबाट सिफारिस भएका व्यक्ति राखेका छन्,” उनी भन्छन्, “यसविरुद्ध विश्वविद्यालयमा आन्दोलन सुरु गर्ने तयारीमा छौँ ।”

Continue Reading…

स्तनपान गराउनाले क्यान्सरको जोखिम घट्छ त ?

हामी जति नै व्यस्त भए पनि स्वास्थप्रति खेलबाड गर्न सक्दैनौं । यद्यपि, व्यस्तताका कारण हामी स्वास्थप्रति सचेत हुन भने सकिरहेका हुँदैनौं । त्यसैले त हामी स्वास्थमा कुनै समस्या आएपछि मात्र डाक्टरलाई भेट्छौं । हामीले पछिल्लो पटक अपनाएका जीवन शैलीले भने हाम्रो स्वास्थ दिनप्रति दिन बिग्रदै जाने सम्भावना अत्यधिक छ ।

आजको हाम्रो व्यस्त जीवन शैली, खानपान तथा व्यायामको कमीका कारण स्वस्थ सम्बन्धि धेरै समस्याहरु देखिन थालेको छ । जसमध्ये क्यान्सर अहिले अधिकांश व्यक्तिमा देखिने रोगको रुपमा उदाएको छ ।

विकसित मुलुकदेखि विकासशील मुलुकका व्यक्तिहरु अहिले क्यान्सरबाट पीडित भैरहेको सुनिन्छ । क्यान्सर संसारमा मृत्युको सबैभन्दा महत्वपुर्ण कारण समेत बन्न थालेको छ । क्यान्सर महिला तथा पुरुष दुवैलाई हुनसक्छ । महिलाहरुलाई प्रायः स्तन र पाठेघरको क्यान्सर हुने गरेको पाइन्छ । आफ्ना सन्तानहरुलाई स्तनपान गराउने महिलाहरुमा स्तन क्यान्सरको सम्भावना कम हुन्छ भन्ने आम धारणा छ । के स्तनपान गराउने महिलालाई साँच्चै नै स्तन क्यान्सर हुँदैन त ?

वास्तवमा स्तनपान गराउने महिलाहरुको स्तनपान गराउने क्रममा स्तनबाट धेरै कोशिकाहरु नष्ट हुने गर्छन्, जसमा क्यान्सरसंग सम्बन्धि कोशिकाहरु पनि नष्ट हुन्छन् । स्तनपान गराउनाले स्तनमा जिनहरु सक्रिय हुन्छन्, जसले क्यान्सरको सम्भावित खतराबाट बचाउँछ ।

अनुसान्धानकर्ताको भनाई

अनुसन्धानकर्ताका अनुसार जुन महिलाले ६ महिनासम्म स्तनपान गराउँछन्, ती महिलाको तुलनामा स्तनपान नगराउने महिलालाई क्यान्सर हुने सम्भावना २ प्रतिशत बढि हुन्छ । आर्काइभ अफ इन्टर्नल मेडिसिन २००९ मा प्रकाशित एउटा अनुन्धान रिर्पोटका अनुसार त्यस्ता महिलाहरु, जसको परिवारमा स्तन क्यान्सरको इतिहास छ, तिनीहरुलाई स्तनपान गराउनाले महिनावारी रोकिनुभन्दा अघि स्तन क्यान्सर हुने खतरा ६० प्रतिशतले कम हुने गर्दछ । जर्नल अफ द नेशनल क्यान्सर इन्स्िटच्यूट २०१४ मा पनि स्तनपान तथा क्यान्सरका बीचको सम्बन्धका बारेमा चर्चा गरिएको थियो ।

अक्टूबर २०१५ मा एनल्स अफ एंकोलोजीमा प्रकाशित करिव ३७ हजार स्तन क्यान्सरको एक एकत्रित अध्ययनमा के पाइएको थियो भने जो महिलाहरु स्तनपान गराउँछन्, तिनीहरुमा स्तन क्यान्सरको हार्मोन रिसेप्टर नेगेटिभ हुन्छ र उनीहरुमा यो क्यान्सर विकसित हुने खतरा पनि २० प्रतिशतसम्मले कम हुन्छ ।

स्तनपानले तौल पनि घटाउँछ

स्तनपान आमाहरुको स्वास्थ्यका लागि निकै फाइदाजनक मानिन्छ, यसले उनीहरुलाई स्वस्थ बनाउँछ, किनभने यसले पाठेघर तथा स्तन क्यान्सरको जोखिमबाट सुरक्षा प्रदान गर्दछ ।

स्तनपानका क्रममा ठूलो मात्रामा स्रावित हुने अक्सिटोसिन हार्मोनले सुत्केरी भएपछि महिलालाई सामान्य अवस्थामा फर्किन समेत सहयोग पुर्‍याउँछ । अर्थात, यसले पाठेघरलाई सामान्य अवस्थामा ल्याउन निकै सहयोग गर्छ । स्तनपान गराउनाले आमाहरुको शरीरबाट ठूलो मात्रामा क्यालोरी खर्च हुन्छ, जसको कारण गर्भवती भएको बेला बढेको तौल सजिलै घटाउन सहयोग पुग्छ ।

त्यसैले हामीले प्रायः के देखिरहेका हुन्छौं भने स्तनपान गराउने आमाहरुको वजन निकै चाँडो घटिरहेको हुन्छ । स्तनपान गराउनेले मानसिक तथा भावनात्मक रुपले समेत आनन्द आउँछ, जसले नयाँ आमाहरु सुत्केरी भइसकेपछि हुने डिप्रेसनको शिकार हुनबाट जोगिन्छिन् । यसबाहेक स्तनपान गराउने महिालहरुमा अस्टियोपोरासिस हुने खतरा पनि निकै कम हुन्छ ।

Continue Reading…

लोकसेवा सुर्खेत कार्यालयबाट लिइएको पाँचौ तहको नतिजा सार्वजनिक ( नतिजा सहित)

काठमाडौं । लोकसेवा आयोगले सुर्खेत कार्यालयबाट लिइएको खुल्ला तथा समावेशी एकीकृत परीक्षा अन्र्तगत पाँचौ तह (अप्राविधिक) प्रथम चरणको परीक्षाफल प्रकाशित गरेको छ । ४ साउनमा लोकसेवा आयोगले पाँचौ तहका लागि परीक्षा लिएको थियो ।

सुर्खेत कार्यालय अन्र्तगत जुम्ला र डोल्पा परीक्षा केन्द्रको प्रथम चरण लिखित परीक्षाको नतिजा निकालेको छ । पाँचौ तहको यस परीक्षामा ३४९५ परीक्षार्थी सहभागी थिए । प्रथम चरणमा उर्तिण परीक्षार्थीहरु दोस्रो चरणमा प्रबेश गर्नेछन् ।

परीक्षाफल हेर्न यहाँ क्लिक गर्नुहोस्

Continue Reading…

सभामुखले बोलाए सर्वदलीय बैठक

१६ साउन, काठमाडौं । संसदको जारी गतिरोध अन्त्यको प्रयासस्वरुप सभामुख कृष्णबहादुर महराले सर्वदलीय बैठक आह्वान गरेका छन् ।

संसदमा प्रतिनिधित्व गर्ने सबै दलहरुको संयुक्त बैठक मध्याह्न आह्वान गरिएको सभामुखका प्रेस सल्लाहकार डिल्ली मल्लले जानकारी दिए ।

सर्लाहीमा विप्लव समूहका नेता कुमार पौडेल र राजपा कार्यकर्ता सरोज नारायण सिंह प्रहरीको गोलीबाट मारिएको घटना छानबिनका लागि संसदीय समिति गठनको माग गर्दै नेपाली कांग्रेस र राजपाले संयुक्त रुपमा संसद अवरुद्ध गर्दै आएका छन् ।

यसअघि सभामुख महराले गतिरोध अन्त्यका लागि प्रमुख सचेतक र सचेतकहरुसँग छलफल गर्दै आएका थिए । तर, सहमति जुट्न सकेन ।

‘प्रमुख सचेतक र सचेतकहरुसँगको छलफलले पार नलागेपछि दलकै बैठक आवश्यक देखियो,’ सभामुख महराका प्रेस सल्लाहकार मल्लले भने ।

विप्लव समूहका नेता पौडेल गत असार ५ गते सर्लाहीको लालबन्दी नगरपालिका- १ लखनदेहीको जंगलमा प्रहरीको गोलीबाट मारिएका थिए । उनी प्रहरीसँगको मुठभेडमा मारिएको भनेर गृहमन्त्रीले संसदमा जवाफ दिएका थिए । तर शवको प्रकृति र स्थानीयबासीको भनाइ विपरित सरकारको जवाफ आएको भन्दै सत्तारुढ सांसदले समेत सत्यतथ्य छानविनको माग गर्दै आएका छन् । विप्लव समूहले त बाटो ढुकेर पौडेलको हत्या गरिएको दाबी गर्दै आएको छ ।

यसैगरी सर्लाहीको ईश्वरपुर नगरपालिका १३ श्रीनगरस्थित बाँके खोलामा अवैध गिट्टी बालुवा उत्खननका क्रममा बनेको खाल्डोमा जमेको पानीमा डुबेर १२ वर्षीय बालक अमित कुमार रायको मृत्यु भएपछि स्थानीयले गरेको प्रदर्शनमा प्रहरीले गोली चलाउँदा सरोज नारायण सिंहको मृत्यु भएको थियो ।

Continue Reading…

लोकसेवा दिपायल कार्यालयबाट लिइएको चौथो तहको नतिजा सार्वजनिक (हेर्नुहोस नतिजा)

काठमाडौं । लोकसेवा आयोगले खुल्ला तथा समावेशी एकीकृत परीक्षा अन्र्तगत चौथो तह (अप्राविधिक) चौथो तह, प्रथम चरणको परीक्षाफल प्रकाशित गरेको छ । ४ साउनमा लोकसेवा आयोगको दिपालय कार्यालय अन्र्तगत प्रथम चरणको लिखित नतिजा सार्वजनिक गरेको छ ।


चौथो तह अप्राविधिक तहमा ४११० जनाले परीक्षा दिएका थिए । सहायक पदको लिखित नतिजा प्रकाशित गरिएको छ । प्रथम चरणमा उर्तिण परीक्षार्थीहरु दोस्रो चरणमा प्रबेश गर्नेछन् ।

परीक्षाफल हेर्न यहाँ क्लिक गर्नुहोस

Continue Reading…

रातीको खाना कतिबेला र कति ?

राती कुन समयमा खाना खानुहुन्छ ? सात, आठ, नौ । कतिपयले त रातको खाना १० बजे पनि खान भ्याउँदैनन् । हतार-हतार खाना खान्छन् र ओछ्यानमा पल्टन्छन् ।

हामीलाई लाग्छ, खाना भनेको भोक लागेको बेला खाने हो । जतिबेला मन लाग्छ त्यही बेला खाने हो । राती खानु र दिउसो खानुसँग के फरक पर्छ ? जतिबेला खाएपनि शरीरभित्रै पुग्ने हो । खानाले गर्ने काम त्यही हो । तर, समय र खानपानले शरीरमा खास असर गर्छ । कुन बेला खाने, कति खाने भन्ने कुरा निर्धारण हुनुपर्छ ।

राती अबेर खाँदा के हुन्छ ?

राती खाना खानु स्वास्थ्यका हिसाबले त्यती अनुकुल मानिदैन । जब हामी राती अबेर खाना खान्छौं, खानेकुरा पच्न पाउँदैन । किनभने रातको समयमा विश्राम गरिन्छ । यतिबेला शरीरलाई अतिरिक्त उर्जा आवश्यक हुँदैन । त्यसैले हामीले खाएको खानेकुरा पचाउनै गाह्रो हुन्छ ।

अपच हुने त छँदैछ, शरीरमा आवश्यक्ताभन्दा बढी क्यालोरी जम्मा हुन्छ । वोसो लाग्ने, मोटोपन बढ्ने जस्ता समस्या यहीबाट सुरु हुन्छ ।

खानसाथ सुत्ने बानी

हामीलाई हेक्का हुँदैन कि खाना खाएको कति समयपछि सुत्ने ? हामीलाई त निद्रा लाग्नसाथ सुत्न जान्छौं । राती अबेर भरपेट खाना खाएपछि झ्याप्प निद्रा लाग्छ । यही मौकामा हामी ओछ्यानमा पल्टन्छौं ।

अब सोच्नुहोस् त भर्खरै खाएको खानेकुरा पेटमा कति बोझिलो भयो होला ? शरीर निस्त्रिय भएपछि ति खानेकुरा कसरी पच्छ होला ?

खाना खाएको कम्तिमा दुई घण्टापछि मात्र सुत्नुपर्छ । दुई वा तीन घण्टाको ग्याप हुनुपर्छ खानपान र सुताईको । खाना खाएर केही क्षण टहलिने, बस्ने । त्यसपछि मात्र सुत्न जाने । यो पनि सुपाच्य भोजन गरेको अवस्थामा । भरपेट खाइसकेपछि त पचाउन गाह्रो हुन्छ ।

राती भरपेट खाने, खानसाथ ओछ्यानमा पल्टने बानीले हाम्रो पाचन यन्त्रलाई खराब बनाउँछ । जब पाचन यन्त्र खराब हुन्छ, स्वास्थ्यमा अरु किसिमको समस्या देखापर्न थाल्छ ।

रातको खाना कतिबेला ?

उचित खानपान तालिका अनुसार राती अबेर खाना खानु उपयुक्त हुँदैन । जतिसक्दो चाडो खाना खानुपर्छ । के भनाई छ भने, सूर्योअस्त पछिको खानेकुरा विष समान हुन्छ । अर्थात सूर्योअस्तपछि हामी जुन खानेकुरा सेवन गर्छौं, त्यो शरीरका लागि आवश्यक हुँदैन । शरीरमा अनावश्यक खानेकुरा पुग्छ । अनावश्यक खानेकुरा पुग्नु भनेको शरीरलाई डस्बिन जस्तै बनाउनु हो । जब हामी आफ्नो पेटलाई डस्बिन बनाउँछौं भने शरीर कसरी निरोगी हुन्छ ।

त्यसैले संभव भएसम्म चाडै खाना खानुपर्छ । साँझ सूर्योअस्तअघि नै खाना खानु उत्तम । कतिपय अवस्थामा चाहि यस्तो तालिका मिलाउन संभव हुँदैन । औषधी सेवन गरिरहेको अवस्थामा, रोग लागेको अवस्थामा, कामको चाप भएको अवस्थामा, रात्रीकालिन काम गर्नुपर्ने अवस्थामा । त्यसैले आफ्नो अनुकुलता पनि हेर्नुपर्छ । यद्यपी राती सुत्नुभन्दा दुई वा तीन घण्टा अघि खाना खानु उत्तम हो ।

रातको खाना कति ?

एउटा प्रशिद्ध उखान छ, बिहानको खाना आफु खानु, दिउँसोको साथीसँग बाँडेर खानु, रातको खाना सत्रुलाई दिनु ।

यसको अर्थ बिहानको खाना जति सेवन गरिन्छ, त्यसपछि खानाको मात्रा कम गर्दै जानुपर्छ । सकेसम्म रातको खाना कम खाएकै वेश हुन्छ ।

बिहान भरपेट खाना खानुपर्छ । त्यही खानाले हामीलाई दिनभरको लागि उर्जा दिन्छ । त्यसपछि क्रमस खानेकुराको मात्रा घटाउनुपर्छ । रातीको खाना सकेसम्म हल्का वा सजिलै पच्ने किसिमको हुनुपर्छ ।

रातको खाना चाडै खाएमा के लाभ हुन्छ ?

रातको खाना चाडै र हल्का खाएमा अनावश्यक तौल बढ्दैन । वा तौल नियन्त्रण हुन्छ । गहिरो निद्रा लाग्छ । बिहान उठ्दा शरीर हल्का महसुष हुन्छ । पेट भारी हुँदैन । यसले मुटुमा पनि सकारात्मक प्रभाव पार्छ । फ्याट र कोलोस्टोरको समस्या कम हुन्छ । पेट सम्बन्धीका समस्याहरु हट्छ ।

Continue Reading…

मोटरसाइकल दुर्घटनामा दुई युवकको मृत्यु

१६ साउन, हेटौंडा । मकवानपुरको बसामाडीमा मोटरसाइकल र ट्रक ठोक्किँदा दुई जनाको मृत्यु भएको छ । बुधबार साँझ भएको दुर्घटनामा मोटरसाइकलमा सवार सौरभ सुवेदी र अस्मित सुनारको मृत्यु भएको हो ।

हेटौंडाबाट बसामाडीतर्फ जाँदै गरेको ना ३८ प ५३३२ नम्बरको मोटरसाइकल र चितवनबाट हेटौंडातर्फ आउँदै गरेको ना ६ ख १५०० नम्बरको ट्रक पूर्वपश्चिम राजमार्गअन्तर्गत हेटौंडा-३ बसामाडीमा ठोक्किएका थिए ।

सुनारको चितवनस्थित पुरानो मेडिकल कलेजमा र सुवेदीको हेटौंडास्थित चुरेहिल अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ ।

Continue Reading…

इरानका विदेशमन्त्रीलाई अमेरिकाले लगायो प्रतिबन्ध

१६ साउन, काठमाडौं । इरानी विदेशमन्त्री मोहम्मद जभाद जरिफलाई अमेरिकाले प्रतिबन्ध लगाएको छ । जरिफले इरानका सर्वोच्च नेता अयातुल्लाह अलि खामेनीको दुस्साहसपूर्ण एजेन्डा कार्यान्वयनमा भूमिका खेलेको भन्दै अमेरिकाको यूएस डिपार्टमेन्ट अफ ट्रेजरीले जरिफलाई प्रतिबन्धको घोषणा गरेको हो ।

‘जभाद जरिफले इरानी सर्वोच्च नेता अयातुल्लाह अली खामेनीको दुस्साहसपूर्ण एजेन्डा कार्यान्वयन गरेका छन्’, ट्रेजरी सेक्रेटरी स्टेभन मुचिनले प्रतिबन्ध लगाउनुको कारणबारे भनेका छन् ।

प्रतिबन्धले जरिफको अमेरिकामा रहेका सबै सम्पत्ति फ्रिज हुनेछ । त्यस्तै, अमेरिकाद्वारा नियन्त्रित संघ–संस्थामा रहेका जरिफको धन–सम्पत्ति पनि जरिफले पाउने छैनन् ।

अमेरिकाले लगाएको प्रतिबन्धपछि एक ट्वीट गर्दै जरिफले आफ्नो एजेन्डाबाट खतरा महसुस गरेर अमेरिकाले प्रतिबन्ध लगाएको प्रतिक्रिया दिएका छन् । अमेरिकाको प्रतिबन्धप्रति खुसी व्यक्त गर्दै उनले यसलाई इरानी एजेन्डाको सफलताको रूपमा व्याख्या गरेका छन् ।

आणविक गतिविधि रोक्ने उद्देश्यका साथ सन् २०१५ मा इरानसँग भएको न्यूक्लियर सम्झौताबाट अमेरिका पछि हटेपछि बढ्दै गएको तनाव पछिल्लो समय उत्कर्समा छ ।

समुद्री मार्गमा पछिल्लो समय यसकै प्रतिच्छाया देखिन थालेको छ । जसले सैन्य द्वन्द्व बढाउन सक्ने भन्दै चिन्ता व्यक्त भइरहेका छन् ।

Continue Reading…

प्रधानमन्त्रीको एक शब्दले जब २४ मन्त्रीको  एकै पटक तालु सुक्यो…

काठमाडौं । बुधवार प्रधानमन्त्री केपी शर्मा ओलीले २३ मन्त्री र २४ सचिवलाई अकस्मात सिंहदरवारमा बोलाए । प्रधानमन्त्री र मन्त्रीबीच एक बर्षे कार्यसम्पादनका लागि मन्त्री र सचिवालाई प्रधानमन्त्री कार्यालयमा बोलाईएको थियो । सवै मन्त्री र प्रधानमन्त्रीबीच छुट्टा छुट्टै कार्यसम्पादन सम्झौता पनि भयो । तर सम्झौता गर्नुभन्दा अघि प्रधानमन्त्री ओलीको एक बाक्यले मन्त्रीहरुको तालु नै सुक्यो ।

मन्त्री र सचिवहरुसँग प्रधानमन्त्री ओलीले एक बर्षे कार्ययोजनना मागेका थिए । कार्ययोजना लिएर सवै मन्त्री र सचिवहरु प्रधानमन्त्री कार्यालयमा पुगेका थिए । प्रधानमन्त्री ओलीले दुई तिहाईको सरकारसँग जनताको चाहना तिव्र भएको तर जनताको चाहनाअनुसार कार्यसम्पादन हुन नसकेको बताएका थिए । त्यही क्रममा उनले कार्ययोजना नै बनाएर अघि बढ्ने बताइरहँदा केही मन्त्रीतर्फ इंगित गर्दै मन्त्री फेरबदलको संकेत गरे ।

‘अहिले तपाईहरु कार्ययोजना पेश गर्नुहोस, सम्झौता पछि आउने मन्त्रीसँग गरौला’, प्रधानमन्त्री ओलीले यति भनेपछि केही मन्त्रीहरु तर्सेका थिए । मन्त्री फेरबदल हुने आँकलन धेरै मन्त्रीले गरेको स्रोतले बताएको छ । प्रधानमन्त्री ओलीले सम्झौता पछि आउने मन्त्रीसँग गरौला भनेपनि सवैमन्त्रीसँग पाँच बुँदे कार्यसम्पादन सम्झौता भने गरेका छन् ।

नेकपा अध्यक्ष पुष्पकमल दाहाल प्रचण्डले लगातार मन्त्री परिवर्तनको अभिब्यक्ति दिइरहेका बेला ओलीले पनि फेरबदलको संकेत गरेका थिए । ओलीले पछि आउने मन्त्रीसँग सम्झौता गरौला भनेपछि केही मन्त्रीले आफ्नो पद धरापमा परेको अनुभूति पनि गरेका थिए । तर साँझ संस्कृति पर्यटन तथा नागरिक उड्यनमन्त्रीका योगेश भट्टराईले नियुक्ति लिएपछि मन्त्रीहरु ढुक्क भएका थिए । पछि आउने मन्त्री भन्नुको अर्थ योगेश भट्राई भएको आँकलन उनीहरुले गरेका स्रोतले बताएको छ ।

नेकपा अध्यक्ष प्रचण्ड सरकार परिवर्तनको पक्षमा उभिएपनि प्रधानमन्त्री ओले भने अझै इच्छा देखाएका छैनन् । उनले बहालवाला अहिलेकै मन्त्रीसँग एक बर्षे कार्यसम्पादन सम्झौता गरेका छन् । एक बर्षसम्म मन्त्री फेरबदल हुने सम्भावना अब टरेको छ ।
मन्त्री बहाल भएपनि सचिवहरु भने सरुवा हुने गर्दछन् । तर सचिवहरुले आफु सरुवा वा अवकास हुनुभन्दा पहिले नयाँ आउने सचिवलाई कार्यसम्पादनको फाइलसहित प्रगति विवरण बुझाउनु पर्नेछ ।

Continue Reading…

थानकोटबाट एक किलो सुनसहित एक जना पक्राउ

१६ साउन, काठमाडौं । महानगरीय प्रहरी वृत्त थानकोटको टोलीले एक किलो सुनसहित एकजनालाई पक्राउ गरेको छ । पक्राउ पर्नेमा रसुवा गोसाइँकुण्ड-५ का पेम्बा ढुण्डुप तामाङ छन् ।

बा ९० प २७३६ नम्बरको एनएक्स मोटरसाइकल चढेर रसुवाबाट काठमाडौं आउँदै गरेको उनलाई बुधबार साँझ शंका लागेर जाँच गर्दा एक किलो सुन बरामद भएको थानकोट प्रहरीले जनाएको छ ।

वृत्तका प्रमुख एवं प्रहरी नायब उपरीक्षक कुमारविक्रम थापाले भने, ‘एक जना पक्राउ परेका हुन्, उनको साथबाट बरामद भएको वस्तु नक्कली वा सक्कली सुन हो भन्नेबारेमा परीक्षणबाट मात्र थाहा हुन्छ ।’

सुन केरुङ नाका हुँदै काठमाडौँ भित्रिएको पाइएको उनले बताए । तामाङलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।

Continue Reading…

५ हजार सुब्वा खरिदार र एक हजार अधिकृतको बिज्ञापन दुई साताभित्र खोल्ने अन्तिम तयारी

काठमाडौं । लोकसेवा आयोगले स्थानीय तहका लागि झण्डै ६ हजार कर्मचारीको फेरी बिज्ञापन गर्ने भएको छ । सरकारले करिव ५ हजार सुब्वा तथा खरिदार र एक हजार अधिकृत पदका लागि बिज्ञापन गर्न लागेको छ । सामान्य प्रशासन मन्त्रालयले ६ हजार कर्मचारीको बिज्ञापनका लागि लोकसेवा आयोगमा पत्राचार गरिसकेको छ ।

पहिलो चरणको बिज्ञापनको परीक्षा र नतिजा सार्वजनिक भइरहेको छ । पहिलो चरणको लिखित परीक्षाको सवै नतिजा आएपछि ६ हजार कर्मचारीको बिज्ञापन खोल्ने तयारी गरिएको छ । अबको दुई साताभित्र ६ हजार कर्मचारीका लागि बिज्ञापन खोल्ने आयोग स्रोतले बताएको छ । स्थानीय तहबाट माग भएर आएका करिब ६ हजार कर्मचारीका लागि बिज्ञापन गर्न लागिएको हो ।

९ जेठमा पहिलो बिज्ञापन खोलिएको थियो । लोकसेवाले ९ हजारको संख्यामा खोलेको बिज्ञापन समावेशी र संघियताको चरित्र अनुरुप नभएको भन्दै राजधानीको सडकमा आन्दोलन पनि भएको थियो । तरपनि लोकसेवाको परीक्षा रोकिएन । अब खोल्ने बिज्ञापन समावेशी चरित्रको हुने मन्त्री लालबाबु पण्डितले बताए ।

Continue Reading…

७ वर्षीय बालकको मुखबाट निकालियो ५२६ दाँत, डाक्टरले भने- मोबाइल टावरको रेडियसनले यस्तो हुनसक्छ

काठमाडौं । भारतको चेन्नाईस्थित सविता डेन्टल कलेजका डाक्टरहरुले एक सात वर्षीय बच्चाको मुखबाट ५२६ वटा दाँत निकालेको दाबी गरेका छन् ।

डाक्टरहरुका अनुसार मानिसको मुखबाट यति धेरै दाँत निकालिएको यो विश्वकै पहिलो घटना हो । उनीहरुले यस स्थितिलाई कम्पाउन्ड कम्पोजिट अन्डोटोम नाम दिएका छन् ।

डाक्टरहरुका अनुसार यस्तो अस्वाभाविक विकास मोबाइल टावरको रेडियसनको कारण पनि हुन सक्ने भारतीय अनलाइन द हिन्दूले लेखेको छ ।

रविन्द्रन नाम गरेका ती बच्चाको दायाँ गाला सुन्निने र दुख्ने समस्या भएपछि उनका अभिभावकहरुले अस्पताल लगेका थिए । जाँचको क्रममा डाक्टरहरुले अस्वाभाविक संख्यामा दाँतहरु रहेको पत्ता लगाए ।

सविता डेन्टल कलेजको सर्जन डा. पी सेन्थिलनाथनले एक्स रे र सिटी स्क्यान गरेर हेर्दा धेरै दाँतहरु देखिए, जसको पूरा विकास भएको थिएन । त्यसपछि अपरेसन गरेर ती दाँतहरु निकाल्ने निर्णयमा डाक्टर पुगे ।

डा. सेन्थिलनाथनका अनुसार दाँतहरु मासुको भित्री भागमा थिए जुन बाहिरबाट देखिँदैनथे । बच्चालाई बेहोस पारेर उसको तल्लो बंगाराको भाग निकालियो । जसको तौल २ सय ग्राम थियो । त्योभित्र ठूला, मध्यम र साना आकारका ५२६ वटा दाँत थिए ।

डाक्टर सेन्थिलनाथनले भनेका छन्, ‘हामीले स्वस्थ दाँतलाई रहन दियौं । अस्वाभाविक रुपमा रहेका दाँतहरुलाई सावधानीपूर्वक निकाल्यौं । सबै दाँतहरु निकाल्न पाँच घण्टा लामो अपरेसन गर्नु परेको थियो ।’

अपरेसन गरेको तीन दिनपछि बच्चाको अवस्था सामान्य बन्न थाल्यो । अपरेसनपछि त्यो बच्चाले आफूलाई अब पहिलेको जस्तो दुखाइ नभएको बतायो ।

डाक्टरहरुले यस्तो अस्वाभाविक स्थिति आउनुको कारण मोबाइल टावरबाट निस्किने रेडियसन वा जेनेटिक डिसअर्डर हुनसक्ने बताएका छन् ।

यसअघि कुनै पनि व्यक्तिको यति धेरै संख्यामा दाँत पाइएको थिएन । यसअघि सन् २०१४ मा भारतकै १७ वर्षीय एक किशोरको मुखबाट २३२ वटा दाँत निकालिएको थियो ।

Continue Reading…

छापामा आज : २५०० बिघा जग्गा अझै ‘माओवादी’को कब्जामै

१६ साउन, काठमाडौं । राजनीतिक दलभित्रको कचिंगलदेखि तत्कालीन माओवादीले कब्जा गरेको जग्गा अझै फुकुवा नभएकोसम्मका विषय आजका दैनिक पत्रिकाहरूको ‘हेडलाइन’ बनेको छ ।

अन्नपूर्णले ‘२५०० बिघा माओवादी कब्जामै’ शीर्षक दिएर मुख्य समाचार बनाएको छ । तत्कालीन विद्रोही माओवादीको अगुवाइमा दाङमा कब्जा भएको २५ सय बिघा जग्गा अझै फिर्ता नभएको हो ।

तत्कालीन माओवादीले नेपाल संस्कृत विश्वविद्यालयको १३ सय, स्वर्गद्वारी आश्रमको १२ सय र जिल्ला प्रशासन कार्यालयको १४ बिघा कब्जामा लिएका थिए । अन्नपूर्णका अनुसार, दाङका प्रमुख जिल्ला अधिकारी गोविन्द रिजालले यी सबै जग्गा अझै फुकुवा नभएको बताएका छन् ।

प्रजिअ रिजालले अन्नपूर्णलाई बताएअनुसार संस्थागत रूपमा कब्जा भएका जग्गाको आम्दानी जग्गाधनीले ०५८ सालदेखि नै पाएका छैनन् ।

तर तत्कालीन माओवादीका इञ्चार्ज निर्मल आचार्यले भने व्यक्तिको जग्गा फिर्ता भए पनि संघ संस्थाको कब्जामा नै रहेको बताएका छन् । आचार्यका अनुसार संस्कृत विश्वविद्यालय, स्वर्गद्वारी आश्रम तथा विभिन्न संघ–संस्थाको जग्गामा किसान, भूमिहीन र सुकुम्बासी बसेका छन् ।

देउवा–पौडेल चर्काचर्की

पार्टीको चौथो महाधिवेशनको कार्यतालिका ल्याउने कि नल्याउने भन्ने सवालमा कांग्रेस सभापति शेरबहादुर देउवा र वरिष्ठ नेता रामचन्द्र पौडेलबीच चर्को आरोप–प्रत्यारोप चलेको कान्तिपुरले लेखेको छ ।

कान्तिपुरका अनुसार बुधबारको केन्द्रीय कार्यसमिति बैठकमा पौडेलले महाधिवेशन नगराइ कार्यसमितिलाई निरन्तरता दिन खोजिएको धारणा राखेपछि सभापति देउवा झोक्किएका थिए । पाँच वर्षभित्र महाधिवेशन गराउन खोज्दाखोज्दै पनि आफूलाई भिलेन बनाउन खोजिएको भन्दै देउवाले पौडेलको टिप्पणीप्रति आपत्ति जनाएको समाचारमा उल्लेख छ ।

हेर्नुहोस् आजका पत्रपत्रिकाका फ्रन्टपेज

Continue Reading…

कांग्रेस बैठकमा देउवा र पौडेलबीच चर्काचर्की, आफुहरु हिरो बन्ने मलाई भिलेन बनाउने ?

काठमाडौं । जारी नेपाली कांग्रेस केन्द्रीय समितिको बैठकमा सभापति शेरबहादुर देउवा र वरिष्ठ नेता रामचन्द्र पौडेलबीच बुधवार चर्काचर्की भएको छ । १४ औं महाधिबेशनको कार्यतालिकालाई लिएर दुई नेताबीच चर्काचर्की भएको बैठकमा सहभागी एक नेताले बताए ।

बुधवार बैठक शुरु भएलगतै वरिष्ठ नेता पौडेलले १४ महाधिबेशनको कार्यतालिका सार्वजनिक गर्न सभापति देउवाले आनकानी गरिरहेको र पार्टीलाई संकटमा पुरयाएर यही नेतृत्वलाई फेरी कायम गर्न खोजेको बताएका थिए । बैठकमा महाधिबेशनको कार्यतालिका र पार्टीको अस्थायी संरचना बनाउन सभापति देउवाले नचाहेको भन्दै पौडेलले कडा आलोचना गरेका थिए ।

‘सभापतिले महाधिबेशन चाहनुभएको छैन । यही कार्यसमितिलाई निरन्तरता दिन खोज्नु भएको छ’, पौडेलले आक्रोस पोख्दै केन्द्रीय समितिको बैठकमा भने ‘सके पार्टीलाई संकटमा पारेर यही नेतृत्वलाई निरन्तरता दिने, नसके महाधिबेशन पछि सार्ने तयारीमा सभापति हुनुहुन्छ । यो हामीलाई सह्य छैन ।’

बैठकको शुरुमै बोलेका पौडेलले महाधिबेशनको कार्यतालिका नल्याएसम्म बैठकमा आफुहरु नबस्ने चेतावनी पनि दिएका थिए । महाधिबेशन गर्ने समय आएपनि सभापति देउवा समय घर्र्काउने पक्षमा रहेको पौडेलले बताए ।

पौडेलले आक्रोस पोखेलगतै देउवा पनि आक्रोसित बने । ‘मलाई भिलेन देखाएर आफुहरु हिरो बन्ने ?’ देउवाले बैठकमा भने ‘चार बर्षमा महाधिबेशन हुँदैन, पाँच बर्ष कट्दैन । मलाई मात्र शंका गरेर हुन्छ ।’

डेढ बर्षअघि भएको संसदीय निर्वाचनदेखि नेपाली कांग्रेसभित्रको विवाद चुलिदै गएको छ । निर्वाचनदेखिको विवाद महाधिबेशनसम्म आइपुगेको छ । देउवा आफ्नो अनकुल अबस्थामा मात्र पार्टीको महाधिबेशन गर्ने पक्षमा छन् भने पौडेल समय पुगेलगतै महाधिबेशन गर्नुपर्ने पक्षमा छन् । महाधिबेशन र पार्टीको अन्तरिम संरचनालाई लिएर कांग्रेसभित्र अहिले विवाद चर्किरहेको छ ।

Continue Reading…

Tuesday, July 30, 2019

मन्त्रालयबीच समन्वय अभाव, पाइलैपिच्छे चुक्दैछ सरकार

१५ साउन, काठमाडौं । अहिले देशमा दुई तिहाइ बहुमतसहितको बलियो सरकार छ । अधिकांश मन्त्रालयहरु एउटै पार्टीमा आवद्ध छन् । तर, ती मन्त्रालयबीच आपसी समन्वयको अवस्था भने नाजुक देखिएको छ ।

अन्तर मन्त्रालय समन्वय अभावले गर्दा सरकारका राम्रा निर्णय पनि प्रभावकारी कार्यान्वयन हुन सकेका छैनन् भने कतिपय निर्णय विवादमा फसेका छन् । यसको सबैभन्दा ज्वलन्त दृष्टान्त हो, विषादी प्रकरण । यस प्रकारणमा एउटै पार्टीका दुई मन्त्री आमने–सामने बने र अन्ततः देशले नै मूल्य चुकाउनुपर्‍यो ।

भारतबाट आयात गरिने तरकारी तथा फलफूलमा विषादी परीक्षण गर्ने मुलुकको हितकारी निर्णयमा प्रधानमन्त्री नै रणभुल्ल देखिए र उनले माफीसमेत माग्नुपर्‍यो । भारतीय राजदूतावासले विभिन्न मन्त्रालय र निकायमा पठाएको पत्रबारे प्रधानमन्त्री ओलीले मिडियाबाट थाहा पाउनुपर्ने अवस्था रह्यो ।

अन्तरमन्त्रालय समन्वयको अभाव झट्ट सुन्दा सामान्य विषय लाग्न सक्छ । तर, यसको असर निकै गम्भीर हुने विज्ञहरु बताउँछन् । यसले गर्दा सरकारप्रति जनताको विश्वास डग्मगाएको र अर्कोतर्फ अन्तर्राष्ट्रियस्तरमै नेपालको प्रतिष्ठामा आँच आएको उनीहरुको भनाइ छ ।

कृषि र वाणिज्यको चिसो

पशु, वनस्पति र खाद्य क्वारेन्टाइनको वर्तमान अवस्था र यसका समस्याबारे कृषि तथा पशुपन्छी विकास मन्त्रालयले साउन १२ गते आइतबार एक छलफल कार्यक्रम आयोजना गरेको थियो । देशैभरका क्वारेन्टाइन प्रमुखहरु छलफलमा सहभागी भए । तर, दुई किलोमिटर पश्चिमतर्फ रहेको वाणिज्य मन्त्रालयका अधिकारी कार्यक्रममा आएनन् ।

करिब ५ घण्टा लामो छलफलमा वाणिज्य मन्त्रालयका अधिकारीहरुको खोजी गरियो । तर, कोही पनि नभेटिएपछि कृषि मन्त्रालयका एकजना सहसचिवले आइन्दा वाणिज्य मन्त्रालयका कार्यक्रम आफूहरुले पनि बहिस्कार गर्नुपर्ने बताए ।

सोही कार्यक्रममा वन, कृषि र वनस्पति क्वारेन्टाइनका कर्मचारीहरुले भन्सारका कर्मचारी र प्रहरीबाट पेलिनु परेको दुःखेसो पनि राखे । छलफलमा कृषि तथा पशुपन्छी मन्त्री चक्रपाणि खनालले कृषि मन्त्रालयलाई अरु मन्त्रालयहरुले पेल्ने गरेको भन्दै ऐनले दिएको अधिकार प्रयोग गरी खरो रुपमा उत्रिन कर्मचारीहरुलाई निर्देशन दिएका थिए ।

जडिबुटी प्रकरणमा पनि उस्तै

भारतको क्वारेन्टाइन आदेश परिवर्तनका कारण आर्थिक वर्ष ०७५/०७६ को सुरुवातदेखि नै नेपालबाट भारत निर्यात हुने करिब एक अर्ब बराबरको जडिबुटी नेपालगञ्ज नाकामा थन्किएका छन् । सरकारले समन्वय गरेर छिटोभन्दा छिटो जडिबुटी निकासी सहज गरिदिन व्यवसायीले वन, कृषि र वाणिज्य मन्त्रालयसहित प्रधानमन्त्री कार्यालयसम्मलाई निवेदन दिएको ६ महिना भयो । जडिबुटी कुहिन थालेको भन्दै छिटो निकास खोज्न व्यवसायीले सरकारको ध्यानाकर्षण गराउँदै आएका छन् ।

जडिबुटी समस्या हल गर्न के प्रयास भइरहेको छ भन्ने जिज्ञासामा वन मन्त्रालयले कृषि मन्त्रालयलाई पत्र पठाइएको जानकारी दियो । वन मन्त्रालयका सहसचिव एवं प्रवक्ता डा. सिन्धुप्रसाद ढुंगानाले निकासी सूची संशोधन गर्न कृषिलाई पत्र पठाएको बताए पनि कृषि सचिव डा. युवकध्वज जिसीले जडिबुटीको विषय वनको भएको भन्दै कृषि मन्त्रालयको क्षेत्रधिकार नै नभएको प्रतिक्रिया दिए ।

यता वाणिज्य मन्त्रालयले पनि जडिबुटी निकासी रोकिएकोबारे कुनै जानकारी नै नभएको बतायो ।

सोही प्रतिक्रियालाई आधार बनाएर अनलाइनखबरमा साउन ८ मा समाचार प्रकाशित भएपछि ९ साउनमा वाणिज्य मन्त्रालयले निकासी अवरोध खुलाउन प्रयास भइरहेको भन्दै विज्ञप्ति जारी गर्‍यो । मन्त्रालयको विज्ञप्ति आफैंमा अन्तर मन्त्रालय समन्वय अभाव र सूचनामा यथेष्ट पहुँच अभावको परिणाम थियो ।

वन मन्त्रालयको निर्देशन वा प्रमाणीकरण, कृषि मन्त्रालय अन्तर्गतको क्वारेन्टाइन र उद्योग तथा वाणिज्यको नीतिगत तथा राजनीतिक सहमतिका आधारमा सहकार्यका लागि एजेण्डा यकिन गरेर समाधान खोजिनु पर्दथ्यो । जडिबुटी निकासी सम्बन्धमा तीनैवटा मन्त्रालय एक–अर्कामा समन्वय गर्दै अघि बढ्नुपर्नेमा त्यो संस्कार नभइदिँदा समस्या सुल्झिन सकेको छैन ।

उद्योग भित्र्याउने सम्मेलनमा उद्योग मन्त्री नै अपहेलित

केही समयअघि सरकारले विदेशी लगानी भित्र्याउने भन्दै धुमधामसँग लगानी सम्मेलनको आयोजना गर्‍यो । विदेशी लगानी सम्बन्धी विषय उद्योग वाणिज्य मन्त्रालयको हो । तर, अर्थ मन्त्रालय र लगानी बोर्डले उद्योगमन्त्री र मन्त्रालयसंग समन्वय नै नगरेपछि उद्योगमन्त्री असन्तुष्ट बने । उद्घाटन सत्रमा आफूलाई बस्ने कुर्सीसमेत नभएपछि उनले बाहिर हलमा बसेर कार्यक्रमको उद्घाटन सत्र हेरेर फर्किए ।

सम्मेलनमा उद्योगमन्त्रीले एउटा सत्रमा बोल्ने कार्यक्रम थियो । त्यसमा पनि कनी कनी अंग्रेजीमा बोल्दा मन्त्री हाँसोको पात्र बने ।

प्रधानमन्त्री तथा मन्त्रिपरिषद कार्यालयको समन्वय खोई ?

कुनै पनि संवेदनशील योजनाको अन्तिम फाइल प्रधानमन्त्री तथा मन्त्रिपरिषद कार्यालयमा पुग्छ नै । मन्त्रिपरिषदले निर्णय गर्नुपूर्व अन्तरमन्त्रालय सहकार्य र आपसी समन्वय भएको छ वा छैन ? कानुन तर्जुमा गर्दा कस्ता अप्ठ्यारा आउँछन् र कसरी अगाडि बढ्ने भन्ने समन्वय र निर्णय मुख्यसचिवमार्फत मन्त्रिपरिषद कार्यालयले गर्न सक्छ ।

निर्णयार्थ मन्त्रालयले पठाएको प्रस्तावमा राम्रो तयारी नपुगेको भए पुनः तयारीका लागि मन्त्रिपरिषद् कार्यालयले निर्देशन गर्न सक्थ्यो । तर, भारतीय तरकारीमा विषादी जाँच प्रकरणमा मन्त्रिपरिषद् कार्यालयबाट समन्वय गर्न नसकेको देखिन्छ ।

यसै प्रकरणमा भारतीय दूतावासबाट आएको दबावपत्र कृषि, उद्योग तथा वाणिज्य, परराष्ट्र र खाद्य प्रविधि विभाग गरी चार ठाउँमा पुग्दा प्रधानमन्त्रीसम्म नपुग्नु समन्वय अभाव नै हो ।

पहिलेदेखिकै समस्या

मेलम्ची खानेपानी परियोजना असफल हुनुको मुख्य कारण नै अन्तर मन्त्रालय समन्वय अभाव नै भएको पूर्वमुख्यसचिव डा. विमल कोइराला बताउँछन् । कोइरालाका अनुसार मेलम्चीमा जग्गा अधिग्रहण गर्नुपर्ने भूमिसुधारले र आयोजना अघि बढाउने जिम्मेवारी खानेपानी मन्त्रालयको थियो ।

खानेपानीले भूमिसुधारलाई विश्वास गरेर मुआब्जा वितरणका लागि रकम नदिँदा भूमिसुधारले कामै गर्न नसकेको र आयोजनाको मुआब्जा विवाद लामो समयसम्म नटुंगिएको कोइराला बताउँछन् ।

नेपालको सबैभन्दा ठूलो प्रशासनिक असफलता भनेकै एक–अर्को मन्त्रालयबीचको समन्वय अभाव भएको उनको ठम्याइ छ ।

‘मन्त्रालयको नेतृत्व गर्ने मन्त्री र कतिपय अवस्थामा कर्मचारीकै अहंकारले यस्तो अवस्था सिर्जना गर्छ,’ कोइराला भन्छन्, ‘अन्तरमन्त्रालय समन्वयलाई सरकार सञ्चालकले चुनौतीका रुपमा लिएर समाधानतर्फ अघि नबढे मुलुकले प्रगति गर्न सक्दैन ।’

काम गर्दै जाँदा अन्तरमन्त्रालय समन्वय अभावका घटनाहरु स्वभाविकरुपमा आउने गरेको पूर्ववाणिज्य सचिव पुरुषोत्तम ओझाको अनुभव छ । आफू मन्त्रालयमा रहँदा सुपारी काण्ड चरम विवादमा रहेको तर त्यसलाई कृषि मन्त्रालयसँग समन्वय गरेरै सल्ट्याएको ओझा बताउँछन् ।

समन्वयमा चुकेको खण्डमा समस्या ज्युँका त्युँ रहने र विवाद झनै चर्किैदै जाने ओझा बताउँछन् । उनी भन्छन्, ‘एक–अर्का मन्त्रालयबीच घनिभुत छलफल भएको खण्डमा निर्णयपछि आउन सक्ने नराम्रा परिमाण पहिल्यै केलाएर सच्याउन सकिने भएकाले समन्वय जरुरी छ ।’

Continue Reading…

कस्ती युवतीलाई श्रीमती बनाउन चाहन्छन् अहिलेका पुरुष ?

कुनै अपरिचित/परिचित युवायुवती भेट हुन्छ । उनीहरुको भेट प्रेममा बद्लिन्छ । प्रेम सम्बन्धलाई विवाहमा रुपान्तरण हुन्छ । एक युवा, एक युवती आपसमा दम्पती बन्छन् । उनीहरुको घर बन्छ । परिवार बन्छ । एउटा बेग्लै संसार बन्छ ।

प्रेम नगरी विवाह गर्ने प्रचलन अझ पुरानो हो । अहिलेपनि यथावत छ । नितान्त अपरिचित युवा र युवतीबीच विवाहको मेलोमेसो मिलाइन्छ । आफन्त, इष्टमित्र वा शुभेच्छुकको सहयोगमा उनीहरु विवाह बन्धनमा बाँधिन्छन् । कहाँको युवा, कहाँको युवती अब दम्पती बन्छन् । उनीहरुले आफ्नो बेग्लै संसार रचना गर्छन् ।

विवाह एउटा संयोग हो । विवाहअघि जे-जस्तो भएपनि विवाहपछि श्रीमान् र श्रीमतीबीच उचित तालमेल हुनु आवश्यक छ । त्यसैले त नेपाली समाजमा भन्ने गरिएको छ, श्रीमान् र श्रीमती भनेका एकै रथका दुई पाङ्ग्रा हुन् ।

परिवाररुपी रथ हाँक्नका लागि दुबै पाङ्ग्राको जरुरी र महत्व हुन्छ । एउटा पाङ्ग्रा नभई रथ गुड्दैन ।

विवाहलाई बन्धन पनि भनिन्छ । त्यो बन्धन मायाको हो र जिम्मेवारीको पनि । विवाहलाई सम्झौता पनि भनिन्छ । अलग पृष्टभूमीमा हुर्किएका युवा र युवती जब दम्पती बन्छन्, उनीहरुले आफ्ना कतिपय कुरामा सम्झौता गर्नुपर्छ । आफ्ना कति रहर, इच्छा, आनीबानी, प्रवृत्ति, व्यवहार त्याग्नुपर्छ ।

यदि त्यसो भएन भने दाम्पत्य जीवनमा सुख प्राप्त हुँदैन । कलह मात्र हुन्छ । दाम्पत्य कलहले दुई जनाको जीवन मात्र होइन, एउटा सिंगो परिवार नै तहस-नहस बनाइदिन्छ । त्यसैले विवाह एक यस्तो मोड हो, जहाँबाट मान्छेको अर्को जीवन सुरु हुन्छ । विवाह जीवनको अर्को अध्याय हो ।

विवाह गर्ने निर्णय सामान्य होइन । विवाह कुनै सामान्य रहर र खेल पनि होइन । विवाहले सुदूर भविष्य र पुस्तौ पुस्ताको मार्गरेखा कोर्ने भएकाले यसलाई निकै गंभिरतापूर्वक लिइन्छ ।

अतः विवाहको यो संवेदनशिलता बुझेकाहरुले विवाह गर्नुअघि आफ्नो पार्टनरमा केही गुण खोज्ने गर्छन् । यस्तो गुण पुरुषले महिलामा खोज्छन्, महिलाले पुरुषमा पनि । यहाँ चाहि विवाहको तयारीमा रहेका पुरुषले महिलामा कस्तो गुण खोज्छन् भन्ने चर्चा गरिएको छ ।

कस्ती युवती ?

धनवान, रुपवान, गुणवान, क्षमतावान । अर्थात सबै कुराले भरिपूर्ण मान्छे दुर्लभ हुन्छन् । मान्छेमा केही न केही कमजोरी हुन्छ । केही न केही कुराको अभाव हुन्छ । हरेक पुरुषलाई यो सत्यको वोध छ । उनीहरु आफुले खोजेको वा रोजेको युवती सबै गुणहरुले भरिपूर्ण हुन्छ भनेर अपेक्षा पनि गर्दैन । यद्यपी दाम्पत्य जीवनलाई सुख र सरल बनाउनका लागि जीवनसंगीमा केही गुण हुनुपर्छ भन्ने चाहि आवश्यै सोच्ने गर्छन् ।

बुद्धिमान पुरुषले रुप र धनलाई पहिलो प्राथमिकतामा राख्दैनन् । यी स्थायी कुरा होइनन् । रुप र धनले दाम्पत्य सुख प्राप्त हुन्छ भन्ने ग्यारेन्टी पनि छैन । त्यसैले हुनेवाला श्रीमतीमा मूख्यत के कस्ता गुण छ ? उनको स्वभाव कस्तो छ ? आनीबानी कस्तो छ ? सीप एवं दक्षता के छ ? सोंच कस्तो छ ? यीनै कुरा खोजी गरिन्छ ।

कोही पनि सबै गुणले परिपूर्ण हुँदैनन् । मान्छेमा राम्रो गुण हुन्छ, नराम्रो पनि । यद्यपी आफ्नो नराम्रो गुणलाई हटाएर वा दबाएर राम्रो गुणको विकास गर्न खोजिन्छ । मिठो बोलीवचन, कुशल व्यवहार, परिपक्क सोंच, सकारात्मक चिन्तन यी राम्रा गुण हुन् । यी सबै गुणभएका युवतीलाई आफ्नो जीवनसाथी बनाउँदा दाम्पत्य जीवन सुखमय हुन्छ भन्ने अनुमान गर्न सकिन्छ ।

शालिनता

शालिनता नारीको अर्को विशेष गुण हो । शालिन, भद्र, सहनशिल, दयालु, व्यवहारिक युवती नै जीवनसाथीको रुपमा अपनाउँदा परिवार सुख मिल्छ ।

सम्झौता

विवाह गरिसकेपछि आफ्ना कतिपय रुची र इच्छा त्याग्नुपर्ने हुन्छ । अरुको कुरा, विचार, स्वभावलाई स्विकार गर्नुपर्ने हुन्छ । अर्काको परिवार आफ्नो माया मिसाउनुपर्छ, सम्मान र शिष्टचार पालना गर्नुपर्छ । यी कुरा बुझेका युवतीहरुले परिवारमा कलह ल्याउँदैन ।

परिवारको हित

विवाहपछि आफ्नो परिवारको हित सोच्ने, घर परिवारको मर्यादा ख्याल गर्ने, श्रीमानको उदेश्यमा साथ दिने युवतीले दाम्पत्य जीवनलाई सुखमय तुल्याउँछ ।

सिपालु

सबैजना शिक्षित हुन्छन् भन्ने छैन । शिक्षितहरु जान्ने, बुझ्ने हुन्छन् भन्ने पनि छैन । यद्यपी बुझ्न सक्ने वा समझरदा हुनुपर्छ । नयाँ कुरा जान्न उत्सुक हुनुपर्छ । आफुमा केही सीप, दक्षता छ भने त्यसले परिवारलाई अरु बढी सहज बनाउँछ । अतः आफुमा कुनै सीप, दक्षता, विज्ञता भएका युवतीले परिवारलाई सुख दिलाउँछ ।

Continue Reading…

Former lawmaker-turned-Biplav cadre arrested in Kathmandu

Kathmandu, July 31

Police have arrested a former lawmaker, who joined the banned Netra Bikram Chand-led Nepal Communist Party, in Kathmandu.

Dhirendra Upadhyaya, who was elected to the first Constituent Assembly from Kalikot, was working as the group’s Kathmandu district secretary. Police said she was arrested on Tuesday afternoon.

Upadhyaya is also the general secretary of the group’s women’s front. The arrest comes a few days after police caught the group’s Kathmandu Valley in-charge Maila Lama. Following Lama’s arrest, the banned group accused the government of trying to suppress its activities while telling the people that it wants dialogue with the splinter Maoist group. The government, meanwhile, says the arrests will not affect the talks between authorities and group.

Continue Reading…

जब राखी सावन्तको विवाहको खबर फैलियो

बलिउडकी आइटम गर्ल तथा अभिनेत्री राखी सावन्तले गोप्य तरिकाले मुम्बईको जे डब्लू मेरियट होटलमा विवाह गरेको खबर भाइरल भैरहेको छ । केही अनलाइन पत्रिकाहरुले तस्वीरसहितको एउटा समाचार प्रकाशित गर्दै राखीले एक जना एनआरआईसंग विवाह गरेको खबर प्रकाशित गरेका थिए । उक्त खबर भाइरल भैरहेको बेला अभिनेत्री सावन्तले उक्त खबर सरासर झुटो भएको दावी गरेकी छिन् । विवाह गरेको खबरलाई उनले ठाडै अस्विकार गरिदिएकी हुन् ।

राखीले विवाह गरेको खबर प्रकाशित गर्ने अनलाइन पत्रिकाहरुमा उनले गैर आवासीय भारतीयसंग गोप्य रुपमा विवाह गरेको, विवाह मुम्बईको जे डब्लू मेरियट होटलमा २८ जुलाई (आईतबार) का दिन भएको तथा वैवाहिक समारोलाई पूर्ण रुपले गोप्य राख्नका लागि परिवारका सदस्यहरु मात्र उपस्थित भएको उल्लेख गरिएको थियो ।

वैवाहिक समारोहमा परिवारका ४-५ जना सदस्यमात्रै उपस्थित भएको तथा विवाहको खबर सार्वजनिक नहोस् भन्नका लागि होटलको हलको साटो कोठामा विवाह गरिएको समेत उक्त खबरमा जनाइएको थियो ।

आज -सोमबार) केही सञ्चारकर्मीहरुले राखी सावन्तलाई उनको विवाहको बारेमा जिज्ञासा राख्दा त्यसलाई उनले ठाडै अस्विकार गरेकी हुन् । उनको दावी छ-‘मैले विवाह गरेकै छैन ।’ अनलाइन पत्रिकाहरुमा उनलाई दुलहीको पहिरनका देखिएको बारेमा गरिएको जिज्ञासामा सावन्तको जवाफ थियो-‘दुलहीको पहिरनमा म एउटा प्रोडक्टको फोटोसेसन गरिरहेको थिएँ । त्यही फोटो बाहिरिएपछि मैले विवाह गरेको नक्कली खबर भाइरल भएछ ।’ ‘मलाई थाहा छैन किनमा मानिसहरु मलाई आरामले बस्दै दिँदैनन्, राखीको भनाइ छ ।

राखीले स्पष्टिकरण दिँदै भनिन्-‘म विल्कुलै अविवाहित हुँ । हिजो जे डब्लू मेरियट होटममा मेरो क्याटलगको फोटोसेसन भैरहेको थियो । म उक्त फोटो सेसनमा दुलहीको पहिरनमा प्रस्तुत भएकी थिएँ ।’

आफ्नो विवाह नभएको प्रमाणित गरेपछि उनले सञ्चारकर्मीप्रति दुःख व्यक्त गरिन् । ‘कृपया तपाईंहरुले के नबुझिदिनुस् भने कुनै पनि अभिनेत्रीले यदि हातमा मेहन्दी लगाइन् भने उनको विवाह भयो, एउटा औंठी लगाइन् भने उनको विवाह भैसक्यो, अस्पतालबाट बाहिरिरहेको देखियो भने उनी गर्भपतन गरेर आइन्, दुई-चार जना व्यक्तिसँग घुमफिर गरिने भने गोप्य रुपमा विवाह नै गरिसकिन्…यो सबै के हो ? के एउटी अभिनेत्रीले स्वतन्त्र रुपमा घुमफिर गर्न पनि नपाउनु ? एउटी अभिनेत्रीले राम्ररी बाँच्न पनि नपाउनु ? सिउँदोमा सिन्दुर लगाउने बित्तिकै विवाह नै गरेको हुनुपर्छ भन्ने छैन, उनी भरखरै कुनै धारावाहिकमा अभिनय गरेर पनि आएको हुनसक्छ । हामी अरु कुनै कार्यक्रमको छायांकनमा पनि व्यस्त भैरहेका हुनसक्छौं ।’

रमाइलो कुरा के छ भने राखी सावन्त बलिउडका फिल्महरुमा आइटम डान्सरको रुपमा लोकपि्रय छिन् । उनले केही फिल्ममा अभिनेत्रीको रुपमा काम पनि गरेकी छन् ।

त्यसो त यसअघि उनको नाम दीपक कलालसंग जोडिएको थियो । उनीहरुका केही भिडियोहरु भाइरल समेत भएका थिए । कतिपयले त उनीहरु चाँडै नै वैवाहिक समारोहमा बाँधिन लागेको समेत बताएका थिए ।

परदेशीया…गीतमा आइटम डान्स गरेपछि चर्चामा आएकी राखी सावन्त आफ्नो डान्स देखाउने क्रममा केही पटक नेपाल समेत आइसकेकी छिन् ।

Continue Reading…

बलिउडमा श्रुती हसनको दश वर्ष

भारतीय फिल्मका लिजेण्ड्री अभिनेता कमल हासनकी छोरी श्रुति हासनले अभिनेत्रीको रुपमा फिल्म क्ष्ँेत्रमा १० वर्ष पुरा गरेकी छिन् ।

श्रुतिले सन् २००९ को जुलाई २४ मा प्रदर्शन भएको हिन्दी फिल्म ‘लक’ मार्फत अभिनयमा डेब्यू गरेकी थिइन् । फिल्ममा उनको जोडीको रुपमा आमिर खानका भान्जा इमरान खानले अभिनय गरेका थिए । यद्यपि, उक्त फिल्म फ्लप भयो । त्यसपछि श्रुतिले हिन्दी तथा दक्षिण भारतीय फिल्ममा काम गरिरहिन् । साथै यो अवधिमा उनी आफ्ना गायन प्रतिभालाई समेत निखार्दै गइन् ।

यसैबीच, श्रुतिले अभिनय क्षेत्रमा १० वर्ष पुरा गरेको अवसर पारेर सामाजिक सञ्जालमा एउटा लामो भावनात्मक पोस्ट लेखेर आफ्नो प्रसंशक तथा फलोअर्सहरुलाई धन्यवाद दिएकी छिन्, जसले उनलाई यो यात्राका क्रममा सधैं साथ दिएका छन् ।

श्रुतिले लेखेकी छिन्-‘आज मैले फिल्म उद्योगमा १० वर्ष पुरा गर्न सफल भएकी छु । यो अवधिमा मैले यति धेरै कुरा सिकें, त्यसका लागि म सबैंलाई हार्दिक धन्यवाद दिन चाहान्छु । म के वाचा गर्न चाहान्छु भने भविष्यमा म अझ उत्कृष्ट काम गर्नेछु ।’ श्रुतिले उक्त पोष्टमा लेखेकी छिन्-‘एउटी अभिनेत्री तथा एक व्यक्ति भएको नाताले म निकै परिवर्तन भएकी छु ।

यो पछिल्लो एक वर्षको ब्रेक लिएर मैले आफ्नो प्रोफेशनल तथा पर्सनल लक्ष्यहरुका बारेमा विचार गर्नु अति नै अनिवार्य थियो । यो ब्रेकले मलाई आगामी समयका लागि तयार गर्न ठूलो सहयोग गरेको छ । तपाईंहरुलाई थाहा छैन, तपाईंहरु सबै जना मेरो लागि कति महत्वपूर्ण हुनुहुन्छ ।’ श्रुति हसनको पछिल्लो फिल्म थियो-बहन होगी तेरी, जसमा उनी राजकुमार रावसंग देखिएकी थिइन् ।

श्रुतिको व्यक्तिगत कुरा गर्ने हो भने उनी पछिल्लो केही वर्षदेखि माइकल कोर्सेलसंगको प्रेम सम्बन्धमा थिइन् । यही वर्षको अपि्रल महिनामा मात्र उनीहरुको ब्रेकअपको समाचार सार्वजनिक भएको थियो । माइकलले सामाजिक सञ्चालमार्फत श्रुतिसंधै आफ्नी राम्री साथी रहने भन्दै प्रेम सम्बन्ध टुंगिएको घोषणा गरेका थिए ।

श्रुतिले अभिनयबाट केही समयको लागि ब्रेक लिनु पर्ने कारण जे भए पनि उनका प्रशंसकहरु भने उनलाई पुनः फिल्मको पर्दामा देख्न चाहाने कुरामा भने दुईमत छैन ।

Continue Reading…

खोकीको औषधि खाँदा क्रिकेटर शा ८ महिनाका लागि निलम्बित

१५ साउन, काठमाडौं । भारतका क्रिकेटर पृथ्वी शा आठ महिनाका लागि निलम्बनमा परेका छन् ।

भारतीय क्रिकेट कन्ट्रोल बोर्ड (बीसीसीआई)का अनुसार, शाले अनजानमा प्रतिबन्धित पदार्थ सेवन गरेका थिए, जुन सामान्य कफ सिरपमा पनि पाइन्छ । बोर्डले भनेको छ, ‘शाले २२ फेब्रअरी २०१९ मा इन्दौरमा सैयद मुस्ताक अली ट्रफीको एक खेलका क्रममा एन्टी डोपिङ जाँचका लागि पिसाबको नमूना दिएका थिए । त्यसमा टर्बुटालाइन पाइयो, जुन प्रतिबन्धित पदार्थमा पर्छ ।’

शाले आफूमाथि लागेको आरोप स्वीकार गरेका छन् । तर यो जानीबुझी नभई खोकीको कफ सिरपको रुपमा खाएको उनले बताएको बीसीसीआईले जनाएको छ ।

तर, कानुनअनुसार शामाथि ८ महिनाको प्रतिबन्ध लागेको छ, जुन १६ मार्च २०१९ बाट सुरु भएर १५ नोभेम्बर २०१९ मा पूरा हुनेछ । शासँगै घरेलु क्रिकेटमा खेल्ने अक्षय दुलारवर र दिव्य गजराज पनि ८ महिना निलम्बनमा परेका छन् ।

Continue Reading…

निःशुल्क खेल्न जिम्बाब्वेका क्रिकेटरहरू तयार

१५ साउन, काठमाडौं । जिम्बाब्वेका क्रिकेटरहरूले देशमा क्रिकेट बचाइराख्न टी–२० विश्वकप छनोट प्रतियोगिता निःशुल्क खेल्न तयार रहेको बताएका छन् ।

आईसीसीले जिम्बाब्वे क्रिकेटलाई निलम्बन गरेको छ, जसले उसको विश्वकप छनोट अन्यौलमा परेको छ ।

तर क्रिकेटहरुले भने पछि तलब दिए पनि वा नदिए पनि आफूहरु देशका लागि खेल्न तयार रहेको बताएका छन् । ‘सुरुङको अन्त्यमा प्रकाश देखिएसम्म हामी निःशुल्क खेल्न तयार छौं’, एक सिनियर क्रिकेटरलाई क्रिकइन्फोसँग भनेका छन् ।

निलम्बनका बाबजुद जिम्बाब्वेले द्वीपक्षीय सिरिजहरु खेल्न पाउनेछ, यसका लागि आईसीसीले म्याच अफिसियिल नियुक्त गर्नेछ । यो खेलाडीहरुले निःशुल्क खेल्नुपर्ने हुनसक्छ ।

साथै निर्वाचित क्रिकेट बोर्डलाई पुनस्थापित गरे निलम्बन हटेर विश्वकप छनोट खेल्नसक्छ ।

Continue Reading…

‘उत्तर कोरियाद्वारा २ ब्यालेस्टिक क्षेप्यास्त्र प्रहार’

१५ साउन, काठमाडौं । उत्तर कोरियाले दुईवटा ब्यालेस्टिक क्षेप्यास्त्र प्रहार गरेको दक्षिण कोरियाले दाबी गरेको छ ।

दक्षिण कोरियाको सेनाका अनुसार उत्तर कोरियाले पूर्वी तटबाट बुधबार बिहान क्षेप्यास्त्र प्रहार गरेको हो । उत्तर कोरियाले भने यसबारे कुनै प्रतिक्रिया दिएको छैन ।

गत साता पनि उत्तर कोरियाले दुईवटा क्षेप्यास्त्र प्रहार गरेको समाचार सार्वजनिक भएका थिए । ती क्षेप्यास्त्र ४३० किलोमिटर दूरी पार गर्दै सी अफ जापान (ईस्ट सी)मा खसेको भनिएको थियो ।

तर बुधबार बिहानको क्षेप्यास्त्र भने जापानसम्म नआएको त्यहाँका रक्षामन्त्रीलाई उद्धृत गर्दै दक्षिण कोरियाली समाचार संस्था योनहापले लेखेको छ ।

कोरियाली प्रायद्वीपलाई निशस्त्रीकरण गर्ने लक्ष्यअनुसार अमेरिका र उत्तर कोरियाबीच शीर्षस्तरमा वार्ता भए पनि उत्तर कोरियाले क्षेप्यास्त्र प्रहार जारी राखेको छ ।

Continue Reading…

क्याम्पसका भित्तैभरि चिट, चोर्न नदिएको भन्दै प्राध्यापकलाई धम्की

१५ साउन, काठमाडौं । विश्वविद्यालय असल संस्कार सिक्ने सिकाउने थलो हो । सुर्खेतमा अवस्थित मध्यपश्चिमाञ्चल विश्वविद्यालयको बेथितिका श्रृंखलालाई हेर्दा यो उक्तिसंगत लाग्दैन ।

कहिले विश्वविद्यालयका उपकुलपति र रजिष्ट्रारबीच समन्वय नहुँदा विवाद उत्कर्षमा पुग्छ त कहिले विश्वविद्यालयले आयोजना गरेको दौड प्रतियोगितामा निजी कलेजको नाम लेखिएका टी–सर्ट वितरण गरिएको भन्दै विद्यार्थीहरुले आन्दोलन चर्काउँछन् । पछिल्लो पटक भने इन्जिनियरिङ क्याम्पसका भित्तामा लेखिएका चिटले विश्वविद्यालयमा हलचल पैदा भएको छ ।

मध्यपश्चिम विश्वविद्यालयअन्तर्गत क्याम्पसको कोठाका भित्तैभरि चिट कोरिएका छन् । विद्यार्थीहरु शिक्षक प्राध्यापकहरुलाई धम्की दिँदै भित्तामा चिट लेख्छन् र उत्तरपुस्तिकामा निर्धक्कसँग सार्छन् ।

यदि कसैले त्यसो नगर्न अनुरोध गर्दा आक्रमणको धम्की दिन्छन् । क्याम्पस कोठाका भित्ताभरि कोरिएका चिटले परीक्षाको मर्यादामाथि गम्भीर प्रश्न उठाएकाे  छ।

घटना हो, यही साउन ८ गतेको । इन्जिनियरीङ केन्द्रीय क्याम्पसको परीक्षामा विद्यार्थीहरुले चिट चोर्न खोजे । परीक्षामा गार्ड बसेकाहरुले रोक्न खोजे । परीक्षा हलभित्रै विद्यार्थीहरुले अपशव्द प्रयोग गर्दै गार्डमा बसेकाहरुलाई धम्की दिए ।

परीक्षा सकिएपछि पनि तिनै विद्यार्थीको समूहले केन्द्रीय क्याम्पस परिसरभित्रै उपप्राध्यापकलाई घेरा हालेर ‘परीक्षा तेरोमात्रै ठेक्का हो ? गेट बाहिर निस्केपछि के हुन्छ थाहा पाउलास्’ भन्दै फेरि धम्क्याए ।

विद्यार्थीको धम्कीका कारण आफूहरु असुरक्षित भएको भन्दै इन्जिनियरिङ क्याम्पसका १६ जना शिक्षकहरुले परीक्षा सञ्चालनमा सहभागी नहुने र नपढाउने निर्णय गरेका छन् । उच्छृङ्खल गतिविधिमा संलग्न विद्यार्थीहरुलाई कारबाही नभएसम्म काममा नफर्किने अडान उनीहरुले लिएका छन् ।
छानबिन समिति निष्क्रिय , दुई सदस्यले दिए राजीनामा

काममा नफर्किने शिक्षक तथा प्राध्यापकहरुको सामुहिक निर्णयपछि दबावमा परेको क्याम्पस प्रशासनले उक्त घटना छानविन गर्न भन्दै सहायक क्याम्पस प्रमुख गोपालसिंह भण्डारीको संयोजकत्वमा पाँच सदस्यीय समिति गठन गर्‍याे। तर, समितिको बैठक औपचारिक रुपमा एकपटक पनि बस्न सकेको छैन । छानविन प्रक्रिया अगाडि नबढाएको र धम्की दिने विद्यार्थीहरुलाई कारबाही नभएको भन्दै छानविन समितिका दुई जना सदस्यले राजीनामा दिएका छन् । उपप्राध्यापकद्वय आशिष बराल र माधव रिजालले छानविन समिति सदस्यबाट राजीनामा दिएका हुन् ।
रिजालले अनलाइनखबरसँग भने, ‘गलत क्रियाकलाप गर्ने विद्यार्थीहरुलाई क्याम्पस प्रशासनले कारबाही गर्न नसक्दा शिक्षक प्राध्यापकहरुको मनोबल गिर्दै गएको छ ।’

छानविन समिति संयोजक एवम् सहायक क्याम्पस प्रमुख गोपालसिंह भण्डारीका अनुसार पहिलो बैठकमा विद्यार्थी प्रतिनिधिलाई पनि बोलाइएको थियो, तर उनीहरु उपस्थित नभएपछि बैठक बस्न सकेन । अब दोस्रो चरणमा सम्बन्धित उपप्राध्यापकसँग वयान लिइने छ । उनले अनलाइनखबरसँग भने, ‘छानविन गर्ने क्रम जारी छ ।’

चरम राजनीतिकरण

कर्णालीको शैक्षिक विकासका लागि भन्दै ०६७ सालमा मध्यपश्चिमाञ्चल विश्वविद्यालय स्थापना भयो । विश्वविद्यालय स्थापनाका लागि थुप्रै कर्णालीबासीले पसिना बगाएका छन् । तर जनताले गरेको त्यो योगदानको कदर हुन सकेको छैन । मध्यपश्चिम विश्वविद्यालयमा प्रायः आन्दोलन, तोडफोड, तालाबन्दी र झडप भइरहन्छ ।

मध्यपश्चिम विश्वविद्यालयको केन्द्रीय इन्जिनियरिङ क्याम्पसको प्रमुख सोनालाल यादव छन् । यादव नेपाल इन्जिनियर्स एसोसियसनका कर्णाली प्रदेशको सभापति पनि हुन् । उनी विद्यार्थीहरुलाई कारबाही गर्न अनिच्छुक रहेको प्राध्यापकहरुको आरोप छ ।

क्याम्पस नजिकका घर भएका एक स्थानीयबासीले भने, ‘यस्ता घटना क्याम्पसमा विगतमा पनि भएका थिए, तर क्याम्पस प्रमुखले कहिल्यै ‘एक्सन’ लिएनन्, त्यसैले विद्यार्थीहरु छाडा साँढेजस्तै भएका छन् ।’

विद्यार्थी संघ संगठनका नेता–कार्यकर्ताको उच्छृङ्खल गतिविधिमा क्याम्पस प्रशासनले आँखा चिम्लिँदा बेथिती बढेको र हरेक कार्यमा गन्धा राजनीतिकरण हुने गरेको स्थानीयको भनाइ छ ।

Continue Reading…

CPN (Biplav group) torches two vehicles in Makwanpur

Hetauda, July 31

Cadres of the Netra Bikram Chand-led Nepal Communist party vandalised and torched two vehicles in Makwanpur for ‘defying’ their ‘strike’ on  Wednesday,

According to police, suspicious objects have also been reported in various parts of the district on the day the group called for a Bagmati-Narayani shutdown to protest the arrest of the group’s Kathmandu Valley in-charge Maila Lama a few days ago.

The group torched a truck (Ba 5 Kha 1739) at Jyamire, Manahari-9 and another car (Ba 14 cha 8234) on the Fakhel-Humane Bhanjyang road section, police said.

Suspicious objects have been found in Thana Bharyang, Chauki Tol and Hupra Chaur in Hetauta. Nepali Army personnel are looking into the cases to defuse bombs that may have been planted in the area.

Continue Reading…

नेपाल बैंक लिमिटेडमा मासिक ३ लाखको जागिर खुल्यो (बिज्ञापनसहित)

काठमाडौं । नेपाल बैंक लिमिटेडले मासिक तीन लाख तलव सुविधा पाउने गरी उच्च तहमा खुल्ला प्रतियोगिताबाट कर्मचारी माग गरेको छ । नेपाल बैंक लिमिटेड प्रधान कार्यालय धर्मनाथ काठमाडौले प्रमुख कार्यकारी अधिकृतका दरखास्त आह्वान गरेको छ ।

खुल्ला प्रतियोगिताबाट पदपूर्ति गर्ने गरी लिमिटेडले प्रमुख कार्यकारी अधिकृत पदमा दरखास्त आह्वान गरेको छ । दरखास्त दिन ब्यवस्थापन, बैंकिङ, बित्तिए, मौद्रिक, अर्थशास्त्र, लेखाशास्त्र, गणित, तथ्याङक शास्त्र, प्रशासन वा कानुन संकायमा स्नातकोत्तर हुनुपर्नेछ ।
प्रमुख कार्यकारी अधिकृतको तलव सुविधा तीन लाख तोकिएको छ । साउन १५ देखि २१ दिनभित्र दरखास्त बुझाउन बैंकले आह्वान गरेको छ ।

Continue Reading…

कर्णाली स्वास्थ्य विज्ञान प्रतिष्ठानद्धारा प्रवेश परीक्षाको सूचना जारी

काठमाडौं । कर्णाली स्वास्थ्य विज्ञान प्रतिष्ठानले प्रविणता प्रमाणपत्र तह नर्सिङ तथा सामान्य चिकित्सा कार्यक्रमको प्रवेश परीक्षा सम्बन्धी सूचना जारी गरेको छ ।


एसएलसी वा एसिईई उतिर्ण गरेका बिद्यार्थीहरुले चिकित्सा शिक्षा अध्ययनका लागि प्रवेश परीक्षा दिन अनिर्वाय नै हुन्छ । प्रवेश परीक्षाका लागि कर्णाली स्वास्थ्य बिज्ञान प्रतिष्ठान जुम्लाले अत्यन्त जरुरी सूचना जारी गरेको छ ।
यस्तो छ सूचना

Continue Reading…

सरकारको नयाँ सर्कुलर : स्रोत सुनिश्चिताबिना बजेट रकमान्तर नहुने

१५ साउन, काठमाडौं । स्रोत सुनिश्चिता नभई बजेटमा समावेश कार्यक्रम वा आयोजनालाई अब अर्थ मन्त्रालयले रकमान्तर तथा थप निकासाको स्वीकृति नदिने भएको छ । अर्थ मन्त्रालयको आर्थिक वर्ष ०७६/७७ को बजेट कार्यान्वयनसम्बन्धी निर्देशन अनुसार स्रोत सुनिश्चितता नभई सुरु गरिएका खरीद प्रक्रिया वा अन्य कार्यबाट सिर्जित दायित्वमा रकमान्तर र थप निकासा नगरिने भएको हो ।

रकमान्तर नेपाली बजेट व्यवस्थाको एक विकृतिका रुपमा रहेको छ । अघिल्लो आव ०७५/७६ मा सरकारले करिब १ खर्ब बराबरको बजेट रकमान्तर गरी खर्च गरेको थियो । आर्थिक वर्षको अन्तिम तीन महिना (वैशाख–असार) को अवधिमा ४० अर्ब २१ करोड रुपैयाँ रकमान्तर गरेर खर्च गरियो । त्यसमध्ये असार महिनामा मात्र १९ अर्ब ६१ करोड ८१ लाख १३ हजार ९ सय ७३ रुपैयाँ रकमान्तर गरिएको छ ।

सामान्यतया एक आयोजना/कार्यक्रममा छुट्याइएको बजेट त्यहाँ खर्च हुन सकेन भने अर्को आयोजना/कार्यक्रममा खर्चिन अवस्थामा रकमान्तर गरिन्छ । सरकारले सुरुमा कार्यक्रम र आयोजनामा अपुग रकमका लागि रकमान्तर गरे पनि आर्थिक वर्षको अन्त्यमा हुने रकमान्तर भने मुख्यगरी मुआब्जा, कर्मचारी र जनप्रतिनिधिको तलब भत्तामा केन्द्रित हुने गरेको छ । सरकारले चालु आवबाटै स्रोत सुनिश्चितता नभएका कार्यक्रमलाई बजेटमा नराख्ने गरी राष्ट्रिय आयोजना बैंकको अवधारणा ल्याएको थियो । तर, आयोजना बैंक अझै पूर्ण कार्यान्वयनमा छैन ।

पुँजीगत खर्च तथा वित्तीय व्यवस्थातर्फ विनियोजन भएको रकम चालुमा खर्च गर्न नपाइने व्यवस्था सरकारले गरेको छ । तलब, भत्ता, पोशाक, खाद्यान्न, पानी तथा बिजुली, सञ्चार महसुल र भाडामा अर्थ मन्त्रालयको स्वीकृतिबिना रकमान्तर गर्न नपाइने व्यवस्था छ । सोही कारण असार महिनाको रकमान्तर सूचीमा अधिकांश तलब भत्ता र भाडामा बढी हुने गरेको पाइन्छ ।

सशर्त अनुदानमा हुने जोखिम

अझ रकमान्तरको दुरुपयोग सशर्त अनुदानका लागि छुट्याएको रकममा हुन्छ । यो विकृतिबाट बच्न अर्थ मन्त्रालयले सशर्त अनुदानमा राखिएको रकम तोकिएको कार्यक्रमका लागि मात्र खर्च गर्नुपर्ने शर्त राखेको छ ।

सशर्ततर्फका कार्यक्रममा बजेट माग गर्ने सम्बन्धमा अर्थ मन्त्रालयले छुट्टै मापदण्ड बनाएको छ । सशर्त अनुदानमा राखेका योजना र कार्यक्रम कार्यान्वयन गर्दा थप रकम चाहिएमा कार्यप्रगतिका आधारमा मात्र अर्थ मन्त्रालयले थप रकम पठाउन सक्ने निर्देशिकामा उल्लेख छ ।

कुनै कार्यक्रम केन्द्रको बजेटबाट स्थानीय वा प्रदेशबाट कार्यान्वयन गराउन परे अथवा प्रदेश र स्थानीय तहको बजेटबाट केन्द्रले कार्यान्वयन गर्न चाहे समेत समन्वय गरी बजेट कार्यान्वयन गर्न सकिने व्यवस्था अर्थ मन्त्रालयले गरेको छ । स्थानीय तहको योजना तथा कार्यक्रम नेपाल सरकारको सम्बन्धित कार्यालयमार्फत कार्यान्वयन हुने भयो भने स्थानीय तहले कार्यक्रमका लागि छुट्याएको बजेट संघीय निकायको नाममा खुलेको खातामा फिर्ता गर्नुपर्ने गरी बजेट कार्यान्वयनको प्रावधान राखिएको छ ।

कात्तिक १५ बाट धमाधम काम

खरीद प्रक्रिया अवलम्बन गर्नुपर्ने आयोजना तथा कार्यक्रमको हकमा प्रक्रिया पूरा गरी १५ कात्तिकबाट काम नै सुुरु गर्नुपर्ने निर्देशन अर्थ मन्त्रालयले सबै निकायलाई दिएको छ । बजेटमा परेका आयोजनाको तयारीका चरण पूरा गरी आयोजना/कार्यक्रमको चौमासिक विभाजनसहितको वार्षिक खरीद योजना, विस्तृत डिजाइन र लागत अनुमान तयारी गरी साउन मसान्तभित्र बोलपत्र आह्वानसमेत गरिसक्न अर्थले सबै निकायमा पत्राचार गरेको छ । असोज मसान्तभित्र बोलपत्र मूल्यांकन गरी ठेक्का सम्झौता गर्न र त्यसको १५ दिन भित्र काम सुरु गर्ने कार्यादेश दिन निर्देशन दिइएको छ ।

रकम भुक्तान्ी गर्दा आयोजना/कार्यक्रमको भौतिक प्रगतिका आधारमा मात्र भुक्तानी दिने व्यवस्था गरिएको छ । पहिलो चौमासिक भुक्तानी/निकासाका लागि भने भौतिक प्रगति अनिवार्य गरिएको छैन । दोस्रो र तेस्रो चौमासिकको भुक्तानी भने भौतिक प्रगति न्यूनतम ५० प्रतिशत पुगेपछि मात्र निकासाको व्यवस्था गर्न निर्देशन दिइएको छ ।

बिल ५ दिनभित्रै काटिसक्ने

काम सम्पन्न भई मूल्यांकनसमेत सम्पन्न भएको आयोजना तथा कार्यक्रमको भुक्तानीको बिल १० दिनभित्र तयार गरिसक्न अर्थले निर्देशन दिएको छ । बिल पेश भएको ५ दिनभित्र बिल स्वीकृतिको व्यवस्था मिलाइएको महालेखा नियन्त्रक कार्यालयले जानकारी दिएको छ । नेपालमा सरकारी भुक्तानी ढिला हुँदा पनि असारे विकासले प्रश्रय पाएको गुनासो धेरै सुनिन्छ ।

व्यापारिक क्षेत्रका घर भाडामा लिन नपाइने

सरकारले भाडामा लिएर कार्यालय संचालन गर्दा प्रमुख व्यापारिक क्षेत्र र मार्गभन्दा पर मात्र लिनुपर्ने प्रावधान राखिएको छ । यसको मतलव घरभाडा मितव्ययी बनाउनु हो । कुनै पनि सरकारी निकायले आर्थिक दायित्व सिर्जना हुने नयाँ निर्णय गर्दा वा मन्त्रिपरिषद्मा प्रस्ताव लैजाँदा समेत अर्थ मन्त्रालयको स्वीकृति अनिवार्य गरिएको छ ।

Continue Reading…

एक वर्षको सेयर बजार : नेप्सेको पहिरो थामियो

१५ साउन, काठमाडौं । केही वर्षदेखि सेयर बजारमा निरन्तर आइरहेको पहिरो पछिल्लो एक वर्षमा थामिएको छ । अल्पकालीन रुपमा उतारचढाव आए पनि एक वर्षको अन्तरालमा नेप्से ६२ अंकले माथि उक्लियो ।

बजार निरन्तर ओरालो लागेर निराश बनेका लगानीकताहरुलाई यो थोरै राहतको खबर हो । तर, यसमा सन्तोष मान्न सक्ने अवस्था भने छैन । किनकि पछिल्लो चार वर्षमा लगानीकर्ताहरुले धेरै रकम गुमाइसकेका छन् ।

सरकारले आर्थिक वर्ष ०७६/७७ का लागि सेयर बजारका लगानीकर्ताहरुलाई सहज हुने किसिमका केही व्यवस्थाहरु गरे पनि बजारमा ठोस सुधार हुन सकेको छैन । यद्यपि, वर्षभरिको तुलना गर्ने हो भने अघिल्लो आर्थिक वर्ष ०७४/७५ भन्दा गत आर्थिक वर्ष ०७५/७६ राम्रै रह्यो ।

सेयर बजारमा एक समय १९ खर्ब रुपैयाँभन्दा माथि पुँजीकरण पुगेको थियो । त्यसयता लगातार ओरालो लागेको सेयर बजारको पुँजीकरण १३ खर्ब रुपैयाँको हाराहारीमा झर्यो । सेयर बजारको पुँजीकरणमा पहिरो जाँदा लगानीकर्ताहरु निरुत्साहित बन्दै गएका थिए ।

तर गत वर्ष भने सुधार भएको छ । नेप्से परिसूचक एक वर्षको अवधिमा ६२ अंक माथि उक्लयो । ०७५ असार मसान्तसम्म १२१२.४ अंकमा सीमित नेप्से परिसूचक ०७६ को साउन १ सम्म आइपुग्दा १२७४.८६ अंकमा पुगेको छ । ०७४ असार मसान्तमा उक्त सूचकांक ७.९ प्रतिशतले ह्रास भई १५८२.७ विन्दु कायम भएको थियो । त्यसपछि भने बजार सुधारको दिशामा छ ।

सेयर कारोबारमापक नेप्से परिसूचकसँगै बजार पुँजीकरणमा समेत राम्रो सुधार भएको छ । नेपाल स्टक एक्सचेञ्जका अनुसार एक वर्षको अवधिमा १ खर्ब ५२ अर्ब २० करोड रुपैयाँले बजार पुँजीकरण बढेको छ ।

२०७५ को असार मसान्तसम्म १४ खर्ब ३५ अर्ब १४ करोड रुपैयाँ रहेको सेयर बजारको पुँजीकरण ०७६ को साउन १ गतेसम्म आइपुग्दा १५ खर्ब ८७ अर्ब ३४ करोड १७ लाख रुपैयाँ पुगेको नेप्सेका प्रवक्ता मुराहरि पराजुलीले जानकारी दिए ।

२०७६ को साउन १४ सम्म भने यो तथ्यांक घटेको छ । नेप्से परिसूचक १२५९.३७ मा आइपुगेको छ भने बजार पुँजीकरण १५ खर्ब ६८ अर्ब ७८ करोड रुपैयाँमा झरेको छ ।

अनलाइन प्रणाली कार्यान्वयनमा

आर्थिक वर्ष ०७५/७६ मा बहुप्रतिक्षित अनलाइन कारोबार प्रणाली कार्यान्वयनमा आएको छ । यो प्रणाली लागू भएपछि सेयर बजार माथि उठ्ने अपेक्षा गरेका थिए लगानीकर्ताले । तर, उनीहरुको उत्साह धेरै टिकेन, किनभने कार्यान्वयन लगत्तै अनलाइन प्रणालीमै खराबी आयो ।

प्रणालीमा आएको खराबीका कारण कतिपय दिनहरुमा कारोबार हुनै सकेन भने कहिलेकाहीँ समय अगाडि नै बन्द हुने गरेको थियो । कारोबार प्रणालीमा समस्या आउँदा नेपाल स्टक एक्सचेञ्जले राति ६ः३० सम्म कारोबार खुलाउन समेत बाध्य भएको थियो । सामान्यतया सेयर कारोबार हुने समय बिहान ११ बजेदेखि मध्याह्न ३ बजेसम्म हो ।

बजारमा आएका विभिन्न समस्याका कारण लगानीकर्ताहरु आन्दोलनमा होमिन बाध्य भए । शेयर लगानीकर्ता दबाव समूह अर्थमन्त्री डा. युवराज खतिवडा, राष्ट्र बैंकका गभर्नर डा. चिरञ्जीवी नेपाल, धितोपत्र बोर्डका अध्यक्ष रेवतबहादुर कार्की, नेप्सेका महाप्रवन्धक चन्द्रसिंह साउदलगायतको राजीनमा माग गर्दै आमरण अनसनसमेत बसेको थियो ।

Continue Reading…

स्थानीय तह पाँचौ र छैटौ तह लिखित परीक्षा पहिलो चरणको नतिजा सार्वजनिक (यस्तो छ नतिजा)

काठमाडौं । स्थानीय तह अधिकृत (अप्राविधिक) पाँचौ र छैटौ तह प्रथम चरणको लिखित परीक्षाको नतिजा सार्वजनिक गरेको छ । ४ साउनमा स्थानीय तह अधिकृत अप्राविधिक पाँचौ र छैटौ तहको परीक्षा लिइएको थियो । परीक्षा लिएको १० दिनभित्र नतिजा सार्वजनिक भएको छ ।


अधिकृत अप्राविधिक तह छैटौ प्रथम चरण पार गरेका परीक्षार्थीले मात्र दोस्रो चरणमा प्रवेश पाउनेछन् । उत्तर पुस्तिकामा ‘की’ उल्लेख नगरिएका परीक्षार्थीको परिक्षा रद्द गरिएको लोकसेवा आयोगले जनाएको छ । पहिलो चरणको परीक्षामा उर्तिण भएका परीक्षार्थीहरुलाई साविककै प्रवेश पत्रबाट प्रथम चरणको परीक्षा दिएकै आयोग कार्यालयले द्धितिय चरणको परीक्षा तोक्नेछ ।

Continue Reading…

खेतमा पानी लगाउने विषयमा विवाद हुँदा गुल्मीका १ जनाको मृत्यु

१५ साउन, गुल्मी । खेतमा पानी लगाउने क्रममा विवाद हुँदा गुल्मीमा एक जनाको मृत्यु भएको छ ।

जिल्लाको मुसिकोट नगरपालिका–३, नौघाटे खेतमा पानी लगाउने क्रममा भएको विवादमा ४५ वर्षीय लक्ष्मण कुमालले धारिलो हतियार प्रहार गर्दा ५० वर्षीय मोतीलाल कुमालको मृत्यु भएको हो ।

जिल्ला प्रहरी कार्यालय गुल्मीका प्रहरी उपरीक्षक (एसपी) दीपककुमार बस्नेतका अनुसार, बुधवार राति खेतमा पानी लगाउने क्रममा दुईबीच विवाद बढेपछि लक्ष्मणले मोतीलालमाथि खेतमै धारिलो हतियार प्रहार गरेका थिए । धारिलो हतियार प्रहारबाट उनको खेतमै मृत्यु भएको थियो ।

हत्यामा संलग्नलाई प्रहरीले नियन्त्रणमा लिएको छ । जिल्ला प्रहरी कार्यालय, गुल्मीका प्रहरी नायब उपरीक्षक (डीएसपी) मीनबहादुर घलेका अनुसार, लक्ष्मणले हँसियाले प्रहार गरेर आफूले मोतीलालको ज्यान लिएको स्वीकारेका छन् ।

Continue Reading…

लोकसेवाद्धारा फेरी स्थानीय तहमा ६ हजार कर्मचारीको छिट्टै बिज्ञापनको तयारी

काठमाडौं । पहिलो चरणको परीक्षा सकिएलगतै सरकारले स्थानीय तहका लागि थप ६ हजार कर्मचारी भर्नाका लागि बिज्ञापन गर्ने भएको छ । स्थानीय तहबाट माग भएर आएका करिब ६ हजार कर्मचारीका लागि फेरी लोकसेवाले बिज्ञापन खोल्ने तयारी गरेको छ ।

गत जेठमा ९ हजार कर्मचारीका लागि विज्ञापन गरिएको थियो । जेठमा गरिएको बिज्ञापनको अहिले परीक्षा भइररहेको छ ।अहिले बिज्ञापनबाट आएका ९ हजार कर्मचारीलाई दशैँअगावै स्थानीय तहमा पठाउने तयारी सरकारले गरेको सामान्य प्रशासनमन्त्री लालबाबु पण्डितले बताए ।

५१५ स्थानीय तहको लिखित मागअनुसार आयोगले ९ हजार १६१ पद लागि विज्ञापन गरेको थियो । अझै करिव ७ हजार कर्मचारी आवश्यक रहेको छ । सवै स्थानीय तहमा कर्मचारी पुरयाउन सरकारले ६ हजार बिज्ञापन गर्न लोकसेवा आयोगलाई आग्रह गरिसकेको छ । अबको तीन साताभित्र ६ हजार कर्मचारीका लागि फेरी बिज्ञापन गर्ने तयारी थालिएको छ ।

कर्मचारीले भने स्थानीय र प्रदेश तहमा समायोजन भएका कर्मचारीलाई पुरानै सेवा सुविधाअनुसार कार्य सम्पादन मूल्याङ्कनको फाराम भर्न मन्त्रालयले गरेको परिपत्रप्रति आपत्ति जनाएका छन् ।

कर्मचारी समायोजन ऐनले स्थानीय र प्रदेश तहमा समायोजन हुँदा दुई ग्रेड थप, तह वृद्धि तथा मिलान गर्दै सोहीअनुसार सेवासुविधा वृद्धि हुने व्यवस्था गरेको छ तर स्थानीय र प्रदेश तहमा समायोजन भएका निजामती कर्मचारीले अहिले ऐनमा उल्लेख भए अनुसारको सेवासुविधा नपाएकोमा उनीहरूले आपत्ति जनाउँदै आएका हुन् ।

निजामती कर्मचारीलाई तहगत रूपमा रूपान्तरण गर्दा पाँच वर्षभन्दा बढी सेवा अवधि पूरा गरेका नायब सुब्बालाई माथिल्लो शैक्षिक योग्यता हासिल गरेका कर्मचारीलाई छैटौँ तहको अधिकृत बनाइएको थियो । त्यस्तै पाँच वर्षभन्दा कम सेवा अवधि भएका शाखा अधिकृतलाई अधिकृतस्तर सातौँ तह बनाई खाइपाई आएको तलबमा दुई ग्रेड थप गर्ने र पाँच वर्ष वा सोभन्दा बढी सेवा गरेका शाखा अधिकृतलाई अधिकृतस्तर आठौँ तह बनाइएको थियो ।

सरकारले सङ्घमा ४० हजार ७६९ कर्मचारी समायोजन गरेको छ । त्यस्तै प्रदेशमा १४ हजार ६५९ र स्थानीय तहमा निजामती सेवाका ३१ हजार ४३ तथा साविक स्थानीय निकायका १२ हजार ९७ जना गरी ४३ हजार १४० गरी जम्मा ९८ हजार ५६८ जना कर्मचारी समायोजन भएको मन्त्रालयले जनाएको छ ।

Continue Reading…

नुवाकोटको वडा कार्यालयमा बम विस्फोट, रौतहटमा आगजनी

१५ साउन, काठमाडौं । नुवाकोट र रौतहटका वडा कार्यालयमा अज्ञात समूहले बम विस्फोट तथा आगजनी गरेका छन् ।

नुवाकोटको ककनी गाउँपालिका–१ को वडा कार्यालयमा अज्ञात समूहले गएराति बम विस्फोट गराएका हुन् । विस्फोटबाट वडा कार्यालयका महत्त्वपूर्ण उपकरण तथा कागजपत्र जलेका छन् ।

गाउँपालिकाकी उपाध्यक्ष सीता खतिवडा लामाले बम विस्फोट भएको पुष्टि गर्दै वडा कार्यालयमा रहेका कागजपत्र, कम्प्युटरलगायतका महत्त्वपूर्ण सामग्री जलेको जानकारी दिइन् ।

बम विस्फोटमा विप्लव समूह संलग्न रहेको अनुमान गरिए पनि यो समूहले अहिलेसम्म यसको जिम्ममा लिएको छैन ।

प्रहरीले घटनाबारे थप अनुसन्धान भइरहेको जनाएको छ ।

त्यसैगरी, विप्लव समूहको बन्दको पूर्वसन्ध्यामा रौतहटको एक वडा कार्यालयमा पनि आगजनी भएको छ । चन्दपुर नगरपालिकाको गैंडाटारमा रहेको वडा कार्यालयमा गएराति १ बजे अज्ञात समूहले आगजनी गरेको हो ।

आगजनीबाट फर्निचर, कम्प्युटर, प्रिन्टरलगायतका सामान जलेर नष्ट भएका छन् ।

नुवाकोटमा जस्तै रौतहटमा पनि आगजनी गर्ने पक्षले अहिलेसम्म जिम्मा लिएको छैन ।

Continue Reading…

बर्षमानको परिवार र नाताभित्र पदैपद, सम्धीदेखि सालीसम्म पदप्रतिस्ठाले भरिए

काठमाडौं । जनयुद्धमा जिन्दगी हत्केलामा राखेर परिवारसहित युद्धमा होम्मिएका पूर्वमाओवादी नेताहरुको जीवन शैली साँच्चिकै आलिसान छ । उनीहरुको जीवन सुखमय मात्र नभई आफ्न्तजनको जीवन पनि उच्च खानदानिया र पद प्रतिष्ठाले भरिएको छ ।

जनयुद्धका नायक पुष्पकमल दाहाल प्रचण्डको जीवन आलिसान मात्र छैन, उनको परिवार पद प्रतिष्ठाले भरिएको छ । प्रचण्ड नेकपाको अध्यक्ष छन् भने बुहारी विना मगर खानेपानी तथा सरसफाईमन्त्री छिन् । भतिजा महेश दाहाल अस्टे«लियाका लागि नेपाली राजदूत छन् भने छोरी रेणु दाहाल भरतपुर महानगरपालिकाकी मेयर छिन् ।

त्यसैगरी अर्की छोरी गंगा दाहाल सरकारी सुविधासहित स्वकीय सचिव छिन् । जेठा ज्वाइँ सागर केसी उपराष्ट्रपतिको बैतनिक सल्लाहकार छन् । माइला ज्वाइँ अर्जुन पाठक सरकारी सुविधासहित रेणु दाहालका स्वकीय सचिव छन् । चूडामणि खड्का रेणुका नन्देभाई समानुपातिक सांसद छन् ।

जनयुद्धका नायक प्रचण्डलाई युद्धका एक कमाण्डर बर्षमान पुनले उछिनेका छन् । प्रचण्ड परिवारका ६ जनाले लाभका पद लिएका छन् भने बर्षमानका परिवारमा १२ जनाले लाभको पद लिएका छन् । पुन नेकपा स्थायी समिति सदस्य र उर्जामन्त्री छन् । उनकी पत्नी तथा नेपालकै पहिलो महिला सभामुख ओनसरी घर्ति सांसद र नेकपाको प्रदेश प्रमुृख छन् । बहिनी मनकुमारी पनि रोल्पा नगरपालिकाको उपमेयर छिन् भने अर्की बहिनी सुशीला सांसद छिन् ।

ज्वाइँ नेकपाको जिल्ला नेता छन् । भतिजा मन्त्रीको स्वकीय सचिव छन् । साली संसद सचिवालयमा उच्च तहकी कर्मचारी छिन् । काका बाबुलाल पुन ओनसरीका स्वकीय हुन् भने भाई सिजल पुन सांसद छन् । मामाको छोरा डोरे पुन सभामुख कृष्णबहादुर महराका स्वकीय सचिव छन् भने काकाको छोरा अग्रिम पुन वाइसिएलका अध्यक्ष थिएँ । सम्धी सुरेन्द्र थापा रोल्पा नेकपाको पार्टी अध्यक्ष छन् ।

बर्षमान पूर्वमाओवादीभित्र निकै शक्तिशाली नेता हुन् । शक्तिशाली नेताले परिवार र आफ्न्तलाई पदैपदले भरिदिएका छन् । जनयुद्धमा बन्दुक बोकेर काँध लागेका प्रभावशाली ब्यक्तिहरुको जीवन यतिबेला कष्टकर छ । तर नेता परिवारका जीवन भने साँच्चिकै आलिशान बन्दै गएको छ ।

बर्षमान वर्तमान सरकारका शक्तिशाली मात्र नभई सफल मन्त्री पनि हुन् । अन्य मन्त्रालयकोभन्दा उनको मन्त्रालयले राम्रो काम गरेको देखिन्छ । बिद्युत उत्पादन र विकासका क्षेत्रमा उनले इतिहास नै कायम गरेका छन् । तरपनि परिवारभित्रको पदै पदले उनीमाथी प्रश्न उठ्ने ठाँउ रहेको छ ।

Continue Reading…

विप्लव समूहद्वारा मकवानपुरमा दुई गाडीमा आगजनी

१५ साउन, हेटौंडा । बन्दको अवज्ञा गरेको भन्दै विप्लव समूहका कार्यकर्ताले मकवानपुरमा गाडीमा आगजनी गरेका छन् । हेटौंडाका विभिन्न स्थानमा शंकास्पद वस्तु पनि फेला परेका छन् ।

बन्द आह्वानको पूर्वसन्ध्यामै हेटौंडा–नारायणगढ खण्डअन्तर्गत मनहरी–९, ज्यामिरेमा बा ५ ख १७३९ नम्बरको ट्रक र मकवानपुरकै फाखेल–हुमाने भञ्ज्याङ्ग सडक खण्डमा बा १४ च ८२३४ नम्बरको कारमा आगजनी गरिएको हो ।

आगजनीका कारण कार पूर्ण रूपमा क्षति पुगेको र ट्रकको अगाडिको भाग मात्र जलेको जिल्ला प्रहरी कार्यालय, मकवानपुरका प्रहरी उपरीक्षक मुकेश सिंहले जानकारी दिए ।

त्यसैगरी, हेटौंडाका थानाभर्याङ, चौकीटोल, हुप्राचौरको क्विक २० नजिकै शंकास्पद् वस्तु सेनाको टोलीले निष्क्रिय पारेको छ । हेटौंडाको मुख्य बजारको पारिजात पथमा फेला परेको शंकास्पद वस्तु निष्क्रिय पार्न सेनाको टोली आउँदै गरेको प्रहरीले जनाएको छ ।

काठमाडौं उपत्यका इञ्चार्ज माइला लामालाई प्रहरीले पक्राउ गरेको विरोधमा विप्लव समूहले बुधबार बागमती र नारायणी अञ्चल तथा रामेछाप र दोलखा जिल्ला बन्द आह्वान गरेको छ ।

Continue Reading…

आजका पत्रिका : डाबरका औषधिमा उच्च आर्सेनिक

१५ साउन, काठमाडौं । आजका पत्रिकाहरुमा फरक फरक समाचारले प्राथमिकता पाएका छन् । प्रधानमन्त्री केपी शर्मा ओली आराम गर्न सिंगापुर जान लागेकोलगायतका समाचार आजका पत्रिकामा पढ्न पाइन्छ ।

कान्तिपुरले एनसेलले पुँजीगत लाभ करभन्दा बाहेक अर्कै शीर्षकमा समेत करिब २ अर्ब रुपैयाँ कर छलेको समाचार लेखेको छ । कान्तिपुरको भित्री पृष्ठमा डाबर इन्डियाका औषधिमा उच्च मात्रामा आर्सेनिक पाइएको समाचार छ ।

भारतकै भेलोरस्थित क्रिस्चियन मेडिकल कलेज (सीएमसी) र नेपाल विज्ञान तथा प्रविधि प्रतिष्ठान नाष्टले गरेको परीक्षणबाट डाबर इन्डियाबाट उत्पादित औषधिमा आर्सेनिक र हेभी मेटलको मात्रा अत्यधिक देखिएको हो ।

जसबाट झापाका ३६ वर्षे वेदप्रसाद शर्मा पीडित छन् । उनी आफैं कविराज पनि हुन् । ढाड दुख्ने समस्याका कारण लामो समयदेखि डाबर इन्डियाका औषधि उनले सेवन गरेका थिए । तर, पछि छालामा समस्या देखियो । त्यसपछि उनी भेलोरस्थित सिएमसी अस्पताल पुगे । त्यहाँ जँचाउँदा शरीरमा अधिकतम ०.५ मिलिग्राम आर्सेनिकको मात्रा हुनुपर्नेमा १ सय ९९ मिलिग्राम देखियो । पिसाबमा १ हजार १२ मिलिग्राम देखियो । विभिन्न किसिमका प्राविधिक परीक्षणपछि अस्पतालले उनको रोग बोनम्यारो डिप्रेसन रहेको पत्ता लगायो । यसको पछाडि आर्सेनिक विषाक्तता मुख्य कारण रहेको चिकित्सकहरुको ठहर थियो । यसको कारण पत्ता लगाउन इतिहास केलाउँदै जाँदा उनले सेवन गरेका डाबरको औषधि पनि परीक्षण गरियो । यो परीक्षणमा डाबरको औषधिमा आर्सेनिक र हेभी मेटल पाइएको समाचारमा उल्लेख छ ।

डाबर इन्डियाबाट उत्पादित आयुर्वेदिक औषधिका कारण आर्सेनिक विषाक्तता भएर आफूमा बोनम्यारो डिप्रेसन भएको दाबीसहित शर्माले सम्बद्ध निकायसँग क्षतिपूर्ति मागेको कान्तिपुरमा समाचार छ ।

नागरिक दैनिकले प्रधानमन्त्री केपी शर्मा ओली साउन १८ गते आराम गर्न सिंगापुर जान लागेको समाचार छापेको हो । ललिता निवास र त्यसले चर्चेको करिब एक सय १४ रोपनी जग्गा हिनामिना गर्ने मुख्य योजनाकार शोभाकान्त ढकाल र रामकुमार सुवेदीले अख्तियार र सिआईबीमा बयान दिएको समाचार पनि नागरिकमा छ ।

राजधानी दैनिकमा अधिकांश मन्त्रालयले कार्यसम्पादन सम्झौता नगराएको, काठमाडौं महानगरपालिकाका मेयर विद्या सुन्दर शाक्य सरकारको स्वीकृतिविना जम्बो टोली लिएर विदेश गएको लगायतका समाचार छन् ।

अन्नपूर्ण पोष्ट दैनिकमा ठेक्काको म्याद थपिए पनि सडक नबन्ने गरेको बेथितीको समाचारमा छ । त्यससँगै तातोपानी भन्सार नाका खुले पनि भूकम्पअघि जसरी चल्न नसकेको समाचार पनि छ ।

कारोबार दैनिकमा १० वर्षमा ३ सय प्रतिशतले ब्यापार घाटा बढेको मुख्य समाचार छ ।

गोरखापत्र दैनिकले आज साउन १५ को सन्दर्भमा खिर खानु हरेक हिसाबले फाइदाजनक रहेको समाचार छापेको छ ।
हेर्नुहोस् आजका पत्रपत्रिकाका फ्रन्टपेज

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog