Friday, May 31, 2019

ओली र मोदीबीच आज २० मिनेट भेटवार्ता, रेल उद्घाटनको निम्तो दिने तयारी

काठमाडौँ । भारतमा रहेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच आज भेटवार्ता हुने भएको छ । भारतीय प्रधानमन्त्री मोदीको दोस्रो सपथग्रहणमा पुगेका प्रधानमन्त्री ओली आज नै स्वदेश फर्किदैछन् ।

स्वदेश फर्किनुअघि भारतीय समकक्षी मोदीसँग २० मिनेट भेटवार्ता गर्ने भएका छन् । प्रधानमन्त्रीको सरकारी निवास हैदरावाद हाउसमा नेपाली समय अनुसार पौने १२ बजे ओली र मोदीबीच भेटवार्ता हुने भएको छ । भेटवार्तामा द्विपक्षीय हितका बिषयमा छलफल हुने र रेल उद्घाटन गर्न नेपाल भ्रमणको निम्तो दिने नेपाली पक्षले तयारी गरेको छ ।

भारत सरकारको सहयोगमा जयनगर जनकपुर रेल निर्माणको काम सकिएको छ । रेल उद्घाटनका लागि नेपालले मोदीलाई निम्तो दिने कार्यक्रम यसअघि नै तयारी गरेको थियो । विहीबार दिल्ली पुगेका प्रधानमन्त्री ओली मोदीको सपथग्रहण समारोहमा सहभागी भएका थिए भने साँझ भारतीय राष्ट्रपतिले सरकार प्रमुखहरुका लागि आयोजना गरेको रात्रि भोजमा पनि पुगेका थिए ।

0 comments:

Post a Comment

Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog