Saturday, June 15, 2019

विश्वकप क्रिकेटमा अष्ट्रेलियासँग श्रीलंका पराजित

१ असार, काठमाडौं । विश्वकप क्रिकेट प्रतियोगितामा विश्वविजेता अष्ट्रेलियाले श्रीलंकालाई ८७ रनले पराजित गरेको छ ।

इंग्ल्यान्ड र वेल्समा जारी विश्वकप क्रिकेटमा अष्ट्रेलियाले श्रीलंकामाथि सहज जित हात पारेको हो । ३३५ रनको चुनौती पछ्याउँदै ब्यािटङ गरेको श्रीलंकाले ४५.५ ओभरमा सबै विकेटको क्षतिमा २४७ रन मात्रै बनाउन सकेपछि अष्ट्रेलियाले जित हात पारेको हो ।

श्रीलंकाका लागि कप्तान दिमुख करुनरत्नेले ९७ रन बनाए । शतक बनाउनबाट तीन रनले चुककेका करुनरत्नेले टिमलाई जिततर्फ लगेका थिए । उनले कुशल परेरासँग मिलेर पहिलो विकेटका लागि ११५ रनको साझेदारी गरेका थिए । कुशलले मात्र ३६ बलमा ५ चौका र एक छक्का प्रहार गर्दै ५२ रन बनाए ।

१५.३ ओभरमै ११५ रन बनाएको श्रीलंकाले सुरुवाती उत्कृष्ट ब्याटिङ गरेको थियो । यही स्थितिमा गएको भए श्रीलंकाको जित शुनिश्चित थियो , तर अन्य खेलाडीले राम्रो गर्न सकेनन् । कुशल मेन्डिसले ३६ रन बनाए ।

बलिङतर्फ मिचेल स्टार्कले चार विकेट लिए । त्यस्तै केन रिचार्डशनले तीन र पट कुम्मिन्सले दुई विकेट लिए ।

यसअघि टस हारेर पहिले ब्याटिङ गरेको अष्ट्रेलियाले निर्धारित ५० ओभरमा सात विकेटको क्षतिमा ३३४ रन बनाएको थियो । अष्ट्रेलियाका लागि कप्तान आरोन फिन्चले उत्कृष्ट प्रदर्शन गर्दै शतकसहित १५३ रन बनाए । उनले १३२ बलको सामना गर्दै १५ चौका र ५ छक्का प्रहार गरे । त्यस्तै, स्टिेभन स्मिथले ७३ रन बनाउँदा ग्लेन म्याक्श्वेल ४६ रनमा अविजित रहे ।

बलिङतर्फ श्रीलंकाका इसुरु उदना र धनन्जय डे सिल्भाले समान २–२ विकेट लिए ।

0 comments:

Post a Comment

Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog