Sunday, September 30, 2018

ए डिभिजन लिगमा संकटासँग सरस्वती पराजित

१४ असोज, काठमाडौं । शहिद स्मारक ए डिभिजन लिग फुटबलमा संकटा क्लबले सरस्वती युथ क्लबलाई पराजित गर्दै विजयी सुरुवात गरेको छ ।

आइतबार सातदोबाटोस्थित एन्फा कम्प्लेक्सको खेल मैदानमा भएको खेलमा संकटाले सरस्वतीलाई १-० गोलले पराजित गरेको हो । खेलको अन्तिम समयमा सरस्वतीले संकटालाई रोक्न नसक्दा लिगमा आफ्नो पहिलो खेलमै पराजित हुन पुग्यो ।

पहिलो हाफमा गोलरहित बराबरी खेलेको संकटाले दोस्रो हाफमा गोल गर्न सफल भयो । संकटाका लागि अतिरिक्त समयमा लक्ष्मण रुचालले गोल गर्दै जित दिलाए ।

शनिबारदेखि सुरु भएको ए डिभिजन लिगमा १४ टिम रहेका छन् । लिगको पहिलो खेलमा आर्मी र न्युरोड टिम -एनआरटीले २-२ गोलको बराबरी खेलेका थिए ।

ए डिभिजन लिग आजै (आइतबार) देखि नै केही दिनको लागि स्थगित पनि भएको छ ।

बंगबन्धु गोल्डकपमा नेपालले सहभागिता जनाउने भएपछि करिब ४ वर्षपछि सुरु भएको लिग केही समयसम्मको लागि रोकिएको हो । अखिल नेपाल फुटबल संघ (एन्फा) ले अर्को सूचना जारी गरेर लिग सुचारु गर्नेछ ।

Continue Reading…

Province 3 leading contributor to GDP, Province 5 leads in access to banking: NRB

Butwal, September 30

Province 3 is Nepal’s most valuable province in terms of contribution to the GDP, a new study by the country’s central bank shows. The study also shows that Province 5 leads the pack in terms of access to banking.

The study titiled ‘Economic Activity in Federal Structure’, was made public at a programme in Butwal on Sunday. The report says that Province 3’s share of GDP is around 31.6 per cent. That of Province 1 and 2 are 17/5 amd 16.2 respectively. Simlarly, provinces 5, 4, 7 and 6 contribute 13.4 per cent, 10.4 per cent, 6.3 per cent and 4.5 per cent respectively.

Province 3 also leads the charts in terms of per capita income. According to the report, the per capita income of residents of Province 3 is $1,534. The figure for Province 4 stands at $1,021, Province 2 at $799, Province 6 at $677 and Province 7 at $660.

The report says that Province 5 leads the table in terms of access to banking. Of the 109 local units in the province only three do not have access to banking service. In Province Seven, 23 local bodies don’t have a bank. The number in Province 6 stands at 20, in Province 1 at 10 and 11 in Province 3. In Province 2 and Province 6, four and 5 local bodies respectively don’t have access to a bank.

Continue Reading…

चाडपर्वमा राजधानीको सुरक्षा : नाकामा कुकुरसहित चेकजाँच टोली, ३५ सय प्रहरी परिचालन

काठमाडौँ । महानगरीय प्रहरी परिसर काठमाडौंले ३ हजार ५ सय जनशक्तिलाई परिचालन गर्ने तयारीसहित चाडपर्व सुरक्षा योजना सार्वजनिक गरेको छ।

काठमाडौं प्रहरीले चाडपर्वलाई लक्षित गरि हुनसक्ने ६ घटनालाई सुरक्षा चुनौती मान्दै सुरक्षा प्रबन्ध मिलाएको हो। परिसरका अनुसार चाडपर्वमा ब्यक्तिगत, सरकारी सम्पत्तिको सुरक्षा, बजारमा हुने चोरी, ठगी र लुटपाटका लागि सुरक्षा, झै–झगडा, रातिको समयमा हुने चोरी डकैती, अवैध जुवा तथा सट्टा र ट्राफिक नियम परिपालनालाई मुख्य चुनौती मानेको छ।

परिसरको योजना अनुसार काठमाडौंलाई १४ क्षेत्रमा विभाजन गरेर सुरक्षा प्रवन्ध मिलाउने तयारी भएको छ। परिसरले आइतबार आफु मातहतका परिसर प्रमुखहरुलाई बोलाएर सुरक्षा योजनाका बिषयमा बिफ्रिङ गरेको छ।

परिसर प्रमुख एसएसपी बसन्तकुमार लामाका अनुसार चाडपर्व लक्षित सुरक्षाका लागि काठमाडौं भित्रने नाकादेखी बजार क्षेत्र र गल्ली–गल्लीमा प्रहरी पुग्ने व्यवस्था गरिएको हो। उनका अनुसार सरकारी तथा निजी संघसंस्थाको सम्पत्तिको सुरक्षाका लागि यसपटक सबैका प्रतिनिधीसँग प्रहरीले सहकार्य गर्ने भएको हो।

‘प्रहरी कर्मचारीले उपहार र सहयोग लिदैन, उसले चाडपर्वमा जनताको जिउधनको सुरक्षा एउटै मन्त्र लिएर काम गर्नेछ,’ एसएसपी लामाले भने।

प्रहरीले चाडपर्व अवधिभरका लागि ६० वटा पैदल गस्ती खटाउने छ। यो टोली नजिकको प्रहरी इकाईको सम्पर्कमा रहेर गल्ली–गल्लीमा पुग्नेछ। यस्तै ६१ स्थानमा प्रहरीको एउटा टोली खटिने छ। यसले गल्लीमा पुगेर गस्ती गरेका प्रहरीले दिएको सूचना अनुसार कारबाही अघि बढाउने छ।

प्रहरीले ३६ वटा साइकल गस्ती र ३० वटा मोटरसाइकल गस्तीलाई आलोपालो गरी २४ घण्टा खटाउने छ। यस्तै २४ वटा गाडीबाट सहरका महत्वपूर्ण र सम्बेदनशील क्षेत्र तथा स्थानमा सुरक्षा दिनेछ।

परिसरले आफू मातहत रहेका ७० जना प्रहरी अधिकारीलाई काठमाडौं केन्द्रीत रहने गरी सादा पोशाकमा खटाएको छ। यसरी खटिएका प्रहरी अधिकारीले अपराध नियन्त्रणका लागि पूर्वसूचना संकलनका साथै निगरानी समेत राख्नेछन्।

प्रहरीले आइतबारदेखि छठ पर्वसम्मका लागि ३० स्थानमा नियमित खोजतलास र नाकाबन्दी गर्नेछ। यस्तै ३० स्थानमा आकस्मिक चेकजाँच र निगरानीको व्यवस्था गरिएको छ। काठमाडौं भित्रने सबै नाकामा तालिम प्राप्त प्रहरी कुकुरको सहयोगमा चेकजाँच गरिने परिसरले जनाएको छ।

हातहतियारसहितको ५३ वटा क्विक रेस्पोन्स टिमका प्रहरी अधिकारी खटिनेछन्।

‘हामीले प्रहरी अधिकृतको नेतृत्वमा २५ जनाको टोली तयारी अवस्थामा राख्नेछौं, कुनै घटना हुनासाथ यो टोलीले ५ मिनेट बढिमा त्यहाँ पुगेर अवस्था सम्हाल्ने छ,’ लामाले भने।

उनले चाडपर्वमा सर्वसाधारणको यात्रा सुरक्षित बनाउने देखी साना भन्दा साना अपराधबाट उनीहरु पीडित बन्न नपरोस् भन्ने विश्लेषणसहितको योजना ल्याएको दाबी गरे।

Continue Reading…

प्रदेश १ को राजधानी र नाम तोक्न नसकेको भन्दै कांग्रेसद्वारा विरोध

१४ असोज, विराटनगर । प्रदेशको नाम र स्थायी राजधानी तोक्न विलम्ब गरेको भन्दै प्रदेश १ मा प्रतिपक्षी नेपाली कांग्रेसले सरकारको आलोचना गरेको छ ।

प्रदेशसभाको आइतबारको बैठकमा कांग्रेस संसदीय दलका मुख्य सचेतक केदार कार्कीले प्रदेश सरकारले नाम र स्थायी राजधानीका बिषयमा सरकार उदासिन बनेको आरोप लगाए ।

उनले प्रतिपक्षको पनि सहमतिमा स्थायी राजधानी र नाम तोक्न सरकारलाई आग्रह समेत गरे । सचेतक सूयर्माराज राईले सरकार गठन भएको लामो समयसम्म नाम र राजधानी टुङ्गो लगाउन नसेको भन्दै तत्काल उक्त विषय संसदमा प्रवेश गराउन आग्रह गरे ।

आइतबारको प्रदेशसभा बैठकले सिंचाई सम्बन्धमा व्यवस्था गर्न बनेको विधेयक, २०७५ सर्वसम्मतिले पारित भएको छ । आन्तरिक मामिला तथा कानून मन्त्री हिक्मतकुमार कार्कीले प्रदेश सभामा पेश गरेको विधेयक संशोधनसहित पारित भएको हो ।

Continue Reading…

विदेश जाने खर्च जुटाउन साथीको अपहरण, हत्यापछि फिरौतीको बार्गेनिङ !

१४ असोज, मोरङ । विराटनगर- १७ का २० बर्षका मोहम्मद सद्दाम हुसेन वैदेशिक रोजगारीका लागि दुबई जाने तयारीमा थिए । उनको भिसा लागिसके पनि खर्च जुटाउन सकेका थिएनन् । त्यही खर्च निकाल्न उनले गाउँकै खलिल मियाका छोरा मोहम्मद अस्फाकलाई अपहरण गर्न साथी मोहम्मद आरिफ आलमसँग योजना बनाए ।

गौतमबुद्ध स्कुल कक्षा १०मा अध्ययनरत अस्फाक, हुसेन र आलम साथी साथी हुन् । गत वैशाख १ गते उनीहरुले विराटनगर-१५ दुई नम्बर ढाट नजिकै सँगै बसेर मदिरा सेवन गरे । मदिरा सेवनपछि गत भदौ ३० गते नै अपहरण गर्ने योजना बनाएका आलम र हुसेनले अस्फाकलाई लिएर विराटनगर-१४ र १७ को सिममा पर्ने भित्री सडकमा पुगे ।

रातको समय थियो । मदिरा सेवन गरेका उनीहरुले अस्फाकको टाउकोमा ढुंगा प्रहार गरे । उनी सोही स्थानमा ढले । अस्फाकलाई बन्धक बनाएर खलिलसँग फिरौती माग्ने योजना थियो । तर ढुंगा प्रहार गर्दा ढलेका अस्फाक उठेनन् । उनको घटनास्थलमै मृत्यु भयो ।

विराटनगरमा केही दिनअघि हृयुमपाइपभित्र शव भेटिएको घटनामा अनुसन्धान गर्दा प्रहरीले हत्यामा संलग्नको आशंकामा दुई जना पक्राउ गरेको छ । उनीहरुसँग गरिएको बयानको आधारमा प्रहरीले वैदेशिक रोजगारीमा जान खर्च जुटाउने उद्देश्यले साथीको हत्या भएको निश्कर्ष निकालेको छ ।

अस्फाकको मत्यु भएपछि त्यत्तिकै छाडेर गएका उनीहरुले बिहान ३ बजे आएर शव हृयुम पाइपभित्र हालिदिए र सुरु भयो बुबासँग पैसाको बार्गेनिङ ।

आफूहरुले छोरोका अपहरण गरेको भन्दै उनीहरुले असोज २ गतेबाट ५० लाख फिरौती माग्न सुरु गरे । समय बितेसँगै फिरौती रकम घट्दै थियो । अन्त्यमा उनीहरु ५ लाखमा छोरालाई छाड्न सहमत भए । तर बार्गेनिङ चलिरहेकै अवस्थामा गत ७ गते हृयुम पाइपभित्र सडेको अवस्थामा शव फेला पर्‍यो । जीउ र टाउको छुटिएको अवस्थामा भेटिएको शव चिन्न सक्ने अवस्थामा थिएन ।

अपहरणमा परेका व्यक्ति र भेटिएको शव एकै व्यक्तिको हुन सक्ने आशंकामा प्रहरीले अनुसन्धान सुरु गर्‍यो । एकसाताको अनुसन्धान पछि प्रहरीले असोज १ गते अपहरणमा परेका अस्फाककै शव भएको निश्कर्षमा पुग्यो । तर उक्त शव छोराकै हो भन्ने खलिललाई विश्वास भएन । तर मृतकले लगाएको लुगा, औठी र हातमा बाधेको डोरोका आधारमा खलिलले आफ्नै छोरा भएको सनाखत गरे ।

‘अपहरण गरेर लगेपछि हत्या भएको देखिन्छ’ मोरङ प्रहरी प्रमुख मनोजकुमार केसीले भने ‘ हत्या भैसकेपछि फिरौती माग गरेका छन् ।’ पिरौती माग गरेको एसमएसम पठाउने नम्बरको मोवाइल लोकेसनका आधारमा अनुसन्धान गर्दै जाँदा दुई जनालाई पक्राउ गरिएको प्रहरीले बताएको छ ।

पक्राउ परेका आलम र हुसेनलाई शरिर बन्धक तथा ज्यानसम्बन्धी मुद्दा दायर गरी अनुसन्धान सुरु गरिएको केसीले जानकारी दिए । ‘ प्रारम्भिक अनुसन्धानका क्रममा पैसाकै लागि हत्या गरेको देखिन्छ’ केसीले भने ‘बुबाले जाहेरी दिएपछि म्याद थप गरी अनुसन्धान गरिरहेका छौं ।’

खलिलसँग पैसाको बार्गेनिङ गर्न अस्फाकले लगाएको पाइन्ट सप्तकोशी सिमेन्टको बोरामा हालेर घरमा लगेर फालिएको अवस्थामा भेटिएको उनले बताए ।

Continue Reading…

महिलाको लागि पुरुष नै अन्तिम लक्ष्य होइनन्ः अभिनेत्री नीना गुप्ता

८० दशकमा चर्चित बलिउड अभिनेत्री नीना गुप्ता पछि निर्माता र निर्देशकको रुपमा पनि सफल भइन् । उनी अहिलेसम्म पनि आफ्नो हट फोटोसुट, अफेयर, नयाँ सोच र अडानको कारण मिडियामा छाइरहन्छिन् र विवादमा पनि तानिन्छिन् ।

नीनाले सँधै फरक धारका फिल्म गरिन् र सफल रहिन् । उनी प्रसिद्ध क्रिकेटर भिभियन रिचार्ड्ससँगको प्रेम सम्बन्धको कारणले चर्चामा रहिन् । उनले विवाह नगरी आमा बनेर छोरी मसाबालाई जन्म दिइन् । यसलाई त्यतिबेलाको भारतीय समाजले पचाउन सकेन र उनको चर्को आलोचना समेत भयो । तर, उनी यस्ता कुराहरुलाई ध्यान नदिइकन अगाडि बढिन् । भिभियनले छोरीलाई आफ्नो नाम त दिए तर नीनालाई पत्नीको दर्जा दिएनन् ।

नीनाले ‘सिंगल मदर’ बनेर छोरीलाई हुर्काइन्, बढाइन् । अहिले उनी फेसन डिजाइनर बनेकी छिन् । पछि सन् २००८ मा नीनाले चार्टर्ड एकाउन्टेन्ट विवेक मेहरासँग विवाह गरिन् ।

नीना स्पष्टवक्ता हुन्, जसको असर उनको करियरमा पनि परेको छ । तर उनी यसबाट कत्ति पनि डगमगाइनन् । अहिले उनी फिल्म ‘बधाई हो’ को प्रमोशनमा छिन् । यस फिल्ममा उनले प्रौढावस्थाामा आमा बनेकी महिलाको भूमिका निभाएकी छिन् । उनीसँग भारतीय अनलाईन पोर्टल गृहशोभाले गरेको अन्तर्वाताको सम्पादित अंश:

यो फिल्म कसरी छनोट गर्नुभयो ?

जब यो फिल्मको कहानी मलाई सुनाइयो, त्यतिखेर नै धेरै राम्रो लाग्यो । लामो समयपछि यति राम्रो स्कृप्ट सुन्न पाएको महसुस गरेँ । र, खेल्न तयार भएँ ।
फिल्म प्रमोशन गर्ने अहिलेको शैली पहिलेको भन्दा कति फरक पाउनुभएको छ ?

त्यतिखेर समय यस्तो थिएन । फिल्म रिलिजअघि हामी पत्रकारलाई बोलाएर आफ्नो अन्तवार्ता लिन आग्रह गथ्र्यौं । अहिले त महिनौं अगाडिदेखि पब्लिसिटी चलिरहन्छ । मलाई यो पनि रमाइलो लागिरहेको छ ।

यो फिल्मको कथाले अहिलेको समाजलाई कति प्रतिबिम्बत गरेको छ ?

मलाई सम्झना आउँछ, सानोमा म दिल्लीमा हुँदा मेरो स्कूलकी उमेर छिप्पिएकी प्रिन्सिपल आमा बन्नेवाला थिइन् । उनले त्यतिबेला जागिर नै छोडिदिएकी थिइन् । स्कूलका बच्चाहरुले के भन्लान् भनेर उनी धेरै डराएकी थिइन् ।

बढी उमेरमा आमा बन्ने कुरालाई तपाईं वास्तविक जीवनमा कसरी लिनुहुन्छ ?

यो प्राकृतिक कुरा हो । यसबाट बचेर तपाईं जान सक्नुहुन्न । आजभोली आईभिएफ वा टेस्टटुयुवबाट बच्चा पैदा गरिन्छ जुन कुरा मलाई खासै राम्रो लाग्दैन । तर, यो प्रविधि बच्चा नहुने दम्पत्तीहरुको लागि भने लागि वरदान हो । धेरै उमेरमा आमा बन्नाले बच्चा र आमाको स्वास्थ्यमा गलत असर पर्न सक्छ । त्यसैले यस्तो निर्णय लिनुअघि धेरै विचार गर्नुपर्छ ।

फिल्म उद्योगमा भएको परिवर्तनलाई तपाईं कसरी लिनुहुन्छ ?

मेरो हिसाबले यो फिल्म उद्योगको स्वर्णकाल हो । म कि चाँडै जन्मिएँ भनेर कहिलेकाँही दुःख लाग्छ । हाम्रो समयमा यस्ता फिल्म नै बन्दैन थिए ।
आज मूख्य भूमिका गर्नको लागि उचाई धेरै हुनुपर्ने, गोरी र अनुहार सुन्दर देखिने हुनैपर्छ भन्ने छैन । आज राम्रो एक्टर हरेक खालको भूमिका निभाउन सक्छन् । मलाई पनि राम्रो भूमिका मिलिरहेको छ ।

अहिलेका आमाबुबा बच्चालाई लिएर धेरै आशावादी छन् । उनीहरु बच्चामाथि आफ्नो इच्छाहरु थोपर्छन् जसको प्रेसरले कहिलेकाहीँ बच्चाहरु डिप्रेसनको

शिकार हुन्छन् । तपाईं यस्ता आमाबाबुलाई के भन्न चाहनुहुन्छ ?

बच्चाको इच्छा हरेक आमाबुबाले बुझ्नुपर्छ । उनीहरु के कुरामा अब्बल छन् त्यो बुझ्न सजिलो छैन । मेरी छोरी मसाबाले फेसन डिजाइनर बन्छु भनेर कहिल्यै सोचेकी थिइन्, तर परिस्थितिको कारण उनले यो कोर्स कोर्स गर्नुपर्यो र राम्रो पनि भयो ।

तपाईंले जे गर्न पाउनु भएन त्यो बच्चाहरुमार्फत गर्न खोज्नु गलत हो । मैले यस्ता कैयौं महिलाहरु देखेको छु जो आँफै अभिनेत्री बन्न सकेनन् तर आफ्नो छोरीलाई अभिनेत्री बनाउन चाहन्छन् ।

अब तपाईंको के गर्ने इच्छा छ ? 

मलाई लेख्ने सोख छ र विपन्न महिलाहरुको लागि केही काम गर्ने चाहना छ । उनीहरुको दुःख देख्दा मलाई निकै पीडा हुन्छ । हाम्रो देशमा गरीब महिला भएर जन्मिनु अभिशाप नै हो जस्तो लाग्छ किनभने महिलाहरु धेरै कुरा सहन्छन् र उनीहरुमा खुलेर अगाडि आएर भन्ने सामर्थ्य छैन ।

यस्ता महिलाहरुलाई के सन्देश दिन चाहनुहुन्छ ?

सबैभन्दा पहिले महिलाहरुले पनि पैसा कमाउने बारेमा सोच्नुपर्छ । पैसा नै सबैथोक हो, त्यसले तपाईं सबैथोक किन्न सक्नुहुन्छ । यहाँसम्म कि प्रेम पनि । यस बाहेक जीवनमा तपाईंको लक्ष्य पुरुषलाई प्राप्त गर्ने हुनु हुँदैन । महिलाको जीवनमा पुरुषको साथ आवश्यक छ तर, पुरुष नै अन्तिम लक्ष्य होइनन् ।

Continue Reading…

दशैंमा झापाको सुरक्षाः ८ सय ३७ प्रहरी परिचालन, ठाउँठाउँमा ‘सरप्राइज चेकिङ’

१४ असोज, झापा । जिल्ला प्रहरी कार्यालय, झापाले नजिकिँदै गरेका चाडपर्वलाई लक्षित गरेर सुरक्षा व्यवस्था मजबुत बनाएको छ ।

चाडपर्वको समयमा हुन सक्ने अप्रिय घटनालाई रोकथाम गर्न र सर्वसाधानलाई पूर्ण सुरक्षाको प्रत्याभूति दिलाउन सुरक्षा व्यवस्था कडा बनाइएको हो ।

जिल्लाका प्रहरी प्रमुख एसपी भीमप्रसाद ढकालले नागरिकको स्वतन्त्रता, धार्मिक तथा सांस्कृतिक आस्था, धनजनको सुरक्षा, उपभोक्ताको अधिकार, महिला बालबालिका एवं जेष्ठ नागरिकको अधिकारको सम्मान गर्दै जिल्लाको सुरक्षा व्यवस्थालाई भरपर्दो विश्वासनीय एवं सुदृढ बनाइएको बताए ।

‘बैंक तथा बित्तिय संस्थाहरुमा हुने कारोबार सुरक्षित गराएर देश तथा बिदेशबाट घर फर्कने र विभिन्न ठाउँसम्म जाने यात्रुलाई समेत पूर्ण सुरक्षाको प्रत्याभूति दिलाउन योजनाबद्ध प्रहरी परिचालन, अनुगमन र नियन्त्रण थालिएको हो’, ढकालले भने, ‘त्यस अनुसार जुवातास नियन्त्रण, निर्वाध सवारी आवगमन, बैंक, वित्तिय संस्थामा सादा पोशाकमा हतियारसहितको प्रहरी निगरानी, २४ सै घण्टा गाडी र मोटरसाइकल गस्ती परिचालन, कुकुरबाट चेकजाँच लगायतलाई पहिलो प्राथमिकता दिएका छौं ।’

उनका अनुसार दशैंको सुरक्षाका लागि सादा पोशाकमा २१ जनाको जनशक्ति परिचालन गरिएको छ । ‘सादा पोशाकको टोली ७ स्थानमा परिचालित हुनेछन्’, उनले भने, ‘लामो र छोटो गस्तीमा ६५ जनाको टोली परिचालन हुनेछ ।’

ढकालले सप्राइज अर्थात् आकस्मिक चेकिङको लागि ९ ठाउँमा खटिन सक्ने गरी ४५ जनाको टोली परिचालन गरिएको समेत बताए ।

उनका अनुसार राजमार्ग तथा सहायक राजमार्गका क्षेत्र, शहरी क्षेत्र, मुख्यमुख्य चोकहरु र भद्रपुर, काँकडभिट्टा, बिर्तामोड र दमक बसपार्क क्षेत्रलाई विशेष निगरानीमा राखिनेछ ।

Continue Reading…

गृहमन्त्रीले दिए खुर्सिदको परिवारलाई सहिद घोषणाको प्रमाणपत्रसहित १० लाखको चेक

काठमाडौँ । गृहमन्त्री रामबहादुर थापा ‘बादल’ले सुनसरीमा अज्ञात समूहद्वारा हत्या गरिएका मैलाना खुर्सिद आलम अन्सारीका परिवारलाई १० लाखको चेक प्रदान गरेका छन्।

आइतबार गृहमन्त्री थापाले खुर्सिदको घरमै पुगेर उनकी श्रीमतीलाई खतिजा खातुनलाई उक्त चेक र सहिदको प्रमाणपत्र समेत प्रदान गरेका हुन्। खुर्सिदको यही असोज ३ गते सुनसरीको भूटाहामा अज्ञात समूहले गोली हानी हत्या गरेको थियो।

चेक हस्तान्तरण गर्दै गृहमन्त्री थापाले अपराधी सात समुन्द्र पारि भए पनि ल्याएरै छाड्ने विश्वास दिलाएका थिए।

सरकारले असोज ५ गते खुर्सिदलाई सहिद घोषणा गरेको थियो भने त्यही दिन हत्याको अनुसन्धानका लागि प्रदेश १ प्रहरी मुख्यालयका एसएसपी किशोर दाहालको नेतृत्वमा छानविन समिति गठन गरेको थियो। १५ दिन समयावधि रहेको उक्त छानविन समितिले अहिले घटनाको अनुसन्धान गरिरहेको छ।

घटनाको अनुसन्धानमा केन्द्रीय अनुसन्धान ब्युरोको अर्को टोलीलाई समेत परिचालन गरिएको गृहमन्त्रालयले जनाएको छ।

 

Continue Reading…

मालपोत कार्यालयका प्रमुखसहित ४ कर्मचारी पक्राउ

काठमाडौं । महानगरीय प्रहरी वृत्त, गौशालाले मालपोत कार्यालय, चाबहिलका प्रमुख कमलप्रसाद तिम्सिनासहित ४ जनालाई पक्राउ गरेको छ । पक्राउ पर्नेमा तिम्सिनासहित नायब सुब्बा चन्द्रबहादुर श्रेष्ठ, कार्यालय सहयोगी रमेश श्रेष्ठ र मुकुन्द धिताल छन् ।

वृत्तका प्रमुख डिएसपी सुनिल मल्लका अनुसार बुढानिलकण्ठ नगरपालिका–५ का चन्दनकृष्ण कायस्थको जग्गा कीर्ते गरी अर्कै व्यक्तिको नामसारीमा गरेको अभियोगमा उनीहरुलाई पक्राउ गरिएको हो ।

यसअघि सोही प्रकरणमा मालपोत अधिकृत खगेन्द्रप्रसाद अर्याल, नासु रञ्जनकुमार खरेल, जमुनाकुमारी श्रेष्ठ र रघुनाथ तिमिल्सिना पक्राउ परिसकेका छन् ।
प्रहरीले जग्गा कीर्ते गरी अर्कै व्यक्तिको नामसारीमा संलग्न बिचौलिया ध्रुवप्रसाद भट्टराई, श्रीकृष्ण देवकोटा, प्रदीपप्रसाद गौतम, श्रीकृष्ण बडुवाल र सानुभाइलाई समेत पक्राउ गरेको थियो ।

मालपोतका कर्मचारीको मिलेमतोमा उनीहरुले गौतमको नाममा जग्गाधनी कायस्थको नक्कली वारेसनामा बनाई कित्ता नं ३२९ को एक रोपनी नौ आना तीन पैसा, कित्ता नं ३२५ को आठ आना एक पैसा र कित्ता नं ३२३ को छ आना जग्गा भट्टराई र बडुवालको नाममा पास गरेका थिए ।

पक्राउ परेकाहरुमाथि लिखत सम्बन्धी कसुर र सङ्गठित अपराध मुद्दामा अनुसन्धान भइरहेको डिएसपी मल्ल बताउँछन् ।

Continue Reading…

सेयर बजारमा दोहोरो अंकको गिरावट

१४ असोज, काठमाडौं । साताको पहिलो दिन आइतबार सेयर बजारमा दोहोरो अंकको गिरावट देखिएको छ । नेप्से परिसूचक आइतबार १० दशमलव ४७ अंकले ओरालो लागेको हो । १ हजार २ सय ६७ दशमलव १९ अंकबाट शुरु भएको कारोबार १० दशमलव ४७ अंकले घट्दा आइतबार नेप्से परिसूचक १ हजार २ सय ५६ दशमलव ७१ अंकमा आइपुगेको छ ।

कारोबार रकम भने करिब ५९ करोड रुपैयाँ पुगेको छ । दिनभरमा भएका ५ हजार ८ सय २८ कारोबारबाट २१ लाख ६ हजार ९ सय ४९ कित्ता सेयर किनबेच भएका छन् ।

जसअनुसार कारोबार रकम ५८ करोड ८५ लाख ६४ हजार ३ सय ४९ रुपैयाँ पुगेको छ । आइतबार सबैभन्दा धेरै ग्लोबल आइएमई बैंकको सेयर कारोबार भएको छ ।

Continue Reading…

नेकपाको संकटः विभीषण कि कुम्भकर्ण ?

१४ असोज, काठमाडौं । भारतीय विदेशमन्त्री सुस्मा स्वराजले शनिवार संयुक्त राष्ट्रसंघको महासभामा गरेको सम्बोधनको अधिकांश समय पाकिस्तानविरुद्ध केन्दि्रत थियो । सुष्माले हिन्दीमा सम्बोधन गरिरहँदा कतिपय भारतीय पत्रकारले ट्वीट गरिसकेका थिए-अबचाहिँ हिन्दूस्तानमा चुनाव लागेछ ।

उसो त भारतमा जब निर्वाचन आउँछ, त्यसपछि सरकारमा बसेकाहरु पाकिस्तानविरुद्ध आक्रामक बन्छन् । विपक्षीले आफ्ना कर्ममाथि प्रश्न उठाउँदै जनताको सहानभूति लिन खोजेपछि सत्तामा हुनेले पाकिस्तानलाई सघाउन सरकारलाई अप्ठेरो पारेको आरोप लगाउँछन् ।

इमोशनल ब्ल्याकमेल

भारतमा सत्तामा बसेकाहरुले चुनाव जित्न पाकिस्तान कार्ड प्रयोग गरेर जनतालाई ‘इमोशनल ब्ल्याकमेल’ गरेजस्तै नेपालमा सत्तारुढ कम्युनिस्ट पार्टीभित्र केही नेताले बिरोधीसँग मिलेर सत्ता ढाल्न खोजेको भन्दै कार्यकर्तालाईलाई उत्तेजित बनाउन खोजिएको आरोप लागेको छ ।

यसैसाता नेकपाका बरिष्ठ नेता माधवकुमार नेपालले पार्टी सञ्चालन र एकीकरणको विधि प्रक्रिया मिचिएको भन्दै सार्वजनिक असन्तुष्टि व्यक्त गरे । दुबै अध्यक्ष विदेश भएका बेला उनी कार्यवाहक अध्यक्षका हकदार थिए । यसअघि एकपटक त्यो अभ्यास अनुसार उनले कार्यवाहक पनि भएका हुन् ।

पार्टी कार्यवाहक अध्यक्षविहीन अवस्थामा रहेका बेला नेपालले स्थायी कमिटी सदस्यहरुलाई बोलाएर चियापान आयोजना गरे । जुन चियापानमा ओलीका विश्वासपात्र कार्यवाहक संसदीय दलका नेता सुवास नेम्वाङदेखि बामदेव गौतम र नारायणकाजी श्रेष्ठसम्मका नेता सहभागी थिए ।

नेपालले गरेको चियापान, संसदमा सरकारको आलोचनामा दिएको वक्तव्य र प्रदेश कमिटी गठनसम्बन्धी सचिवालयको निर्णयमा उनको असहमति संयोगमात्र थियो वा नियोजित भन्ने प्रष्ट छैन । तर, यी घटनाक्रमले प्रधानमन्त्री तथा पार्टी अध्यक्ष ओलीले नरुचाएको अनलाइनखबरको अन्तर्वार्तामै प्रष्ट पारिसकेका छन् ।

माधव नेपालको मूभका बारेमा अर्का अध्यक्ष प्रचण्डको प्रतिक्रिया आइसकेको छैन । दुई अध्यक्ष मिलेर पार्टीमा विधि, पद्दति र मापदण्ड समाप्त पार्न थालेको माधव नेपालको चिन्तामा नारायणकाजी र रामवहादुर थापा बादलहरु पनि कहीँ न कहीँ एक ठाउँमा छन् । यद्यपि अहिले नेकपाको असन्तुष्टि गुट बनाउने तहमा पुगिसकेको छैन ।

माधव नेपालले सरकारका कामकारवाहीमा जनताले उठाएका प्रश्नमा चिन्ता व्यक्त गर्ने बाहेक प्रधानमन्त्रीका रुपमा ओलीलाई असहयोग गर्ने सोचेको देखिन्न । बरु सरकारलाई सफल बन्न नदिन राज्यका संयन्त्रमा समस्या रहेको भनेर उनले सरकारलाई बलियो रुपमा प्रस्तुत हुन आग्रह गरेका छन् ।

यदि उनले आफ्नो असन्तुष्टिलाई इमोशनल ब्ल्याकमेलका रुपमा पार्टी र सरकार सञ्चालनको बेथितिसँग गाँसेका हुन् भने त्यो टिकाउ हुँदैन । किनकि नेपाल नेकपाको हेडक्वार्टरका तेस्रो बरियताका नेता हुन् । ओली र प्रचण्डसँग कुरा नमिलेपछि सार्वजनिक खपतका लागि आफ्ना असन्तुष्टि पोखेको होइन भन्ने उनैले प्रष्ट पार्नुपर्छ ।

तर, नेकपाका स्थायी कमिटी सदस्यसमेत रहेका प्रधानमन्त्रीका मुख्य सल्लाहकार बिष्णु रिमालले असन्तुष्टिलाई पराइसँगको सूलहका रुपमा बुझेछन् । उनले अमेरिकाबाटै ट्वीट गरे- मानिसको पतन त्यस समय शुरु हुन्छ, जब आफ्नैलाई ढाल्न पराईसँग सल्लाह लिन शुरु गरिन्छ ।

नेपालले ओलीलाई ढाल्न पराईसँग सल्लाह लिन थाले भन्ने कुरा कम्तिमा आजको मितिसम्म कसैले पत्याउन सक्दैन । उनीनिकट नेता जगन्नाथ खतिवडाले प्रधानमन्त्री र अध्यक्षमध्ये एक पद ओलीले छाड्नुपर्ने भनी अनलाइनखबरमा दिएको अन्तर्वार्तामा समेत नेता नेपालले अन्तिुष्टि जनाउँदै जे पायो त्यही नबोल्न सबै नेताका सामुन्ने सचेत गराएका छन् ।

रिमालले आशंका गरेजस्तो ओलीलाई ढाल्न माधव नेपालले पराइसँग सल्लाह लिन थालेका हुन् भने अवश्य पनि कार्यकर्ताबाट नेपाल अश्वीकृत हुनेछन् । तर, उनको आरोप सरकार ढाल्न माधव नेपालले विरोधीसँग मिलेको ‘इमोशनल कुरा’ गरेर कार्यकर्ताका ध्यान डाइभर्ट गर्न खोजिएको हो भने त्यसले बढ्दो सरकारको अलोकप्रियतालाई ढाकाछोप गर्न सक्दैन ।

पार्टीलाई विधि विधान, मापदण्ड र पद्दतिअनुसार चलाउनुपर्छ भन्दा सरकार ढाल्न खोजेको अर्थमा अपव्याख्या गरिएको नेपाल पक्षको आरोप छ । रिमाललाई नेकपाकै स्थायी कमिटी सदस्य योगेश भट्टराईले ट्वीटरबाटै जवाफ दिइसकेका छन् । उनले भनेका छन्- सत्ता र शक्तिको चुचुरोबाट हेर्दा अरु पतन भएको देख्दा रहेछन, कठै दोसी चश्मा !

सरकारको विकल्प कसैले खोजेको छैन

नेकपाका स्थायी कमिटी सदस्यहरुनै सामाजिक सञ्जालमार्फत सरकार ढाल्न खोजेको सन्दर्भमा सवाल जवाफमा उत्रिए पनि दुई तिहाई बहुमतप्राप्त सरकार ढल्ने र ढाल्ने कुनै आधार देखिएका छैनन् । यो सरकार ढल्न नेकपा फुट्नुपर्छ, जुन कुरा पार्टीका कुनै नेता कार्यकर्ताले कल्पना गर्न सक्दैनन् ।

अर्को कुरा, यो सरकारको विकल्प न जनताले खोजेका हुन् न कार्यकर्ताले । बरु यही सरकारले राम्रो गरोस् भन्ने चाहनामात्र हो । सरकारले शुरुमा जसरी आक्रामक रुपमा जनपक्षीय काम थालेको थियो, ती किन रोकिए भन्ने प्रश्न मात्र हो अहिले जनताको ।

हो नेकपाभित्रको दुःख यो हो कि, पार्टी र सरकार दुवै मोर्चामा नेतृत्वले कुशलता देखाउन सकेको छैन । पार्टी र सरकार सञ्चालन गम्भीर समस्या देखिएका छन् । सरकारसँग आम जनताका असन्तुष्टिजस्तै पार्टी नेतृत्वसँग आम कार्यकर्ताका असन्तुष्टि उकुसमुकुस भएका छन् ।

यदि सरकारले शुरुमा लिएको जनपक्षीय कामको लय नछाडेको भए सरकार सञ्चालनमा जनताबाट प्रश्न उठ्ने थिएन । अहिले नेकपा अध्यक्ष केपी ओलीले नेतृत्व गरेको सरकार विरुद्धको आक्रोश जनताको हो । सरकारले लय गुमाउँदा जनता र पार्टी पंक्तिले असन्तुष्टि जनाएको हो । अहिलेको विपक्षीले सरकार ढाल्न सल्लाह दिने हैसियत राख्दैन ।

कुम्भकर्ण रोज्ने कि विभीषण खोज्ने ?

यदि संसदभित्रको विपक्षीले सत्तारुढ नेकपाभित्र विभिषण खोज्यो भन्ने सत्तामा भएका नेकपाका नेताहरुलाई आशंका भएको हो भने त्यो शंका धेरै पर पुग्यो । रामायणमा उल्लेखित पात्रमध्ये विभिषण रावण भाइ हुन्, जसले दाजु अहंकारी दानवराज्य समाप्त पार्न रामलाई साथ दिएका थिए ।

तर, त्यसअघि रावणले अत्यन्तै भर गरेका माइला भाइ कुम्भकर्ण र जेठा छोरा मेघनाथ (इन्द्रजीत) को मूर्खता तथा दम्भले गर्दा रावणको लंकाराज्यको जग भत्किसकेको थियो ।

नेकपाका अध्यक्ष तथा प्रधानमन्त्रीले आफूलाई रामायणको भन्दा पनि महाभारतको पात्रका रुपमा उभ्याएका छन् । उनले पहिलोपटक प्रधानमन्त्रीबाट राजीनामा दिँदै गर्दा संसदबाटै आफूलाई ‘आजको अभिमन्यू’ भन्दै सबैखाले चक्रव्यूह तोडेर बिजय हासिल गर्ने पात्रका रुपमा स्वचित्रण गरेका थिए ।

यदि ओली आजका अभिमन्यू हुन् भने उनका सारथीहरुले पार्टीभित्रका असन्तुष्टिलाई पराइसँगको सूलह देख्ने र पद्दतिको माग गर्ने नेताको पतन होस भनी वर माग्ने शैली त्याग्नुपर्छ । होइन, ओली अभिमन्यूबाट रावणमा रुपान्तरण भएका हुन् भने उनको असफलताको कारक विभिषण होइन कुम्भकर्ण र मेघनादहरु हुनेछन् ।

सरकार सञ्चालनमा नेकपाका नेताहरुको अशन्तुष्टिलाई पार्टी सञ्चालनसँग जोड्न सकिन्छ । तर, सरकारप्रतिको जनताको अशन्तुष्टि र आक्रोशलाई नेकपाभित्रको आन्तरिक राजनीतिसँग जोड्नु जरुरी छैन ।

सरकारले गति लिन नसकेकै हो, लय गुमाएकै हो । त्यसैले सत्तामा हुने विशेषतः प्रधानमन्त्रीले सरकारको समीक्षा सरकारमा रहेका नेताहरुसँगै बसेर गर्नुपर्छ ।
माधव नेपालले पद्दति मान्नुपर्दैन ?

जहाँसम्म माधव नेपाल लगायतका नेताले संसदमै विपक्षीको स्वरमा स्वर मिलाउँदै सरकारको आलोचना गरेको सन्दर्भ छ, त्यसमा पार्टीभित्र छलफल गराउन प्रधानमन्त्री तथा अध्यक्ष ओलीलाई कसैले रोकेको छैन । यदि माधव नेपाल वा अन्य सांसदले पार्टीको अनुशासन उल्लंघन गरेका हुन् वा विपक्षीलाई बल पुग्ने गरी सरकारलाई अप्ठेरोमा पारेका हुन् भने यसबारे छलफल गर्ने पार्टीको फोरम छ । तर, नेकपाको नेतृत्व सकेसम्म पार्टीभित्र छलफलनै चलाउन चाहदैन भन्ने आरोप छ । पार्टीमा बैठक नहुने र बैठक बोलाए पनि छलफल गर्न नपाइने भएकाले सांसद हुनेले संसदमा र सांसद पनि नभएकाले सामाजिक सञ्जाल र मिडियामा आफ्ना असन्तुष्टि पोख्ने गरेका पो हुन् कि ? यो प्रश्नलाई उपेक्षा गर्न नेकपा नेतृत्वले सक्दैन ।

यति भनिरहँदा माधव नेपाल आफैं किन सार्वजनिक बिरोधमा उत्रिए भन्ने प्रश्नको जवाफचाहिँ उनले सन्तोषजनक रुपमा दिन सकेका छैनन् । स्थायी कमिटीको अधिकार खोसेर केन्द्रीय सचिवालाई अधिकारसम्पन्न बनाउने क्रममा नेपालको भूमिका के थियो ? प्रश्न उनीमाथि उनी निकटकै नेता कार्यकर्ताले त्यहाँबाट गरिरहेका छन् ।

पार्टी एकीकरण प्रक्रिया जारी रहेका बेला बैठक छाडेर विदेश भ्रमणमा जाने अनि त्यो बैठकका निर्णयविरुद्ध बगावतको शैलीमा भेला गर्ने कुराको संस्थापन पक्षले आलोचना गरेको छ । पार्टीमा बिधि पद्धति भएन भनेर आलोचना गर्ने नेपाल आफैंले चाहिँ नेतृत्वविरुद्ध मोर्चा खोल्नुअघि पद्धतिको पालना गर्नुपर्छ कि पर्दैन भन्ने प्रश्न उनीतिरै सोझिएको छ ।

नेपाल यसबीचमा अधिकांश समय विदेश भ्रमणमा छन् । विदेश भनेपछि खाँदा खाँदैको गाँस छाडेर सुटकेश बोकेर दौडिने गरेको आरोप नेपालमाथि छ । पार्टी एकीकरण जस्तो दीर्घकालिन महत्वको समयमा नेपालले देशभित्र समय दिएका छैनन् । ओली र प्रचण्डपछिको बरियतामा रहेका नेता नेपालले दुवैजना विरुद्ध मोर्चा खोलेका हुन् ? यो पनि प्रष्ट भइसकेको छैन ।

माधव नेपालको कमजोरी के छ भने, उनी बेला बेलामा बहकिएर पनि आक्रोशमा आउँछन् । आफू निकट कुनै कार्यकर्ताले विहानै उनको निवासमा गएर सरकार वा मन्त्रीको बिरोध गर्‍यो भने ‘क्रसचेक’नै नगरि संसदको रोष्टममा उभिएर धुँवाधार बिरोध गर्ने नेताका रुपमा पनि नेपाल आलोचित छन् । सरकार र पार्टी नेतृत्व विरुद्धको सार्वजनिक रुपमा अभिव्यक्ति दिनुभन्दा अघि उनले पार्टीभित्र छलफल गरे कि गरेनन् ?

यदि निर्णयमा असहमति थियो भने दुवै अध्यक्ष फर्केपछि उनले आपत्ति जनाउन सक्थे । सचिवालय बैठकमा असहमति जनाउन सक्थे । स्थायी कमिटी र केन्द्रीय कमिटी बैठक बोलाउन दबाब दिन सक्थे । प्रधानमन्त्री र अध्यक्षद्धय विदेशमा भएका बेला संसददेखि सडकसम्म नेतृत्व विरुद्ध नेपालले लबिङ चलाएको आरोपको उनले जवाफ अवश्य देलान् ।

जनताको म्याण्डेट ओलीलाई हो

आफ्नै पार्टीका अध्यक्षले नेतृत्व गरको दुई तिहाई बहुमतप्राप्त सरकारविरुद्ध माधव नेपालले ‘मूभ’ गरेपनि उनले कार्यकर्ताको साथ पाउँदैनन् । देशभरी भइरहेका महिला वालवालिकामाथिका अपराधका घटनामा प्रहरी अनुसन्धान कमजोर हुनु, दैनिक जनजीविनलाई राहत दिन सरकार असफल हुनु र जनताले अनुभूत गर्ने खालका काम गर्न नसक्नुले सरकार आलोचित छ ।

जनताको आक्रोश र आलोचनाबाट सत्तारुढ नेकपाका नेता कार्यकर्ता बेखबर हुन सक्दैनन् । विपक्षले जनताका एजेण्डा अपहरण गर्नुअघि नेकपाकै नेता कार्यकर्ताले सरकारलाई सच्याउन गरेको खबरदारीलाई सरकार ढाल्न विपक्षीसँग मिलेको आरोप लगाउनु भनेको ‘इमोशनल ब्ल्याकमेलिङ’नै हो ।

कम्तिमा अहिले नेकपाका कुनै पनि नेताले त्यो हदसम्मको सोच राखेको विश्वास गर्न सकिन्न । ओली नेतृत्वको सरकार ढाल्ने माग न त जनताको हो, न त नेकपाका कार्यकर्ताकोनै । ओलीले सरकार चलाउने म्याण्डेट जनताबाट पाएका हुन्, उनले आफैंभित्रको कमजोरीलाई जितेर जनपक्षीय काम गरे भने अढाई वर्षपछि प्रचण्डले प्रधानमन्त्री हुन खोजे पनि जनता र कार्यकर्ता उनको पक्षमा उभिनेछन् ।

नेपालले आयोजना गरेको चियापानमा उपस्थित भएका पार्टी प्रवक्ता नारायणकाजी श्रेष्ठले सामान्य छलफलाई अतिरन्जित गरिएको भनी दिएको प्रतिक्रियाले पनि यसलाई पुष्टि गर्छ । नारायणकाजीले भनेजस्तै जनस्तरबाट अहिले भइरहेको सरकारको आलोचना भनेको यही सरकारलाई थप प्रभावकारी बनाउन हो, यसको विकल्प खोज्न कदापि होइन ।

नारायणकाजीले प्रष्ट शब्दमा भनेका छन्- सरकारप्रतिका आलोचना टिप्पणी सरकारलाई थप प्रभावकारी एवं सफल बनाउने उद्देश्यले हुनुपर्छ । यतिबेला यो सरकारको बिकल्पका सोच देश, जनता, पार्टी र आन्दोलनकेा पक्षमा हुँदैन । अहिले त्यस्तो कल्पना गर्नु पनि गलत हुन्छ । कसैले त्यस्तो सोचेका छन् जस्तो पनि लाग्दैन ।

नेकपामा व्यक्ति ठूलो कि विधि ?

जहाँसम्म नेकपाभित्रको समस्या छ, त्यसबारे माधव नेपालमात्र होइन, स्वयं ईश्वर पोखरेलका पनि असन्तुष्टि होलान् । वामदेव, नारायणकाजी र बादल पनि सन्तुष्ट छैनन् । दुई अध्यक्ष मिलेपछि विधि, पद्दति, मापदण्ड र संस्थागत प्रणाली केही मान्नुनपर्ने अवस्था सिर्जना भएको गुनासो शीर्षस्थ तहका नेताहरुले पनि गरिरहेकै छन् ।

स्थायी कमिटीका अधिकार खोसेर सचिवालयमा केन्दि्रत गर्ने र सचिवालयभित्र दुई अध्यक्ष नै सर्वेसर्वा हुने अवस्था निम्त्याउन माधव नेपालहरुकै पनि कमजोरी छ । हिजो झलनाथको तेस्रो बरियता खोसर आफूमा ल्याउँमा नेपालले पद्दति र प्रणाली बिर्सेकै हुन् । प्रचण्डले कार्यवाहक समेत नदिई दुई अध्यक्ष हिँड्नु र आफूलाई बाइपास गरेर प्रदेश पदाधिकारी चयन गरेपछि नेपालको चेत खुलेको हुनुपर्छ ।

ओलीले एकलौटी गरे भन्ने नेपालको आरोपमा त्यति ठूलो दम देखिन्न । किनकि तत्कालीन एमालेले पाएका ६ वटा प्रदेश इञ्चार्जमध्ये तीनजना नेपाल पक्षकै छन् । झलनाथ र बामदेवले समेत यो निर्णयको बचाउ गर्नुले त्यसको पुष्टि गर्छ । तर, नेकपामा बहस, छलफल र आलोचना जस्ता लोकतान्त्रिक बिधि साँघुरिन थालेको कुरा माधव नेपालभन्दा तलका नेताहरुले महशुस गरेका छन् ।

प्रधानमन्त्रीका रुपमा ओलीसँग जनताले धेरै अपेक्षा राखेका छन् । उनले जनतालाई ठूला-ठूला सपना देखाएकै हुन् । जब ‘डेलिभरी’ को बेला आयो, सरकारले प्रभावकारिता देखाउन सकेन । त्यसैले जनताले गरेका प्रश्न, जनस्तरबाट भएका आलोचना र आम मान्छेले गरेका प्रश्नलाई ओलीले आफूविरुद्धको घेराबन्दीका रुपमा लिनुभन्दा समीक्षा गरेर कमजोरी सुधार्दै अघि बढ्नुपर्छ ।

पार्टी अध्यक्षका रुपमा ओलीबाट तमाम नेता कार्यकर्ताले समान व्यवहारको अपेक्षा गरेका छन् । आफू प्रधानमन्त्री र पार्टी अध्यक्ष दुबै भइसकेको र कुनै लोभ नभएको भनाइ बारम्बार दोहोर्‍याउने ओलीबाट उनीहरुले व्यवहारमै त्यो अनुभव गर्न पाइयोस् भनेका हुन् ।

आफ्ना बफादारले अवसरको खातैखात पाउने, आलोचकले पुर्पुरोमा हात राखेर बस्नुपर्ने अवस्थाले नेतृत्वको सफलता मापन हुँदैन । जुन नेताले आफ्नै कार्यकर्तामाथि न्याय गर्दैन, त्यसले जनतालाई न्याय दिन सक्दैन ।

जुन नेताले अझ राम्रो होस भनेर आउने आलोचना र टिप्पणीलाई षडयन्त्र देख्छ,उसको असफलता त्यहीँबाट शुरु हुन्छ । पार्टी सञ्चालनका सन्दर्भमा ओली र प्रचण्डले यो कुरा समान रुपमा मनन गर्नुपर्छ । सरकार सञ्चालनमा समेत रहेकाले प्रधानमन्त्री ओलीले अझ विवेकी बन्दै आलोचना पचाउन सक्नुपर्छ ।

आलोचना उसैको हुन्छ, जोसँग अपेक्षा गरिन्छ । अपेक्षा उसैसँग गरिन्छ, जो नेतृत्वमा छ । नेतृत्वमा हुनेले आलोचकका कुरा ध्यानपूर्वक सुन्दामात्रै सफलताको राजमार्गमा दौडिन सकिन्छ ।

Continue Reading…

माछापुच्छ्रे बैंकद्वारा पशुपति क्षेत्र विकास कोषलाई लकर हस्तान्तरण

१४ असोज, काठमाडौं । माछापुच्छ्रे बैंक लिमिटेडले पशुपतिनाथको दर्शनार्थ आउने दर्शनार्थीहरुको सुविधाको लागि लकर कक्षनिर्माण गरी एक कार्यक्रमकाबीचआजपशुपति क्षेत्र विकास कोषलाईहस्तान्तरण गरेको छ ।

कोषका अध्यक्ष एवं संस्कृति, पर्यटन तथा नागरिक उड्डयनमन्त्री रविन्द्र अधिकारीले कार्यक्रमको उद्घाटन गरे । मन्त्री अधिकारीले पशुपति क्षेत्र विकास कोषलाई बैंकले दिएको सहयोगको प्रशंसा गरे ।

बैंकका अध्यक्ष रोशन केसीले बैंकको अठारौं वाषिर्कोत्सवको अवसरमा हिन्दूहरुको महानपूर्ण तीर्थस्थल पशुपतिनाथमा पुण्यको कार्य गर्न पाउादा आफू र सम्पूर्ण माछापुच्छ्रे बैंक परिवार गौरवान्वित भएको बताए ।

बैंकले पशुपति मन्दिरमा आउने तिर्थालुहरुको सुविधाको लागि लकर घर निर्माण गरी ५१० थान लकर राखेको हो । उक्त लकर कक्ष सञ्चालनमा आएपश्चात तिर्थालुहरुले लकरमा आˆनो सर-सामानहरु सुरक्षित रुपमा राख्न सक्नेछन् ।

Continue Reading…

दशैंमा राजधानीको सुरक्षाः ३५ सय प्रहरी परिचालन, नाकामा कुकुरसहितको चेकजाँच टोली

१४ असोज, काठमाडौं । काठमाडौं प्रहरी परिसरले नजिकिँदै गरेको चाडपर्वलाई लक्षित गरेर सुरक्षा सतर्कता उच्च बनाएको छ ।

आइतबार परिसरमा आयोजित पत्रकार सम्मेलनमा दशैं, तिहार, छठ लगायतका चाडपर्वको समय हुन सक्ने सम्भावित सुरक्षा खतरालाई विश्लेषण गरेर सुरक्षा व्यवस्था कडा बनाइएको जानकारी दिइएको हो ।

परिसरका प्रमुख एसएसपी वसन्त लामाका अनुसार काठमाडौंमा हाल ३ हजार ५ सय ३५ जना सुरक्षाकर्मी खटाइएको छ ।

‘हामीले एरिया विभाजन गरेर विभिन्न क्षेत्रमा विशेष प्रहरी टोली खटाएका छौं’, लामाले भने, ‘पैदल गस्ती टोलीमा ५० जना जनशक्ति परिचलान गरिएको छ ।’

पन्तका अनुसार साइकल, मोटरसाइकल र भ्यान गस्ती टोली पनि परिचान गरिएको छ । ‘साइकल गस्तीमा ३६, मोटरसाइकलमा ३० र भ्यान गस्तीमा २४ जना जनशक्ति परिचालन गरिएका छन्’, उनले भने, ‘सूचना संकलनका लागि सादा पोशाकमा ७० जनाको टोली खटाएका छौं ।’

‘त्यस्तै, सिल एन्ड सर्च, कडन एन्ड सर्च र एम्बिसिङ, निगरानी अपरेशनमा ३०/३० जनाको टोली खटिएको छ’, उनले थपे, ‘हतियारसहितको क्यूआरटी टोलीमा ५३ जना छन् ।’

उनका अनुसार उपत्यका भित्रिने र बाहिसिरने नाकाहरु थानकोट, नागढुंगा, जगाती, फर्पिङ, बालाजु लगायतमा प्रहरीको तालिम प्राप्त कुकुरसहितको टोलीले चेकजाँच गर्नेछ ।

प्रहरीले चाडपर्वको समयमा कुनै घटना भइहालेको खण्डमा तत्काल परिचालन गर्नका लागि २५ वटा टोली पनि तयारी अवस्थामा राखेको छ ।

त्यस्तै, टिकट काउन्टरहरुमा पनि वेग्लावेग्लै टोली परिचालित भएका छन् ।

यी क्षेत्रमा हुन्छन् सुरक्षा जोखिम

प्रहरीले चाडपर्वको समयमा सुरक्षा जोखिममा हुने स्थानहरु पनि छुट्टयाएको छ । जसलाई मध्यनजर गरेर सुरक्षा योजना तयार पारिएको हो ।

सामान्य अवस्थामा हत्या, अपरहण, ठगी, चोरी महिला हिंसा जस्ता अपराधिक क्रियाकलाप बढी देखिने गरिए पनि चाडपर्वको समयमा कुटपिट, चोरी, डकैती, पाकेटमारी, लुटपाट, जुवा, अवैध मदिरा विक्री, आगजनी, विष्फोटन, तस्करी, चोरी, निकासी, दुर्घटना, ठगी, ट्राफिक नियमको उलंघन जस्ता क्रियाकलाप हुन सक्ने विश्लेष प्रहरीले गरेको छ ।

‘चाडपर्वमा स्थान वासिन्दाको व्यक्ति र सम्पत्ति सुरक्षा, आर्थिक कुराको सुरक्षा, धार्मिक कर्मको सुरक्षा लगायतमा हामी विशेष जोड दिन्छौं’, लामाले भने, ‘बैंक वित्तिय संस्थाहरुमा चोरी, लुटपाट हुन सक्छ । सामान किनबेच हुने स्थानहरुमा अत्यधिक भिडभाड भइ असुविधा हुनसक्छ त्यसतर्फ हामी सचेत छौं ।’

लामाका अनुसार चाडपर्वको समयमा सर्वसाधारणको घर, सम्पत्ति रहेको स्थान, बिशिष्ट ब्यक्ति, महत्वपूर्ण प्रतिष्ठानहरु, मठ मन्दिर र गुम्बा रहेको स्थान सुरक्षा जोखिममा हुन्छन् ।

‘त्यस्तै, वित्तिय संस्था, आर्थिक कारोबार हुने क्षेत्र, यातायात सञ्चालन हुने स्थान, व्यपारिक कारोबार हुने ठाउँ र भिडभाड हुने अन्य क्षेत्रहरुमा पनि सुरक्षा जोखिम हुन्छ’, उनले भने, ‘नाकादेखि लिएर होटल, गेष्ट हाउस, रेष्टुरेन्ट, राजमार्ग तथा ग्रामिण वस्ती र भीआईपी मुभमेन्ट हुने क्षेत्रलाई पनि हामीले विशेष प्रायोरिटी दिएर प्रहरी परिचालन गरेका छौं ।’

यो पनि पढ्नुहोस दशैं लक्षित ट्राफिक योजना–टिकट काउन्टरमा ‘सुराकी’ प्रहरी !
Continue Reading…

वित्तीय र प्रशासनिक संघीयता अझै कार्यान्वयनमा आएनः मुख्यमन्त्री पोखरेल

१४ असोज, बुटवल । प्रदेश ५ सरकारका मुख्यमन्त्री शंकर पोखरेलले राजनीतिक संघीयता धेरै अगाडि बढेपनि वित्तीय र प्रशासनिक संघीयता अझै कार्यान्वयनमा आउन नसकेको गुनासो गरेका छन् ।

बुटवलमा अायाेजित आर्थिक गतिविधि अध्ययन सार्वजनिक कार्यक्रममा बोल्दै मुख्यमन्त्री पोखरेलले संघीयताको अर्थपूर्ण र सार्थक कार्यान्वयनका लागि वित्तीय र प्रशासनिक संघीयता प्रदेश तहमा पनि आउनुपर्नेमा ती दुबै अझै आइनसकेको गुनासो गरेका हुन् ।

उनले वित्तीय आयोग संवैधानिक रुपमा केन्द्रमा समेत अझै स्थापना हुन नसक्दा त्यो प्रदेशमा आउन झनै ढिलाई हुने औंल्याए ।

संविधानले प्रशासनिक संगठन तीनै तहमा परिकलपना गरेपनि संघले अझै प्रदेश र स्थानीय तहका लागि कर्मचारी समायोजन नगरी व्यवस्थापन मात्रै गरेर प्रशासनिक संघीयता प्रदेश र स्थानीय तहसम्म आउन नदिएको तर्क गरे ।

मुख्यमन्त्री पोखरेलले राष्ट बैंकलाई संघीय व्यवस्था अनुसार प्रादेशिक तहका कार्यालय संरचनामा जान र मौदि्रक नीति पनि प्रदेशको वस्तुगत अवस्थालाई विश्लेषण गरेर बनाउन सुझाव दिए ।

हालसम्म केन्द्रलाई आधार मानेर मौद्रिक नीति बन्दै आएकोमा अब प्रदेशलाई आधार मानेर बनाउनुपर्नेमा उनले जोड दिए ।

प्रवक्ता एवं भौतिक पूर्वाधार विकास मन्त्री वैजनाथ चौधरी, प्रदेश योजना आयोगका उपाध्यक्ष डा. प्रकाश श्रेष्ठले तथ्यांकलाई प्राथमिकतामा राखेर प्रदेशको आवधिक योजना तर्जुमा गरी आगामी ५ वर्षभित्र आर्थिक सूचकांकमा प्रदेश ५ लाई पहिलो नम्बरमा पुराउने लक्ष्य रहेको बताए ।

कार्यक्रममा प्रदेश ५ सरकारका विभिन्न मन्त्रालयका मन्त्री, सचिव, बैंक तथा वित्तीय संस्था,उद्योग वाणिज्य संघ लगायत सरोकारवाला निकायका प्रतिनिधिको सहभागिता थियो ।

Continue Reading…

जीडीपीमा प्रदेश ३ को योगदान सबैभन्दा धेरै, बैंक पहुँचमा प्रदेश ५ पहिलो

१४ असोज, बुटवल । केन्द्रीय तथ्यांक विभाग र मानव विकास प्रतिवेदनका आधारमा मुलुकको कूल ग्राहस्थ उत्पादनमा प्रदेश ३ को योगदान सबैभन्दा धेरै देखिएको छ ।

नेपाल राष्ट बैंक अनुसन्धान विभागले सोमबार बुटवलमा सार्वजनिक गरेको संघीय संरचनामा आर्थिक गतिविधि अध्ययन अनुसार ७ प्रदेश मध्ये प्रदेश पहिलो नम्बरमा प्रदेश ३ छ भने सबैभन्दा कम योगदान कर्णाली प्रदेशको रहेको छ ।

दोस्रोमा प्रदेश १ को १७.५ प्रतिशत, तेस्रोमा प्रदेश २ को १६.२ प्रतिशत योगदान रहेको तथ्यांकले देखाएको छ ।

यस्तै चौथोमा प्रदेश ५ को १३.४ प्रतिशत, पाँचौं स्थानमा गण्डकी प्रदेशकोे १०.५ प्रतिशत, छैठौं स्थानमा प्रदेश ७ को ६.३ प्रतिशत र कर्णाली प्रदेशको ४.५ प्रतिशत रहेको राष्ट्र बैंकको तथ्यांकमा उललेख छ ।

यस्तै वार्षिक प्रतिव्यक्ति आयका हिसावले पनि प्रदेश ३ नै पहिलो नम्बरमा छ । प्रदेश ३ का नागरिकको प्रतिव्यक्ति आय एक हजार ५३४, दोस्रोमा प्रदेश १ को एक हजार २४, तेस्रोमा प्रदेश ४ को एक हजार २१ अमेरिकी डलर रहेको छ ।

पाँचौं स्थानमा प्रदेश २ को ७९९, छैठौंमा कर्णाली प्रदेशको ६७७ र सबैभन्दा कम आय प्रदेश ७ को ६६० अमेरिकी डलर रहेको छ ।

नेपाल राष्ट्र बैंकका कार्यकारी निर्देशक नरबहादुर थापाले सार्वजनिक गरेको तथ्यांक अनुसार प्रदेशगत रुपमा स्थानीय तहहरुमा वाणिजय बैंकको पहुँचमा प्रदेश ५ सबैभन्दा अगाडि रहेको छ ।

प्रदेश ५ का १०९ स्थानीय तहमध्ये ३ वटा तहमा मात्रै वाणिज्य बैंक पुग्न सकेका छैनन् । प्रदेश ७ मा सबैभन्दा बढी २३ वटा स्थानीय तहमा वाणिज्य बैंक पुग्न सकेका छैनन् ।

कर्णाली  प्रदेशका २० स्थानीय तहमा, प्रदेश १ का १९ स्थानीय तहमा, प्रदेश ३ का ११ तहमा, प्रदेश २ का ६ तहमा र प्रदेश ४ का ५ तहमा बाणिज्य बैंक अझै पुग्न सकेका छैनन् ।

सातै प्रदेशका कूल ८७ स्थानीय तहमा वाणिज्य बैंकको शाखा कार्यालय पुग्न नसकेको तथ्यांकमा देखिएको छ ।

राष्ट्र बैंकको तथ्यांक अनुसार प्रदेश ५ ले कूल कृषि क्षेत्रको उत्मपादनमा १६.९ प्रतिशत, कूल उद्योग क्षेत्रको उत्पादनमा १०.४ प्रतिशत र कूल सेवा क्षेत्रको उत्पादनमा ११.७ प्रतिशत अंश योगदान गरेको छ ।

देशको कूल जनसंख्याको १५.५ प्रतिशत हिस्सा (४१ लाख १४ हजार १ सय ४८) प्रदेश ५ मा रहेको छ ।

देशको कूल क्षेत्रफल मध्ये प्रदेश ५ ले ११.८ प्रतिशत हिस्सा ओगटेको छ भने यो प्रदेशको जनघनत्व प्रति वर्ग किलोमिटर २३८ रहेको छ । प्रदेश ५ को कूल क्षेत्रफल १७ हजार ३१८ वर्ग किलोमिटर रहेको छ ।

प्रदेश ५ मा आर्थिकरुपले सक्रिय जनसंख्या ४०.६ प्रतिशत,कूल खेतीयोग्य क्षेत्रफलको तुलनामा खेती गरिएको क्षेत्रफल ७४.८ प्रतिशत,कूल खेती गरिएको क्षेत्रफलमा सिंचित क्षेत्रफल ४०.३ प्रतिशत,कूल ठूला उद्योग संस्था ८२७ र उद्योगमा रोजगारी संख्या ३१ हजार २२१ जना रहेको तथ्यांकमा उल्लेख छ । प्रदेश ५ मा कूल सडक सञ्जाल १० हजार ८ सय ३९ किलोमिटर रहेको छ ।

Continue Reading…

उपसचिव वीरेन्द्र केसीको गाडी तोडफोड

१४ असोज, काठमाडौं । प्रदेशको नाम र राजधानी विवादलाई लिएर अनिश्चितकालिन बन्दमा उत्रिएका प्रदर्शनकारीले सरकारी गाडी ताडफोड गरेका छन् ।

सुदूपश्चिम प्रदेशको आन्तरिक मामिला तथा कानुन मन्त्रालयका उपसचिव वीरेन्द्र केसी चढेको गाडीमाथि तोडफोड भएको हो ।

धनगढी एयरपोर्टमा उत्रिएर मन्त्रालय जाने क्रममा पछाडिबाट ढुंगा प्रहार भएको केसीले अनलाइनखबरलाई बताए । त्यसबाट मन्त्रालयको बा १ ज ९७०३ नम्बरको गाडीको सिसा फुटेको छ । केसी भने सकुशल छन् ।

उनी निर्मला पन्त बलात्कारपछि हत्या प्रकरणको अनुसन्धानका लागि गठित उच्च स्तरीय समितिको सदस्य समेत थिए ।

Continue Reading…

एक महिनामा ८० अर्ब तरलता प्रशोचनः राष्ट्र बैंक

१४ असोज, काठमाडौं । नेपाल राष्ट्र बैंकले एक महिनामा ८० अर्ब रुपैयाँ बढी तरलता प्रशोचन गरेको छ । बैंकमा लगानी योग्य रकम पर्याप्त देखिए पछि एक महिनाको अवधिमा राष्ट्र बैंकले बैंक तथा वित्तीय संस्थाहरुबाट साउन महिनामा खुलाबजार कारोबारका विभिन्न उपकरणहरुमार्फत ८० अर्ब ३५ करोड रुपैयाँ तरलता प्रशोचन गरेको हो ।

राष्ट्र बैंकका अनुसार निक्षेप संकलन बोलकबोलमार्फत् ७९ अर्ब ६५ करोड रुपैयाँ र रिभर्स रिपोमार्फत् ७० करोड रुपैयाँ प्रशोचन भएको छ । अघिल्लो वर्षको सोही अवधिमा भने ७३ अर्ब ५० करोड तरलता प्रशोचन भएको राष्ट्र बैंकले जनाएको छ ।

समिक्षा अवधिमा राष्ट्र बैंकले विदेशी विनिमय बजार (वाणिज्य बैंकहरू) बाट अमेरिकी डलर ८ करोड ७८ लाख खुद खरिद गरी ९ अर्ब ६९ करोड रुपैयाँ खुद तरलता प्रवाह गरेको छ । अघिल्लो वर्षको सोही अवधिमा विदेशी विनिमय बजारबाट अमेरिकी डलर १८ करोड २९ लाख खुद खरिद गरी १८ अर्ब ७४ करोड रुपैयाँ राष्ट्र बैंकले तरलता प्रवाह गरेको थियो ।

राष्ट्र बैंकका अनुसार समीक्षा अवधिमा अमेरिकी डलर ३२ करोड, यूरो १ करोड ६० लाख र पाउण्ड स्टर्लिङ्ग २ करोड बिक्री गरी ४० अर्ब १९ करोड रुपैयाँ बराबरको भारु खरिद भएको छ ।

अघिल्लो वर्षको सोही अवधिमा अमेरिकी डलर ३० करोड बिक्री गरी ३० अर्ब ७७ करोड रुपैयाँ बराबरको भारु खरिद भएको थियो ।

Continue Reading…

चितवनले पेनाल्टी तिर्दै शक्तिलाई भित्र्यायो

१४ असोज, काठमाडौं । चितवन राइनोजले (पेनाल्टी) जरिवना तिर्दै पोखरा प्रिमियर लिग (पीपीएल) मा शक्ति गौचनलाई आफ्नो टिममा भित्र्याएको छ ।
आइतबार भएको अक्सनमा सुरुमा शक्तिमाथि कुनै पनि टिमले बोली लगाएको थिएन ।

तर, चितवनले विस लिष्टअन्तर्गत अक्सनमा खर्च गर्नुपर्ने रकम सकिएपछि पेनाल्टीमा तिर्दै भित्र्याएको छ । २ लाख १० हजार बेस प्राइजमा २५ प्रतिशत पेनाल्टी तिर्दै चितवनले कुल २ लाख ६२ हजार ५०० मा शक्तिलाई भित्र्याएको हो ।

Continue Reading…

एकदिवसीयमा नम्बर वान अलउन्डर बने रसिद

१४ असोज,  काठमाडौं । अफगानिस्तानका युवा क्रिकेटर रसिद खान एकदिवसीय क्रिकेटमा विश्वकै नम्बर १ अलराउन्डर बनेका छन् । लामो समयदेखि बंगलादेशका सकिब अल हसन ओडीआई अलराउन्डरको सूचीमा नम्बर १ थिए ।

हालै सम्पन्न एसिया कपमा रसिदको बलिङसँगै ब्याटिङ पनि राम्रो भएको थियो, जसले गर्दा उनी अलराउन्डरको सूचीमा अग्रस्थानमा आएका हुन् ।

आफ्नो स्पिन बलिङले तहल्का मच्चाइरहेका रसिद तल्लो मध्यक्रममा ब्याटिङ गर्छन् । आठौं, नवौं नम्बरमा आएर पनि धेरै उपयोगी इनिङ खेलेका छन् उनले ।

बलिङतर्फको र्‍याङ्किङमा पनि रसिद दोस्रो नम्बरमा छन् । उनीभन्दा अगाडि भारतीय बलर जसपि्रत बुमराह मात्रै छन् ।

आईसीसीले जारी गरेको नयाँ ओडीआई र्‍याङ्किङमा भारतीय ओपनर रोहित शर्मा र बलर कुलदिप यादवले छलाङ मारेका छन् । शर्मा ब्याटिङतर्फ दोस्रो र कुलदिप बलिङतर्फ तेस्रो स्थानमा छन् ।

बिराट कोहलीको अनुपस्थितिमा एसिया कपमा शर्माले भारतीय टोलीको नेतृत्व गरेका थिए । उनले पाँच इनिङमा २१०० भन्दा बढिको औसतमा तीन सय १७ रन बनाए ।

ब्याटिङतर्फ पहिलो स्थानमा भारतकै बिराट कोहली छन् ।

Continue Reading…

मालपोत कार्यालय, चाबहिलका प्रमुखसहित ४ कर्मचारी पक्राउ

१४ असोज, काठमाडौं । महानगरीय प्रहरी वृत्त, गौशालाले मालपोत कार्यालय, चाबहिलका प्रमुख कमलप्रसाद तिम्सिनासहित ४ जनालाई पक्राउ गरेको छ । पक्राउ पर्नेमा तिम्सिनासहित नायब सुब्बा चन्द्रबहादुर श्रेष्ठ, कार्यालय सहयोगी रमेश श्रेष्ठ र मुकुन्द धिताल छन् ।

वृत्तका प्रमुख डिएसपी सुनिल मल्लका अनुसार बुढानिलकण्ठ नगरपालिका–५ का चन्दनकृष्ण कायस्थको जग्गा कीर्ते गरी अर्कै व्यक्तिको नामसारीमा गरेको अभियोगमा उनीहरुलाई पक्राउ गरिएको हो ।

यसअघि सोही प्रकरणमा मालपोत अधिकृत खगेन्द्रप्रसाद अर्याल, नासु रञ्जनकुमार खरेल, जमुनाकुमारी श्रेष्ठ र रघुनाथ तिमिल्सिना पक्राउ परिसकेका छन् ।

प्रहरीले जग्गा कीर्ते गरी अर्कै व्यक्तिको नामसारीमा संलग्न बिचौलिया ध्रुवप्रसाद भट्टराई, श्रीकृष्ण देवकोटा, प्रदीपप्रसाद गौतम, श्रीकृष्ण बडुवाल र सानुभाइलाई समेत पक्राउ गरेको थियो ।

मालपोतका कर्मचारीको मिलेमतोमा उनीहरुले गौतमको नाममा जग्गाधनी कायस्थको नक्कली वारेसनामा बनाई कित्ता नं ३२९ को एक रोपनी नौ आना तीन पैसा, कित्ता नं ३२५ को आठ आना एक पैसा र कित्ता नं ३२३ को छ आना जग्गा भट्टराई र बडुवालको नाममा पास गरेका थिए ।

पक्राउ परेकाहरुमाथि लिखत सम्बन्धी कसुर र सङ्गठित अपराध मुद्दामा अनुसन्धान भइरहेको डिएसपी मल्ल बताउँछन् ।

Continue Reading…

पीपीएल अक्सनः ७ क्रिकेटरमाथि लाग्यो अढाई लाखको बोली

१४ असोज, काठमाडौं । पोखरा प्रिमियर लिगको अक्सनबाट ७ जना खेलाडीमाथि २ लाख ५० हजारको बोली लागेको छ ।

आइतबार भएको अक्सनबाट १७९ जना खेलाडी थिए, उनीहरु मध्ये ७ जना खेलाडीमाथि अधिकतम मूल्यको बोली लागेको छ । २ लाख ५० हजारमा विक्री हुने खेलाडीहरूमा करण केसी, बसन्त रेग्मी, सागर पुन, अनिल कुमार शाह, रोहित पौडेल, आरिफ शेख, विनोद भण्डारी छन् ।

उनीहरु मध्ये तीन जना पारस खड्का मार्की प्लेयर रहेको चितवन राइनोजमा आवद्ध भएका छन् । चितवनले अनिल कुमार शाह, करण केसी र आरिफ शेखलाई २ लाख ५० हजारमा किनेको हो ।

पोखरा पल्टनले पोखराले रोहित कुमार पौडेल र विनोद भण्डारीलाई किनेको छ । बुटवल ब्लास्टर्सले सागर पुन र काठमाडौं रोयल्सले बसन्त रेग्मीलाई २ लाख ५० हजारमा टिममा भित्र्याएको छ ।

उनीहरुमाथि एक भन्दा बढी क्लबले बोली लगाएपछि लक्की ड्रमार्फत क्लब छनोट गरिएको थियो ।

Continue Reading…

लक्ष्मी बैंकद्वारा पशुपतिनाथ परिसरका लागि २ वटा विद्युतिय टेम्पो हस्तान्तरण

१४ असोज, काठमाडौं । लक्ष्मी बैंकले पशुपतिनाथ मन्दीर परिसरमा प्रयोगका लागि २ वटा विद्युतिय सफा टेम्पो हस्तान्तरण गरेको छ ।

पशुपति क्षेत्र विकास कोषले आयोजना गरेको एक कार्यक्रमका बीच बैंकका कार्यवाहक प्रमुख कार्यकारी अधिकृत अजय विक्रम शाहले संस्कृति, पर्यटन तथा नागरिक उड्डयन मन्त्री रविन्द्र अधिकारीलाई सफा टेम्पोको साँचो हस्तान्तरण गरे ।

बैंकले आफ्नो संस्थागत सामाजिक उत्तरदायित्व कार्यक्रम अन्तर्गत पशुपति मन्दिर परिसरका लागि बिद्युतीय सफो टेम्पो सहयोग गरेको जनाएको छ ।

हस्तान्तरण गरिएको टेम्पो पशुपतिनाथ मन्दिर परिसरभित्र विशेष गरी बृद्ध र अशक्त भक्तजनहरुको निःशुल्क आवतजावतका लागि प्रयोग हुने जनाइएको छ ।

Continue Reading…

कार्यबाहक प्रधानमन्त्री पोखरेलले भने, बालविवाह रोक्न संविधान संशोधन गर्नुपरे पनि गर्छौं

Continue Reading…

पशुपति क्षेत्रभित्र जेष्ठ र अशक्तलाई ट्याम्पोमा निःशुल्क

१४ असोज, काठमाडौं । पशुपति क्षेत्रभित्र दुईवटा सफा ट्याम्पो सञ्चालनमा ल्याइएको छ ।

वृद्ध तथा अशक्त भक्तजनलाई निःशुल्क सेवा दिने उद्देश्यका साथ पशुपति क्षेत्र भित्र २ वटा वातावरण मैत्री सफा ट्याम्पो सञ्चालनमा ल्याइएको हो ।

लक्ष्मी बैंक लिमिटेडको आर्थिक सहयोगमा सञ्चालनमा ल्याइएको ट्याम्पोको सेवा संस्कृति, पर्यटन तथा नागरिक उडड्यन मन्त्री रविन्द्र अधिकारीले आइतबार एक कार्यक्रमका बीच शुभारम्भ गरेका छन् ।

अशक्त तथा वृद्धहरुका लागि निःशुल्क सेवा उपलब्ध गराउन २ वटा वातावरणमैंत्री सफा ट्याम्पो पशुपति क्षेत्रमा संचालनका लागि आर्थिक अनुदान दिइएको बैंकका संचालक समितिका सुमिद भट्टराईले जानकारी दिए ।

सरकारले केही समय अघि यस क्षेत्रमा सवारी साधन प्रवेशमा रोक लगाएपछि वृद्ध तथा अशक्त भक्तजनहरुलाई पशुपति दर्शनका लागि जान कठिनाई हुँदै आएको थियो । सोही अवस्थालाई ध्यानमा राखेर निःशुल्क २ वटा सफा ट्याम्पो संचालनमा ल्याइएको हो ।

६ वटा सिट संख्या रहेको सो सफा टयाम्पो वृद्ध तथा अशक्त भक्तजनहरुले निःशुल्क प्रयोग गर्न पाउने व्यवस्था गरिएको पशुपति क्षेत्र विकास कोषका सदस्य सचिव डा. प्रदीप ढकालले जानकारी दिए ।

यसैबीच, पशुपति क्षेत्र विकास कोषले आइतबारबाटै लकर सेवा पनि संचालन गरेको छ । माछापुच्छ्रे बैंक लिमिटेडको आर्थिक सहायतामा पशुपतिनाथ दर्शन गर्न जाने भक्तजनहरुको मूल्यवान सामान राख्न पाउने गरी लकरको व्यवस्था गरिएको हो ।

बैंकमा अध्यक्ष रोशन केसीले संस्कृति, पर्यटन तथा नागरिक उडड्यन मन्त्री रविन्द्र अधिकारीलाई हस्तान्तरण गर्नु भएको सो लकरमा भक्तजनहरुले आफ्नो सामानहरु राख्न पाउनेछन ।

मन्त्री अधिकारीले पशुपति क्षेत्रको सर्वाङगिन विकासका लागि सहयोग उपलब्ध गराएको भन्दै बैंकलाई धन्यवाद दिए । उक्त अवसरमा उनले पशुपति क्षेत्र गुरु योजनालाई ४ महिना भित्र तयार पारी यसको समग्र क्षेत्रको विकासको कामलाई तीव्रता दिने प्रतिवद्धता पनि व्यक्त गरे ।

मन्त्री अधिकारीले हिन्दुहरुको पवित्र तीर्थस्थल पशुपतिलाई आकर्षक बनाउने कामलाई सरकारले तीव्रता दिने योजना पनि अघि सारे । यसअघि पशुपति क्षेत्र भित्र भारत सरकारको सहयोगमा धर्मशाला पनि स्थापना गरिएको थियो ।

Continue Reading…

ओरेन्टल सहकारी पिडितद्वारा एनआइसी एसिया बैंकविरुद्ध प्रदर्शन

१४ असाेज, काठमाडौँ । एनआइसी एसिया बैंकले आफूहरुको सम्पति हडपेको आरोप लगाउँदै ओरेन्टल सहकारी पिडितहरुले माइतिघर मण्डलामा विरोध प्रदर्शन गरेका छन् ।

पिडित हरुले एनआइसी एसिया बैंकले ओरेन्टल सहकारी निक्षेपकर्ताहरुको रकम लगानी गरी बनाउन लागिएको धापासी हाइटको जग्गा एकलौटी रुपमा हडपेको आरोप लगाएका छन् । आफूहरुलार्इ जानकारी नै नगराई मनोमानि ढंगले जग्गा हडपेको उनीहरूकाे दाबी छ ।

उनीहरूले ‘न्यायालय हामीलाई न्याय देउ, बैंकले हडपेको सम्पति फिर्ता पाउँ, एनआइसी एसिया बैंकले पिडितहरुको सम्पत्ति फिर्ता गर’, जस्ता नारा लेखिएका ब्यानर र प्लेकार्डसहित प्रदर्शन गरेका थिए ।

सहकारी पिडित हकहित संरक्षण समितिकी अध्यक्ष कुन्ती पोख्रेलले भोलि , अदालतमा विचाराधीन अवस्थामा रहेको मुद्दाको पेसी रहेकाले पिडितहरुलार्इ निष्पक्ष न्याय तथा न्यायपालिकाको ध्यानाकर्षणा गर्ने उद्देश्यले विरोध प्रदर्शन गर्नुपरेको बताइन् ।

Continue Reading…

सगरमाथा क्षेत्रबाट संकलित ३० टन फोहोर काठमाडौं ल्याइयो

१४ असोज, काठमाडौं । सर्वोच्च शिखर सगरमाथा क्षेत्रबाट संकलित ३० टन फोहोर एयरलिफ्ट गरी काठमाडौं ल्याइएको छ । सगरमाथा क्षेत्रबाट संकलित प्राकृतिक रुपमा नष्ट नहुने १०० टन फोहोर हटाउने लक्ष्यका साथ मार्च यता ३० टन फोहोर काठमाडौं ल्याइएको छ । एयरलिफ्ट गरी काठमाडौँ ल्याइएका फोहोर रिसाइकल गरिनेछ ।

सोलुखुम्बुको खुम्बु पासाङ गाउँपालिका, सगरमाथा प्रदूषण नियन्त्रण समिति, हिमालय क्लव र संयुक्त राष्ट्रसंघीय विकास कार्यक्रम यूएनडिपीसँगको साझेदारीमा यती एयरलाइन्स-तारा एयरले सगरमाथाको फोहोर काठमाडौं ल्याइरहेको छ ।

सन् २००८ देखि सुरु सगरमाथा क्षेत्रमा फोहोर व्यवस्थापन र पर्यावरण जागरण प्रति केन्द्रित सीएसआर कार्यक्रमकै निरन्तरता स्वरुप २०१८ मा पनि फोहोर एयरलिफ्ट गर्ने काम भइरहेको यती एअरलाईन्स-तारा एयरका प्रमुख कार्यकारी अधिकृत उमेश चन्द्र राईले जानकारी दिए ।

विश्वकै सर्वोच्च शिखर सगरमाथा क्षेत्रमा गएका पर्यटक र आरोहीले फ्याँकेका फोहोर संकलन गरेर जम्मा गरी जहाजमार्फत रिसाइकलका लागि काठमाडौं ल्याइने उनले बताए ।

यसवर्ष १७ मार्चमा एक कार्यक्रम आयोजना गरी सगरमाथा क्षेत्रका विभिन्न संकलन केन्ऽहरूमा जम्मा भएका फोहोर मैलाको मात्रा र तिनलाई व्यवस्थित गर्न तोकिएको एक निश्चित समयको जानकारी दिइएको थियो । सो कार्यक्रम भएकै दिन लगभग ५ हजार किलो फोहोर एयरलिफ्ट गरिएको थियो ।

यती एयरलाइन्स-तारा एयरले विशेषतः जिम्मेवार खपत र उत्पादन (एसडीजी १२), जलवायु परिवर्तन (एसडीजी १३), जैविक विविधताको खपत (एसडीजी १५) र साझेदारी (एसडीजी १७) सम्बन्धित दिगो विकास लक्ष्य (एसडीजी) प्रतिको आˆनो प्रतिवद्धताको रूपमा सगरमाथा क्षेत्रबाट २०१८ मा १०० टन फोहोर हटाउने महत्वाकांक्षी उद्देश्य तय गरेको प्रमुख कार्यकारी अधिकृत राई बताउँछन् ।

खुम्बु पासाङ ल्हामु गाउँपालिकाका अध्यक्ष तथा उपसभापति निम दोर्जी शेर्पाले फोहोर यो कार्यले सगरमाथा क्षेत्रको संरक्षण र दिगो पर्यटन प्रचारका लागि धेरै मद्दत पुग्ने बताए ।

एसपिसिसीसँगको सम्झौता अन्तर्गत सगरमाथा प्रदूषण नियन्त्रण समिति (एसपीसीसी) नामक एक स्थानीय पर्यावरणीय संरक्षण संगठन र हिमालय क्लब लुक्लाले सगरमाथा क्षेत्रमा फोहोर संकलनका लागि समन्वय गर्दै आएका छन् । यस्तै ब्लू वेस्ट टुभ्याल्ाु, काठमाडौँको एक रिसाइक्लिङ कम्पनीले त्यस फोहोर रिसाइकल गर्ने जिम्मा पाएको छ ।

संकलन भएका फोहोरमा प्रायः बियरका खाली बोतल र क्यान, खाली खाद्य सामाग्रीका टिन र ट्रेकिङका उपकरणहरु रहेका छन् । सन् २०१७ मा लगभग ४६ हजार पदयात्री सगरमाथा आधार शिवीर क्षेत्रमा पुगेका र ७ सय पर्वतारोही सगरमाथा आरोहणका लागि गएको तथ्याकं छ ।

Continue Reading…

NC leadership preparing proposal to amend statute: Nidhi

Dang, September 30

Nepali Congress Vice-president Bimalendra Nidhi says that party leadership is working on a proposal to amend NC’s statute.
Speaking at a press meet organised by the Press Union in Dang, he said the revision was necessary to run the party as per the need of the federal structure.
The leader from the main opposition further accused the Communist government of failing to come up with any significant works. He said that the people have expected a lot from the government, but it failed to deliver.

Continue Reading…

गृहमन्त्री थापाले भने, ‘निर्मला हत्यामा संलग्न दोषीलाई चाँडै कारवाहीको प्रक्रियामा ल्याउछौ’

विराटनगर । गृहमन्त्री रामबहादुर थापाले निर्मला पन्त हत्या सम्बन्धी गठित उच्चस्तरीय छानबिन समितिले सरकारलाई प्रतिवेदन बुझाइसकेकाले घटनामा संलग्न दोषी चाँडै कारवाहीको प्रक्रियामा ल्याइने बताएका छन् ।

पन्तको बलात्कारपछि हत्या गरिएको प्रतिवेदन मन्त्रिपरिषद्‌मा छलफलपछि सार्वजनिक गरिने उनले बताए।

यस्तै उनले देश टुक्र्याउन खोज्ने राष्ट्रघातीलाई सरकारले कारवाही गर्ने बताएका छन्। विराटनगर विमानस्थलमा आइतबार सञ्चारकर्मीसँग कुरा गर्दै उनले मुलुकलाई विखण्डन गरी अस्थिरता फैलाउने अभियानमा लाग्नेलाई सरकारले दण्डित गर्ने बताए।

गृहमन्त्री थापाले वर्तमान सरकार मुलुकको स्वाधिनताको रक्षाको पक्षमा रहेकाले शान्ति सुरक्षा खल्बल्याउने एवं अस्थिरता उत्पन्न गर्ने पक्षलाई कारवाही गर्ने बताए। उनले जनादेशअनुसार सरकारले जनताको आर्थिक समृद्धिका लागि काम गरिरहेको र विगत ६ महिनामा मुलुकमा शान्ति सुरक्षाको अवस्था सुदृढ भएको दाबी गरे।

मन्त्री थापाले विगतमा हुने गरेका बम विस्फोटन, बन्द हडताललगायत जस्ता कार्य नियन्त्रणमा आएको भन्दै सरकारले शान्ति सुरक्षाको अनुभूति दिएको बताए।

सरकारले राम्रो काम गरिरहेकाले पराजित तथा विगतका षड्यन्त्रकारीले अत्तालिएर सरकारलाई घेराबन्दी गर्ने काम गरिरहेकोभन्दै उनले मुलुकमा अस्थिरता चाहनेले सरकार गिराउनेसम्मको षड्यन्त्रभइरहेको आरोप लगाए।

गृहमन्त्री थापा केही दिनअघि हत्या गरिएका सुनसरीको हरिनगरका शिक्षक खुर्सिद आलम अन्सारीका परिवारलाई समवेदना प्रकट गर्नआइतबार विराटनगर आएका थिए।

Continue Reading…

निर्मला हत्याकाण्डः ‘भेजिनल स्वाब’ सक्कली त हो ?

१४ असोज, काठमाडौं । बलात्कारपछि हत्या गरिएकी निर्मला पन्तका संकलन गरिएको ‘भेजिनल स्वाब’ माथि नै प्रश्न उठ्न थालेको छ । निर्मलाका आमा दुर्गादेवी र बुबा यज्ञराज समेतले ‘भेजिनल स्वाब’ निर्मलाकै भएको पहिले पुष्टि गरिनुपर्ने माग गरेका छन् ।

निर्मलाको शवबाट संकलित भनिएको ‘भेजिनल स्वाब’ लाई यस घटनाको एक मात्र प्रमाणका रुपमा लिइएको छ । यसबाट प्राप्त डीएनएलाई प्रहरीले अभियुक्तका रुपमा सार्वजनिक गरेका दिलिपसिंह विष्टको डीएनएसँग टेस्ट गर्दा नेगेटिभ रिजल्ट आएपछि उनी साधारण तारेखमा छुटेका छन् । यसैगरी, विवादमा मुछिएका निलम्बित एसपी डिल्लीराज विष्ट, उनका छोरा किरण र भीमदत्त नगरपालिकाका मेयर सुरेन्ऽ विष्टका भतिजा आयुष विष्टको डीएनए पनि मेल खाएन ।

बिष्टमाथि घटनाका अन्य प्रमाणहरु नष्ट गरेको आरोप लागेको छ भने किरण र आयुषमाथि स्थानीयबासीले सुरुदेखि नै शंका गर्दै छानविनको माग गरेका थिए । तर, केन्द्रीय विधिविज्ञान प्रयोगशालामा गरिएको टेष्टमा डिल्लीराज, किरण र आयुषको डीएनए म्याच नभएपछि अनुसन्धान थप जटिल बनेको छ ।

निर्मलाको भेजिनल स्वाबमाथि दुईवटा प्रश्न उठाउन सकिन्छ । पहिलो घटनाका सबै प्रमाण नष्ट गर्ने प्रहरीले राखेको ‘भेजिनल स्वाब’ सक्कली नै हो त ? दोस्रो, सक्कली नै हो भने पनि के यसलाई उचित तवरले संरक्षण गरेर राखिएको थियो ?

वैधता जाँच्न बाबुआमाको माग

निर्मलाकी आमा दुर्गादेवी सबै प्रमाण नष्ट गर्न प्रहरी प्रशासनले ‘भेजिनल स्वाब’ को वैधता जाँच गर्नुपर्ने माग गरिन् ।

उनले भनिन्, ‘सबै प्रमाण नष्ट गर्ने प्रहरीले यो चाहीँ सही संकलन गर्‍यो भन्न सकिदैन ।’

यो पनि पढ्नुहोस निर्मला पन्तको बचेको प्रमाण ‘भेजिनल स्वाब’ मात्रै हो ?

आफ्नो डीएनएसँग म्याच गराएर छोरीको हो वा होइन भन्ने पुष्टि गर्न सकिने भए त्यसका लागि आफू तयार रहेको उनको भनाई छ ।

‘म आफ्नो (डीएनए) टेष्ट गराउन तयार छु’ आमा दुर्गादेवीले भनिन्, ‘मलाई जसरी हुन्छ, सत्य चाहिएको छ, न्याय चाहिएको छ ।’

तर, फरेन्सिक विज्ञ डा. हरिहर वस्ती भने भेजिनल स्वाबबाट परिक्षण गरिने डीएनए आमाको डीनएनएसँग नमिल्न पनि सक्ने बताउँछन् ।
‘छोराछोरी हो कि होइन भनेर पुष्टि गर्न लिइने डीएनए र भेजिनल स्वाबको डीएनएको सेल अलग हुन्छ,’ उनले भने ।

बाबु यज्ञराजले पनि प्रमाणका रुपमा संकलित ‘भेजिनल स्वाब’ माथि शंका लागेको भन्दै आवश्यक परिक्षण गरेर भए पनि दोषी पत्ता लगाउनुपर्ने बताए ।
उनले भने, ‘हामीलाई जोमाथि शंका थियो, उनीहरुको रिपोर्ट मिलेन भने कसका लागि सबै प्रमाण नष्ट गरेका हुन्, उनीहरुले भन्नुपर्छ ।’

संकलन र संरक्षण विधिको प्रश्न

जानकारहरुका अनुसार यस्ता घटनामा संकलन गरिने प्रमाण सही हो वा होइन भन्ने मात्र होइन, कसरी संकलन र संरक्षण गरियो भन्ने पनि महत्वपूर्ण हुन्छ । सही रुपमा संकलन गरिएन वा प्याकिङ मिलेन भने पनि कन्टामिनेसन अर्थात प्रदुषित हुन्छ ।

एक प्रहरी अधिकारीले सुनाए, ‘मदन भण्डारीको रगतको नमुनामा पनि कन्टामिनेसन भेटिएको रहेछ । रिपोर्टमा बेहोस पार्ने केमिकल देखिएको थियो, जुन वास्तविक थिएन ।’

Continue Reading…

महिला हिंसाको इतिहासः राणालाई तरुणी देख्नै नहुने, कुमारी तान्ने दिन दरबारमा केटी !

१४ असोज, काठमाडौं । १०२ वर्षे हजुरआमा रामदेवी श्रेष्ठ एउटा यस्ती कथा हुन् । जसको सुरु र मध्य निकै रोमाञ्चक छ । तर, त्यसपछि कठिन्, झन् कठिन…। १०२ सय वर्ष पुगेको उपलक्षमा ‘बर्थ डे केक’ काटिदिने परिवारजन कोही पनि उनका समीपमा छैनन् ।

दिलशोभाले सञ्चालन गरेको आमाको घर (वृद्धाश्रम) को चौथो तलामा लठ्ठीको साहाराले रामदेवी बेलाबखत लो-बेडबाट बल्लतल्ल उठेर जब पट्यारलाग्दो गरी एक-एक पाइला सार्छिन्, लाग्छ, उसरी नै उनको सकसपूर्ण जिन्दगीको यात्रा अघि बढिरहेछ ।

अहिले रामदेवीको अवस्था देख्दा पत्याउन गाह्रो पर्छ कि कुनै दिन उनको सुन्दरतामा मोहित हुनेहरुको लर्को थियो, चार तले घर थियो, सुनका गहना मात्र होइन, चुरा र क्लीप पनि सुनकै लगाउँथिन् । र, राजा महेन्द्रले खबर गर्नासाथ दौडेर नारायणहिटी पुग्थिन् अनि बक्सिस थापेर र्फकन्थिन् ।

तर, रामदेवीको जीवनको चर्खा यस्तो रहस्यमय तरिकाले घुम्यो कि त्यो चर्खाले आज उनलाई बृद्धाश्रममा ल्याएर फ्याँकिदियो । धेरैले भनेजस्तै साँच्चीकै जीवन सप्तरंगी हो भने उनी जीवनको निकै फिक्का रङको अनुभूति गर्दैछिन् ।

१०२ वर्षसम्म आइपुग्दा उनले बुझेको जिन्दगी हो, ‘जीवन केही छैन, सन्तोषी सदा सुखी, असन्तोषी सदा दुःखी ।’

हो, रामदेवी अहिले कसैले ल्याइदिएको एक बोतल हर्लिक्स र चिनीमै सन्तोष गर्छिन्, जुन उनको निकै फेफरेट हो । गहभरि आँशु पार्दै भन्छिन्, ‘अहिले मसँग एक पैसा छैन । तर, केही फिक्री छैन । भगवान मलाई लैजाने भए खुत्रुक्क लैजाउँ, कुनै सास्ती नदेउ । यति भए पुग्छ मलाई ।’

आमाघरमा यसरी आइपुगिन्

विवाहित भए पनि निसन्तान रामदेवी ७० वर्ष हुँदा ७२ वर्षीय श्रीमान कृष्णदास श्रेष्ठको निधन भयो । मृत्युशैय्यामा छटपटाइरहेका श्रीमानले रामदेवीलाई भनेका थिए, ‘म जान्छु अब । भकारीमा टन्न चामल छ । घर छ । बेलाबेला असामीको पैसा पनि आउँछ । तिमीलाई केही दुःख हुँदैन । राम्ररी बस्नु ।’

रामदेवीले पति स्नेह गुमाएको त्यस्तै पाँच/छ वर्ष बितेको थियो । आफ्नै घरका एक डेरावालले एक दिन हातमा तमसुक बोकेर आए र रामदेवीलाई ल्याप्चे लगाउन कर गरे । ७५ वर्षीया रामदेवीले जब त्यो ल्याप्चे लगाइन् अनि उनी रोडमा पुगिन् ।

ती डेरावालले त नौ लाखमा घर बेचिदिएछन् । रामदेवी हातमा एक लाख रुपैयाँ बोकेर ठिहीटीको घर सम्पत्ती छोडी श्रीमानकी बहिनी-ज्वाइँकहाँ पुगिन् । उनले ज्वाइसँग बिलौना गरिन्, ‘हेर्नुस् त ज्वाइँ किन यस्तो गरेको ?’ ज्वाइँले उत्तर दिए, ‘अब झगडा गरेर के गर्नु फेरि त्यही पैसा पनि गुम्छ ।’
रामदेवी चुप लागिन् ।

रामदेवीको उमेरले सतक छुँदै थियो । घरमा उनले एक सेट नयाँ ओच्छ्यान तयार पार्दै गरेको देखिन् । सोधिन्- ‘किन सिएको यो सिरक ?’ ज्वाइँले यतिमात्रै जवाफ दिए-‘काम छ ।’

केही दिनपछि ओच्छ्यान बोकेर ज्वाइँले भने- ‘जाऔँ घुम्न ।’ पछिपछि लागेकी रामदेवी दिलशोभा श्रेष्ठको ‘आमाको घर’मा आइपुगिन् ।

अहिले त्यो सिरक उनको छेउमा अस्तव्यस्त छ । पछाडि कपडा पोको पारेको ठूलो बोरा छ । त्यही बोराबाट सारी झिकेर जबरजस्त पहिरिन्छिन् उनी ।

यी सबै हुँदा पनि कोही मानिसप्रति रामदेवीको गुनासो छैन । ‘खाओस् केही छैन । ज्वाइँहरुलाई पनि म मन पर्न छाडेंछु, अनि फालिदिए । मैले भनेर हुन्छ त ?’
रामदेवीका बुवा राजबैद्य थिए । यसर्थ उनको जन्म एक कुलीन घरमा भयो । उनका बुवाका तीनवटी श्रीमती थिए । जेठी श्रीमतीका ६ वटी छोरीमध्येकी एक हुन् रामदेवी । कान्छीपट्टी एक छोरा थिए । तर, भाइबुहारीहरु स्वयम्भुमा बस्छन् भन्ने मात्रै थाहा छ उनलाई । भेट नभएको धेरै वर्ष भइसक्यो, अंकमा गनेर भ्याउँदिनिन् उनी ।

भनिन्छ, बुढेकालमा नयाँ दाँत उम्रन्छन् । रामदेवीका दाँत झरेर नयाँ उमि्रसके । मासु खाँदा तीनवटा नयाँ दात पनि भाँचिए । एक शताप्दीको अनुभव बटुलेकी रामदेवीको अघिका दुई बुढा दाँत अझै बाँकी छन् ।

यो उमेरमा उनी राम्रोसँग पाइला सार्न त सक्दिनन् तर, बोली निकै टाठो छ । बुढो भएपछि स्मरण निकै कमजोर भएर जान्छ भन्ने बैज्ञानिक अनुसन्धान उनका लागि त्यति मेल खाँदैन । जब कुनै प्रश्न गरिन्छ, उनी चुराले भरिएको हात उठाउँछिन् र खुलेर हाँस्दै विगत सुनाउन थाल्छिन् ।

राणाहरुसँग अस्मिता जोगाउनै गाह्रो !

रामदेवी राणाशासन कालमा हुर्किन् । राणाहरुको क्रुरतालाई नजिकसँग अनुभुत गरिन् । आज राजतन्त्र इतिहास भइसकेको छ । तर, उनको दिमागमा राजाहरु दयालु हुन्छन् भन्ने छाप अहिले पनि उस्तै छ ।

ठहिटीमा रामदेवीको लामो चारतले घर थियो, झंगटीले छाएको । उनका बाबाको घर । बाबासँग कहिलेकाँही राजदरवार पुग्थिन् र राजपरिवारले बक्सिस दिएको चाँदी, तामाका सिक्का झोलाभरि बोकेर फर्किन्थिन् । कहिलेकाँही साथीहरु बटुलेर घरमै खेल्थिन् । खुलेर हिँड्दा केटीहरुलाई चर्को पर्थ्यो ।

‘राणाहरु खराब थिए’, रामदेवी स्मरण गर्छिन्, ‘राणाहरुलाई राम्रा तरुनी देख्यो भने लिनैपर्थ्यो । राणाहरुले राति तरुनी लिन पठाउथे ।’

कुमारी तान्ने दिन राजाले मन पराएकी केटीलाई डोली लिएर पठाउँथे । कति जान्थे, कति जाँदैनथे । गएकाहरु रातभरि बसेर र्फकन्थे । थुप्रै पैसा पाउँथे

लगभग १५ वर्षकी हुँदा रामदेवी पनि राणाको निशानामा परेकी थिइन् । रामदेवी डराएजसरी सास-सासमा बोल्छिन्, ‘धोवीचौरका राणाहरु खराब थिए । मलाई पनि लिन पठाए । म कोठामा ढोका लगाएर बसेँ । चार दिनसम्म खोल्दै खोलिनँ । त्यहीँ खाएँ, दिसापिसाव पनि कोठामै गरेँ । धन्न खाने कुरा थियो ।’

राणाकाल भए पनि स्कुल जान थालिन्, रामदेवी । उनकै शब्दमा भन्ने हो भने सर्टिफिकेट नभए पनि ‘चार किलास’ पास गरेकी छिन् उनले । तर, महिलालाई पढ्न कहाँ त्यति सहज थियो र ?

‘स्कुलको नाम बिर्सेँ तर, मखन महादेवको मन्दिर अगाडि लामो स्कुल थियो,’ उनी भन्छिन्- ‘तर, स्कुल हिँड्दा किताव लुकाउनुपथ्र्यो । नत्र बाटामा बसेकाहरुले भन्थे, उ बेश्या हुन हिँडी’ केटीले पढेपछि बेश्या भइन्छ भन्थे त्यतिबेला !’

१९९७ सालको अर्को घटनाले अहिले पनि त्रस्त बनाउँछ रामदेवीलाई । जतिबेला शुक्रराज शास्त्री, धर्मभक्त माथेमा, गंगालाल र दशरथ चन्दलाई राणाहरुले गोली ठोकेर र झुण्ड्याएर हत्या गरेका थिए ।

रामदेवी जिब्रो टोक्छिन्, ‘आम्मा ! त्यतिबेला उनीहरुलाई टुँडीखेलमा ल्याए । र, सबै घरधनीलाई झ्याल ढोका बन्द गर्न भने । अनि गोली ठोकेर मारे । कसैलाई अर्को ठाउँ लगेर भुण्डाए । उनीहरुले ठोक गोली भनेर छाती खोल्ने रे ।’ रामदेवी रोकिँदैनिन्, ‘राजाको विरोध गरेपछि त मार्छन् नि ! होइन हजुर ।’

रामदेवीलाई के थाहा, जनताको स्वतन्त्रताका निम्ति उनीहरुले आफ्नो प्राण आहुती दिएका थिए । र, अन्यायको प्रतिकार गरेका थिए भन्ने कुरा ।

ती दिन गए !

आफू राजा महेन्द्रको सवारी चालक भएको रामदेवीको दाबी छ । यो दाबीको पुष्टि इतिहासकारहरुले नै गर्लान्, तर हामीले उनका मुखबाट एउटा मौखिक इतिहास सुन्यौं, जुन इतिहासकी वाचिका उनै हुन् !

राजा महेन्द्रबाट बक्सिसमा आएको गाडी थियो रामदेवीका बुबाको । ड्राइभरलाई फकाएर उनले गाडी चलाउन सिकिन् । अनि एक दिन राजाकहाँ पुगिन् र खुट्टामा दाम राखेर ढोग गर्दै भनिन्, ‘सरकार मनलाई गाडी चलाउन आउँछ, म हजुरको गाडी चलाउन सक्छु ।’

‘त्यतिबेला राजा मज्जाले हाँसिबक्यो । निकै खुशी होइबक्स्यो । धेरै राम्रो भन्दै जागिर दिइबक्सियो’, रामदेवी दिल खोलेर हाँस्छिन् । उनका श्रीमान कृष्णदास पनि राजाकै ड्राइभर थिए ।

उमेर पुग्दै गएपछि रामदेवीले राजाको सवारी हाँक्न थालेको बताइन् । दरबारसँग अझ नजिक भइन् उनी । उनले नजिकबाट राजपरिवारको दैनिकी नियालिन् ।

‘राजाहरु पछाडिको सिटमा बस्नुहुन्थ्यो । म गाडी चलाउथेँ,’ रामदेवी भन्छिन्- ‘राजाको सवारी मैले चलाउने गर्थेँ । कहिले सूर्यविनायक, दक्षिणकाली, गुहेश्वरी, कहिले पशुपति सवारी हुन्थ्यो । प्रायः टुँडिखेलको परेडमा सवारी हुन्थ्यो । म मनकामनासम्म पुगेकी छु । मनकामनामा त हामी एक रात बसेर फर्केका हौँ । ख्यालठट्टा गर्न माहिर हुनुहुन्थ्यो महेन्द्र सरकार ।’

त्यतिबेला रामदेवीलाई नपुग्दो केही थिएन । गुच्चा खेल्दाखेल्दै लभ परेका कृष्णदास श्रेष्ठसँग बिहे गरेकी थिइन् उनले । बेलाबेला राजाले दिने बकसबाट झिंगटीको छाना फालेर जस्ताले छाएकी थिइन् । रामायण, गीता पढ्थिन् । माघ महिनामा कथा सुनाउँथिन् । घरमा जम्मा भएका सबैलाई टन्न खुवाएर पठाउँथिन् ।

शरीरभरि सुनका गहना थिए । ‘मैले ट्याक्सी पनि बकस पाएको थिएँ । ५५ लम्मरको ट्याक्सी’, रामदेवीको सम्झना बोल्छ, ‘छानीछानी लगाइयो, गहना पनि डिजाइन गरीगरी लगाइयो । मीठोमीठो खाइयो । धोको भन्ने केही बाँकी छैन जीवनमा ।’

रामदेवीले गरेको दाबीलाई पत्याउने हो भने उनले करिव २० वर्ष राजा महेन्द्रको गाडी हाँकिन् । तर, बेलाबखत मात्रै । किनभने, तालिमप्राप्त राजपहरियाहरु हुन्थे राजाको गाडी हाँक्ने । महेन्द्रले ‘डाइभर्नी’ बनेर बोलाउँथे रामदेवीलाई ।

यसो भन्दै गर्दा सेतै फुलेको थाइकट कपालमुनिका आँखा रसाए रामदेवीका । मैलो भइसकेको सेतो स्वीटरले आँखा पुछिन् ।

राजाहरुप्रति उनको खास गुनासो छैन । उनी भन्छिन्, ‘महेन्द्र सरकार मर्दा म कति रोएकी थिएँ । कति दिन त खाना नै खाइनँ ।’

दरबारमा बन्दूक पड्कन्थ्यो, हामी आवाजमात्र सुन्थ्यौं

राजाहरु के काम गर्थे ? रामदेवीको उत्तर साधारण छ, ‘राजाको के काम हुन्छ र ? सबै सुसारेले गरिहाल्छन् ।’

तर, रामदेवीले बेलाबेला राजाले क्यारेमबोर्ड र बागचाल खेलेको देखेको बताइन् । कहिले राणा साथीहरुसँग, कहिले रानीसँग ।

बेलाबेला बन्दुक बोकेर राजाहरु सिकार खेल्न गएको पनि देखेकी छिन् उनले । खुलेर हाँदै भन्छिन्, ‘कहिले नागार्जुन, कहिले सूर्यविनायक कहिले दक्षिणकालीमा सिकार खेल्न गइबक्सन्थ्यो । अनि बेलुकी परिवार मात्र होइन, जागिरेलाई पनि शिकार ख्वाइबक्सिन्थ्यो । हामीले पनि पाउँथ्यौँ ।’

राजाको दैनिकीसँग पनि जानकार छिन् रामदेवी । ‘बिहानैदेखि दरवारमा चाकडीको भीड लाग्थ्यो । पहिला खुट्टामा दाम चढाएर दर्शन गर्नुपथ्र्यो । राति सँधै गीत बज्थ्यो । उस्दादहरु आएर दरबारमा गीत गाउँथे । त्यतिबेला कति रमाइलो हगि ?’

कतिपय प्रश्नहरु उत्तरको आस नभएर पनि गरिँदोरहेछ । त्यस्तै गरिन् राामदेवीले ।

रामदेवी हातमा गिलास समाएर चम्चा खेलाइरहेकी छिन् । जहाँ चिनी, हर्लिक्स र चिया छ । चियालाई बेलाबेला चम्चाले मुखसम्म लैजान्छिन् । तर, जीवनका दुर्लभ भोगाइहरु बोलेर थाक्दिनिन् उनी ।

‘राजाहरु निकै दयालु हुन्थे । दशैँमा दाम चढाएर ढोगेजतिलाई पैसा दिन्थे । सबैलाई माया गर्थे । हामी सबैलाई सरकार भन्थ्यौँ । उहाँहरु मज्जाले हाँस्नुहुन्थ्यो ।’

बोल्दाबोल्दै कहाँकहाँ पुग्छिन् रामदेवी । ‘कुमारी तान्ने दिन राजाले मन पराएकी केटीलाई डोली लिएर पठाउँथे । कति जान्थे, कति जाँदैनथे । गएकाहरु रातभरि बसेर र्फकन्थे । थुप्रै पैसा पाउँथे ।’

रोमाञ्चक कुरा गर्दागर्दै राजनीतिक कुरा उप्काइन् रामदेवीले ।

‘त्यतिबेला राजाको कसैसँग केही खटपट थियो होला । एउटा कोठाभरि नांगो तार बिच्छाएका रहेछन्, महेन्द्र सरकारलाई मार्न । यो कुरा राजालाई कसैले भनिदिएछ । मैले पनि थाहा पाएँ । पछि तार बिच्छ्याएको मानिसलाई लिएर जिब्रोमा करेन्ट लगाएर मारिदिए । यसरी राजाको मन दुखाउनेहरुलाई दरबारभित्रै मारिदिन्थे । हामीले बन्दुकको आवाज मात्रै सुन्थ्यौँ ।’

कौशीमा श्रीमानले गाएको सम्झना

रामदेवीलाई माया गर्ने र सहारा दिने राजा महेन्द्र नरहे पनि पति कृष्णदास ज्युदै थिएँ । श्रीमानले खुब माया गर्थे । तर, उनको मृत्युपछि रामदेवी झन् झन् बेसहारा बन्दै गइन् । अहिले त उनलाई भेट्न जानेहरु पनि कोही छैनन् । कोठाको चार दिवारमा कैद रामदेवी बाहिरी संसारबारे बेखबर छिन् । बह पोख्छिन्, ‘ज्वाइँ, नातिनातिना छन्, दशैंमा पनि भेट्न आउँदैनन् ।

कांग्रेेस नेता प्रकाशमानसिंहकी आमा स्वर्गीय मंगलादेवीसँग आफ्नो चिनजान रहेको सम्झँदै रामदेवीले भनिन्- ‘गणेशमानकी श्रीमती र म साथी थियौँ । त्यो प्रकाशमानले मसँग भात खाइरहन्थ्यो । ऊ पनि आउँदैन । एकचोटि भेट्न पठाइदिनु है उसलाई ।’

रामदेवीलाई अहिले वृद्धभत्ताले केही राहत दिएको छ । वृद्धभत्तालाई उनी ‘बृद्धाभट्ट’ उच्चरण गर्छिन् । भन्छिन्- ‘मैले पहिलोपटकबाटै बृद्धाभट्ट लिएकी हुँ । मनमोहनले फोन गरेर आमा लिन आउनुस् भनेर बोलाउनुभयो । मलाई यसैले खान पुगेको छ, आनन्द छ ।’

रामदेवीको जीवनमा धेरै परिवर्तन आए । कहिले बादल लाग्यो, कहिले झरी पर्‍यो, कहिले भूकम्प आयो । तर, उनको एउटा कुरा फेरिएको छैन । उनी अहिले पनि कथाहरु सुनाउँछिन्, श्लोकहरु गाउँछिन् । दिलशोभासहित धेरै वृद्धवृद्धाहरु वरिपरि बसेर उनका कथा र श्लोकहरु सुन्छन् ।

रामदेवीको दिव्य मन्त्र छ- ‘जिन्दगीमा सबैलाई माया, दया गर्नुपर्छ । सानो जात, ठूलो जात, पैसा हुने, गरिव, भन्ने दिमागमा कहिल्यै राख्नुहुँदैन ।’

र, रामदेवी हरसमय सम्झिरहन्छिन्, ‘श्रीमान कृष्णदासले आफ्नै घरको कौशीमा बसेर गीत गाइरहेको ।’

Continue Reading…

Solukhumbu judge orderes cow slaughter convicts released

Solukhumbu, September 29

Solukhumbu District Court has ordered the release four people serving sentence for cow slaughter.

Judge Narayan Prasad Subedi ordered that Dawakaji Shrestha of then Chaurikharka VDC-8, Kulung Rai and Raja Prasad Rai of then Bung VDC and Hemant Rai of Nechasalyan Rural Municipality-2 of Solukhumbu district after the trio filed an application.

They were serving a 12-year sentence but were released in response to a writ filed demanding the commuting of the sentence based on the new civil code, which reduces the quantum of punishment to three years, according to court clerk Bhagiswar Saraili.

They were arrested and jailed three years ago after being found guilty of stealing and slaughtering a cow.

Rss

Continue Reading…

नानाको पक्ष लिँदै राखीले भनिन्ः तनुश्री ड्रग्स खाएर बेहोस थिइन्

बलिउडकी कन्ट्रोभर्सी क्वीन राखी सावन्तको अभिव्यक्तिलाई कसैले गम्भीरताका साथ लिँदैन । तर, यस प्रकरणमा उनको अभिव्यक्ति अर्थपूर्ण छ ।

प्रसंग हो, अभिनेत्री तनुश्री दत्तामाथि नाना पाटेकरले गरेको यौन दुव्र्यवहार । १० वर्ष अगाडि फिल्म ‘हर्न ओके प्लीज’ को सुटि्रका क्रममा भएको यो घटना अहिले व्यापक चर्चामा छ । नानाले एउटा आइटम गीतको सुटिङका क्रममा आफूमाथि यौन दुव्र्यवहार गरेको
आरोप लगाउँदै तनुश्रीले उक्त फिल्म छाडेकी थिइन् । तनुश्रीले छाडेपछि सो गीतमा तत्काल राखी सावन्तलाई लिइएको थियो ।

यस घटनामाथि पहिलोपटक राखीले मुख खोलेकी छन् । र, सँधै झैं यसमा पनि उनको अभिव्यक्ति उटपट्याङ नै छ । उनले तनुश्रीलाई नाना पाटेकरले दुव्र्यवहार गरेको नभई उनी आफैं ड्रग्स खाएर बेहोस भएको दावी गरिन् । राखीले पेश गरेको घटना विवरण यस्तो छ:

‘तनुश्रीले फिल्मको गीत सुटिङ गर्दागर्दै बीचमै छोडेकी रहिछन् । त्यसलगत्तै मलाई गणेश आचार्य (कोरियोग्राफर) को फोन आयो । उहाँले मलाई तुरुन्त गीतको सुटिङका लागि सेटमा आउन भन्नुभयो । म छक्क परेँ । एक छिनमा नाना पाटेकरको फोन आयो । उहाँले पनि त्यसै भन्नुभयो । त्यसपछि म गइहालेँ ।

सुटिङ स्पटमा जाँदा हल्लाखल्ला थियो । तनुश्री आफ्नो भ्यानिटी भ्यानभित्र घन्टौंदेखि ढोका थुनेर बसेकी रहिछन् । धेरै जनाले पटक-पटक आग्रह गर्दा पनि उनी आउन मानेकी थिइनन् । त्यसपछि मैले पनि उनलाई बोलाउने प्रयास गरेँ, तर उनले ढोका खोलिनन् । पछि बुझ्दाखेरी थाहा भयो, उनी त ड्रग्स खाएर भेनिटी भ्यानभित्र बेहोस भएर लडिरहेकी थिइन् ।

मलाई नानाले यति खर्च गरेर सेट लगाएको छ, सुटिङ हुन सकेन भने बर्बाद हुन्छ भनेर सम्झाउनुभयो । त्यसपछि म तयार भएँ । सबैजना खुशी हुनुभयो र मलाई धन्यवाद दिनुभयो ।

अहिले तनुश्रीले नानाथरी कुरा गरिरहेकी छन्, जुन उनको चर्चामा आउने मेलो मात्र हो । म नाना पाटेकरको साथमा छु र सँधै रहनेछु ।

Continue Reading…

सामाजिक कार्यमा जुट्ने भन्दै संगठित भए तराईका बिद्यार्थी

१४ असोज, काठमाडौं । सामाजिक कार्यमा लाग्ने भन्दै तराईबाट आएर काठमाण्डौंमा अध्ययन गरीरहेका विद्यार्थीहरु संगठित भएका छन् ।  काठमाडौंमा भएको एक भेलाले ‘तराई-काठमाडौं बिद्यार्थी परिषद्’ गठन गरेको हो । भेलाले पर्सा जिल्लाका रुपक पटेलको अध्यक्षतामा १३ सदस्यय कार्यसमिति चयन गरेको छ ।

काठमाडौंमा रहेका तराईका बिद्यार्थीहरुको सेवाको लागि परिषद गठन गरीएको नवगठित समितीका अध्यक्ष पटेलले बताए ।  परिषदले स्वच्छ नेपाल अभियानको पनि थालनी गर्ने भएको छ । काठमाण्डौंबाट शुरु हुने यो अभियानलाई तराईका जिल्ला हुँदै देशव्यापी बनाउने लक्ष्य सहित योजना निर्माण भएको अध्यक्ष पटेलले जानकारी दिए ।

बिद्यार्थीहरुको यो समुह आवश्यकता परेको खण्डमा अन्य सामाजिक कार्यमा पनि सकृय हुने उनको भनाइ छ । परिषदका संरक्षक तथा सल्लाहकार सुदीपचन्ऽ बख्रेलले बिद्यार्थीहरुले आˆनो उर्जा समाज परीवर्तनका लागि खर्च गर्नुपर्ने बताए ।

अर्का सल्लाहकार तथा संरक्षक सुरज खनालले तराईका बिद्यार्थीहरु संगठीत हुनुलाई सकरात्मक कार्यको थालनीको रुपमा व्याख्या गरे । समितिको उपाध्यक्षमा ओम जी गुप्ता, सचिवमा रेयान यादव, सहसचिवमा निकी पटेल, कोषाध्यक्षमा दिव्या ठाकुर, सह कोषाध्यक्षमा रौनक सिंह, सदस्यहरुमा उदीप गुप्ता, रामशंकर साह, अमन गुप्ता, आरोहि साह, सोहेव अंसारी, जौवाद हुसैन अंसारी र उमेश प्रसाद गुप्ता रहेका छन् ।

Continue Reading…

गाँजासहित राैतहटमा दुर्इ पक्राउ

१४ असोज, रौतहट । गाँजासहित रौतहटको राजदेवी नगरपालिकाबाट दुई जनालाई प्रहरीले पक्राउ गरेको छ ।

ना५१प ५१२२ नम्बरको मोटरसाइकलमा भारततर्फ लैजाँदै गरेको १२ किलो अवैध गाँजा राजदेवि नगरपालिका ९ ब्रहृमपुरीबाट प्रहरीले बरामद गरेको हो ।

गाँजासहित दुर्गा भगवती गाँउपालिका २ का सतिस पाण्डे र सन्दीप पाण्डेलाई पनि प्रहरीले पक्राउ गरेको छ ।

पक्राउ परेका दुवै जनालाई आवश्यक अनुसन्धानको लागी जिल्ला प्रहरी कार्यालय रौतहटमा राखिएको र गाँजा ओसारपसारका बारेमा अनुसन्धान भइरहेको प्रहरी उपरीक्षक केदार ढकालले बताए ।

सदरमुकाम गौर भन्दा पूर्वपट्टी रहेको बेलबिछवाबाट केही दिन यता अवैध कारोबार बढेको छ । संगठित तस्करहरुले सो नाकाबाट लागूऔषध, मरिच, तेल, पानमसला तस्करी गरिरहेका छन ।

Continue Reading…

निर्मलाका हत्यारा भेटिन १२ वर्ष लाग्न सक्छः प्रधानमन्त्री

१४ असोज, काठमाडौं । प्रधानमन्त्री केपी शर्मा ओलीलाई अमेरिका पुगेका बेलामा पनि निर्मला हत्या प्रकरणको प्रश्नले लखेटेको छ । अमेरिकामा अन्तरवार्ता दिने क्रममा प्रधानमन्त्री ओलीले निर्मला हत्याको प्रश्नको सामना गर्नुपर्‍यो । प्रश्नको जवाफमा प्रधानमन्त्री ओलीले बलात्कार र हत्या सरकारले गरेको होइन भन्दै यस्ता घटनामा अपराधीहरु पत्ता लाग्न १२ वर्ष पनि लाग्न सक्ने बताए ।

प्रधानमन्त्री ओलीले भने- ‘हरेक व्यक्तिका पछाडि त प्रहरी त हुँदैन कुनै पनि समाजमा । सरकारले पत्ता लगाउन सकेन होला, किनभने अपराध गर्नेले सूचना दिएको त हुँदैन । दसी छोडेको हुँदैन ।’

पत्रकार सूर्य थापाले सोधेको निर्मला हत्या प्रकरणसम्बन्धी प्रश्नको जवाफ प्रधानमन्त्री ओलीले यसरी दिए –

पहिलो कुरा म भनौं, यस्ता कुराहरु राजनीतिक हथकण्डाका कुरा वा राजनीतिक विषय बनाउने कुरा, राजनीतिक दाउपेच, उछिनापाछिनका कुरा होइनन् । सामाजिक अपराध भनेको बुहतै निन्दनीय र दुःखद कुरा हो । त्यसमाथि जुन प्रकारका अमानवीयभन्दा पनि अत्यन्त निकृष्टखालका जघन्य अपराधका घटनाहरु घटेका छन्, यी अत्यन्तै दुःखद छन् । अत्यन्तै चिन्ताजनक छन् । र, यसले हाम्रो समाजिक मूल्यमान्यता र हाम्रो सामाजिक स्तर कहाँ जाँदैछ भन्ने हो ।

हरेक व्यक्तिका पछाडि त प्रहरी त हुँदैन कुनै पनि समाजमा । अपराधकर्मको मनोवृत्तिलाई कम गर्न सकिएन र त्यस्ता मनोवृत्तिलाई हौस्याउने खालका कामहरु भए भने त्यो दुःखद कुरा हुन्छ । सरकारले पत्ता लगाउन सकेन होला, किनभने अपराध गर्नेले सूचना दिएको त हुँदैन । दसी छोडेको हुँदैन ।

कोही-कोही ठाउँमा हुन सक्छ, कसैको संगग्नताको कुरालाई ढाकछोप गर्ने प्रयास स्वरुप पनि अल्मलिएको हुन सक्छ । सबै ठाउँमा पत्ता नलागेको छैन । नेपालमा अपराध पत्ता लगाउने कुरामा नेपाल प्रहरी अगाडि नै छ, माथि नै छ । १२ वर्ष अगाडिका अपराधहरु अहिले पत्ता लागिराखेका छन् । अस्ति भर्खर पनि १२ वर्ष अगाडिको एउटा अपराध पत्ता लाग्यो । यस्ता घटनाहरु १२ वर्ष अगाडिका पनि पत्ता लाग्दारहेछन् ।

अर्थात् १२ वर्ष त पत्ता लागेको थिएन नि त । कहिले कहिले १२ वर्ष पनि पत्ता लाग्दोरहेन छ अपराध । अपराध पत्ता लाग्न समय लाग्न पनि सक्छ । तर, के सरकार अपराध ढाक्न लागेको छ ? के अपराधी जोगाउन लागेको छ ? त्यस्तो लागेको छैन । कोही यस्तो हुन सक्दछ, कुनै पनि संगठनमा, संस्थामा, राज्यमा, निकायमा शत प्रतिसत मान्छे ठीकै छ भन्न सकिन्न होला । त्यस्तो मान्छेहरुको पनि घुसपैठ हुन सक्छ । तर, राज्यको तर्फबाट त्यस्तो भइराखेको हैन र राज्य त्यस कुरामा गम्भीर छ ।

अब यसमा बढी चिन्तित हुनुपर्ने कुरा, सरकारको आलोचना आफ्नो ठाउँमा होला, सरकारले राम्ररी अनुसन्धान गरोस्, खोजोस्, पत्ता लगाओस् भन्ने कुरामा सरकार क्रियाशील छ । त्यसका निम्ति अनेक स्टेपहरु चालिएको छ । त्यहाँका मान्छेहरु फिर्ता बोलाउने, अरु थप पठाउने, थप खोज अध्ययन अनुसन्धान गर्ने, बाहिरी रुपमा खोज अनुसन्धान गर्ने, भित्री रुपमा खोज अनुसन्धान गर्ने यी सबै कामहरु भएका छन् ।

यो सँगसँगै सामाजिक जागरणका लागि, समाजको नैतिक उत्थानका लागि ध्यान दिनुपर्दैन ? सामाजिक सञ्जालका नाउँमा, यस्ता साइटहरु मार्फत अत्यन्त घीनलाग्दा अपराधहरु फैलाउने …।

सरकार एकदम ठ्याक्कै सफल भयो भन्न त म भन्दिनँ । किनभने सरकारले पत्ता लगाउन सकेको छैन । कोशिस गरिराखेको छ । तर, कहिले कहिले यस्ता घटनाहरु पत्ता लगाउन अलि समय लाग्छ । त्यसलाई विषय बनाएर यही सरकारले नै यो अपराध गराएको हो जस्तो गर्न खोज्ने भनेको त विषयविहीनताको, विषयको दरिद्रताको र संस्कार दरिद्रताको स्थिति हो । जहाँसम्म घटनाको कुरा हो, घटना अत्यन्त दुःख हो । चिन्ताजनक यसकारण छ कि यति नैतिक मूल्यमा नेपालजस्तो देश, नेपाली हुँ भन्नेहरु यति तल गिर्नु भनेको दुःख कुरा हो । यसलाई उठाउनुपर्छ ।

केही मान्छेहरु सबै काम छाडेर यसैमा लागेका छन् । जसरी पनि विरोध गर्ने । तिनको सम्बन्धमा त मलाई केही टिप्पणी गर्नु छैन । तपाईले हेर्नुभयो भने ‘यो सरकारले के गर्दैछ, हत्या हिंसा बलात्कार गर्दैछ…’ के यस्तै हो र ? के यो सरकारले हत्या हिंसा र बलात्कार गरिाखेको छ ? यस्ता बकबास गर्ने बकबासीहरुका सम्बन्धमा त हामीले केही कमेन्ट गर्नु छैन ।

होला, लुकेर गर्ने अपराधलाई तत्काल पत्ता लगाउन सकेन होला । हाम्रो संयन्त्र कस्तो छ ? हाम्रा राज्यका अरु संयन्त्रहरु कत्तिको सबल छन् ? यो हेर्न पर्‍यो नि । ती संयन्त्रहरु सबल छैनन् भने ती संयन्त्रलाई सबल बनाउने कुरादेखि लिएर । राज्यको नियत के यस्ता कुरालाई ढाकछोप गर्नेमा छ र ? राज्य त यस्ता कुराहरु नहोऊ्न र सम्पूर्ण कुराहरु रोक्नुपर्छ भनेर लागिराखेको छ ।

हामी राज्य संयन्त्रलाई सबल बनाउँछौं । सामाजिक नैतिकताको धरातल जुन खस्किँदो छ, त्यसलाई माथि उठाउँछौं । राजनीतिक नैतिकता, राजनीतिक उचाइ र स्तर यति तल खसेको छ, त्यसलाई उठाउनुपर्ने छ । जे पनि बोकेर हिँड्ने । राजनीतिक पार्टीहरुका राजनीतिक एजेण्डा छैनन् । कुनै विषय छैनन् । राष्ट्र निर्माणका कुनै विषय छैनन् । राजनीतिक, आर्थिक, सामाजिक, सांस्केतिक कुनै विषय छैनन् । अनि के भेटिन्छ भन्दाखेरि मुसाले चामलको बोरामा प्वाल पार्‍यो अरे भन्ने सुन्यो भने ल यस्तो सरकार ! मुसाले चामलको बोरामा प्वाल पारुञ्जेल के हेरेर बस्यो ? नालायक सरकार भनेर कराउने । योखालको राजनीतिक संस्कृति जुन छ, यो एकछिनका लागि हो । दयालाग्दो संस्कृति हो यो । यसलाई संस्कृतिका रुपमा जो उठाउन खोजेका छन्, केही अर्थ छैन यसको ।

अन्तरवार्ताको पूर्णपाठ यहाँ पढ्नुहोस्

‘देश डुब्दैन , म आउँदैछु !’

Continue Reading…

खुर्सिदको हत्यामा संलग्न सात समुद्र पार भए पनि ल्याउँछौंः गृहमन्त्री

१४ असोज, सुनसरी । भारतबाट छिरेका हतियारधारी समूहले गोली प्रहार गरी हत्या गरेको सुनसरीस्थित भुटाहाका खुर्सिद अन्सारीको परिवारलाई राहत स्वरुप सरकारले १० लाख रुपैयाँ प्रदान गरेको छ ।

खुर्सिदको ११ औं दिनमा खुर्सिदकै गाउँमा आयोजित श्रद्धाञ्जली सभामा गृहमन्त्री रामबहादुर थापा ‘बादल’ ले मृतक अन्सारीकी श्रीमती मौलानालाई चेक हस्तान्तरण गरेका हुन् । सभामा प्रदेश १ का मुख्यमन्त्री शेरधन राई पनि उपस्थित थिए ।

उनले घटनामा संलग्न अपराधी सात समुद्र पार भए पनि कानुनी दायरामा ल्याइ छाड्ने बताए । ‘देश स्थिरतातर्फ जान रोक्ने शक्तिले खुर्सिदमाथि आक्रमण गरेको हो’, थापाले भने ।

सोही अवसरमा आलमको परिवारलाई शहिद घोषणाको प्रमाण पत्र समेत प्रदान गरिएको छ । अन्सारी हत्याको अनुसन्धानका लागि प्रदेश १ प्रहरी कार्यालयका एसएसपी किशोर दाहालको नेतृत्वमा प्रहरी टोली खटिएको छ ।

यो पनि पढ्नुहोस सुनसरीका खुर्सिदको हत्यामा भारतीय सुरक्षाकर्मीको संलग्नता ? यो पनि पढ्नुहोस ८ बुँदे सहमतिपछि खुर्सिदको शव उठाइयो
Continue Reading…

‘राधा २’मा प्रियंकाको जोडी आयुष्मान

नायिका प्रियंका कार्की र नायक आयुष्मान देशराज जोशीले इन्गेजमेन्ट गरिसकेका छन् । काममा अत्यन्त व्यस्त भएकाले अर्को बर्षमा मात्र बिहे गर्ने उनीहरुको योजना छ ।

तर, प्रियंकासँग जोडिएपछि भने नायक आयुष्मान देशराज जोशीको करिअरमा धेरै परिवर्तन आएको छ । नायिका प्रियंका कार्कीले केही समय अगाडि नै साइन गरेको चलचित्र ‘राधा २’मा आयुष्मान पनि जोडिएका छन् । निर्देशक योगेश घिमिरेले भने-‘हामीले रियल लाइफ जोडी भएर वा कसैको दबाबमा आयुष्मानलाई लिएका होइनौ । यो म्यूजिकल लभ स्टोरी चलचित्र हो । यसमा आयुष्मान पोख्त लागेर लिएका हौ ।’

कात्तिकको ८ गतेबाट यो चलचित्रको छायांकन पूर्वका विभिन्न रमणिय स्थानमा हुनेछ । चलचित्रमा एक जना नयाँ नायकको पनि मुख्य भूमिका रहनेछ । तर, उनलाई पत्रकार सम्मेलन नै गरेर सार्वजनिक गरिने योगशले बताए ।

प्रियंका र आयुष्मानले चलचित्र ‘कथा काठमाण्डु, चंगाचेट, एउटा यस्तो प्रेम कहानी’मा एकसाथ काम गरिसकेका छन् ।

Continue Reading…

प्रदेश राजधानीको विरोधमा आज पनि धनगढी बन्द

धनगढी । सुदूरपश्चिम प्रदेशको स्थायी राजधानी कैलालीको गोदावरीमा राख्ने निर्णयको बिरोधमा अस्थायी राजधानी रहेको धनगढी बजार क्षेत्र दुई दिनदेखि बन्द गरिएको छ ।

बन्दका कारण आइतबार पनि बिहानैदेखि धनगढी बजार ठप्प छ । सार्वजनिक यातायातका साधनहरु सञ्चालन भएका छैनन् । मोटरसाइकल, साइकल र विद्युतीय रिक्सा भने फाट्टफुट्ट सञ्चालन भएका छन् । लामो दुरीका यातायातका साधनहरुको आवतजावत पनि प्रभावित भएको छ । शिक्षण संस्था पनि चलेका छैनन् ।

चाडपर्वको मुखमा बजार बन्द गराउने रहर नभएपनि निर्णय प्रक्रिया न्यायोचित नभएकाले बन्द गर्नुको विकल्प नभएको आन्दोलनका अगुवा हरि रेग्मीले बताए । रेग्मीले सत्तापक्षले बहुमतको आडमा संसदीय परम्परालाई लत्याएको आरोप लगाए । नागरिक समाज संघर्ष समितिको आव्हानमा बजार क्षेत्र बन्द गराइएको हो ।

शुक्रबार प्रदेश सभाको दुई तिहाई बहुमतबाट प्रदेशको नाम सुदूरपश्चिम र राजधानी गोदावरीमा राख्ने निर्णय पारित गरेको थियो ।

Continue Reading…

भविष्य पुराणका अनुसार श्राद्ध १२ प्रकारका हुन्छन्

हिन्दू धर्ममा श्राद्ध पितृहरूलाई प्रसन्न पार्नका लागि गरिने महत्वपूर्ण कार्य हो । श्राद्ध गरेर आप\mना पितृहरूको सम्झना गरिन्छ र उनीहरुको आत्माको शान्तिका लागि धार्मिक कार्य गरिन्छ । धर्म ग्रन्थहरूमा श्राद्धका विषयमा थुप्रै कुरा गरिएको पाइन्छ । त्यसमध्ये यसको प्रकारका सम्बन्धमा पनि बताइएको छ । सबै श्राद्धको फरक महत्व हुने गर्छ । भविष्य पुराणले श्राद्ध १२ प्रकारको हुन्छ भनेको छ । जुन यसप्रकार छन्ः

-नित्य

-नैमित्तिक

-काम्य

-वृद्धि

-सपिण्डी

-पार्वण

-गोष्ठी

-शुद्धयर्थ

-कर्मांग

-दैविक

-यात्रार्थ

-पुष्ट्यर्थ

श्राद्धको नियम

हुन त साँचो श्रद्धा र समर्पण भावले श्राद्ध गरे पितृ प्रसन्न हुन्छन् तर केही कुरामा ध्यान दिने हो भने  श्राद्धका सबै पुण्य प्राप्त हुन्छ ।

– श्राद्धको सम्पूर्ण प्रक्रिया दक्षिण दिशातर्फ फर्केर सम्पन्न गर्नुपर्छ किनभने  पितृलोक दक्षिण दिशामा पर्छ भनिएको छ ।

-पिण्डदान गर्दा सेतो वा पहेँलो वस्त्र मात्र धारण गर्नु पर्छ ।

पितृ पक्षको श्राद्ध सदैव मध्यान्ह वा अपराह्नमा गर्नुपर्छ । बिहान र साँझको समयमा श्राद्ध गर्नु निषेध छ ।

श्राद्ध वा तर्पण गर्दा कालो तिलको प्रयोग अनिवार्य मानिएको छ ।

श्राद्धका दिन पूर्ण ब्रहृमचर्य पालन गर्नुपर्छ भने क्रोध, चिडचिडापन र कलहबाट टाढै रहनुपर्छ ।

पितृलाई भोजन सामग्री दिनका लागि माटाको भाँडाको प्रयोग गर्न सकिन्छ ।

श्राद्धमा कुन फूल चढाउने ?

अगस्ती भृंगीराजं च तुलसी शतपत्रिका ।। चम्पकं तिलपुष्पं च षडेते पितृवल्लभा ।।

अगस्ती, भृंगीराज, तुलसी, सयपत्री, चाँप र तिलको फूल चढाए पितृहरु खुसी हुन्छन् भनिएको छ । यसबाहेक टकर, पारिजात, तीतेपाती, नारनपाती आदि फूल  पनि श्राद्धमा विशेष रूपले चढाइन्छ ।

यसैगरी श्राद्धमा कुनै पनि हालतमा चढाउन नहुने फूलका विषयमा यसो भनिएको छ ।

केतकी करवीरंच वकुलं कुन्दकं तथा । पाटली चैव जाति च श्राद्धे यत्नेन वर्जयेत् ।।

केतकी, करवीर, वकुल, कुन्दक, पाटली र जाईको फूल श्राद्धमा भुलेर पनि नचढाउनु भन्ने नियम छ ।

श्राद्धको भोजन कस्तो भाँडामा गर्ने ?

श्राद्ध पक्षमा शुचिता अर्थात् शुद्धताको विशेष ख्याल राखिन्छ । यहँसम्म कि भोजन कस्तो  भाँडाम ापस्केर खाने भन्ने सम्बन्धमा समेत नियम छ । श्राद्धमं ब्राहृमण भोजनका लागि कस्तो भाँडो…

सुन, चांदी, काँस र तामाको भाँडो भोजनका लागि सर्वोत्तम हुन्छ ।

चाँदीको भाँडामा तर्पण गरे राक्षसहरु नास हुन्छन् ।

पितृ, चाँदीको भाँडाले गर्ने तर्पणबाट तृप्त हुन्छन् ।

चाँदीको भाँडोमा भोजन गराउँदा अक्षय पुण्य प्राप्त हुन्छ ।

श्राद्धमा तर्पण गर्दा फलाम र स्टीलको भाँडा भुलेर पनि प्रयोग गर्नु हुँदैन ।

श्राद्धको भोजन केराको पातमा गराउनु हुँदैन । यसो गरे पितृहरुलाई तृप्ति मिल्दैन ।

श्राद्धकर्ता एवं श्राद्ध खानेवालाका लागि नियम

शास्त्रमा श्राद्धकर्ता एवं श्राद्धभोक्ताका लागि समेत अनुकरणीय नियमहरुको उल्लेख पाइन्छ । जसबाट श्राद्ध गर्ने तथा खानेहरुले कस्ता नियम अनुपालन गर्नु आवश्यक हुन्छ भन्ने थाहा हुन्छ ।

श्राद्धकर्ताका लागि नियम

श्राद्धकर्ताले श्राद्धको दिन दार्‍ही तथा कपाल काट्न र तेल घस्न निषेध छ ।

श्राद्धकर्ताले श्राद्धको दिन पूर्ण ब्रहृमचर्य पालन गर्नुपर्छ । सम्भोग गर्नु हुँदैन ।

श्राद्धकर्ताले श्राद्धको दिन अन्य व्यक्तिको घर तथा अन्य स्थानमा भोजन गर्नु हुँदैन ।

श्राद्धकर्ताले श्राद्धको दिन कसैबाट दान वा उवहार लिनु हुँदैन ।

श्राद्धकर्ताले श्राद्धको दिन ब्राहृमण भोजन गराइसकेपछि मात्र भोजन ग्रहण गर्नुपर्छ ।

श्राद्धभोक्ता वा श्राद्ध खानेका लागि नियम

श्राद्धभोक्ताले त्यस दिन श्राद्धकर्ता बाहेक अन्यत्र भोजन गर्नु हुँदैन ।

श्राद्धभोक्ताले श्राद्धको भोजन गर्ने बेलामा मौन रहेर भोजन ग्रहण गर्नुपर्छ, केही थप्नु परे हातको संकेतले मनसाय प्रकट गर्नुपर्छ ।

श्राद्धभोक्ताले श्राद्धको भोजनको प्रशंसा वा निन्दा गर्नु हुँदैन ।

श्राद्धभोक्ताले पनि श्राद्ध खाएका दिन कसैलाई दान दिनु हुँदैन ।

श्राद्धभोक्ताले पनि श्राद्ध खाएका दिन पूर्ण ब्रहृमचर्य पालन गर्नुपर्छ ।

Continue Reading…

Saturday, September 29, 2018

डाइटिशियन आरमे कार्कीको सुझाव, खानाबाटै निको हुन्छ ग्याष्ट्रिक

रमाईलो प्रश्न सोधौं, ‘नेपालीको राष्ट्रिय रोग कुन हो ?’

संभवत सबैले जवाफ दिन सक्छन्, ‘ग्यास्ट्राइटिस ।’

खानपानको उचित संस्कार पालना नगर्दा वा खराब खानपानको कारण ग्याष्ट्रिक हुन सक्छ । यो आम नेपालीको साझा समस्या हो ।

सुन्दा सामान्य लाग्छ, तर ग्याष्ट्रिकले विस्तारै जटिलता निम्त्याउँछ । यसले पेट फुलेको जस्तो हुनने, हावा भरिए जस्तो हुने, खानेकुरा राम्ररी नपच्ने, लामो समयसम्म भोको बस्दा पेट पोल्ने, खान मन नलाग्नु, ढ्याउ आइरहनेजस्ता समस्या हुन्छ । यसले विभिन्न खालका साइड इफेक्ट पनि निम्त्याउने गर्छ । घतलाग्दो कुरा, यस्तो समस्या खानाबाटै निको पार्न सकिन्छ ।

एन्टिअक्सिडेन्टयुक्त खाद्यपदार्थ

एन्टिअक्सिडेन्टयुक्त खाद्यपदार्थको प्रयोगले ग्याष्ट्रिक निको हुन सक्छ । त्यस्ता खाद्यपदार्थ भनेका भिटामिन सी, ए, ˆल्याभोनोइड, क्यारोटेनोइड र फाइटोकेमिकलयुक्त खाद्यपार्थहरु हुन् । यस्तो खानाले सुन्निएको पेटको भित्री तहलाई कम गर्छ । ताजा फलफूल, सागसब्जी, प्याज, लसुन, अदुवा, बेसार, ब्रोकाउली, बन्दाकोबी, कालो चामल आदिमा एन्टिअक्सिडेन्टकोे मात्र प्रसस्त हुन्छ ।

प्रोबायोटिक बढी भएको खानेकुरा

प्रोबायोटिकले हेलिकोब्याक्टर पाइलोरी नामक ब्याक्टेरियालाई नष्ट गर्ने काम गर्छ । यो व्याक्टेरिया ग्यास्ट्राइटिसको प्रमुख कारण हो । दही, मोही, प्रोबायोटिक सप्लीमेण्ट आदि पदार्थमा प्रोवायोटिकको मात्रा अत्याधिक हुन्छ ।

लसुन

लसुन हजारौ वर्षदेखि औषधिको रुपमा प्रयोग हुदै आएको छ । पाकेको वा काँचो दुबै प्रकारको लसुन मानिसको आगि औषधी हुन्छ । लसुनमा प्राकृतिक रुपमा एन्टीबायोटिक, एन्टीइन्ˆलामेटरीलगायतका तत्व हुन्छन् । यसले पनि हेलिकोब्याक्टर पाइलोरी ब्याक्टेरियालाई नष्ट गर्नमा विशेष भूमिका खेल्छ । र, लसुनले ग्यास्ट्राइटिसको कारण पेटमा हुने असरलाई पनि धेरै हदसम्म कम गर्छ ।

फाइबरयुक्त खाना

बढी फाइबरयुक्त खानाले ग्यास्ट्राइटिस र अरु पाचन प्रकृयासम्बन्धि समस्यालाई समाधान गर्ने विभिन्न अध्ययनले पुष्टि गरेको छ । हार्वड स्कुल अफ पब्लीक हेल्थको अनुसन्धानअनुसार बढी फाइबर भएका खानेकुराले अल्सर लाग्ने सम्भावनासमेत ६० प्रतिशतले कम गर्छ । अल्मोण्ड, आँटा , ब्राउन राइस, चिया सिड, आलस, पानीमा भिजाएको, टुसा उमारिएको गेडागुडी, फलफूल तथा सागसब्जीबाट बढी मात्रामा फाइबर प्राप्त गर्न सकिन्छ ।

स्वस्थकर प्रोटिन

घाँस खुवाइएको पशुको मासु, खुला पालिएको कुखुराको मासु, खोर वाहीरको अण्डा, गेडागुडीहरु, स्पाइरुलिना आदि स्वस्थकर प्रोटिनका उपयुक्त स्रोत हुन् । तर, मासुको प्रयोग गर्दा भने विशेष सावधानी अपनाउनुपर्छ । किनकी हर्मोन र एन्टीवायोटिक प्रयोग गरिएको मासुले ग्याष्ट्रिकको असरलाई झन बढाउने काम गर्छ ।

स्वस्थकर फ्याट

धेरै तताइएको तेलयुक्त खानेकुराहरु अस्वस्थकर फ्याटमा पर्छन् । जस्तोकी डिपफ्राई गरेका ससेज, आलु, चिप्स, समोसा, जुलेवी आदी । यस्ता ˆयाटयुक्त पदार्थलाई सकेसम्म आफ्नो दैनिक डाइटबाट हटाउन पर्छ नत्र घटाउनुपर्छ । उमेगा ३ ˆयाटी एसीड स्वस्थकर ˆयाट हो । र, दिनहुँ यसको सेवनले ग्यास्ट्राइटिसको विभिन्न असरहरु कम गर्दछ । उमेगा ३ पाइने खाना भनेका माछामा पाइने तेल, अल्मोण्ड, काजु, एभोकाडो, आलस, चिया सिड आदी हुन् ।

Continue Reading…

‘म यस्तो गीत गाउँछु’ युटुबमा, तर नेपालबाट हेर्न नमिल्ने

गतबर्षका पहिलो सुपरहिट चलचित्र ‘म यस्तो गीत गाउँछु’ रिलिज भएको करिब १५ महिनापछि युटुबबाट रिलिज गरिएको छ । तर, यो चलचित्रलाई नेपालबाट भने युटुबमा हेर्न मिल्ने छैन ।

बुढासुब्बा डिजिटलले अपलोड गरेको यो चलचित्र नेपाल बाहिरका दर्शकका लागि मात्र हेर्न मिल्ने बनाइएको छ । संभवत, युटुबमा रिलिज भएको कुनै पनि नेपाली चलचित्रलाई पहिलो पटक यो शैलीमा सार्वजनिक गरिएको हो ।

पछिल्लो समयमा युटुबमा चलचित्र रिलिज हुँदा नेपाली चलचित्र हेर्न दर्शक हलसम्म जान छाडेको बहस सुरु भएको छ । युटुबमा केही महिनामै चलचित्र आउने र निशुल्क हेर्न मिल्ने भएपछि दर्शक हलसम्म जान छाडेकाले युटुबमा चलचित्र रिलिज गर्नबाट निर्माताहरु हच्किन थालेका छन् ।

बुढासुब्बा डिजिटलका प्रमुख नवराज गिरीले भने-‘हामीले पहिलो पटक यो शैली अपनाएका हौ । नेपालबाट भ्यूज राम्रो गएपनि पैसा आउँदैन । अर्कोतिर, नेपाली चलचित्रलाई युटुबमा राखेतापनि नेपालमा हेर्न नमिल्ने बनाउँदा के हुँदो रहेछ भनेर हामीले प्रयोग पनि थालेका हौ ।’

उनका अनुसार, युटुबमा नेपाली चलचित्र राखेतापनि नेपालबाट हेर्न नमिल्ने र दर्शकलाई हलमै गएर हेर्न आकषिर्त गर्न पनि यो शैली अपनाउन आवश्यक रहेको उनले बताए ।

तर, एनटीसीको नेटबाट मोबाइलमा हेर्न मिल्ने उनले बताए । सुदर्शन थापाले निर्देशन गरेको यो चलचित्रमा पूजा शर्मा र पल शाहको मुख्य भूमिका छ ।

Continue Reading…

एसिड पीडित बसन्ती खतरामुक्त, उपचार निःशुल्क

१४ असोज, चितवन । एसिड र चक्कु प्रहारबाट गम्भीर घाइते भएकी नवलपरासीकी बसन्ती परियारको उपचार चितवनको भरतपुर अस्पतालले निःशुल्क गरिदिने घोषणा गरेको छ ।

कावासोती नगरपालिका वडा नम्बर ९ डण्डा बजारकी २७ वर्षीया बसन्ती परियारलाई यही असोज ८ गते साँझ छिमेकी विमल शिर्पालीले एसिड र चक्कु प्रहार गरेका थिए । आक्रमणबाट गम्भीर घाइते भएकी बसन्तीको उपचार चितवनको भरतपुर अस्पतालमा भइरहेको छ ।

आइसीयुमा रहेकी बसन्तीको उपचारमा अहिलेसम्म एक लाख ३० हजार रुपैयाँ खर्च भैसकेको अस्पताल प्रशासनले जनाएको छ । सो रकम अस्पतालको सामाजिक सेवा इकाई मार्फत खर्च गरिएको अस्पतालका मेडिकल सुपरिटेण्डेन्ट (मेसु) डा. कृष्ण पौडेलले जानकारी दिए ।

उनले अहिलेसम्म अस्पतालले बसन्तीको उपचारका लागि शुल्क नलिएको दावी पनि गरे । ‘जति रकम उपचारमा खर्च भएको छ त्यो अस्पतालले नै व्यहोरेको छ,’ मेसु डा. पौडेलले भने, ‘अस्पतालको सो शीर्षकबाट धानेसम्म उपचारमा पैसा लिदैनौं ।’ उनले यो सामाजिक उत्तरदायित्व पनि भएकाले अस्पतालले उपचारमा कुनै कमी हुन नदिएको दाबी गरे ।

यसअघि भरतपुर महानगरपालिकाकी मेयर रेनु दाहालले बसन्तीको उपचारमा कुनै पनि प्रकारको कमी हुन नदिन अस्पताललाई आग्रह गरेकी थिइन् । शनिवार अस्पताल पुगेर घाइते बसन्तीलाई भेटेपछि मेयर दाहालले भनिन्, ‘बसन्तीको उपचारमा लागेको सबै रकम अस्पताल र महानगरपालिका मिलेर व्यहोर्छौं ।’

मेसु डा. पौडेलले धेरै नै रकम खर्च भएमा महानगरको सहयोग लिने बताए ।

बसन्तीका श्रीमान यमबहादुर परियारले अहिलेसम्म उपचारमा २५ हजार रुपैयाँ खर्च भएको बताए ।

बसन्तीले सिलाईको काम गर्दै आएकी थिइन् । बसन्तीलाई असोज ८ गते सोमबार तरकारी किनेर बजारबाट फर्कँदै गर्दा छिमेकी युवक विमलले अनुहारमा एसिड छ्यापिदिएर चक्कुले शरीरका विभिन्न भागमा आक्रमण गरेका थिए ।

स्वास्थ्यमा सुधार

हाल बसन्तीको स्वास्थ्यमा सुधार आएको छ । उनी खतरामुक्त हुँदै गएकी अस्पतालको भनाइ छ । एसिडले श्वासप्रश्वासमा असर गरेर अवस्था जटिल हुन्छ की भनेर डराएका चिकित्सकहरु अहिले बसन्तीको स्वास्थ्यमा सुधार आएकोमा खुसी छन् । उपचारको नेतृत्व गर्दै आएका अस्पतालका डाक्टर सुरेश प्रधानले बसन्ती खतरामुक्त भएको बताए ।

हाल बसन्तीको नाकमा लगाइएको पाइप हटाइएको छ भने फोक्सो नजिक राखिएको पाइप पनि निकाल्ने तयारी गरिएको छ । उनको दायाँ आँखा ठीकै छ भने, बायाँ आँखामा केही असर छ । यद्यपि उनका दुवै आँखा भने जोगिएको डा. प्रधानले बताए । डा. प्रधानका अनुसार बायाँ आँखामा ‘भिजुअल क्लिरिटी’ भने छैन ।

उनको दायाँ र बायाँ गालामा चक्कु प्रहार भएका घाउहरु पनि निको हुँदैछन् । चक्कु आक्रमणबाट उनको दायाँ गालाको हड्डी नै फुटेको छ । बायाँ छातीमा प्रहार भएको चक्कु करङ छेडेर फोक्सोको नजिक पुगेको थियो ।

युवक विमलले बसन्तीको बायाँ तर्फको पेटमा नै प्रहार गरेको छुराबाट सानो आन्द्रा बाहिर निस्किएको थियो । त्यो ठाउँमा पनि सुधार भएको छ । ‘अहिले सामान्य खाने, बोल्ने, हेर्ने गर्न सक्नु भएको छ,’ डा. प्रधानले भने, ‘अहिले नै वार्डमा सार्दा बिरामीलाई संक्रमण हुनसक्छ, केही दिनपछि वार्डमा सारिने छ ।’

एसिडले डढेको स्थानमा सर्जरीका लागि सम्बन्धित चिकित्सकसँग परामर्श लिने तयारी गरिएको छ । चितवन मेडिकल कलेजका सर्जरी सम्वन्धी चिकित्सक डा. बुद्धि अधिकारीलाई अस्पतालमा नै बोलाएर बसन्तीको छालामा के गर्ने भन्नेबारे आज सल्लाह लिइने डा. प्रधानले जानकारी दिए ।

विमललाई ज्यान मुद्दा, बसन्तीसँग बयान लिइने

बसन्ती माथि एसिड हान्ने विमल शिर्पालीलाई असोज ८ गते नै प्रहरीले पक्राउ गरेको थियो । उनलाई ज्यान मार्ने उद्योग अन्तर्गत मुद्दा दर्ता गरिएको छ । जिल्ला अदालत नवलपुरबाट ७ दिन म्याद थप गरेर उनलाई प्रहरी हिरासतमा राखिएको छ । सोमवार फेरि म्याद थप गरिने नवलपुर प्रहरी प्रमुख रमेश थापाले जानकारी दिए । उनीसँग थप अनुसन्धान भैरहको उनले बताए ।

एसिड आक्रमणको मुद्दामा ५ देखि ८ वर्षसम्म जेल सजायको व्यवस्था छ । तर, ज्यान मार्ने उद्योगमा अधिकतम १० वर्षसम्म जेल सजायको व्यवस्था छ ।

यसैबीच, नवलपुर प्रहरीले पीडित बसन्तीसँग पनि बयान लिने तयारी गरेको एसपी थापाले जानकारी दिए । उनको स्वास्थ्यमा क्रमिक सुधार हुँदै आएको जानकारी प्रहरीलाई प्राप्त भएकाले चिकित्सकको सल्लाहअनुसार बयानका लागि भरतपुर अस्पताल जाने बताए । आज-भोलिमा नै बसन्तीसँग बयार लिने तयारी प्रहरीको छ ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog