Tuesday, December 11, 2018

‘निक इलेक्ट्रो टेक-२०१८’ पुष ६ देखि शुरु हुने

२५ मंसिर, काठमाडौं । काठमाडौंमा आउँदो पुष ६ गतदेखि इलेक्ट्रीक तथा इलेक्ट्रोनिक्स सामाग्रीहरुको अन्र्तराष्ट्रिय स्तरको बृहत प्रदर्शनी एवं गोष्ठीको नवौं संस्करण ‘निक इलेक्ट्रो टेक-२०१८’ हुने भएको छ । विद्युत् तथा विद्युतीय सामग्रीहरुको व्यवसाय विकास एवं यस क्षेत्रसँग आवद्ध आन्तरिक र अन्तर्राष्ट्रिय व्यापारको सहजीकरण एवं प्रवर्द्धनका लागि नेपाल विद्युतीय व्यवसायी महासंघको आयोजनामा पुष ६ गतेदेखि १० गतेसम्म भृकुटीमण्डपमा प्रदर्शनी हुन लागेको हो ।

उर्जा तथा विद्युतीय व्यवसायीहरूको समग्र विकास तथा व्यापार प्रवर्द्धनमा टेवा पुर्‍याउने उद्देश्यका साथ यस वर्ष ‘आर्थिक समृद्धिको संवाहक-उर्जा’ भन्ने नारा लिएर निक इलेक्ट्रो टेक २०१८ को आयोजना हुँदैछ ।

राष्ट्रिय एवं अन्तर्राष्ट्रिय इलेक्ट्रीक, इलेक्ट्रोनिक्स, सञ्चार एवं सूचना प्रविधि तथा विद्युतीय एवं वैकल्पिक उर्जा उद्यमीहरूलाई एकै स्थानमा जमघट गराई व्यवसाय प्रवर्द्धन गर्नुको साथै यी उद्योगमा भएका नविनतम उपलब्धीहरू बारे सूचना आदान-प्रदान गर्ने तथा उपभोक्ता वर्गलाई यस सम्बन्धी जानकारी अद्यावधिक गराउन सहयोग पुर्‍याउने लक्ष्य रहेको आयोजक बताउँछ ।

निक इलेक्ट्रो टेक २०१८ मा हल भित्र ५१ वटा ब्लकहरु र हल बाहीर २६ वटा स्टलहरु गरि जम्मा ७७ वटा प्याभिलियन तथा स्टलहरु रहनेछन् । जसमा नेपाली उत्पादन लगायत बहुराष्ट्रिय कम्पनीहरुको उत्पादनहरु, ट्रान्समिसन तथा डिष्ट्रिव्यूसन सामाग्री, उर्जा आपूर्ति तथा नियन्त्रण यन्त्र, हाउस वायरिङ सामाग्री, वायर, केबुल एवं कण्डक्टर, हाउसहोल्ड उपकरण, ल्ााइटिङ्ग, फिक्चर्स, इलेक्ट्रोनिक उपकरण, कार्यालय प्रविधि, बहुसञ्चार उपकरण, सूचना प्रविधि, वैकल्पिक उर्जा तथा अन्य विद्युतीय सामग्रीको प्रदर्शन गरिनेछ ।

प्रदर्शनीमा सहभागी हुने अधिकांश संस्थाहरूले उपभोक्ताहरूसँग प्रत्यक्ष अन्तक्रिया गरी आफ्नाे उत्पादनहरू बारे जानकारी दिनेछन् भने अवलोकन कर्ताको सहजता तथा खरिद गर्न रुचाउने दर्शकहरुका लागि छुट्टै सेल्स एरियाको व्यवस्था गरिने जानकारी आयोजकले दिएको छ ।

इलेक्ट्रो टेकको यस संस्करणमा नेपाल इकरात इन्जिनियरिङ्ग कम्पनी प्रालि (निक) टाइटल स्पोन्सर रहेको छ । यसै गरी प्लाटिनम स्पोन्सरमा महालक्ष्मी वायर एण्ड केवुल प्रालि -महालक्ष्मी केबुल) रहेको छ भने डाइमण्ड स्पोन्सरमा एन.जि. इलेक्टि्रकल्स प्रा.लि.-इलेक्ट्रा इलेक्टि्रक) र श्रीराज देवी इन्टरनेशनल प्रा.लि (सिस्का एलइडी) रहेका छन् ।

त्यस्तै गोल्ड स्पोन्सरमा स्टारसिड टेक्नोलोजी प्रालि (यूएनआई एक्सर्पट लिड लाइटिङ्ग), यूनिलाईट इन्टरनेशनल प्रालि -यूनिलाईफ सूईच), शुभम इलेक्ट्रीकल्स-मोनोलाईट) र अमिलि पावर एण्ड इनर्जि प्रा.लि.-लेकिसे एलइडी.) रहेका छन् ।यसै गरी बैंकिङ्ग पार्टनरमा एनआईसी एशिया बैक लि, अफिसिएल इन्स्युरेन्समा सिद्धार्थ इन्स्योरेन्स लि, अफिसिएल कार्गोमा एस केबी कार्गो सर्भिसेस् रहेका छन् ।

निक-इलेक्ट्रो टेक २०१८ लाई भव्यता प्रदान गर्न तथा प्रदर्शनी प्रति ऐक्यवद्धता जनाउन सहयोगी संस्थामा नेपाल उद्योग वाणिज्य महासंघ, नेपाल चेम्बर अफ कर्मश, स्वतन्त्र उर्जा उत्पादक संस्था नेपाल, नेपाल इन्जिनियर्स एसोसिएशन, नेपाल सौर्य विद्युत उत्पादक संघ, सोसाइटी अफ कन्सल्टीङ्ग आर्किटेक्चरल एण्ड इन्जिनियरिङ्ग र्फमस, नेपाल लघु जलशक्ति विकास संस्था, सोसाइटी अफ इलेक्ट्रकल इन्जिनियर्स नेपाल, नेपाल विद्युतीय बस्तु उत्पादक संघ, नेपाल इलेक्टि्रकल कन्ट्रयाक्टर एसोसिएशन र सोसाईटी अफ नेप्लिज आर्किटेक्टस् लगायत सरोकारवाला संस्थाहरूको सहयोगी संस्थाको रुपमा यस आयोजनामा सहभागिता रहेको छ ।

इलेक्ट्रो टेकको यस नवौं संस्करणमा निक, महालक्ष्मि, इलेक्ट्रा इलेक्ट्रीक, सिस्का, मोनोलाईट, यूनिलाईफ, यूएनआई एक्सर्पट, लेकिसे, स्नाइडर, लेग्रो, एच.पि.एल., सि एण्ड एस, फिलिप्स, हेभल्स, सिमेन्स, एल एण्ड टी, क्रम्टन, उषा, एंकर, ओरियन्ट, राठी लगाएतका स्वदेशी तथा विदेशी ब्राण्डहरूको सहभागिता रहने छ ।

प्रदर्शनीलाई सहभागीमुलक एवं सुचनामुलक बनाउनका लागि विभिन्न विषयमा गोष्ठी, कार्यपत्र प्रस्तुती तथा अन्र्तक्रिया कार्यक्रमहरू सञ्चालन हुने छन् । पाँच दिनसम्म चल्ने प्रर्दशनीमा देश भित्र तथा बाहिरबाट गरी एक लाख भन्दा बढीले अवलोकन गर्ने आयोजकको अपेक्षा छ ।

Continue Reading…

निर्दोषलाई थुन्न प्रधानमन्त्री तहबाटै आउँछ दबाव !

२५ मंसिर, काठमाडौं । निर्मला पन्तको बलात्कारपछि हत्याको घटनामा निर्दोषलाई थुनेर अपराधी लुकाएको आरोप सरकार र प्रहरीमाथि लाग्दै आएको छ । पछिल्लो पटक प्रदीप रावल पक्राउ गर्दा पनि प्रहरी यो आरोपबाट मुक्त भएको छैन । जबकी उनले अपराध स्वीकार गरेको प्रहरीको दाबी छ ।

पूर्वप्रधानमन्त्री डा. बाबुराम भट्टराईले निर्मला प्रकरणमा प्रहरीमाथि प्रश्न गर्दै ट्वीट गरे ।

तर, उनको ट्वीट उनैलाई भारी परेको छ ।

भट्टराई प्रधानमन्त्री हुँदा एउटा घटनामा निर्दोष व्यक्ति थुन्न प्रधानमन्त्री तहबाटै दबाव दिएको पूर्वप्रहरी अतिरिक्त महानिरीक्षक देवेन्द्र सुवेदीले खुलासा गरेका छन् ।

हाल नयाँ शक्ति पार्टीका संयोजक रहेका भट्टराईले ट्वीट गरे, ‘निर्मला प्रकरणमा यो दुई तिहाइको सरकार र संसारमा ‘बहादुर’ कहलिएको सुरक्षा संयन्त्रको जग हँसाइ देख्दा देश हेर्दाहेर्दै फेल्ड स्टेट हुने खतरा पो देखियो । हामीसँग अपराध अनुसन्धानको न्यूनतम दक्षता पनि नभएको हो कि अपराध ढाकछोप गर्ने र संसारलाई मूर्ख बनाउने अति दक्षता भएको हो ? केही लाज भए बोलौं ।’

जवाफमा पूर्वएआईजी सुवेदीले उनलाई अनामनगरको एउटा आत्महत्याको घटना स्मरण गराएका छन्, जतिबेला भट्टराईले निर्दोष व्यक्तिलाई थुन्न दबाब दिएको उनको भनाइ छ ।

सुवेदीका अनुसार अनामनगरमा ३१ वर्षीया सरस्वती सुवेदीले मृत अवस्थामा भेटिएकी थिइन् । घटनाको अनुसन्धानका लागि तत्कालिन एसपी गणेश थापाको नेतृत्वमा डीएसपी मीरा चौधरी (हाल एसपी) सहितको टोली खटिएको थियो ।

टोलीले सुवेदीले आत्महत्या नै गरेको निश्कर्ष निकाल्यो । पोष्टमार्टम रिपोर्टले पनि त्यही संकेत गर्‍यो ।

तर, मानवअधिकारवादीले सडक तताउन थालेपछि तत्कालीन प्रधानमन्त्री डा. भट्टराईले निर्दोष व्यक्तिलाई थुन्न दबाव दिएको पूर्वएआईजी सुवेदीको दाबी छ ।

डा. भट्टराईको ट्वीटको जवाफ फर्काउँदै उनले लेखेका छन्, ‘अनामनगरको एउटा आत्महत्याको घटनामा प्रहरी अनुसन्धानकर्ताहरुको तथ्यपरक अनुसन्धानलाई ठाडै नकारेर तपाईंले जारी गरेको प्रधानमन्त्रीय दबाबमा एउटै परिवारका निर्दोष बाबुआमा र एसएलसी दिँदै गरेको किशोर छोरा प्रहरी अभियुक्तको रुपमा हनुमान ढोकामा २५ दिन थुनिँदाको प्रसंग के गर्ने नि ?’

उनको जवाफमाथि डा. भट्टराईले कुनै प्रतिक्रिया जनाएका छैनन् । त्यो घटनामा ‘प्रधानमन्त्रीको चाहना’ भन्दै निर्दोषलाई थुन्न प्रहरीलाई दबाव दिइएको उनको आरोप छ । त्यतिवेला कुवेरसिंह रानाले प्रहरीको नेतृत्व गरेका थिए भने महानगरीय प्रहरी कार्यालय (मेट्रो) मा नवराज ढकाल एआईजी थिए ।

‘एनजीओहरुको दबावमा निर्दोषलाई थुन्ने खोजेपछि मैले तत्कालीन आईजी सा’बकै अगाडि पनि डिफेन्स गरेको थिएँ’, सुवेदीले अनलाइनखबरसँग भने, ‘त्यो दिन अझै पनि याद छ, मैले आईजी सा’बको कोठामा दिइएको चिया पनि नखाइ निस्केको थिएँ ।’

‘धन्न उनीहरुमाथि मुद्दा चाहिँ चलेन’, उनले स्मरण गरे ।

निर्मला प्रकरणमा पनि दबाव होला ?

पूर्वएआईजी सुवेदीको ट्वीट अनुसन्धान अधिकारीहरुलाई आउने दबावको एउटा उदाहरण मात्र हो । तर, ढिलै भएपनि सार्वजनिक गर्ने साहस उनले गरेका छन् ।

अन्य प्रहरी अधिकारीहरु पनि अनौपचारिक कुराकानीमा माथिल्लो तहबाट दबाव आउने गरेको स्वीकार गर्छन् तर, सार्वजनिक रुपमा राख्न सक्दैनन् ।

सोमबार राष्ट्रियसभाको सुशासन समितिमा सांसदहरुले प्रहरी महानिरीक्षक सर्वेन्द्र खनाललाई अनुसन्धानमा कसैको दबाब भए/नभएकोबारे जिज्ञासा राखेका थिए । जवाफमा खनालले आफूलाई दबाव नभएको र आफूले पनि नदिएको दाबी गरे ।

पूर्वएआईजी सुवेदी कतिपय अनुसन्धानमा माथिकाले थिच्ने गरेको बताउँछन् । भन्छन्, ‘यदि अनुसन्धान व्यवसायिक छ धेरै हदसम्म दबावले काम गर्दैन ।’ अनुसन्धान अधिकारीहरु व्यवसायिक रुपमा सन्तुष्ट नभएसम्म अनुसन्धान जारी राख्नुपर्ने उनी बताउँछन् । कसैको आदेश आउँछ भने ‘लिगल’ आउनु पर्ने उनी बताउँछन् ।

यो पनि पढ्नुहोस सांसदलाई आईजीपी खनालको चुनौती : दबाव दिएको भेटिए मेरो बर्दी फुकालिदिनुस्
Continue Reading…

आईएमई लाईफ ईन्स्योरेन्ससँग बैंकास्योरेन्स सम्झौता

२५ मंसिर, काठमाडौं । एनआईसी एशिया बैंक लिमिटेडले आईएमईर् लाईफ इन्स्योरेन्स कम्पनी लिमिटेडसँग बैंकास्योरेन्स सम्झौता गरेको छ । सम्झौता अनुसार अब यस बैंकका ग्राहकले मुलुकभर फैलिएको २७० वटै शाखाहरुबाट सहज रुपमा आईएमई लाईफ इन्स्योरेन्स कम्पनी लिमिटेडको जीवन बीमा पोलिसीहरु खरिद गर्न सक्नेछन् ।

सम्झौतापत्रमा बैंकको तर्फबाट बैंकका प्रमुख कार्यकारी अधिकृत रोशन कुमार न्यौपाने र इन्स्योरेन्स कम्पनीको तर्फबाट प्रमुख कार्यकारी अधिकृत चन्द्र भट्टले हस्ताक्षर गरे ।

एनआईसी एशिया मुलुकभर २७० शाखा कार्यालयहरु, २८५ एटिएम, ३७ वटा एक्स्ाटेन्सन काउण्टर एवं २० वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हो ।

Continue Reading…

छत्तीसगढमा कमजोर कांग्रेसलाई जीतको बाटो देखाउने नेता

भूपेश बघेलको कालो रंगको एसयूभीको माइलो मिटरले देखाउँछ कि यो गाडी अहिलेसम्म १ लाख ९७ हजार किलोमिटर गुडिसक्यो ।

उनका ड्राइभरका अनुसार यो गाडी मार्च २०१५ देखि उनीसँग छ । अध्यक्ष बनेपछि उनले दुईवटा गाडी प्रयोग गरेका छन्, त्यसलाई पनि जोड्ने हो भने अहिलेसम्म २ लाख ७५ हजार किलोमिटर यात्रा गरेका छन् ।

यसले बताउँछ कि पछिल्लो ५ वर्षमा प्रदेश कांग्रेस कमिटीको अध्यक्ष भएपछि भूपेशले कसरी सानो प्रदशेमा ठूलो यात्रा गरे, जुन सवारीसँग मात्र जोडिएको छैन । उनले पछिल्लो ५ वर्षमा विभिन्न मुद्दामा एक हजार किलोमिटर पदयात्रा पनि गरेका छन् ।

भूपेश बघेलले त्यतिबेला अध्यक्ष पद सम्हाले, जतिबेला प्रदेशमा कांग्रेसका शीर्ष नेताहरु झीरम घाटीमा कथित नक्सली आक्रमणमा मारिए । उनले पार्टीको कमाण्ड सम्हाल्दा कार्यकर्ता हतार र निराश थिए र लोकसभा चुनाव नजिकिएको थियो ।

उनले लोकसभा चुनावमा कुनै करिश्मा देखाएनन् । तर, प्रदेशमा कांग्रेसको गाडीलाई नयाँ ट्र्याकमा ल्याउन काम सुरु गरे । चाहे राशन कार्ड कटौतीको मुद्धा होस् वा किसानको धान खरिद र बोनसको मुद्दा होस् । उनले कांग्रेसलाई सडकमा उतारे ।

कांग्रेसका महामचिव अटल श्रीवास्तव भन्छन्, ‘कांग्रेसका कार्यकर्ताले आन्दोलन गर्न बिर्सिसकेका थिए । भुपेश बघेलले पुरै प्रदेशमा आन्दोलन गर्न सिकाए ।’

पछिल्लो पाँच वर्षमा कांग्रेस कार्यकर्ताले सरकारको गलत नीतिको जति विरोध गरे, त्यति रमन सिंहको पछिल्लो दुई कार्यकालमा कहिल्यै भएको थिएन ।

आक्रमक शैली, कडा बयान

भुपेश बघेलको छवि प्रदेशमा एक चलाख नेताका रुपमा छ । जब उनी प्रदेशको भ्रमण जान्छन्, कांग्रेसका युवा कार्यकर्ता नारा लगाउँथे, हेर हेर को आयो, छत्तीसगढको शेर आयो ।’

यो नाराको कारण छ, भूपेशले पछिल्लो ५ वर्षमा जसरी भारतीय जनता पार्टीको सरकार र खासगरी मुख्यमन्त्री रमन सिंहविरुद्ध लडे, यसले कार्यकर्ताको मनोबल निकै बढेको छ ।

उनले रमन सिंह र उनको परिवारको कथित भ्रष्टाचारको मामिला एकपछि अर्को उजागर गरे, शक्तिशाली नोकरशाहलाई खुलेआम चुनौती दिए, उसले राज्यमा कांग्रेसको छवि बदलियो । अन्तागढ उपचुनावमा गलत गर्ने आफ्ना कार्यकर्तालाई निष्काशित गरेपछि उनको छवि ‘हिम्मतवाला’ नेताको रुपमा बन्यो । यो बीचमा थुप्रै नेता मुख्यमन्त्री रमन सिंहको मित्र बने र सरकारी विमान र हेलिकोप्टरको सुविधा भोगे ।

पत्रकार विनोद शर्मालाई समर्थन

यो लडाई न भूपेशका लागि सहज थियो न कांग्रेस कार्यकर्तालाई । रमन सिं सरकारले भूपेशलाई पटक पटक घेरा हाल्ने कोशिस गर्‍यो । भ्रष्टाचार निरोधक शाखाले भूपेश, उनकी आमा र पत्नीविरुद्ध एफआईआर दर्ता गर्‍यो । जवाफमा उनले आफ्नो विरामी आमा र पत्नीलाई लिएर गिफ्ताारी दिन एसपीबीको कार्यालय पुगे ।

प्रदेशका एकमन्त्री राजेश मूणतको कथित अश्लील सीडीको मामिलामा जब पत्रकार विनोद बर्माको गिरफ्तार भयो, उनले रायपुरमा पत्रकार सम्मेलन गरे र हातमा सीडी हल्लाउँदै भने, यो सीडी राख्दा गिरफ्तार हुन्छ भने मेरो हातमा पनि छ, मलाई पनि गिरफ्तार गर सरकार ।’

रमन सिंह सरकारले उनलाई गिरफ्तार त गरेन तर, सीडी बाँडेको रिपोर्ट दर्ता गर्‍यो र सीबीआईलाई मुद्दा सुम्पियो । उनीविरुद्ध अश्लील सीडी बाँडेको आरोपमा एफआईआर दर्ता भयो तर, उनले जमानत लिन मानेनन् र जेल गए ।

उनले पार्टीलाई बुथ स्तरमा पुर्‍याए । राष्ट्रिय स्तरमा आरएसएससँग राहुल गान्धीमात्र खुला लडाई लडिरहेको देखिन्थे तर, छत्तीसगढमा यो कमाण्ड भूपेशले सम्हाले । फेसबुकमा खुला चिठ्ठी लेखेर आरएसएसलाई देशको सबैभन्दा पाखण्डी संगठनको संज्ञा दिए ।

बीबीसी हिन्दीको सहयोगमा

Continue Reading…

हुन्डाईको ‘टुशान-२०१९’ नेपालमा

२५ मंसिर, काठमाडौं । हुन्डाइका लागि नेपालका आधिकारिक विक्रेता लक्ष्मी इन्टरकन्टिनेन्टल प्रालिले एसयूभी टुशन २०१९ नेपाली बजारमा भित्राएको छ ।जसमा नवीनतम तथा पि्रमियम सङ्गालो छ ।

नयाँ टुशन आकर्षक विशेषताहरुले सु-सज्जित छ, जसले गर्दा यो गाडीको पावर, सुविधा तथा लक्जरी खोज्ने सम्पूर्ण व्यक्तिहरुको सहि छनौट हुनेछ । नवीनतम ड्राइभिङ प्रविधिहरु सहितको नयाँ टुशनमा कडा सुरक्षाको प्रावधानहरु राखिएको छ ।
नयाँ टुशनको बनौट निकै नै आकर्षक छ, जस अन्तर्गत नयाँ डिजाइनको लेडल्याम्प, र्‍याडियटर गि्रल, पाङग्राको बनोट, पछाडीको बर्‍ती र बम्परको सम्मिश्रण रहेको छ ।

यसमा आन्तरिक स्पेश अत्याधिक हुनुका साथै संसारकै विशिष्ट प्रविधिहरुको प्रयोग गरिएको छ । नयाँ टुशनमा चालक/सह-चालकको ८ भिन्न तहको सिट समायोजन सुविधा, अगाडिको सिट तताउन मिल्ने विशेषता सहितको सम्पूर्ण छालाको सिट कन्ट्रोल, ताररहित स्मार्टफोन चार्जिङ्ग सुविधा, पछाडीको सिट ढल्काउन मिल्ने तथा ड्राइभ मोडको विकल्प पनि रहेको छ ।

Continue Reading…

मिटरमा नजाने ट्याक्सी चालकको लाइसेन्स निलम्बन गरिने

२५ मङ्सिर, काठमाडौं । ट्याक्सी चालकको लापरवाही नियन्त्रणका लागि प्रहरीले चालक अनुमतिपत्र निलम्बन गर्नेसम्मको कारवाही थालेको छ ।

नियम उल्लङ्घन गर्ने ट्याक्सी चालकको अभिलेख राख्न शुरु गरिएको र पाँच पटकभन्दा बढी नियम उल्लङ्घन गर्नेको अनुमतिपत्र नै निलम्बन हुने गरी विशेष अभियान शुरु गरिएको महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक वसन्तकुमार पन्तले जानकारी दिए ।

उनका अनुसार यातायात व्यवस्था विभागसँगको समन्वयमा उक्त अभियान शुरु गरिएको हो । मुख्यगरी मिटरमा जान नमान्ने, बढी भाडा लिने, खाली भएर पनि जान नमान्ने, मिटर बिगार्ने, बिग्रिएको मिटर नबनाउने र यात्रुको गन्तव्यमा नजाने ट्याक्सी चालक बढी छन् । उनीहरुलाई सादा पोशाकमा खटिएका प्रहरीले पहिचान गरी जरिवाना तिराएर अभिलेख राख्न थालिएको महाशाखाका प्रवक्ता एवं प्रहरी उपरीक्षक जयराज सापकोटाले जानकारी दिए ।

‘मङ्सिर २० गतेदेखि ट्याक्सी चालकलाई कारवाही शुरु गरेका छौँ’, प्रवक्ता सापकोटाले भने, ‘पाँचपटक कारवाहीमा पर्‍यो भने अनुमतिपत्र निलम्बन हुन्छ ।’ उक्त अभियानका लागि प्रहरी निरीक्षकको नेतृत्वमा ५० भन्दा बढी ट्राफिक प्रहरीलाई सादा पोशाकमा खटाइएको छ ।

पहिचान हुनेबित्तिकै उनीहरुलाई महाशाखामा ल्याइने, तीन हजार  रुपैयाँ जरिवाना तिराइने र उनीहरुको अभिलेख राखिनेछ । लगातार पाँच पटकसम्म तीन हजार रुपैयाँका दरले जरिवाना लाग्ने र त्यसपछि नियम उल्लङ्घन गरेको पाइए अनुमतिपत्र निलम्बनका लागि यातायात व्यवस्था विभागमा सिफारिश गरिने सापकोटाले बताए ।

सवारी तथा यातायात व्यवस्था ऐन, २०४९ मा चालक अनुमतिपत्र निलम्बन गर्न सकिने व्यवस्थाअनुरुप ट्याक्सीबाट कारवाही थालिएको हो । उक्त ऐनको दफा ६० मा नियमबमोजिम चालकले पालन गर्नुपर्ने शर्त पाँच पटकभन्दा बढी उल्लङ्घन गरेको प्रमाणित भएमा अधिकार प्राप्त अधिकारीले त्यस्ता चालकको अनुमतिपत्र छ महिनासम्मका लागि निलम्बन गर्न सकिने व्यवस्था छ । सोही ऐनलाई टेकेर ट्राफिक प्रहरीले कारवाही थालेको हो ।

अहिले दैनिकजसो करीब १०० सम्म ट्याक्सी चालक कारवाहीमा परिरहेको ट्राफिक प्रहरी महाशाखाले जनाएको छ । यस्ता समस्या भए प्रहरीलाई खबर गर्नसमेत महाशाखाले आग्रह गरेको छ ।

महाशाखाको तथ्याङ्कमा आर्थिक वर्ष २०७०/७१ मा चार हजारभन्दा बढी चालक कारवाहीमा परेका थिए । आव २०७४/७५ मा आइपुग्दा त्यसको दोब्बर आठ हजार १२० ट्याक्सी चालक कारवाहीमा परेका छन् ।

चालू आवको मङ्सिर २४ सम्ममा तीन हजार ३२० चालक कारवाहीमा परेको अभिलेखले विश्लेषण गर्दा चालकको लापरवाही बढिरहेको देखाउँछ । त्यसैले अभिलेख राखेर अनुमतिपत्र निलम्बन गर्नेसम्मको कारवाही थालिएको महाशाखाका प्रवक्ता सापकोटाले बताए । प्रहरीका अनुसार काठमाडौँमा नौ हजारभन्दा बढी ट्याक्सी गुड्ने गरेका छन् ।

Continue Reading…

माछापुच्छ्रे बैंक र यूकेएड सक्षमबीच सम्झौता

२५ मंसिर, काठमाडौं । माछापुच्छ्रे बैंक लिमिटेड र यूकेएड सक्षम एक्सेस टू फाइनान्स कार्यक्रमबीच सम्झौता भएको छ । जसअन्तर्गत नेपालभरका १४ वटा जिल्लाका सेवाबाट बञ्चित समूहलाई सरलीकृत लघुवित्त सेवा प्रदान गरिनेछ । सम्झौतापत्रमा माछापुच्छ्रे बैंकका प्रमुख कार्यकारी अधिकृत निरजकुमार श्रेष्ठ र सक्षमका टोली प्रमुख बलजित भोहराले हस्ताक्षर गरेका थिए । कार्यक्रममा दुवै संस्थाका प्रतिनिधिको उपस्थिति थियो ।

‘सरलीकृत लघुवित्त सेवा’ परियोजनाले मध्य तथा सुदूरपश्चिमाञ्चल विकास क्षेत्रका बाँके, दाङ, कैलाली, कञ्चनपुर, रूपन्देही र सुर्खेत जिल्ला र मध्यमाञ्चल विकास क्षेत्रको धादिङ जिल्ला गरी सात जिल्लामा २० वटा शाखारहित बैंकिङ सेवा स्थापना गर्नेछ ।

कार्यक्रममा माछापुच्छ्रे बैंक लिमिटेडका प्रमुख कार्यकारी अधिकृत निरजकुमार श्रेष्ठले परियोजनाको तीन वर्षे अवधिमा माछापुच्छ्रे बैंक लिमिटेडले आफ्नो शाखारहित बैंकिङ सेवाको माध्यमबाट नौ हजारभन्दा बढी हितग्राहीलाई सेवा पुर्याउने लक्ष्य लिएको बताए ।

यसको अतिरिक्त हाम्रो वित्तीय साक्षरता अभियानको माध्यमबाट १३ हजार हितग्राहीसम्म पुग्ने लक्ष्य लिएको श्रेष्ठले बताए ।त्यसैगरी, सक्षमका टोली प्रमुख बलजित भोहराले दुर्गम ग्रामीण क्षेत्रमा औपचारिक वित्तीय संस्थाको अभावले गर्दा स्थानीय व्यक्ति स्थानीय ऋणदाता अत्यन्त उच्चदरमा ऋण लिन बाध्य छन् ।

Continue Reading…

दराज १२.१२ क्याम्पेनः अनलाइन किनमेलको नयाँ युग !

२५ मंसिर, काठमाडौं । दराजमा प्रयोगकर्ताको किनेमल अनुभवलाई अझै स्तरीय बनाउन नयाँ विशेषताहरु थपिएका छन् । दराज १२.१२ अभियान अन्तर्गत यही डिसेम्बर १२ तारिखसम्म क्रेताहरुले चुनिएका महिला र पुरुषका फेसन, घरायसी उपकरणहरु, मोबाइल फोनहरु, खाद्य-सामग्रीहरु, जीवनशैली, सौन्दर्य र अरु पनि धेरै सरसामानहरुमा ठूलो छुटको अपेक्षा राख्न सक्नेछन् ।

म्यास्ट्री बक्सहरुसँगसँगैं दराजको नयाँ आकर्षणः दराज मल र कलेक्टिबल भाउचरहरुले १२.१२ लाई यो डिसेम्बर महिना वास्तवमै भिन्न अनुभूतियुक्त महिना बनाइ दिने दराजले जनाएको छ ।

नयाँ दराज एप र वेबसाइटको मुख्य मेनुमार्फत् प्राप्त गर्न सक्छन्, जसमा अन्तर्राष्ट्रिय, स्वदेशी साथ साथै माथिल्लो श्रेणीमा रहेका अनलाइन् ब्राण्डहरुको बृहत्तर छनौट रहेका छन् ।

दराजमलका सर सामानहरुको सहुलियतको आनन्द लिन प्रयोगकर्तारुले दराजमललाई या त गृहपृष्ठ, १२.१२ क्याम्प्येन अथवा उनीहरुको मन परेको पि्रय ब्राण्डहरुलाई नामद्वारा खोजी गरेर सजिलै फलो पार्न सक्छन् । दराजमल ब्याचले प्रयोगकर्ताहरुलाई थप गुणस्तरको निश्चिन्तता प्रदान गर्ने कम्पनी बताउँछ ।

अर्को नयाँ विशेषता भनेको कलेक्टिबल भाउचरहरु हुन्, जुन सुविधामय तरिकाले सञ्चय गर्न सकिन्छ र प्रयोगकर्ताको खातामा जम्मा गरेर तिन्को म्याद सकिनु अगावै प्रयोग गर्नुपर्नेछ ।

भाउचरहरु एकपटक सम्बन्धित प्रक्रिया पुरा भएपछि कार्टमा स्वतः नै लागू हुनेछ र सोही प्रक्रिया धेरैवटा भाउचरहरु प्रयोग गर्न सकिन्छ । प्रयोगकर्ताहरुले सम्बन्धित स्टोर, ब्राण्ड अथवा नयाँ दराज एपको गृहपृष्ठमा भाउचर बटनमार्फत् वा १२.१२ क्याम्पेय वा स्टोर पेज अथवा चुनिएका स्टोरहरुलाई फलो गरी सरप्राइज उपहारको रुपमा भाउचरहरु संकलन गर्न सक्छन् ।

आफ्नो खातामा भाउचरहरु थप गर्नलाई केबल कलेक्टलाई ट्याप गरे पुग्दछ । दराजमा थपिएका नयाँ विशेषताहरुका बारेमा दराज नेपालका प्रबन्ध निर्देशक लिनो एह्लेरिङले आफ्नो उत्साहलाई यसरी व्यक्त गर्नु भयो, गएको महिनामा ११.११ ले दिलाएको अपार सफलताले नेपालको ई-कमर्समा एक नयाँ युगको सुरुवात गरेपश्चात् यस पटक स्थानीय उपभोक्ताहरुलाई हामी बिल्कुलै नयाँ विशेषताहरुयुक्त नौलो र अनुपम किनमेलको अनुभव प्रदान गर्ने बताए । दराजको साथमा ध्यानपूर्वक चुनिएका ब्राण्डहरुसहितको मल तपाइंर्ल तपाईको औलाहरुमै पाइनेछ ।

Continue Reading…

पूर्वमा चार्टर माउन्टेन फ्लाइटको आकर्षण बढ्दै

२५ मंसिर, मोरङ । विराटनगरका पर्यटन व्यवसायीले यती एयरल्यान्सको विमान चार्टर गरी शुरु गरेको माउन्टेन फ्लाइटमा विदेशी पाहुना पनि आउन थालेका छन् ।

प्रत्येक शनिवार फ्लाइट गर्ने गरी विराटनगरका व्यवसायीले माउण्टेन फ्लाइट सुरु गरेको तीनसाता भयो । यो अवधीमा ४-५ जना भारतीय पर्यटक पनि सहभागी भएका छन् ।

‘हामीले प्रचार प्रसार नगरी भारतबाट केही पर्यटकहरु आएका छन्’, पर्यटन व्यवसायी भविष श्रेष्ठ भन्छन्, ‘आगामी दुई हप्ताकालागि फ्लाइट लगभग बुक भै सक्यो ।’
उनी माउण्टेन फ्लाइट गर्न आन्तरिक तथा वाहृय पर्यटकहरुले चासो दिइरहेको बताउँछन् ।

यस अघि काठमाडौंबाट मात्र माउण्टेन फ्लाइट हुने गरेको थियो । तर, विराटनगरबाट नै ९ हजार ९ सयमा फ्लाइट हुनथालेपछि आन्तरिक पर्यटन प्रवर्द्धनमा पनि मद्दत पुगेको छ । आन्तरिक पर्यटकहरुको उत्साह र चासोले हौसिएका व्यवसायीहरु हप्तामा दुई पटक फ्लाईट चार्टर गर्ने योजना रहेको बताउँछन् ।

‘भारतमा प्रचार प्रसार गरेर माघपछि हप्तामा २ पटक फ्लाइट गर्न सकिन्छ की भनेर तयारी गरिरहेका छौं’, श्रेष्ठ भन्छन्, ‘चाँडै प्रचारप्रसारका लागि जाँदैछौ ।’

माउण्टेण्न फ्लाइट शुरु गरेपछि भारतबाट चासो राख्नेहरुको संख्या पनि बढेको विराट एसोशिएसन अफ ट्राभल एजेण्ट संघका अध्यक्ष फणिन्द्र अधिकारी बताउँछन् । भारतबाट टोली बनाएर आउनबारे पनि कुरा भइरहेको उनले बताए ।

आन्तरिक तथा वाहृय पर्यटकलाई लक्षित गरी विराटनगरबाट शुरु भएको माउण्टेन फ्लाइट काठमाडौंको भन्दा सस्ता रहेको अधिकारी बताउँछन् ।

विराटनगरबाट माउण्टेन फ्लाइट गर्दा प्रतिव्यक्ती ९ हजार ९ सय रुपैया तिर्नुपर्छ तर, काठमाडौंमा भने प्रतिव्यक्ती ११ हजार ६ सय ५० रुपैया तिर्नुपर्ने अधिकारीले बताए ।

छिटफुट भारतीय पर्यटकहरु पनि आएको बताउँदै उनले प्याकेजमा पर्यटन क्षेत्रको प्रचारका लागि भारत जाने तयारी भएको बताए । पर्यटन व्यवसायीका अनुसार आन्तरिक बजारले मात्र माउन्टेन फ्लाइट धान्ने अवस्था छैन ।

लामो समयदेखिको माग र दबावकाबीच विराटनगरबाट शुरु भएको माउन्टेन फ्लाइटले १ नम्बर प्रदेशको पर्यटन क्षेत्रको विकासमा महत्वपूर्ण टेवा पुग्ने व्यवसायीको विश्वास छ ।

निजी क्षेत्रका पर्यटन व्यवसायीहरूले स्थापना गरेको ‘विराट होलिडेज’ नाममा विराटनगर विमानस्थलबाट उडान शुरु गरिएको हो ।

माउन्टेन फ्लाइटको उद्घाटन गत ८ गते शनिवार प्रदेशका मुख्यमन्त्री शेरधन राईसहित मन्त्रीहरु इन्द्र आङ्बो, जगदिश कुसियैत, प्रदेश सरकारका प्रमुख सचिव केदार न्यौपानेलगायत विभिन्न मन्त्रालयका सचिवहरु, पर्यटन व्यवसायीसहितको टोलीले गरेको थियो ।

५५ मिनेटको माउन्टेन फ्लाइटका क्रममा सर्वोच्च शिखर सगरमाथा, ल्होत्से, कञ्चनजंघा, मकालु, गौरिशंकरलगायतका हिमशिखरहरुको अवलोकन गर्न पाइन्छ ।

व्यवसायीहरुले माउण्टेन फ्लाइटकालागि आएका पर्यटकहरुका लागि होलिडे प्याकेज पनि बनाएका छन् । वाहृय पर्यटकहरुकालागि समय तालिका अनुसार टुर प्याकेज निर्माण गरिएको अधिकारीले बताए ।

Continue Reading…

बाँसबारीमा बेहोस नपारी ट्युमर निकालियो

२५ मङ्सिर, काठमाडौँ । मिर्गी रोग (छारे रोग) भएका २२ वर्षीय सर्फराजको मस्तिष्कबाट ट्युमर निकाल्न नेपाली चिकित्सक सफल भएका छन् ।
बाँसबारीस्थित उपेन्द्र देवकोटा स्मृति नसारोग अस्पतालले बेहोस नपारी उहाँको पहिलोपटक मस्तिष्कको शल्यक्रियाबाट बोलीको केन्द्रविन्दुमा नै रहेको ट्युमर निकालिएको मंगलबार पत्रकार सम्मेलन गरी जानकारी दिइएको हो ।

नसारोग विज्ञेषज्ञ डा प्रत्युश श्रेष्ठ, डा सुरेश विक, डा भुषणकालु श्रेष्ठ, डा शिखा श्रेष्ठ, डा सुरज थुलुङ, डा सुरेश सापकोटा, डा सुमन रिजाल र डा लेखजङ्ग थापाको समूहले ६ घण्टा लगाएर शल्यक्रिया सम्पन्न गरेका थिए ।

बेहोस पारी शल्यक्रिया गर्दा बोली नै जाने सम्भावना रहन्छ ।

Continue Reading…

अर्थमन्त्री भन्छन्- दात आउँदा बच्चालाई ज्वरो आएजस्तो

२५ मंसिर, काठमाडौं । नेपाल स्टक एक्सचेञ्ज -नेप्से) सुचकांक लगातार खस्किएपछि यसले संसदीय समितिमा प्रवेश पाएको छ । तर, अर्थमन्त्री युवराज खतिवडाले अर्थतन्त्रलाई ज्वरो आएको भन्दै खासै असर नपर्ने टिप्पणी गरेका छन् ।

पूर्व अर्थमन्त्रीहरुको बाक्लो उपस्थिति रहेको अर्थ समितिले मंगलबार अर्थमन्त्री युवराज खतिवडा, गभर्नर चिरञ्जीवी नेपाल, धितोपत्र बोर्डका अध्यक्ष रेवतबहादुर कार्की, नेपाल इन्भेष्टर्स फोरमका अध्यक्ष अम्बिका पौडेललाई बोलाएको थियो ।

अर्थतन्त्रलाई ज्वरो आएको छ : खतिवडा

सबैको चासोको विषय भएको सेयर बजारमा अहिले देखिएको समस्या त्यति ठूलो नभएको भन्दै अर्थमन्त्री खतिवडाले आत्तिहाल्नुपर्ने अवस्था भने नरहेको बताए ।

अहिले अर्थतन्त्रमा ज्वरो आएको भन्दै तर त्यो ज्वरो ठूलो रोग भने नभएको बताए । उनले भने, ‘हाम्रो अर्थतन्त्रमा थोरै ज्वरो आएको छ, तर यो ज्वरो बच्चाको दात आउने बेला आएको ज्वरो जस्तो हा । यसले नराम्रो होइन राम्रो गर्छ ।’

साथै सेयर बजारलाई लिएर कुनै पनि निर्णय गर्नुपूर्व विज्ञ समूह बनाएर छलफल गर्न सुझाएका छन् । सेयर बजारको विषयले संसदीय समितिमा प्रवेश पाइसकेकाले यस विषयमा गम्भिर र निष्पक्ष छलफल हुनुपर्ने उनको धारणा थियो ।

उनले भने, कुनै निर्णय हुनु पहिले धितोपत्र बजारसम्बन्धी विज्ञहरु राखेर छलफल गरिनु पर्छ ।’

पछिल्लो ३ वर्षको धितोपत्र बजारको समग्र मूल्यांकन गर्नुपर्ने उनको जोड छ । यसअवधिमा अस्वभाविक माथि गएको भए किन गयो र अस्वभाविक तल झरेको भए किन झर्‍यो भन्ने गहन छलफल हुनुपर्ने अर्थमन्त्री खतिवडाले बताए ।

समितिले बनाउने समूहमा रहने विज्ञहरु सबैलाई स्वीकार्य हुने र कुनै स्वार्थ नभएको हुनु पर्ने उनको शर्त छ । उनले यसबाट आएको सुझाव पालना गर्ने बचन पनि दिए ।

अर्थमन्त्री खतिवडाले केही लगानीकर्ता आत्तिएको भन्दै लगानी गर्नु पूर्व अध्ययन गर्न र कति समय रकम होल्ड गर्न सक्छु भन्ने बुझेर मात्रै लगानी गर्न सुझाव दिए ।

सुधार गर्न खोन्दा राजीनामा मागियो :  गभर्नर

बैठकमा गभर्नर डा. चिरञ्जिवी नेपालले सेयर बजारमा सुधार आवश्यक रहेको बताएका छन् । बजार घटवढले राष्ट्र बैंकलाई फरक नपर्ने भन्दै सेयर बजारका विषयमा गम्भिर हुन धितोपत्र बोर्ड र स्टक एक्सचेञ्जलाई आग्रह गरे ।

सेयर बजार ओरालो लाग्नुमा सरोकारवाला समेत जिम्मेवार रहेको भन्दै उनले भने, ‘सेयर बजारकै लगानीकर्ता र ब्रोकरहरुको पनि केही गुनासो सुनियो । बजार विस्तार भयो भन्ने हामी बर्वाद हुन्छौं भन्ने मानसिकता त्याग्नु पर्‍यो ।’

धितोपत्र बोर्डका पूर्वअध्यक्ष समेत रहेको नेपालले बजार सुधार्न खोज्दा आफूले धेरै आलोचना खेप्नु परेको सुनाए । ‘बोराका बोरा नागरिकताका फोटोकपी हुन्थे । त्यसकै आधारमा सेयर कारोबार हुन्थ्यो, बैंक खाता चाहिन्छ भन्दा मुर्दावादका नारा घन्काएर मेरै राजीनामा मागियो’ उनले भने ।

सेवामूलक लघुवित्त संस्थाहरुको शेयर मूल्य उच्च भएको तर, ८ अर्ब पूँजी भएका वाणिज्य बैंकहरुको सेयर मूल्य अत्यन्तै कम भएको भन्दै उनले यो कसरी भयो भन्ने प्रश्न गरे । ऋण लिएर नभई बचेको पैसा सेयरमा लगानी गर्नुपर्ने बताए ।

बाबुरामको समर्थन, ज्ञानेन्द्रबहादुरको आरोप

बैठकमा पूर्वप्रधानमन्त्री डा. बाबुराम भट्टराईले विज्ञ समूह बनाउनुपर्ने अर्थमन्त्री खतिवडाको मागमा समर्थन जनाए । पूर्वअर्थमन्त्रीसमेत रहेका उनले सेयर बजारका जानकार र विज्ञ व्यक्तिहरुले मात्रैसमस्याको पहिचान गरी समाधान सुझाउन सक्ने भन्दै उनले विज्ञ समूहमा बनाउनुपर्नेमा जोड दिए ।

मुलुक अझै उत्पादनमूखी नभई आयातमूखी नै भएकाले पुँजी बजारलाई एउटा महत्वपूर्ण क्षेत्र मान्नु पर्ने विषयमा सरकार गम्भिर हुनु पर्ने समेत उनले बताए । उनले भने, ‘लगानीकर्ताहरुलाई पनि आग्रह गर्न चाहन्छु, तपाईहरु पनि तत्कालै लाभको अपेक्षा नगर्नुहोस्, पहिले समस्या समाधान गर्नतर्फ लागौं ।’

तर, कांग्रेस सांसद एवं पूर्वअर्थमन्त्री ज्ञानेन्ऽ कार्कीले कम्युनिस्टहरुले सेयर बजार बर्बाद पारेको आरोप लगाए । उनले भने, ‘जब दुईवटा कम्युनिस्ट मिलेर चुनावमा जाने निर्णय गर,े त्यसबेलादेखि नै सेयर बजारको पतन शुरु भएको हो ।’

उनले सेयर बजारका समस्या समाधान गर्न सरकार गम्भीर नभएको आरोप समेत लगाए ।

पूर्वअर्थमन्त्री एवं नेकपाका सांसद सुरेन्द्र पाण्डेले सेयर लगानीकर्तालाई हतोत्साहित हुन दिन नहुने बताए । सेयर बजारमा अहिले देखिएको समस्या सामान्य भएको भए चिन्ता गर्नु नपर्ने तर, गम्भीर हो भने बजार थप विग्रन नदिन सरकारले प्रयास गर्नुपर्ने बताए । जग्गामा गरिएको कर्जा लगानी भन्दा सेयर बजारमा गरिएको लगानी बढी सुरक्षित हुने भन्दै पूर्वअर्थमन्त्री पाण्डेले सेयर बजारमा लगानी गर्ने कर्जाको सीमा समेत बढाउनुपर्ने धारणा राखे ।

‘पुँजी बजारको विस्तार भइरहेको छ’

बैठकमा नेपाल धितोपत्र बोर्डका अध्यक्ष रेवतबहादुर कार्कीले सेयर बजारमा पहुँच विस्तार हुने क्रममा रहेको बताए ।

‘मुलुकको शहरी क्षेत्रमा मात्र होइन, विकट क्षेत्रमा पनि पुँजी बजारको पहुँन बढेको छ, हुम्ला र मनाङमा मात्रै ४/५ सय डिम्याट खाता खुलिसकेका छन्’ उनले भने ।

नेपाल स्टक एक्सचेञ्जका प्रमुख कार्यकारी अधिकृत चन्द्रसिंह साउदले ७५३ वटै स्थानीय तहमा पुँजी बजारको विस्तार गर्ने र प्रविधियुक्त सेयर बजार बनाउने बताए ।

सरकारको हेर्ने दृष्किोण गलत !

सेयर लगानीकर्ताहरुको संगठन नेपाल इन्भेष्टर्स फोरमका अध्यक्ष अम्बिका पौडेलले भने सेयर बजारलाई हेर्ने सरकारको दृष्किोण नै गलत भएको दाबी गरे । सरकारको गलत नीतिकै कारण सेयरको संख्या २ अर्ब १० करोडबाट बढेर ३ अर्ब बढी भएको तर, बजारमा नकरात्मक परेको उनले बताए ।

अर्थ समितिको बैठकमा ब्रोकर एशोसिएसनका अध्यक्ष भरत रानाभाटले ब्रोकर कम्पनीहरुलाई बाइपास गर्न खोजिएको गुनासो गरे । अझै पुँजी बढाउन आफूहरु तयार रहेको तर, आफूहरुलाई सरकारले पनि सहयोग गर्नु पर्ने उनले बताए ।

मर्चेन्ट बैंकर एशोसिएसनका अध्यक्ष धुब्र तिमल्सिनाले सरकार पुँजी बजारको विकासमा प्रतिवद्ध छ भन्ने सन्देश दिन सके सेयर बजारमा सुधार आउने बताए ।

छलफल, छलफलमै सिमित

अर्थ समितिले पुँजी बजारबारे चासो राख्नु र सरोकारवालाहरुबीच सम्वाद गराउनुलाई सकारात्मक नै मान्न सकिन्छ । तर, एउटा बैठकमा छलफल गरेको भरमा कुनै निष्कर्ष निकाल्न सम्भव थिएन । मंगलबारको बैठकमा भयो पनि त्यस्तै ।

सारोकारबालासँगै सांसदहरुले बोले । त्यसपछिसभापति कृष्णप्रसाद दाहालले आमन्त्रण गरेका सबैलाई धन्यबाद दिएर भने, ‘पुँजी बजारले समितिमा प्रवेश पायो । आगामी दिनमा समेत यस्ता छलफल हुनेछन्, आजको बैठक यहीँ अन्त्य गर्दछु ।’

Continue Reading…

डिएभी विद्यालयमा ३ दिने अन्नदान कार्यक्रम सञ्चालन

२५ मंसिर, काठमाडाैं । ललितपुरस्थित डिएभी शुशील केडिया विश्व भारति विद्यालयको मदर टेरेसा सोसल सर्भिस क्लबसम्बद्ध विद्यार्थीहरुले ३ दिने अन्नदान कार्यक्रम आइतबार एक समारोहबिच उद्घाटन गरेका छन् ।

संसारका हरेक बालबालिकाहरु स्वस्थ, सुरक्षीत र खुशी रहन पाउनुपर्ने उद्देश्य र चेतना सहित अन्नदान कार्यक्रम संचालन गरिएको हो । उद्घाटन समारोहमा क्लबसम्बद्ध विद्यार्थीहरुले नेपाल लगायत विश्वका बिभिन्न देशहरुमा बालबालिकाहरुको कहालिलाग्दो भोकमरी र गरिबिको फोटो, भिडियाे, तथ्याङ्कसहित प्रर्दशन गरेका थिए ।

बिभिन्न संघसस्थासंग आवद्ध समाजसेविहरुले विद्यार्थीहरुद्वारा आयोजित गरिबी र भोकमरीको चपेटामा परेका बालबालिकाहरूको सहयोगार्थ गरिएको यस कार्यक्रम निकै प्रंससनिय र मानवकल्याणको लागि उदाहरणिय रहेको उल्लेख गरेका छन् । औपचारिक कार्यक्रमको समापनसंगै विद्यार्थी, शिक्षक र कर्मचारीहरु विद्यालयको खेलमैदानमा आ–आफ्नो घरबाट ल्याइएको विभिन्न खाद्य सामग्री बोकि अन्नदान स्थलमा सहभागि भएका थिए ।

क्लबका अनुसार संकलित खाद्य सामाग्री मेरी वार्ड स्कुल झम्सिखेल ललितपुर, मेरी वार्ड लुभु, ललितपुर, होराक नेपाल, पाटन ललितपुर, रोटरी क्लब अफ पशुपति, काठमाडौं, रेजिना एमिरोस स्कुल, धोबिघाट ललितपुर नवज्योति सेन्टर बालुवाटार, काठमाडौँ, किठ्सा नेपाल काठमाडौ र एन. आर. एन मधु काठमाडौंलाई हस्तान्तरण गरिने छ ।

यस अघि क्लबले सम्पूर्ण विद्यार्थी, शिक्षक र कर्मचारीहरुलाई अन्नदान कार्यक्रममा सहभागि हुन अनुरोध गरेको थियो र सोहि समयमा, स्वच्छ चामल, दाल, पिठो, सुजी, तेल, चिनी, बिस्कुट, कुकिज, चाउचाउ, चिउरा, चना, राज्मा लगायत बिभिन्न प्रकारका खाद्यान्नहरु अन्नदान गर्न सकिने जानकारी गराएको थियो ।

डिएभी विद्यालयले, विद्यार्थीहरुमा सामाजिक मुल्य र मान्यताको यर्थाथ चित्रण र सोहि अनुसारको आचरण विकास गर्ने हेतुले स्कुलको स्थापना भएसगै मदर टेरेसा सोसल सर्भिस क्लब मार्फत विद्यार्थीहरु विभिन्न सामाजिक कार्यमा संलग्न हुदै आएका छन् । यस अघि क्लबले जाडोयाममा विपन्न समुदायको सहयोगार्थ न्याना कपडाहरु वितरण गरेको थियो ।

Continue Reading…

युईएफए च्याम्पियन्स लिगः आज ८ खेल हुँदै बार्सिलोना र टोटेनह्याम आम्नेसाम्ने हुँदै

काठमाण्डौ । युईएफए च्याम्पियन्स लिग फुटबलमा आज विभिन्न आठ खेलहरु संचालन हुँदैछन् ।आज युरोपका महारथी क्लबहरु बार्सिलोना, पेरीस सेन्ट जर्मेन (पिएसजी), लिभरपुल, इन्टर मिलान र टोटेनहम लगायतका क्लबहरु मैदानमा आम्ने साम्ने हुँदैछन् ।

समूह ’बि’ बाट बार्सिलोना र टोटेनह्याम नाउ क्यापमा प्रतिश्पर्धा गर्दै छन । बार्सिलोनाका लागि आजको खेल औपचारिकता मात्र रहेको छ । बार्सिलोना अन्तिम खेल बाँकी रहदै अन्तिम १६ मा प्रवेश गरिसकेको छ । बार्सिलोना १३ अंक जोडेर अंक तालिकाको शीर्ष स्थानमा छ । टोटेनहम ७ अंक सहित दोस्रो स्थानमा छ । ७ अंक नै जोडेको इटालियन क्लब इन्टर मिलान चौथो स्थानमा छ ।

स्टार स्ट्राइकर लियोनल मेस्सीको साथ पाएको बार्सिलोना जित निकाल्दै च्याम्पियन्स लिगमा आफ्नो अपराजित यात्रा कायम राख्ने योजनामा हुनेछ । टोटेनहम भने बार्सिलोनालाई हराएर अन्तिम १६ मा पुग्ने लक्ष्यमा हुने छन् । समूह ’बि’ कै अर्को खेलमा इन्टर मिलानले पीभीएससंग खेल्दैछ । मिलानको लागि पनि यस खेल निर्णायक खेल हुनेछ । मिलानले पिएसजीलाई हराए उसले अन्तिम १६ को यात्रा तय गर्न सक्नेछ ।

समूह ’सी’ अन्तर्गत आज पिएसजीले रेड स्टार बेलग्रेडसंग खेल्नेछ । यस्तै लिभरपुलले नापोलीको सामना गर्नेछ । आजको खेल पिएसजी, लिभरपुल र नापोलीका लागि महत्वपूर्ण रहेको छ । आज जित निकाल्ने टोलीले अन्तिम १६ को यात्रा तय गर्नेछन् ।

The post युईएफए च्याम्पियन्स लिगः आज ८ खेल हुँदै बार्सिलोना र टोटेनह्याम आम्नेसाम्ने हुँदै appeared first on YesKathmandu.com.

Continue Reading…

संसदीय समितिका बैठकमा किन जाँदैनन् सांसद ?

२५ मंसिर, काठमाडौं । संसदको अर्थ समिति र कृषि, सहकारी तथा प्राकृतिक स्रोत समितिको संयुक्त बैठक मंगलबार बिहान ११ बजेलाई तय भएको थियो । तर, साढे १२ बजेसम्म गणपूरक संख्या नपुगेपछि स्थगित गरियो ।

बैठकबाट बाहिरिँदै पूर्वप्रधानमन्त्रीसमेत रहेका अर्थसमिति सदस्य डा. बाबुराम भट्टराईले भने, ‘साथीहरुलाई कुरियो । आउँदै हुनुहुन्छ रे फेरि बस्ला ।’

दिउँसो १ बजे अर्थ समितिको छुट्टै छलफल थियो । संयुक्त बैठक नबसेपछि अर्थ समिति सभापति कृष्णप्रसाद दाहाललाई सोध्यौं अब बस्ने बैठकमा कारेम पुग्छ ? जवाफमा दाहालले भने ‘कोरम नपुगे पनि छलफल चलाइदिन्छु । निर्णय हुँदैन ।’ त्यसैमा सांसद रामकुमारी झांक्रीले थपिन्, ‘हामी कुरा उठाइहाल्छौं । छलफल त गर्नपर्यो नि ।’

पुँजी बजारमा देखिएको समस्याबारे छलफल गर्न दिउँसो १ बजे बोलाइएको अर्थ समिति बैठक करिब साढे १ बजेतिर सुरु भयो । कार्यसूचीअनुसार छलफल चल्यो तर, अन्तिमसम्म पनि गणपुरक संख्या पुगेन र कुनै निर्णय हुन सकेन ।

गणपुूक संख्याबिना नै छलफल

यसअघि पनि अर्थ समितिको बैठक गणपूरक संख्या नपुगेकै कारण तीन पटक बसेको थियो ।

तर, संसदीय समितिमा गणपूरक संख्या नै नपुगेपनि छलफलमा जुट्ने अभ्यास सुरु भएको छ । तर निर्णय भने गरिदैन । कृषि, सहकारी तथा प्राकृतिक स्रोत समिति, राज्य ब्यवस्था तथा सुशासन समिति, शिक्षा तथा स्वास्थ्य समिति लगायतका संसदीय समितिहरु कयौंपटक गणपुरक संख्या नै नपुगी बैठक बसेका छन् ।

छलफल हुने तर, निर्णय नहुने भए पनि एक पटक छलफल भइसकेको भन्दै गणपूरक संख्या पुगेको बेला निर्णय गर्ने प्रचलन पनि छ । ‘समितिको बैठक बोलाइन्छ ।

सदस्यहरुको समयको ख्याल गरिँदैन । बैठक सुरु गर्ने समयमा समिति सदस्यहरुलाई सभापतिले फोन गर्नुहुन्छ । गणपुरक संख्या नै नपुगेपछि छलफल चलाइन्छ र पछि यसअघि छलफल भइसक्यो भन्दै निर्णय गर्नै खोज्दा कतिपय बैठकमा मेरो सभापतिसंग चर्काचर्की नै परेको छ’ एक सांसदले भने ‘यो तरिकाले समिति प्रभावकारी हुदैन ।’

संसद नहुँदा पनि सांसदहरु ब्यस्त

संसद नहुँदा संसदीय समितिहरुलाई गणपूरक संख्या पुर्याउन अप्ठेरो भएको कतिपयको विश्लेषण छ । दशै, तिहार छठ हुँदै स्थानीय तह पुर्वाधार विकास कार्याक्रमलाई देखाएर सांसदहरु राजधानी बाहिर रहेकाले गणपूरक संख्या पुर्‍याउन अप्ठेरो भएको संसदीय समितिका सभापतिहरुको जवाफ थियो । तर, मंसिर लागेपछि त्यो कारण भने फेरिएको छ–सांसदहरु आफन्तको बिहेमा पनि ब्यस्त हुन्छन् ।

समितिहरुलाई गणपूरक संख्या पुर्याउन किन अप्ठेरो परिरहेको भन्ने प्रश्नमा एक समिति सभापति भन्छन् ‘संसद छैन्, कतिपय सांसदहरु जिल्लामै छन् । मंसिरमा बिहेका कार्यक्रम पनि दिनदिनैजस्तो हुन्छ । आफन्तको होस वा आफ्नो क्षेत्रका कसैको, त्यसमा पनि जानैपर्छ ।’

गणपूरक संख्या नपुगेर निरन्तर बैठक स्थगित हुने कारणले सरोकारवालाहरुलाई समितिमा उपस्थित भएर जवाफ दिनुपर्छ भन्ने महसुस गराउनै समस्या भएको कतिपय समितिहरुको गुनासो छ । ‘समितिमा आएर आफ्ना कुरा राख्ने वा जवाफ दिने विषयमा प्रभावकारी होला भन्ने नलागेर पनि कतिपय आउनै चाहनुहुन्न’, एक समिति सचिव भन्छन् ‘आफैँ प्रभावकारी नभएको जस्तो देखिएपछि अर्को पक्षले यसो गर्‍यो भन्नु पनि बेकार छ ।’

बिजनेस नहुनु पनि समस्या

प्रतिनिधिसभा कानुन न्याय तथा मानवअधिकार समितिका सभापति कृष्णभक्त पोखरेलले संसदको हिउँदे अधिवेशन सुरु नहँदा विजनेस नपाएको गुनासो गरेका छन् ।
गत सोमबार समिति बैठकपछि पोखरेलले भनेका थिए, ‘समितिले सरकारलाई संसदको अधिवेशन आह्वान गर्ने सुझाव दिन सक्दैन तर, समस्या छ ।’

Continue Reading…

बैंकको व्याजदर आतंक पछि तर्सियो निजी क्षेत्र, गभर्नरको ध्यानाकर्षण

२५ मंसिर, काठमाडौं । बैंकको व्याजदर अस्वभाविक रूपमा बढेको भन्दै निजी क्षेत्रले नेपाल राष्ट्र बैंकको ध्यानाकर्षण गराएको छ । मंगलबार नेपाल उद्योग वाणिज्य महासंघका अध्यक्ष भवानी राणाको नेतृत्वमा गएको निजी क्षेत्रको टोलिले राष्ट्र बैंकका गभर्नर डा. चिरञ्जीवी नेपाललाई भेटी ध्यानाकर्षण गराएको हो ।

ऋणको व्याजदर अचानक वृद्धि भएको र यसले उद्योगी एवं व्यवसायीलाई ठूलो असर परेको भन्दै महासंघको टोलिले गभर्नर नेपालको ध्यानाकर्षण गराएको हो ।

बैंकहरुले ऋणीको कर्जा तिर्न सक्ने क्षमता विश्लेषण नै नगरी ऋणको ब्याजदर अचानक वृद्धि हुँदा ठूला समस्या सिर्जना हुनसक्ने महासंघको ठहर छ । नेपालका उद्योगको प्रतिस्पर्धी क्षमता विगतको भन्दा ह्रास भएको अवस्थामा बैंकको ब्याजदर वृद्धि हुँदा उद्योग क्षेत्रको लगानी झनै प्रभावित हुने भन्दै अध्यक्ष राणाले गम्भीर भएर यसमा विचार गरिदिन गभर्नर समक्ष आग्रह गरिन् ।

मुलुकमा लगानी वृद्धि गरी बढ्दो व्यापारघाटा कम गर्न स्वदेशी उद्योग व्यवसायलाई प्रोत्साहन गर्न राष्ट्र बैंकबाट आवश्यक सहयोग हुनु पर्ने समेत उनले बताइन् । महासंघले गभर्नर नेपाललाई १८ बुँदे ध्यानाकर्षण पत्र बुझाएको छ । बैक तथा वित्तीय संस्थाको ब्याजदर घट्नुपर्ने, सरकारको पुँजीगत खर्च वृद्धि हुनुपर्ने उनीहरुको माग छ ।

यस्तै संस्थागत निक्षेपकर्ताले बचतमा उच्च ब्याजदर माग्दा बैंकले बचतमा उच्च ब्याजदर तिरी ऋणको ब्याजसमेत वृद्धि हुने भएकाले संस्थागत निक्षेपको सीमा हाल ४५ प्रतिशत रहेकोमा उक्त सीमालाई घटाइ २५ प्रतिशत गरिनुपर्ने, अनौपचारिक अर्थतन्त्रमा रहेको रुपैयाँ औपचारिक प्रणालीमा ल्याउन बैंकमा रुपैयाँ जम्मागर्दाका प्रक्रिया सहज हुनुपर्ने लगायतका माग महासंघले अघि सारेको छ ।

ध्यानाकर्षण पत्र बुझ्दै गभर्नर नेपालले ब्याजदर र तरलताका विषयमा आफू गम्भीर भएको र सहजताका लागि आवश्यक कदम चाल्ने आश्वासन दिए । बैंक तथा वित्तीय संस्थाहरुले पछिल्लो समय धमाधम व्याजदर बढाइरहेका छन् ।

वाणिज्य बैंकहरुको संगठन नेपाल बैंकर्स संघले व्याजदर निर्धारणमा बैंकहरुलाई स्वतन्त्रता प्रदान गरेसँगै निक्षेपको व्याजदर बढाउने होडबाजी नै चलेको छ । निक्षेपको व्याजदर बढेपछि कर्जाको समेत बढ्ने भएकाले समस्यामा परेको उद्योगी व्यवसायीहरु भनाइ छ ।

Continue Reading…

भीरबाट लडेर दार्चुलामा १३ वर्षीय बालिकाको मृत्यु

२५ मंसिर,  दार्चुला । बैतडीमा १३ वर्षीय बालिकाको भीरबाट लडेर मृत्यु भएको छ । दोगाडाकेदार गाउँपालिका-६ सित्तड सलेनाकी १३ वर्षीय बालिका देवकी गोयलाको भीरबाट लडेर मृत्यु भएको हो ।

सोमबार घाँस काट्ने क्रममा भीरबाट खसेकी बालिकाको शव मंगलबार विहान मात्रै फेला परेको मृतकका दाजु गजबहादुर गोयलाले जानकारी दिए । गाउँमै रहेको पञ्चदेवल आधारभूत विद्यालय रिँठेगाउँमा कक्षा ४ मा अध्ययनरत थिइन् ।

सुदूरपश्चिमका  दार्चुला, बैतडी, बझाङ र बाजुरालगायतका पहाडी जिल्लाहरुका महिलाहरुको घाँस काट्ने क्रममा लडेर वर्षेनी मृत्यु  हुने गरेको छ ।  

Continue Reading…

ललितपुरका तोमरको गलत बलिङ एक्सन, ईपीएलमा ब्यान्ड

२५ मंसिर, काठमाडौं । एभरेस्ट प्रिमियर लिग (ईपीएल) क्रिकेटमा ललितपुर प्याट्रियोट्सका भारतीय खेलाडी गौरव तोमरलाई बलिङ प्रतिबन्ध लगाइएको छ ।

अम्पाएरले उनको बलिङ एक्सन अवैध भएको बताएपछि उनको बलिङमाथि अनुसन्धान गरिएको थियो । प्रतियोगिताको टेक्निकल कमिटीले भिडियो एनालाइसिस गर्दा उनको बलिङ एक्सन अवैध भएको ठहर गर्दै प्रतियोगिताभर बलिङ गर्न नपाउने जनाएको हो ।

विराटनगरविरुद्ध ४ ओभर बलिङ गर्दै १० रन खर्चेर ३ विकेट, चितवनविरुद्ध ४ ओभर बलिङ गर्दै १ ओभर मेडनसहित २४ रन खर्चेर १ विकेट लिएका थिए । साथै पोखराविरुद्ध ४ ओभर बलिङ गरेका उनले २६ रन खर्चेका छन् ।

पोखरा राइनोजका सुबेन्दु कारबाहीमा

पोखरा राइनोजका खेलाडी सुबेन्धु पाण्डे खेल भावना विपरीत व्यवहार देखाएकाले कारबाहीमा परेका छन् ।

उनले खेल भावना विपरीत काम गर्नुका साथै आचारसंहिता उल्लङ्घन गरेकाले मंगलबारको म्याच फिको १० प्रतिशत जरिवाना तिराइएको हो ।

मंगलबार भएको पोखरा र विराटनगर वारियर्सबीचको खेलमा पोउल भ्यान मिकेरेनको बलिङमा सुबेन्दु रन नबनाउँदै आउट भएका थिए । जसमा उनले अम्पायरको निर्णयको विरोध गरेका थिए ।

Continue Reading…

टिकेन सेयर बजारकाे हरियाली, नेप्से परिसूचक ३ अंकले घट्यो

२५ मंसिर, काठमाडौं । साताको पहिलो दिन र दोस्रो दिन लगातार दोहोरो अंकले वृद्धि भएको सेयर बजार साताको तेस्रो दिनसम्म आइपुग्दा ओरालो लागेको छ । मंगलबार सेयर बजारमा ३ दशमलव ०८ अंकले ओरालो लागेको हो ।

सेयर बजार ३ अंक भन्दा बढीले घट्दा नेप्से परिसूचक घटेर १ हजार १ सय ४१ दशमलव १० विन्दुमा मा आइपुगेको छ ।  यस अघि सोमबार नेप्से परिसूचक १२ दशमलव ४९ अंकको बढेको थियो भने आइतबार १० दशमलव ८५ अंकले उकालो लागेको थियो ।

नेप्से परिसूचकसहित मंगलबार कारोबार रकममा समेत गिरावट देखिएको छ । दिनभरमा भएको ३ हजार ५ सय ६५ कारोबारबाट १ सय ६४ कम्पनीका १२ लाख ८६ हजार ५ सय ७५ कित्ता सेयर खरिदबिक्री भएका छन् । जसअनुसार कारोबार रकम ३८ करोड ३२ लाख ९३ हजार १ सय २० रुपैयाँ पुगेको छ ।

यस अघि सोमबार ४३ करोड ६७ लाख ५२ हजार ८ सय ५५ रुपैयाँको सेयर कारोबार भएको थियो । मंगलबार कारोबार रकमका आधारमा नेपाल बैंक अग्रस्थानमा देखिएको छ । नेपाल बैंकको मंगलबार १३ करोड ४८ लाख ६१ हजार रुपैयाँ बराबरको सेयर कारोबार भएको छ ।

Continue Reading…

संवैधानिक परिषद तेस्रो पटक स्थगित, प्रधानन्यायाधीश छान्न सकस !

२५ मंसिर, काठमाडौं । संवैधानिक परिषदको मंगलबार साँझ बोलाइएको बैठक पनि स्थगित भएको छ । यससँगै प्रधानन्यायाधीश सिफारिस अझै पर धकेलिएको छ ।

यसअघि मंसिर १७ गते बसेको बैठक अनिर्णित भएपछि २२ गते बोलाइएको थियो । शनिबार परेको भन्दै आज मंगलबार बैठक राखिएको थियो तर, अन्तिम समयमा आएर स्थगित गरिएको हो ।

प्रधानन्यायाधीशको विषयमा प्रधानमन्त्री केपी शर्मा ओली र विपक्षी दलका नेता शेरबहादुर देउवाबीच छलफल हुन बाँकी रहेकाले मंगलबारको संवैधानिक परिषदको बैठक स्थगित भएको स्रोतको भनाइ छ ।

प्रधान न्यायाधीश रिक्त हुनुभन्दा एक महिनाअघि नयाँको नाम सिफारिस गर्नुपर्ने प्रावधान छ । वर्तमान प्रधानन्यायाधीश ओमप्रकाश मिश्र उमेरका कारण पुस १७ गते अवकाश हुँदैछन् ।

संवैधानिक परिषद्को अर्को बैठक पुस ५ गते बोलाइएको छ । नयाँ प्रधानन्यायाधीशका लागि चोलेन्द्रशमसेर जबरा र दीपकराज जोशीको नाम न्याय परिषदले परिषदमा पठाएको छ ।

जोशी यसअघि संसदीय सुनुवाई समितिबाट अस्वीकृत भइसकेकाले चोलेन्द्र प्रधानन्यायधाधीश सिफारिस हुने सम्भावना छ ।

Continue Reading…

मप विश्वविद्यालयको आन्दोलनलाई लिएर सत्तारुढ विद्यार्थी विभाजित

२५ मंसिर, काठमाडौं । मध्यपश्चिमाञ्चल विश्विद्यालयमा पछिल्लो समय चर्केको आन्दोलनको विषयलाई लिएर सत्तारुढ दल नेकपाको विद्यार्थी संगठनमा आवद्ध विद्यार्थीहरु नै विभाजित भएका छन् ।

आन्दोलनका क्रममा केही समयअघि सत्तारुढ नेकपाका विद्यार्थीसहितले मप विश्वविद्यालयका उपकुलपति प्राध्यापक डाक्टर उपेन्द्र कोइरालालाई बाँकेमा अभद्र व्यवहार गरेको भन्ने विषयलाई लिएर विद्यार्थीहरु विभाजित भएका हुन ।

अभद्रव्यवहार गरेको भन्दै उपकुलपतिले मुद्दा दर्ता गरेपछि नेविसंघका नेताहरुसहित अखिल क्रान्तिकारीका केन्द्रीय सदस्य देवीचन्द्र उपाध्याय र अखिलका नेता तथा मप विश्वविद्यालयका स्ववियु सचिव भरत शाही सोमबार पक्राउ परेका थिए ।

पक्राउ परेका नेताहरुलाई रिहाइ गर्न भन्दै अनेरास्ववियुका कार्यबहाक अध्यक्ष रश्मी आचार्य, क्रान्तिकारीका अध्यक्ष रञ्जित तामाङ र नेविसंघका अध्यक्ष नैनसिंह महरले मंगलबार संयुक्त विज्ञप्ति प्रकाशित गरेका छन् । विज्ञप्तिमा रिहाइ नगरिए कडा आन्दोलन गर्ने चेतावनी दिइएको छ ।

यो पनि पढ्नुहोस नेता रिहाइको माग गर्दै तीन विद्यार्थी संगठनले दिए अान्दोलनको चेतावनी

यता अखिलका महासचिव ऐन महरले भने छुट्टै विज्ञप्ति प्रकाशित गरी नेविसंघको भाइ बन्न खोजेको भन्दै कडारुपमा आपत्ति जनाएका छन् ।  उनले भ्रष्ट पदाधिकारीलाई बचाउमा संगठनको लेटरप्याड दुरुपयोग गरेको आरोपसमेत लगाएका छन् ।

महरले जारी गरेको विज्ञप्ति हालै निलम्बित रजिष्ट्रार महेन्द्रबहादुर मल्लको पक्षमा सुरु भएको आन्दोलनसँग केन्द्रित छ । तर, महरले निलम्बित रजिष्ट्रार मल्लको पक्षमा संगठन लागेको आरोप लगाए पनि रिहाइ गर्न माग गरिएका विद्यार्थीहरु यसअघिकै मुद्दामा पक्राउ परेका हुन् ।

दुबै संगठनका प्रदेश कमिटीले समेत आफ्नै पार्टी निकटका उपकुलपतिविरुद्ध आन्दोलन गरेको भन्दै पक्राउ परेका नेताद्वय उपाध्याय र शाहीलाई कारबाहीका लागि सिफारिस गरेका छन् ।

 

Continue Reading…

जनकपुरमा ‘सीता’लाई डोलामा राखेर गंगासागर पुर्‍याइयो

२५ मंसिर, जनकपुरधाम । विवाह पञ्चमी महोत्सव अन्तर्गत पाँचौ दिन मंगलबार मटकोर सम्पन्न भएको छ ।

जनकपुरधामस्थित गंगासागरबाट पवित्र माटो उत्खनन गरी मटकोर विधि सम्पन्न गरिएको हो । जानकी मन्दिरबाट माता जानकीसहितको डोला गंगासागरमा पुर्‍याई विधिवत रुपमा पूजापछि गंगासागरको पवित्र माटो उत्खनन गरी मटकोर विधि समापन गरिएको थियो । त्यही माटोलाई विवाहको दिन यज्ञवेदीमा प्रयोग गरिन्छ ।

राजा जनककी छोरी सीताको प्रतीकात्मक रुपमा सजाइएकी सीता मातालाई डोलामा राखेर गंगासागर पुर्‍याइएको थियो । प्रदेश प्रमुख रत्नेश्वरलाल कायस्थको विशेष उपस्थितिबीच आयोजित मटकोर कार्यक्रममा हजारौको संख्यामा महिला भक्तजनहरुको भीड लागेको थियो ।

त्यसअघि नेपाल भारतमैत्री महिला समाजको आयोजनामा साँस्कृतिक कार्यक्रमको आयोजना गरिएको थियो । मैथिली गायिका बन्दना सिंहलगायत गंगासागरमा उपस्थित महिलाहरुले लोक भाकामा मटकोर गीत गाएका थिए ।

मिथिलाको वैवाहिक परम्परामा छोरीहरुको विवाहको अघिल्लो दिन मटकोर गर्ने गरिन्छ । त्रेतायुगमा भगवान् सीता र रामको विवाहका लागि यज्ञवेदी निर्माण गर्न उक्त सागरबाट पवित्र माटो उत्खनन गरी लगिएकाले बर्सेनी विवाह पञ्चमी महोत्सवमा यसरी माटो लगिने परम्परा रहेको छ ।

मटकोर कार्यमा श्रद्धालु महिला संलग्न भई विवाहसम्बन्धी सान्दर्भिक गीतलाई लोक भाकामा गाउने परम्परा छ । मटकोर कार्य सम्पन्न भएपछि मिथिलाञ्चलमा बदाम, पुरी र खीर वितरण गर्ने चलन रहेको छ ।

यो परम्परा मात्र मिथिलामा सीमित नरही तराईको जिल्लाहरु तथा छिमेकी मुलुक भारतको विभिन्न प्रान्तमा यही परम्पराअनुसार विवाह हुने गरेको छ । मटकोर कार्यक्रममा जन्तीको रुपमा अयोध्याबाट आएका महिला तथा पुरुष भक्तजनहरुको पनि सहभागिता रहेको थियो ।

दिउँसो करिब ३ बजेदेखि विधित रुपमा शुरु भएको मटकोर कार्यक्रम एक घण्टा पश्चात सम्पन्न भएको थियो । शुरुमा प्रदेश प्रमुख रत्नेश्वरलाल कायस्थले पुजा आजा गरेपश्चात गंगासागरमा करिब आधा घण्टाको आरती पश्चात माटो उत्खनन गरी मटकोर कार्यक्रम सम्पन्न गरिएको थियो ।

हेर्नुहोस् तस्वीरहरु

Continue Reading…

एउटै सन्तानमा खुम्चिदै बाबुआमा, एक्लिँदै बच्चाहरु

कुनैबेला बुढापाकाले आर्शिवाद यसरी दिन्थे, ‘सन्तानले डाँडाकाडा ढाकुन् ।’ यो त्यस कालखण्डको कुरा हो, जतिबेला हाम्रो गाउँ-समाजमा जनघनत्व पातलो थियो । मर्दा-पर्दा सहयोग आदन-प्रदान गर्न, दुख-सुख साटासाट गर्न पनि आफन्त, इष्टमित्र, नातेदारको खाँचो हुन्थ्यो ।

समय फेरियो । अनि भन्न थालियो, ‘दुई सन्तान, इश्वरको वरदान ।’ बढ्दो जनघनत्व रोक्न मात्र होइन, पारिवारिक जीवन छरितो र कम खर्चिलो होस् भन्नका खातिर पनि राज्यबाटै यो नारा ल्याइएको थियो । यससँगै जन्मान्तर, बन्ध्याकरण, गर्भनिरोधक विधीहरु व्यापक प्रचलनमा आए ।

यसै अनुसार धेरै दम्पत्तीले दुई सन्तानपछि खाता बन्द गरे । कतिले स्थायी बन्ध्याकरण गरे । कतिले अस्थायी साधनमा निर्भर रहे ।

‘थोरै भए पुगिसरी’ भन्ने मनोभावना दम्पत्तीमा विकास भयो । आर्थिक बोझ, मानसिक बोझ, शारीरिक बोझ कम गर्न उनीहरु सन्तानको संख्या कम गर्दै गए । जति कम बालबच्चा, उत्तिनै सहज भन्ने मानसिकता विकास भयो ।

बढ्दो महंगीले पनि यो मानसिकताले मलजल पाएको देखिन्छ । बच्चाको पालनपोषण, उपचार, रेखदेख, पठनपाठन आदि अत्यधिक खर्चिलो बन्दै गयो । र, अहिले यस्तो समय आएको छ कि धेरै दम्पत्ती एउटै सन्तानमा चित्त बुझाउन थालेका छन् । छोरा होस वा छोरी, एक सन्तानमै सन्तुष्ट हुनेहरु बढिरहेका छन् । यसले लैंगिक विभेदलाई कम गर्न मद्दत मिलेको छ । छोरा र छोरीलाई समान दृष्टिले हेर्न थालिएको छ ।

एउटा बच्चा हुर्काउन दुई जनाको उपस्थिती हुने भयो । एउटा बच्चा पालन पोषणका लागि दुई जनाको सहयोग हुने भयो । एउटा बच्चा पढाउनका लागि दुई जनाको कमाई हुने भयो । तर, एकल सन्तान हुर्काउने, बढाउने कुरा दम्पतीको कोणबाट मात्र सजिलो र गजब भयो । ति बच्चाको तर्फबाट होइन, जो एक्लो हुर्किरहेको छ ।

एक्लिँदै बच्चाहरु

दाजुभाई-दिदीबहिनी नहुँदा अचेलका बच्चा नितान्त एक्लो हुँदै गएका छन् । उनीहरुसँग खेल्ने साथी छैनन् । आमाबुवा दुबै व्यस्त । दुबै बिहान काममा निस्कन्छन् । साँझ घर र्फकेर पनि फुर्सद पाउँदैनन् । आ-आफ्नै काम धन्दामा व्यस्त हुन्छन् ।

यस्तै व्यस्तताले गर्दा धेरै कामकाजी दम्पतीले आफ्ना सन्तानलाई ‘डे केयर सेन्टर’, ‘प्ले गु्रप’, बिद्यालय पठाउने गरेका छन् । ती ठाउँहरुमा बच्चाले बच्चा जस्तै भएर खेल्न पाउँदैनन् । उनीहरुलाई स्वतन्त्रपूर्वक खेल्नका लागि ‘अनुशासन’ले रोक्छ । किनभने ती स्थानहरुमा बच्चाले केही नियम, सर्तहरुभित्र बन्दी हुनुपर्छ ।

दुई वा अढाई बर्षको उमेरमै यसरी बालबच्चा अनुशासनको बन्दी हुन पुग्छन् । उनीहरु जसरी खेल्नुपर्ने, जसरी रुनुपर्ने, जसरी हाँस्नुपर्ने, जसरी खानुपर्ने ती सबै कुरा फरक हुन्छन् । उनीहरु खुलस्त रुन पाउँदैनन्, मनलाग्दो खेल्न पाउँदैनन् । अर्कोतिर बुवाआमाको सामिप्यता गुमाउँछन् ।

घरमै बसेर हुर्किरहेकाहरुसँग पनि खेल्ने साथी हुन्नन् । उनीहरुले कृत्रिम खेलौनासँग रमाउनुपर्ने हुन्छ ।

कृतिम खेलौनालाई उनीहरुले बोलाउँछन्, चलाउँछन्, जिस्काउँछन् । तर, त्यो निर्जीव खेलौनाले कुनै प्रतिक्रिया दिदैन । उनीहरु निर्जीव खेलौनासँग संवाद गर्न सक्दैनन् । प्रतिस्पर्धा गर्न सक्दैनन् । यसरी उनीहरुको प्रवृत्ति एकलकाँटे हुँदै जान्छ । उनीहरुमा आफ्नो कुरा, आफ्नो विचार, आफ्नो भावना अरुमाथि लाद्ने बानीको विकास हुन्छ ।

जति-जति उनीहरु हुर्कदै जान्छन्, एक्लै बस्ने, एक्लै खेल्ने, एक्लै रमाउने प्रवृत्ति मौलाउँदै जान्छ । उनीहरु दोस्रो व्यक्ति वा साथीसँग खेल्न, रमाउन असहज मान्न थाल्छन् । अरुसँग तँछाडमछाड गर्दै खेल्ने, अरुसँग बाँडीचुडी खाने, अरुसँग मिलीजुली बस्ने बानी हुँदैन । अन्तर्मुखी, एकोहोरो, एक्लो हुँदै जान्छन् । कतिसम्म भने, उनीहरु घर-परिवारसँग पनि घुलमिल हुन सक्दैनन् । यसले उनीहरुको सामाजिक विकासलाई प्रभावित पार्छ ।

यसकारण दोस्रो सन्तान

अहिले जसरी बच्चाहरु एक्लिएका छन्, उनीहरुका लागि आफ्ना साथी, दौतरी, सहपाठीको खाँचो हुन थालेको छ । र, यो खाँचो तीनै दम्पत्तीले पुरा गर्न सक्छन्, दोस्रो सन्तान जन्माएर ।

जब दुई वा दुईभन्दा बढी बालबच्चा हुन्छन्, उनीहरु आपसमा खेल्दै, लड्दै हुर्कन्छन् । एकअर्कासँग प्रतिस्पर्धा गर्न मात्र होइन, मिलीजुली बस्न पनि सिक्छन् ।

दुई जना बच्चा छन् भने उनीहरु ओछ्यानमा होस् वा खेल्ने ठाउँमा एकसाथ हुन्छन् । दुबै आपसमा मिलेर खेल्छन्, खान्छन्, घुम्छन् । एकअर्कासँग बोल्ने, खेल्ने, खाने साथी पाउँछन् । यसरी हुर्कने क्रममा उनीहरु कहिले झगडा गर्छन्, कहिले मिल्छन्, कहिले खानेकुरा खोसाखोस गर्छन्, कहिले बाँडीचुडी खान्छन् । यावत् गतिविधिले उनीहरुको शारीरिक तथा मानसिक विकासमा सहयोग पुग्छ ।

यहाँ आइपुगेपछि हेक्का राख्नुपर्ने कुरा चाहिँ के भने, दुबै सन्तानको उमेर अन्तर धेरै हुनुहुँदैन । उनीहरु दुई बर्षको अन्तरका छन् भने राम्रो हुन्छ । किनभने समान उमेरका बालबच्चाको बानी, व्यवहार, सोंच सबै मिल्छ । उनीहरु आपसमा एकाकार हुन सक्छन् ।

एउटाले नखाएको खानेकुरा अर्कोले खाइदिन्छन् । एउटाले नलगाएको लुगा अर्कोले लगाइदिन्छन् । यसरी एकअर्काको परिपुरक हुन्छन् ।

एउटा बच्चालाई भात ख्वाउन जति गाह्रो हुन्छ, दुई जना बच्चा छन् भने उनीहरु तँछाडमछाड गर्दै खान्छन् । एउटा बच्चालाई खेलाउन जति गाह्रो हुन्छ, दुई जना बच्चा छन् भने आपसमा मिलेर खेल्छन् । यसले बालबच्चाको शारीरिक, मानसिक विकास राम्ररी हुन्छ ।

Continue Reading…

लगानीकर्ता निरुत्साहित हुनुपर्ने अवस्था छैन : अर्थमन्त्री खतिवडा

काठमाडौँ । अर्थमन्त्री डा.युवराज खतिवडाले मुलुकको अर्थतन्त्रका आम सूचक सकारात्मक रहेकाले शेयर लगानीकर्ता निरुत्साहित हुनुपर्ने अवस्था नरहेको बताएका छन् ।

प्रतिनिधिसभा, अर्थ समितिको आजको बैठकमा उनले राष्ट्रिय पूँजी निर्माणको आधार शेयरबजारलाई बनाउनुपर्छ भन्ने आफ्नो मान्यता रहेको उल्लेख गरे । उनले भने, “पूँजी बजारमा देखिएको उतारचढावप्रति सरकार सजग छ, शेयर बजारलाई पारदर्शी, स्वस्थ्य र चिर स्थायी बनाउनका लागि सरकारले कदम चालेको छ, हतारमा शेयर किनबेचभन्दा धैर्य गर्न लगानीकर्तालाई सुसूचित गर्नुपर्ने अवस्था छ ।”

देशको अर्थतन्त्र सकारात्मक दिशातर्फ उन्मुख हुने क्रममा बच्चाको दाँत निस्कने क्रममा ज्वरो आएको जस्तो अवस्था रहेको मन्त्री खतिवडाको भनाइ थियो । उत्पादन क्षेत्रमा लगानी बढाएर राष्ट्रिय पूँजी निर्माण गर्नुपर्छ भन्ने सरकारको मान्यता रहेको पनि उनले बताए ।

कृषि, ऊर्जालगायत उत्पादन क्षेत्रमा अहिले कर्जाको माग बढिरहेको बैंकले शेयर बजारमा चाहे जति लगानी गर्न सक्ने अवस्था कमजोर रहेको बताउँदै अर्थमन्त्री डा खतिवडाले तरलताको अभावले पनि शेयर बजारलाई केही हदसम्म तलमाथि पारेको हुन सक्ने बताए ।

The post लगानीकर्ता निरुत्साहित हुनुपर्ने अवस्था छैन : अर्थमन्त्री खतिवडा appeared first on YesKathmandu.com.

Continue Reading…

मन्त्री लालबाबुको व्याङ्गे, असारमा रोपेर भदौंमा धान काट्न कहाँ पाइन्छ ?

काठमाडौं । संघीय मामिला तथा सामान्य प्रशासनमन्त्री लालबाबु पण्डितले केहि काम गर्न नसकेको भन्ने आरोपको खण्डन गरेका छन् । उनले काम गरेन भन्नेहरुप्रति व्याङ्गे गर्दै ‘असारमा रोपेर भदौंमा धान काट्न कहाँ पाइन्छ ?’ भनेर प्रश्न गरे ।

मन्त्री पण्डितले एसकाठमाडौंसँग कुरा गर्दे भने लालबाबुले कामै गरेन भन्नु भदौंमा धान काट्न गएर धानै फलेन भन्नुजस्तै भएको बताएका हुन् । धान काट्न मंसिर कुर्नुपरेजस्तै मन्त्रालय पनि आधारभूत काममा लागिरहेको बताए । “हामी केहि नगरी बसेका छैनौं, समृद्धिको सपना पुरा गर्नेगरी काम गरिरहेका छौं”, उनको भनाई थियो ।

मन्त्री पण्डितले  सरकारले खटाएकाे  कार्यक्षेत्रमा २१ दिनभित्र पुगेर जनताको सेवा नगर्ने कार्मचारीलाई बर्खास्त गर्ने चेतावनीसमेत दिए । सरकारले काम  गर्न नसकेकाे भनेर चाैतर्फी आलाेचना भैरहेकै बेला उनकाे यस्ताे धारणा आएकाे हाे ।

मन्त्री पण्डित अघिल्लाे पटक सामान्य प्रशासन मन्त्री हुँदा डिवीधारी कर्मचारीका विरुद्धकाे संघर्षका कारण निकै चर्चामा आएका थिए । तर अहिले भने उनले प्रभावकारी काम गर्न नसकेकाले काम गर्न नसकेकाे मन्त्रीकाे रुपमा आलाेचित बनेका छन् ।

The post मन्त्री लालबाबुको व्याङ्गे, असारमा रोपेर भदौंमा धान काट्न कहाँ पाइन्छ ? appeared first on YesKathmandu.com.

Continue Reading…

मलेसियामा दैनिक एक जना नेपालीको मृत्यु

मलेसिया । धेरै कमाउने र परिवारलाई सुखका साथ पाल्ने सपना बोकेर मलेसिया आइपुगेका नेपाली कामदारमध्ये दैनिक एक जनाको अकालमै ज्यान जाने गरेको छ । आत्महत्या, सडक दुर्घटना, कारखाना दुर्घटना, कडा रोगका कारण उनीहरुको मृत्यु हुने गरेको तथ्याङ्कले देखाएको छ ।

मलेसियास्थित नेपाली राजदूतावासले दिएको तथ्याङ्कअनुसार सन् २०१८ को हालसम्म ३२२ को विभिन्न कारणले मृत्यु भएको छ । यो सङ्ख्या सन् २०१७ मा ३६४ रहेको थियो ।

कार्यवाहक राजदूत कुमारराज खरेलका अनुसार सन् २०१८ मा सबैभन्दा बढी आत्महत्या गरी ४३ जना, सडक दुर्घटनाबाट २५ जना, कडा रोगका कारण ३९ जना र औद्योगिक दुर्घटनाका कारण १७ को मृत्यु भएको छ । सुतिरहेको अवस्था, मदिरा सेवा, आपसी झगडाजस्ता विभिन्न कारणले मृत्यु हुनेको सङ्ख्या १९८ रहेको छ । मृत्यु हुनेमा एक जना महिला र बाँकी सबै पुरुष छन् ।

सन् २०१७ मा मृत्यु भएकामध्ये ६५ जनाले आत्महत्या गरेका थिए । कडा रोगका कारण ६३ को मृत्यु भएको थियो भने सडक दुर्घटनामा २७ र औद्योगिक दुर्घटनामा परी १४ को मृत्यु भएको थियो । अन्य कारणले मृत्यु हुनेको सङ्ख्या १९५ रहेको थियो ।

खरेलका अनुसार क्षयरोग, कलेजोको खराबी, डेङ्गु, मष्तिष्काघात, एपेण्डिसाइटिस, मेनेन्जाइटिसजस्ता रोगका कारण नेपाली कामदारको मृत्यु हुने गरेको छ । रेलको ठक्करबाट, बसबाट खसेर, करेन्ट लागी जलेर, हत्या, सुतिरहेको अवस्थामा, छातीको खराबी, अग्लो घरबाट लडेर पनि कामदारको मृत्यु हुने गरेको उनले बताए ।

मलेसियामा पछिल्लो तथ्याङ्कअनुसार तीन लाख ८३ हजार नेपाली कामदार रहेका छन् । प्रवेशाज्ञाको मिति सकिएर लुकेर काम गर्नेको सङ्ख्या एक लाख हाराहारी रहेको अनुमान गरिएको खरेलले बताए ।

पछिल्लो समयमा श्रमसम्झौता कार्यान्वयन हुन नसक्दा नेपाली कामदार मलेसिया आउन पाएका छैनन् । जसका कारण मलेसियामा रहने कामदारको सङ्ख्या घटेको हो । यसअघि सात लाख हाराहारी नेपाली मलेसियामा रहेको तथ्याङ्क थियो ।

कार्यवाहक राजदूत खरेल नेपाली कामदारमा आवश्यक सीप, क्षमतासँगै त्यहाँको वस्तुस्थितिका बारेमा ज्ञान नहुँदा विभिन्न कारणले मृत्यु हुने गरेको बताए । उनले मलेसियामा रहेका र आउन चाहने कामदारले त्यहाँको वस्तुस्थिति, कानून, भाषालगायतका विषयमा राम्रो ज्ञान लिनुपर्ने बताए ।

उनका अनुसार अनुसार दैनिक २०० हाराहारी कामदारले लिखित र मौखिक गुनासा राजदूतावासमा गर्ने गरेका छन् । अधिकांशले मौखिकरूपमा आफ्ना समस्या राख्ने गरेको उनले बताए । अधिकांशले तोकिएको तलब नपाएको, आउँदा तोकिएभन्दा फरक काम गर्नुपरेको, नेपाल फर्किन चाहेकोजस्ता गुनासो गर्ने गरेका छन् ।

नेपालबाट वास्तविकता नबुझी आउने कामदारले यहाँ आएपछि सोचेजस्तो नहुँदा नेपाल फर्किन चाहने गर्दछन् । नेपाल फर्किन नपाए आत्महत्यासमेत गर्ने गरेको पाइएको छ ।

दूतावासका जनसम्पर्क अधिकृत रवि भट्टका अनुसार कामदारको मृत्युपछि शव पठाउनसमेत समस्या हुने गरेको छ । अवैधानिकरूपमा बसेकाको मृत्यु भएमा उनीहरूको परिवारलाई सम्पर्क गरी शव पठाउने गरेको उनले जानकारी दिए ।
परिवारको आर्थिक अवस्था कमजोर भएकालाई दूतावासले समेत खर्च गरेर पठाउने गरेको उनले बताए । वैधानिकरूपमा काम गरिरहेकाको हकमा कम्पनीले शव पठाउन खर्च गर्ने गरेको छ ।

The post मलेसियामा दैनिक एक जना नेपालीको मृत्यु appeared first on YesKathmandu.com.

Continue Reading…

च्याम्पियन्स लिग : लिभरपुल, नापोली र पीएसजीमध्ये कुन दुई ?

२५ मंसिर, काठमाडौं । च्याम्पियन्स लिग फुटबलमा मंगलबार राति पौने २ बजे समूह चरणको अन्तिम खेलमा लिभरपुल, नापोली र पीएसजी दबावमा हुने छन् । समूह ‘सी’ बाट अघिल्लो चरणमा जाने टुंगो अन्तिम खेलबाट नै लाग्ने छ ।

फ्रेन्च क्लब पीएसजीले सर्वियन क्लब रेड स्टार बेलग्रेडसँग साथै इंग्लिस क्लब लिभरपुलले इटालियन क्लब नापोलीसँग खेल्नेछ ।

अन्तिम खेलअघि नापोली ९ अंकसहित समूहको शीर्ष स्थानमा छ । पीएसजीको ८ अंक छ भने लिभरपुलको ६ अंक छ । यसैले पनि अघिल्लो चरणमा पुग्न कठिन अवस्था लिभरपुलको नै देखिन्छ । घरेलु मैदानमा भएकाले लिभरपुललाई नापोलीसँग केही सहजता भने हुनेछ ।

लिभरपुलले नापोलीलाई जितेर पीएसजी रेड स्टारसँग हारेमा लिभरपुल र नापोली अघिल्लो चरणमा पुग्ने छन् । पीएसजीले रेड स्टार बेलग्रेडलाई हराएमा स्वत: अघिल्लो चरणमा पुग्ने छ ।

लिभरपुल र नापोलीको खेल बराबरी भएमा पीएसजी र नापोली अघिल्लो चरणमा पुग्ने छन् । पीएसजीले बराबरी खेलेर यदि तीनै क्लबको ९ अंक भएमा अघिल्लो रचणमा जान हेड टु हेडलाई आधार बनाइने छ ।

लिभरपुलका प्रशिक्षक जर्गेन क्लोपले एनफिल्डमा नापोलीविरुद्ध आफूहरुको खेल खासै राम्रो नभइरहेको अवस्थालाई परिवर्तन गर्न आवश्यक रहेको बताएका छन् ।

‘हामीले पुरानो स्थितिलाई परिवर्तन गर्नैपर्छ । नापोलीविरुद्ध खेलाडी मात्रै होइन, हाम्रा समर्थकहरु पनि हुनेछन् र उनीहरुको हुटिङले हामीलाई बल पुग्ने छ भन्ने विश्वास छ ।’

Continue Reading…

कांग्रेसमा अब जातिय छुवाछुत गरे सदस्यता खारेज

काठमाडौँ । नेपाली कांग्रेसका कुनै पनि सदस्य तथा नेताहरूले अब जातिय छुवाछुत गरेमा पार्टी सदस्यता नै खारेज हुने भएको छ ।

नेपाली कांग्रेसको केन्द्रीय समिति बैठकमा पेश भएको राजनीति प्रतिवेदनमा यस्तो उल्लेख गरिएको छ । सदस्यहरूको सदस्यता खारेज हुने छ भने नेताहरूलाई कारबाहीसहित सदस्यता पनि खारेज गरिने राजनितिक प्रतिवेदनमा उल्लेख गरिएको छ ।

कांग्रेस प्रवक्ता विश्वप्रकाश शर्माले नेपाली समाजमा व्याप्त जातीय छुवाछूत प्रथाको अन्त्यका लागि विभेद गर्ने कसैलाई पनि पार्टी सदस्यता नदिने बताए । उनले कुनै पनि तहको नेतृत्व या सदस्य त्यस्ता काममा संलग्न प्रमाणित भए पार्टी सदस्ताबाट मुक्त गरिने प्रस्ताव तयार पारिएको जानकारी दिए ।

नेपाली कांग्रेस पार्टीका सबै तहका नेता, कार्यकर्ता तथा सदस्यहरुलाई थप क्रियाशील भई समाजमा रहेका सबै जातजातिहरुका बीच अन्तरघुलनका माध्यमबाट समाजको रुपान्तरण र विकास गर्न सम्भव छ भन्ने भावनाको विकास गराउन यस्तो प्रस्ताव ल्याइएको प्रवक्ता शर्माकाे भनाई छ ।

The post कांग्रेसमा अब जातिय छुवाछुत गरे सदस्यता खारेज appeared first on YesKathmandu.com.

Continue Reading…

‘टेक अर पे’मा विद्युत खरिद सम्झौता गर्ने निर्णय

२५ मंसिर, काठमाडौं । ऊर्जा प्रवर्द्धकसँग विद्युत खरिद सम्झौता ‘टेक अर पे’मा हुने भएको छ । वैशाख २५ गते ऊर्जा मन्त्री पुनले जारी गरेको श्वेतपत्रको आधारमा १० वर्षमा १५ हजार मेगावाट उत्पादनलाई सघाउन यस्तो प्राधकरणको बोर्ड बैठकले यो  निर्णय गरेको हो ।

ऊर्जा, जलस्रोत तथा सिंचाई मन्त्री वर्षमान पुनको अध्यक्षतामा बसेको बैठकले गरेको निर्णाय नेपालमा जलविद्युतमा लगानी बढ्ने अपेक्षा गरिएको छ । अहिलेसम्म प्राधिकरण ‘टेक एण्ड पे’मा आधारित भएर विद्युत खरिद सम्झौता गर्दै आएको थियो । जसमध्ये रन अफ दिन रिभर आयोजनामा झण्डै ५२ सय मेगावाटको पीपीए भइसकेको छ । अब ती सबै पीपीए ‘टेक अर पे’मा परिवर्तन हुनेछन् ।

टेक अर पेमा आधारित पीपीए भएका आयोजनाको विजुली जसरी पनि प्राधिकरणले किन्नुपर्छ । यदि किन्न नसके वा खेर गए प्राधिकरणले नै क्षतिपूर्ति तिर्नुपर्छ ।

आर्थिक वर्ष २०८४/८५ सम्ममा १५ हजार मेगावाट विद्युत उत्पादन गर्ने लक्ष्यलाई आधार मान्दै ५ हजार २ सय ५० मेगावाटसम्म रन अफ रिभर प्रकृतिका आयोजनाको ‘टेक अर पे’मा विद्युत खरिद सम्झौता निर्णय भएको हो । मन्त्रालयमा बसेको बैठकले यसअघि प्राधिकरणले ‘टेक एण्ड पे’मा गरेको सम्झौतालाई पनि संशोधन गर्न निर्देशन दिएको छ ।

बैठकले ४ हजार ५ सय मेगावाटसम्मका पिकिङ रन अफ रिभर प्रकृतिका आयोजनाको विद्युत खरिद सम्झौता ‘टेक अर पे’मा पनि बैठकले प्राधिकरणलाई निर्देशन दिएको छ ।

निजी ऊर्जा प्रवर्द्धकले लामो समयदेखि ‘टेक अर पे’ मा विद्युत खरिद सम्झौता गर्न माग गर्दै आएका थिए । ‘टेक अर पे’मा सम्झौता गर्दा प्राधिकरणलाई कुनै घाटा भए त्यसको शोध भर्नाको लागि सरकारसँग माग गर्ने स्वीकृति पनि बैठकले दिएको छ ।

‘टेक अर पे’मा सम्झौताको प्रावधान राखिएपछि निजी ऊर्जा प्रवर्द्धकले विद्युत आयोजना निर्माणका लागि सहजै ऋण प्राप्त हुने र १० वर्षमा १५ हजार मेगावाट विद्युत उत्पादन लक्ष्य हाँसिल हुने मन्त्रालयको विश्वास छ ।

Continue Reading…

समायोजन नभएसम्म कर्मचारीको सरुवा रोकियो

२५ मंसिर, काठमाडौं । सरकारले कर्मचारी समायोजन नभएसम्मका लागि सबै सरकारी कर्मचारीको सरुवा रोक्ने निर्णय गरेको छ ।

कर्मचारी समायोजन अध्यादेश २०७५ बमोजिम संघ, प्रदेश र स्थानीयत तहमा कर्मचारी समायोजन गर्न संघीय मामिला तथा सामान्य प्रशासन मन्त्रालयले कर्मचारीको सरुवा रोकेको हो ।

मन्त्रालयले सरकारी सेवाका कर्मचारीको विवरण अध्यावधिक गर्न मंगलबार नै सबै निकायमा पत्राचार गरेको छ । कर्मचरीलाई पनि एसएमएस गरेर यसको जानकारी दिइएको छ ।

कर्मचारी समायोजन हुने समय नजिकिएपछि कर्मचारीहरु सरुवा माग्दै मन्त्रालय धाउने राजनीतिक लबिङ गर्ने क्रम तीव्र भएको थियो ।

त्यसैका कारण समायोजन नै प्रभावित हुने अवस्था देखेपछि मन्त्रालयले समायोजन नभइन्जेलसम्म विवरणमा फरक नपरोस् भन्ने उद्देश्यले सरुवा रोकेको हो ।
मन्त्रालयले सबै कर्मचारीको विवरण निजामती राष्ट्रिय किताबखानामा अपडेट गराउन मन्त्रालयले अनुरोध गरेको छ ।

कर्मचारी समायोजनका लागि निवेृदन दिन आफू खटिएको कार्यालयमा उपस्थित भएर निवेदन दिनुपर्ने भएकाले मंसिर २८ गते शुक्रबारभित्र हुन मन्त्रालयले निर्देशन दिएको छ ।

यसको जानकारी सम्बन्धित सेवा सञ्चालन गर्ने निकाय र मन्त्रालय तथा किताबखानामा पनि पठाउन मन्त्रालयले आग्रह गरेको छ ।

Continue Reading…

इपीएल : भैरहवाकाे लगातार दोस्रो जित, चितवन १२ रनले पराजित

काठमाडाैँ । एभरेष्ट प्रिमियर लिगमा भैरहवा ग्लाडिएटर्सले लगातार दोस्रो जित हात पारेको छ।

त्रिवि मैदान कृतिपुरमा मंगलवार भएको खेलमा भैरहवाले चितवन टाइगर्सलाई १२ रनले पराजित गरेको हो । चितवनले दिएको १४४ रनको लक्ष्यसहित जवाफी ब्याटिङ गरेको चितवनले पुरै २० ओभर खेल्दै ९ विकेट गुमाएर मात्र १३१ रन बनाउन सक्यो ।

चितवनका लागि पाउल स्टर्लिङले ३८ रन जोड्दा जोन सिम्पसनले २६ रन जोडे । यस्तै दिलीप नाथले १२ रन जोड्दा शाहब आलम १६ रनमा सिमित रहे । भैरहवाका कप्तान शरद भेषावकर र रबी इन्दर सिंहले सान २/२ विकेट लिए ।

यसअघि टस हारेर पहिले ब्याटिङ गरेको भैरहवाले १९ ओभर ३ बलमा अलआउट हुँदै १४३ रन जोडेको थियो । भैरहवाका लागि रायन टेन डेसकाटेले ३५ रन जोड्दा प्रदीप सिंह ऐरीले २६ रन जोडे । यस्तै रबी इन्दर सिंहले २५ रन जोड्दा आरिफ शेखले १८ रन बनाए । चितवनका सागर ढकालले ३ तथा जर्ज स्कटले २ विकेट लिए ।

चितवनविरुद्धको जितसंगै भैरहवाले २ खेलबाट ४ अंक जोडेको छ । साबिकको उपविजेता समेत रहेको भैरहवाले पहिलो खेलमा पोखरालाई हराएको थियो ।

भैरहवाले अब भोली विराटनगर वारियर्ससँग तेस्रो खेल खेल्दैछ। चितवनले पनि आफ्नो चौथो खेलमा शुक्रवार विराटनगरसँगै खेल्नेछ। भोली काठमाडौँ किंग्स ११ र ललितपुर प्याट्रिओट्सबीच पनि खेल हुनेछ।

The post इपीएल : भैरहवाकाे लगातार दोस्रो जित, चितवन १२ रनले पराजित appeared first on YesKathmandu.com.

Continue Reading…

मलेसियामा हुन्छ दैनिक एक जना नेपालीको मृत्यु

२५ मङ्सिर, मलेसिया . धेरै कमाउने र परिवारलाई सुखका साथ पाल्ने सपना बोकेर मलेसिया आइपुगेका नेपाली कामदारमध्ये दैनिक एक जनाको अकालमै ज्यान जाने गरेको छ । आत्महत्या, सडक दुर्घटना, कारखाना दुर्घटना, कडा रोगका कारण उनीहरुको मृत्यु हुने गरेको तथ्याङ्कले देखाएको छ ।

मलेसियास्थित नेपाली राजदूतावासले दिएको तथ्याङ्कअनुसार सन् २०१८ को हालसम्म ३२२ को विभिन्न कारणले मृत्यु भएको छ । यो सङ्ख्या सन् २०१७ मा ३६४ रहेको थियो ।

कार्यवाहक राजदूत कुमारराज खरेलका अनुसार सन् २०१८ मा सबैभन्दा बढी आत्महत्या गरी ४३ जना, सडक दुर्घटनाबाट २५ जना, कडा रोगका कारण ३९ जना र औद्योगिक दुर्घटनाका कारण १७ को मृत्यु भएको छ । सुतिरहेको अवस्था, मदिरा सेवा, आपसी झगडाजस्ता विभिन्न कारणले मृत्यु हुनेको सङ्ख्या १९८ रहेको छ । मृत्यु हुनेमा एक जना महिला र बाँकी सबै पुरुष छन् ।

सन् २०१७ मा मृत्यु भएकामध्ये ६५ जनाले आत्महत्या गरेका थिए । कडा रोगका कारण ६३ को मृत्यु भएको थियो भने सडक दुर्घटनामा २७ र औद्योगिक दुर्घटनामा परी १४ को मृत्यु भएको थियो । अन्य कारणले मृत्यु हुनेको सङ्ख्या १९५ रहेको थियो ।

खरेलका अनुसार क्षयरोग, कलेजोको खराबी, डेङ्गु, मष्तिष्काघात, एपेण्डिसाइटिस, मेनेन्जाइटिसजस्ता रोगका कारण नेपाली कामदारको मृत्यु हुने गरेको छ । रेलको ठक्करबाट, बसबाट खसेर, करेन्ट लागी जलेर, हत्या, सुतिरहेको अवस्थामा, छातीको खराबी, अग्लो घरबाट लडेर पनि कामदारको मृत्यु हुने गरेको उनले बताए ।

मलेसियामा पछिल्लो तथ्याङ्कअनुसार तीन लाख ८३ हजार नेपाली कामदार रहेका छन् । प्रवेशाज्ञाको मिति सकिएर लुकेर काम गर्नेको सङ्ख्या एक लाख हाराहारी रहेको अनुमान गरिएको खरेल बताउँछन् ।

पछिल्लो समयमा श्रमसम्झौता कार्यान्वयन हुन नसक्दा नेपाली कामदार मलेसिया आउन पाएका छैनन् । जसका कारण मलेसियामा रहने कामदारको सङ्ख्या घटेको हो । यसअघि सात लाख हाराहारी नेपाली मलेसियामा रहेको तथ्याङ्क थियो ।

कार्यवाहक राजदूत खरेल नेपाली कामदारमा आवश्यक सीप, क्षमतासँगै यहाँको वस्तुस्थितिका बारेमा ज्ञान नहुँदा विभिन्न कारणले मृत्यु हुने गरेको बताए । उनले मलेसियामा रहेका र आउन चाहने कामदारले यहाँको वस्तुस्थिति, कानून, भाषालगायतका विषयमा राम्रो ज्ञान लिनुपर्ने बताए ।

उनका अनुसार दैनिक २०० हाराहारी कामदारले लिखित र मौखिक गुनासा राजदूतावासमा गर्ने गरेका छन् । अधिकांशले मौखिकरूपमा आफ्ना समस्या राख्ने गरेको उनले बताए । अधिकांशले तोकिएको तलब नपाएको, आउँदा तोकिएभन्दा फरक काम गर्नुपरेको, नेपाल फर्किन चाहेकोजस्ता गुनासो गर्ने गरेका छन् ।

नेपालबाट वास्तविकता नबुझी आउने कामदारले यहाँ आएपछि सोचेजस्तो नहुँदा नेपाल फर्किन चाहने गर्दछन् । नेपाल फर्किन नपाए आत्महत्यासमेत गर्ने गरेको पाइएको छ ।

दूतावासका जनसम्पर्क अधिकृत रवि भट्टका अनुसार कामदारको मृत्युपछि शव पठाउनसमेत समस्या हुने गरेको छ । अवैधानिकरूपमा बसेकाको मृत्यु भएमा उनीहरूको परिवारलाई सम्पर्क गरी शव पठाउने गरेको उनले बताए ।

परिवारको आर्थिक अवस्था कमजोर भएकालाई दूतावासले समेत खर्च गरेर पठाउने गरेको उनले बताए । वैधानिकरूपमा काम गरिरहेकाको हकमा कम्पनीले शव पठाउन खर्च गर्ने गरेको छ ।

Continue Reading…

ईपीएल : भैरहवा लगातार दोस्रो खेलमा पनि विजयी

२५ मंसिर, काठमाडौं । एभरेष्ट प्रिमियर लिग (ईपीएल) क्रिकेट प्रतियोगितामा भैरहवा ग्लाडिएटर्सले लगातार दोस्रो खेलमा जित हात पारेको छ ।

त्रिवि क्रिकेट मैदानमा मंगलबार सम्पन्न खेलमा भैरहवाले चितवन टाइगर्सलाई १२ रनले पराजित गरेको हो । यो चितवनको लगातार तेस्रो हार हो । यो हारसँगै चितवनको शीर्ष चारमा पुग्ने सम्भावना अंक गणितमै सीमित बनेको छ ।

१४४ रनको मध्यम स्कोर पछ्याउँदै ब्याटिङ गरेको चितवनले निर्धारित २० ओभरमा ९ विकेटको क्षतिमा १३१ रन मात्रै बनाउन सक्यो ।

चितवनले सुरुवात भने उत्कृष्ट गरेको थियो । चार ओभरकै समाप्तिमा ४९ रन बनाएको चितवनले ४.१ ओभरमा ओपनर सन्दीप सुनारलाई ९ रनमा गुमाएपछि दबाबमा आएको थियो । चितवनको ५३ रन हुदा आक्रमक खेल खेलेका पाउल स्टिर्लिङ ३८ रनमा आउट भएसँगै विकेट पतन सुरु भएको थियो ।

चितवनका लागि जोहन सिम्पसनले २६, साहब आलमले अविजित १६ र दिलिप नाथले १२ रन बनाएपनि जित दिलाउन सकेनन् ।
बलिङतर्फ शरद भेषावकर र रविइन्दर सिंहले समान २–२ विकेट लिए ।

टस हारेर पहिले ब्याटिङ गरेको भैरहवाले निर्धारित २० ओभर सकिन तीन बल बाँकी छदा सबै विकेटको क्षतिमा १४३ रन बनाएपछि चितवनले मध्यम स्कोरको चुनौती पाएको हो ।

भैरहवाका लागि रायन टेन डोइस्च्याटले ३५, प्रदीप ऐरीले २६ र रवि इन्दर सिंहले २५ रन बनाए ।

बलिङतर्फ चितवनका सागर ढकालले तीन विकेट लिए । त्यस्तै, जर्ज स्कटले दुई विकेट लिए ।

चितवनको यो लगातार तेस्रो हार हो । यसअघि चितवनले पहिलो खेलमा ललितपुरसँग ११ रनले पराजित भएको थियो भने काठमाडौं किंग्स इलाभेनसँग ६ विकेटले पराजित भएको थियो ।

Continue Reading…

एकलाख घुससहित पक्राउ परेका प्रहरी हवल्दारलाई भ्रष्टाचारको मुद्दा

२५ मंसिर, काठमाडौं । एक लाख घुससहित पक्राउ परेका जिल्ला प्रहरी कार्यालय बारामा कार्यरत प्रहरी हवल्दार सुदामा हजराविरुद्ध भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगले एक लाख बिगो जरिवाना र कैद सजाय माग गर्दै मंगलबार विशेष अदालत काठमाडौंमा सुदामा विरुद्ध मुद्दा दायर गरेको हो ।

पानमसालाजन्य पदार्थको व्यवसाय संचालन गर्न सहज गराइदिने भन्दै सेवाग्राहीबाट घुस लिदै गरेको सूचनाका आधारमा हेटौंडाबाट खटिएको अख्तियारको टोलीले उनलार्इ पक्राउ गरेको थियो ।

Continue Reading…

‘ओली सरकारले अर्थतन्त्र लथालिंग बनायो’ : कांग्रेस

काठमाडौँ । प्रमुख प्रतिपक्षी दल नेपाली कांग्रेसले अाेली सरकारले अर्थतन्त्र लथालिंग पारेको आरोप लगाएकाे छ । कांग्रेसले मंगलबार पार्टी केन्द्रीय कार्यालय सानेपामा राजनीतिक प्रतिवेदन सार्वजनिक गर्दै यस्ताे अाराेप लगाएकाे हाे ।

कांग्रेसले महासमिति बैठकमा प्रस्तुत गर्न तयार गरिएको प्रतिवेदनमा अाेली सरकारले अर्थतन्त्र लथालिंग पारेको आरोप लगाएकाे हाे ।

ʻसत्ता प्राप्तिका लागि एक हुने, सिद्धान्तको आवरण विस्तारै गाँस्दै जाने र जे जस्तो उंट बन्ला त्यसलाई आजको माक्र्सवादको विल्ला भिराइदिने, यो रणनीतिले चुनावी सफलता त मिल्यो तर यसको दुष्परिणाम र द्विविधाले सरकारको गतिलाई गहिरोसँग प्रभाव र दवावमा राखेको स्पष्ट देखिन्छʼ कांग्रेस उपसभापति विमलेन्द्र निधीले तयार गरेको राजनीतिक प्रतिवेदनमा उल्लेख छ ।

‘कतिपय विद्यालयमा नेपालका कम्युनिष्ट नेताहरुको तस्वीर पुस्तकको मुखपृष्ठमा नै छाप्ने, लोकतान्त्रिक शक्तिलाई अपमानित गर्ने र सुनियोजितरुपमा माक्र्सवाद पढाउने काम गर्न लागिएको छ’ कांग्रेसले भनेको छ ।

सर्वसत्तावादलाई नेपाल कम्युनिष्ट पार्टीको सरकारले परित्याग गरेको खण्डमा नेपाली कांग्रेस वर्तमान संविधानको रक्षा, सुशासन, राजनीतिक स्थीरता र विकास तथा प्रगतिका पक्षमा सहयोग गर्ने खुला रहेको प्रतिवेदनमा उल्लेख गरिएको छ । यस्तै मधेश केन्द्रीत दलहरु लोकतन्त्रलाई सजिलो बनाउने बाटोमा नरहेको समेत कांग्रेसको निष्कर्ष छ ।

उनीहरुले उठाई आएका कतिपय जातीवादी, क्षेत्रीय अतिवादी तथा घोर साम्प्रदायिक कुराहरुले राष्ट्रियता, संघीयता तथा लोकतन्त्रलाई प्राथमिकता नदिएको कांग्रेसको ठहर छ ।

राजनीतिक प्रस्ताव मस्यौदा समितिका संयोजक एवं पार्टीका उपसभापति विमलेन्द्र निधिद्वारा केन्द्रीय कार्यसमितिमा प्रस्तुत गरेको नेपाली कांग्रेसको राजनीतिक प्रस्ताव १६ पृष्ठ लामो छ ।

प्रतिवेदनमाथि पुस ३ गतेसम्म बस्ने महासमिति बैठकमा छलफल हुने बताइएको छ ।

 

The post ‘ओली सरकारले अर्थतन्त्र लथालिंग बनायो’ : कांग्रेस appeared first on YesKathmandu.com.

Continue Reading…

कांग्रेस महासमिति बैठक : साँझको गास र बास आफ्नै जिम्मा

२५ मंसिर, काठमाडौं । नेपाली कांग्रेसका १४ सय महासमिति सदस्यहरु काठमाडौंमा भेला हुँदैछन् । २९ मंसिरदेखि ३ पुससम्म चल्ने महासमिति बैठकका लागि देशभरका साथै प्रवासबाट पनि महासमिति सदस्यहरु आउनेछन् ।

महासमिति सदस्यहरु सम्पर्कमा आउने र रजिस्ट्रेसन तथा दस्तावेज वितरण २८ गते नै हुनेछ ।

महासमिति बैठक आयोजनाको व्यवस्थापनको जिम्मा काठमाडौं, भक्तपुर र ललितपुर जिल्ला कार्यसमितिलाई दिइएको छ । कांग्रेसका काठमाडौं जिल्ला सभापति सवुज बानियाँका अनुसार महासमिति बैठकको तयारी लगभग पूरा भइससकेको छ ।

कार्यक्रम स्थल पार्टी कार्यालयबाट सिंहदरबार अगाडि रहेको योगम्बर पार्टी प्यालेसमा सरेको छ ।

महासमिति सदस्यहरुलाई विहानको खाजा, खाना र दिउँसोको खाजा पार्टीले खुवाउनेछ । ‘साँझको खाना र बासको व्यवस्था आफैंले गर्नुपर्ने भन्ने पार्टीको परिपत्र छ’ बानियाँले अनलाइनखबरसँग भने, ‘यसबारे अन्तिम टुंगो भोलि लाग्छ ।’

प्रचार प्रसारको जिम्मा स्थानीय तहहरुलाई दिइएको छ । यति गर्दा पनि डेढ करोड खर्च लाग्ने अनुमान गरिएको छ । धेरै खर्च भने खाना र खाजामा हुनेछ । ‘१४ सय महासमिति सदस्य हुन्छन्, नेताहरुसँग आउने सुुरक्षाकर्मी, ड्राइभर सबै गर्दा १६÷१७ सय मानिसले ५ दिनसम्म खाना र खाजा खान्छन्’ बानियाँले भने ।

खानाको मेनु लगभग तयार भएको छ । दाल, भात, तरकारी र मासु राख्ने योजना छ ।

कहाँबाट जुट्छ खर्च ?

कांग्रेसले महासमिति बैठकको व्यवस्थापनको जिम्मा उपत्यकाका तीन जिल्लालाई दिएको छ । तर, पार्टी सहयोग तथा चन्दा उठाउने अनुमति पनि दिइएको छैन ।

उसो भए खर्चको जाहो कसरी हुन्छ ? काठमाडौं सभापति बानियाँ भन्छन्, ‘रजिष्ट्रेसन शुल्क एक हजार तोकिएको छ । यसबाट पनि केही रकम जम्मा हुन्छ ।’

यसबाहेक केन्द्र र प्रदेशमा सांसद रहेका नेताहरुसँग थप रकम लिने योजना छ । तर, कति भन्ने अझै टुंगिएको छैन । अपुग रकम पार्टीले व्यहोर्ने बताइएको छ ।

Continue Reading…

प्रदेश ५ मा चार महिनापछि प्रदेशसभा वैठक बस्दै

२५ मंसिर, बुटवल । प्रदेश ५ को प्रदेश सभा वैठक चार महिनापछि बस्दैछ । गत साउन २४ गते प्रदेशसभाको वजेट अधिवेशन अन्त्य भएको थियो ।

बुधबार दिउँसो १ बजे बस्ने प्रदेश सभा वैठकमा अघिल्लो अधिवेशनमा पेश भई प्रदेश प्रमुखबाट प्रमाणिकरण भएका विधेयकसम्बन्धी पत्रहरुबारे जानकारी गराइने छ ।

प्रदेश सरकारले प्रदेश सभामा पेश गर्न चार वटा विधेयक दर्ता गराइसकेको छ । तीमध्ये दुईवटा विधेयक सम्बन्धित मन्त्रालयका तर्फबाट मन्त्रीहरुले पेश गर्ने कार्यसूची तय भएको प्रदेश सभा सचिवालयले मंगलबार सार्वजनिक गरेको छ ।

बुधबार बस्ने वैठकमा आन्तरिक मामिला तथा कानुन मन्त्रालयबाट पेश भएको प्रदेश ५ जाँचबुझ आयोग गठन,काम कर्तव्य र अधिकार सम्बन्धमा व्यवस्था गर्न बनेको विधेयक तथा सामाजिक विकास मन्त्रालयले प्रदेश नं. ५ संघसंस्था दर्ता सम्बन्धमा व्यवस्था गर्न बनेको विधेयक मन्त्रीहरुले पेश गर्नेछन् ।

वैठकमा सभामुखले विषेश अधिकार समितिको सभापति र प्रदेश ५ को नामाकरण र स्थायी राजधानीसम्बन्धी विशेष समितिको संयोजक चयनबारे संसदलाई जानकारी गराउने छन् । यस्तै प्रदेश ५ को नामाकरण र स्थायी राजधानीसम्बन्धी विशेष समितिको प्रतिवेदन बुझाउने समय थप गरिएको जानकारी पनि सभामुखले गराउने कार्यसूचि रहेको प्रदेश सभा सचिवालयका सचिव दुर्लभकुमार पुनले जारी गरेको कार्यसूचीमा उल्लेख छ ।

प्रदेश ५ को नामाकरण र स्थायी राजधानी सिफारिस गर्न गठित समितिले तीन महिनासम्म संयोजक तोक्न र कार्यविधिसमेत बनाउन सकेको थिएन । तीन महिना समय बितेपछि बसेको समितिको वैठकले रोल्पाका सांसद दिपेन्द्र पुनलाई संयोजक तोकेको थियो ।

यो अधिवेशनलाई सरकारले विधेयक अधिवेशन भन्दै आएको छ । प्रदेश सरकारले संसदमा पेश गर्न १४ वटा विधेयक र कार्यविधि मन्त्रिपरिषदबाट पारित गरिसकेको छ भने एक दर्जन विधेयकको मस्यौदा पनि अन्तिम चरणमा रहेको सरकारका प्रवक्ता एवं भौतिक पूर्वाधार विकास मन्त्री वैजनाथ चौधरीले बताए । बुधबारदेखि शुरु हुने अधिवेशन कानुन निर्माणमा केन्द्रित हुने प्रवक्ता चौधरीले बताए ।

Continue Reading…

एमबीबीएस पढ्ने दलित विद्यार्थीलाई प्रदेश सरकारले दियो साढे ३ लाख

२५ मङ्सिर, धनुषा . आर्थिक समस्यामा परेका एमबीबीएस अध्ययनरत तीन दलित विद्यार्थीलाई प्रदेश नं २ सरकारले आर्थिक सहयोग उपलब्ध गराएको छ ।

मुख्यमन्त्री लालबाबु राउतले मंगलबार तीनै जना विद्यार्थीलाई साढे तीन लाख रुपैयाँको दरले चेक हस्तान्तरण गरेका हुन् । सो अवसरमा सामाजिक विकासमन्त्री नवलकिशोर साह, मुख्यन्यायधिवक्ता दिपेन्द्र झा, मुख्यमन्त्री कार्यालयका सचिव हरि फुयाँलसहितको उपस्थिति रहेको थियो ।

छात्रवृत्तिमा नाम निकाली नेशनल मेडिकल कलेज वीरगञ्जमा अध्ययनरत तीनै जना विद्यार्थीलाई खान र बस्न समस्या भएपछि प्रदेश सरकारले आर्थिक सहयोग गर्ने निर्णय गरेको थियो ।

प्रदेश सरकारको आर्थिक सहयोग पाउनेमा छिन्नमस्ता गाउँपालिका–२ का दिनेश मरिक डोम, सर्लाही ईश्वरपुर नपा–१ का रुकेशकुमार राम र प्रमोदकुमार राम रहेका छन् । दिनेश मरिक डोम समुदायबाट एमबीबीस पढ्ने पहिलो व्यक्ति हुन् भने रुकेशकुमार राम र प्रमोदकुमार राम दाजुभाइ हुन् ।

यसैबीच उपचार खर्चको आभावमा अपाङ्ग भएका महोत्तरी पिपराका शम्भु मिश्रलाई प्रदेश सरकारले उपचारका लागि ५० हजार रुपैयाँ उपलब्ध गराएको छ ।

Continue Reading…

कानमा एयरफोन घुसारेर सुत्दा मस्तिष्कलाई खतरा !

मोबाइलको ब्यापकतासँगै कानमा एयरफोन झुण्ड्याएर यात्रा गरिरहेका युवा यत्रतत्र देखिन्छन् । खासगरी गीत-संगीत सुन्न एयरफोनको प्रयोग गरिन्छ ।

एयरफोन कुनै खराब कुरा त होइन । एयरफोन लगाएर गीत सुन्दा अरुलाई डिस्टर्ब हुँदैन । आफूलाई मन लागेको गीत सुन्न पनि पाइन्छ । तर, कतिपयले भने राति सुत्दा पनि एयरफोन लगाउँछन् । उनीहरु एयरफोन कानमै जोडेर निदाइदिन्छन् । यो खराब आदत हो ।

कयौ अनुसन्धानहरुले राती सुत्नु अगाडि एयरफोनमा गीत सुन्दा नकारात्मक असर गर्न सक्ने देखाएका छन् । राति सुत्दा एयरफोन प्रयोग गर्नुका बेफाइदा के-के हुन् त ?

मस्तिष्कमा असर

राती ढिलासम्म एयरफोन लगाएर गीत सुन्दा निद्रा प्रभावित हुने गर्छ । किनकी इयरफोन जोडिएको मोबाइल पनि आफैसँग हुन्छ । त्यो बजिरहँदा हाम्रो मस्तिक सक्रिय रहने गर्छ निद्रा लाग्दैन । यसबाट मस्तिष्कलाई आराम मिल्दैन ।

कानमा असर

माथि भनेअनुसार एयरफोन लगाएर गीत सुन्दा मस्तिष्क राम्ररी सुत्न सक्दैन । मस्तिष्कको केही भाग सक्रिय नै रहन्छ । साथसाथै मुटुको चाल पनि तिव्र हुने गर्छ । जुन स्वास्थ्यको लागि निकै घातक कुरा हो । एयरफोनबाट उच्च आवाजमा गीतसंगीत सुन्दा कानको जालीमा दवाव पर्ने गर्छ र कानसम्बन्धी समस्या हुने गर्छ । साथै, कानेगुजी समेत सामान्य भन्दा धेरै बन्ने गर्छ । यसले सुन्ने क्षमतालाई समेत प्रभावित पार्छ ।

कानको संक्रमण

हेडफोनको प्रयोगले कानको संक्रमण पनि हुनसक्छ । एउटै हेडफोन विभिन्न व्यक्तिले प्रयोग गर्ने हुँदा हेडफोनको साथमा किटाणुहरु पनि सर्ने गर्छन् । जसले कानको संक्रमण निम्त्याउने गर्छ ।

त्यसो त राती सुमधुर संगीत सुन्दा मिठो र गहिरो निद्रा पर्छ पर्छ भन्नेहरु पनि छन् । तर यसका लागि एयरफोन गर्नु भने उचित नहुने विज्ञहरुको राय छ । बरु रेडियोमा गीत सुनेर तथा सुत्नु अगाडी केही किताब पढ्न सकिन्छ ।

Continue Reading…

कांग्रेसले भन्यो : शिक्षामा जनवादीकरण सुरु भयो

२५ मंसिर, काठमाडौं । प्रमुख विपक्षी कांग्रेसले कम्युनिस्ट पार्टी सत्तामा आएको मौका छोपेर शिक्षामा जनवादीकरण सुरु भएको आरोप लगाएको छ ।।

आसन्न महासमिति बैठकमा पेश गर्न तयार पारिएको राजनीतिक प्रस्तावमा सुनियोजित रुपमा माकर््स्वाद पढाउने काम गर्न लागिएको दाबी गरिएको छ ।

‘कतिपय विद्यालयमा नेपालका कम्युनिष्ट नेताहरुको तस्वीर पुस्तकको मुखपृष्ठमा नै छाप्ने, लोकतान्त्रिक शक्तिलाई अपमानित गर्ने र सुनियोजितरुपमा मार्क्सवाद पढाउने काम गर्न लागिएको छ’ कांग्रेसले भनेको छ ।

केही स्थानीय तहहरुमा यस्तो पाइएको कांग्रेस प्रवक्ता विश्वप्रकाश शर्माले बताए । सरकारले शिक्षक, प्राध्यापकलाई अपमानित गरेको तथा कम्युनिस्ट पार्टीले जितेका स्थानीय तहमा विचार नमिलेकै कारण सरुवा गरिएको उसको दााबी छ ।

Continue Reading…

गाउँपालिका अध्यक्षले ठेक्का लिएको सडक : म्याद सकिने बेलामा आधामात्रै काम

२५ मंसिर, मोरङ । जनप्रतिनिधिको निर्माण कम्पनीले सडक निर्माणमा ढिलाइ गर्दा म्याद सकिने बेलामा आधामात्रै काम भएको छ ।

सुनसरीको कोशी गाउँपालिका अध्यक्ष एयुब अन्सारीको कम्पनीले ठेक्का लिएको विराटनगर–देवानगञ्ज सडक निर्माणमा ढिलासुस्ती भएको हो ।

विराटनगरस्थित सडक डिभिजन कार्यालयले १० करोड ८७ लाख रुपैयाँमा १३ किलोमिर सडक कालोपत्रेका लागि डाँफे–पुष्पाञ्जली जेभीले ठेक्का दिएको थियो । ठेकेदार कम्पनी पुष्पाञ्जलीका सञ्चालक कोशी गाउपालिका अध्यक्ष अन्सारी हुन् ।

२०७२–०७३ मा निर्माण सुरु भएको उक्त सडकको निर्माण अवधी शनिबार सकिदैछ । ३० महिनामा निर्माण सम्पन्न गर्ने गरी ठेक्का लिएको ठेकेदारले निर्माण अवधी सकिनै लाग्दा ७ किलोमिटर मात्र सडक कालोपत्रे गरेको छ । अझै ६ किलोमिटर सडक निर्माणको काम बाँकी छ ।

सरकारले समयमा नै बजेट उपलब्ध नगराउदा काम सम्पन्न गर्न नसकेको अन्सारी बताउँछन् । ‘सात किलोमिटर कालोपत्रे गरेका छौं’ उनले भने ‘बाँकी क्षेत्रमा पनि काम भएको छ ।’ कालोपत्रे गर्न बाँकी रहेको सडकमा बेस मिलाउने काम गरिएको उनको भनाइ छ ।

६ महिना समय थप गरी सरकारले बजेट उपलब्ध गराए सबै काम सक्ने अन्सारीले बताए । ५ दशमलव ५ मिटर चौडाइ र ४० एमएम मोटाइको कालोपत्रे सडक निर्माणको ठेक्का दिए पनि काम गरेको रकम समयमा नै भुक्तानी नगरेको अन्सारीको गुनासो छ ।

सडक कार्यालय प्रमुख भन्छन् : बजेट आएन

सडक डिभिजन कार्यालय विराटनगरका प्रमुख भूमराज न्यौपानेले चालु आर्थिक बर्षमा उक्त सडक निर्माणका लागि पर्याप्त बजेट नै नआएको बताए । चालु आर्थिक बर्षमा ६ करोड रुपैयाँ बजेट आवश्यक रहेको बताउदै उनले सरकारले १ करोडमात्रै दिएको जानकारी दिए ।

सडक निर्माणमा निर्माण कम्पनीले मात्र नभइ सरकारले पनि ढिलो गरेको उनको भनाई छ । मंसिरमा ठेक्का सम्झौताको समय सकिने बताउदै उनले ठेकेदारले बुझाउने प्रतिवेदनका आधारमा समय थप गर्ने वा नगर्ने निर्णय गरिने बताए । ठेकेदार कम्पनीलाई करिब ४ करोड रुपैयाँ भुक्तानी गरिसकेको न्यौपानेले जानकारी दिए ।

Continue Reading…

ट्रकको ठक्करबाट बाबु र छोराको मृत्यु

२५ मङ्सिर, दमक । भारतीय ट्रकले मोटरसाइकललाई ठक्कर दिँदा झापाको दमक चोकमा मंगलबार दिउँसो बाबु र छोराको मृत्यु भएको छ । ठक्करबाट मोटरसाइकलमा सवार दुवैको मृत्यु भएको इलाका प्रहरी कार्यालय दमकले जनाएको छ ।

प्रहरी निरीक्षक खगेन्द्र एकतेनका अनुसार मृत्यु हुनेमा मोरङ पथरीशनिश्चरे नगरपालिका–९ का ६३ वर्षीय धनप्रसाद गिरी र उनका २९ वर्षीय छोरा हेमचन्द्र रहेका छन् । ठक्करबाट सख्त घाइते दुवैको स्थानीय लाइफलाइन अस्पतालमा उपचारका क्रममा मृत्यु भएको प्रहरी निरीक्षक एक्तेनले बताए ।

एचआर २७ जे ०६२५ नम्बरको मालबाहक भारतीय ट्रकले दमकको पश्चिम बस रोक्ने ठाउँमा दिउँसो को ३३ प ७९४५ नम्बरको मोटरसाइकललाई ठक्कर दिएको थियो । प्रहरीले दुर्घटनामा संलग्न ट्रक र चालकलाई नियन्त्रणमा लिएको जनाएको छ ।

Continue Reading…

चाडपर्वमा विदा माग्दै आदिवासी जनजाति महासंघ आन्दोलनमा

२५ मंसिर, काठमाडौं । नेपाल आदिवासी जनजाति महासंघले आफूहरुको सांस्कृतिक चाडपर्वको विदा कटौती गर्ने निर्णय खारेज गर्न माग गर्दै एक साता लामो आन्दोलनको कार्यक्रम घोषणा गरेको छ ।

महासंघले मंगलबार काठमाडौंमा पत्रकार सम्मेलन गरी सांस्कृतिक चाडपर्वको विदा कटौती गर्ने निर्णय खारेज गर्न सरकारसँग माग गर्दै दवावमूलक आन्दोलनको कार्यक्रम घोषणा गरेको हो ।

आफूहरुको पहिचानको रुपमा रहेको सांस्कृतिक चाडपर्वको विदा कटौती खारेज गर्न माग गर्दै दवाव आन्दोलन सुरु गर्नुपरेको महासंघका अध्यक्ष जगतबहादुर बरामले जानकारी दिए । महासंघले आदिवासी जनजातिहरुको सांस्कृतिक चाडपर्वको विदा कटौति गर्ने निर्णय फिर्ता लिन सरकारलाई दवाव दिँदै आइरहेको छ ।

महासंघले सो विदा कटौती गर्ने निर्णय खारेज गर्न माग गर्दै प्रधानमन्त्री केपी ओलीलाई ज्ञापन पत्र बुझाउने लगायतका आन्दोलनका कार्यक्रम घोषणा गरेको हो । कार्यक्रम अनुसार मंसिर २९ गते ७७ वटै जिल्ला प्रशासन कार्यालयमार्फत् प्रधानमन्त्रीलाई ध्यानाकर्षण गराउने, पुस १ गते विदेशस्थित सबै नेपाली दुतावासमार्फत पनि प्रधानमन्त्रीलाई ज्ञापन पत्र बुझाउने रहेका छन् । त्यसैगरी महासंघले पुस १ गते नै नेपाली कांग्रेसका सभापति शेरबहादुर देउवालाई पनि आफ्नो माग सम्बोधनका लागि पहल गरिदिन आग्रह गर्दै ध्यानाकर्षण पत्र बुझाउनेछ ।

पुस २ गते सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल र पुस ३ गते प्रधानमन्त्री केपी ओलीलाई पनि ज्ञापन पत्र बुझाउने कार्यक्रम तय गरिएको महासंघका अध्यक्ष बरामले जानकारी दिए ।

महासंघले पुस ४ गते सबै जिल्ला प्रशासन कार्यालय, सबै प्रदेशको मुख्यमन्त्रीको कार्यालय र काठमाडौंको माइतीघर मण्डलामा धर्ना दिएर पनि आफूहरुको सांस्कृतिक चाडपर्वको विदा कटौती गर्ने निर्णय फिर्ता लिन दबाब दिने बताएको छ ।

Continue Reading…

ट्रकको ठक्करबाट बाबु र छोराको मृत्यु

दमक । भारतीय मालबाहक ट्रकले मोटरसाइकललाई ठक्कर दिँदा झापाको दमक चोकमा मंगलबार दिउँसो बाबु र छोराको मृत्यु भएको छ ।

ठक्करबाट मोटरसाइकलमा सवार दुवैको मृत्यु भएको इलाका प्रहरी कार्यालय दमकले जनाएको छ । प्रहरी निरीक्षक खगेन्द्र एकतेनका अनुसार मृत्यु हुनेमा मोरङ पथरीशनिश्चरे नगरपालिका–९ का ६३ वर्षीय धनप्रसाद गिरी र उनका २९ वर्षीय छोरा हेमचन्द्र रहेका छन् । ठक्करबाट सख्त घाइते दुवैको स्थानीय लाइफलाइन अस्पतालमा उपचारका क्रममा मृत्यु भएको प्रहरी निरीक्षक एक्तेनले बताए ।

एचआर २७ जे ०६२५ नम्बरको मालबाहक भारतीय ट्रकले दमकको पश्चिम बस रोक्ने ठाउँमा दिउँसो को ३३ प ७९४५ नम्बरको मोटरसाइकललाई ठक्कर दिएको थियो । प्रहरीले दुर्घटनामा संलग्न ट्रक र चालकलाई नियन्त्रणमा लिएको जनाएको छ ।

The post ट्रकको ठक्करबाट बाबु र छोराको मृत्यु appeared first on YesKathmandu.com.

Continue Reading…

भैरहवाद्वारा चितवनसामु १४४ रनको लक्ष्य पेश

२५ मंसिर, काठमाडौं । एभरेष्ट प्रिमियर लिग (ईपीएल) क्रिकेट प्रतियोगितामा भैरहवा ग्लाडिएटर्सले चितवन टाइगर्सलाई १४४ रनको चुनौती पेश गरेको छ ।

टस हारेर पहिले ब्याटिङ गरेको भैरहवाले निर्धारित २० ओभर सकिन तीन बल बाँकी छदा सबै विकेटको क्षतिमा १४३ रन बनाएपछि चितवनले मध्यम स्कोरको चुनौती पाएको हो ।

भैरहवाका लागि रायन टेन डोइस्च्याटले ३५, प्रदीप ऐरीले २६ र रविइन्दर सिंहले २५ रन बनाए ।

बलिङतर्फ चितवनका सागर ढकालले तीन विकेट लिए । त्यस्तै, जर्ज स्कटले दुई विकेट लिए ।

लगातार दुई खेलमा पराजित भएको चितवनले आजको खेलमा जित हात पर्नै पर्ने अवस्था रहेको छ ।

यसअघि चितवनले पहिलो खेलमा ललितपुरसँग ११ रनले पराजित भएको थियो भने काठमाडौं किंग्स इलाभेनसँग ६ विकेटले पराजित भएको थियो । भैरहवाले भने आफ्नो पहिलो खेलमा पोखरा राइनोजलाई पराजित गरेको थियो ।

Continue Reading…

गणपूरक सङ्ख्या नपुगेका कारण अर्थ समितिको बैठक स्थगित

काठमाडौँ । गणपूरक सङ्ख्या नपुगेका कारण तोकिएको समयमा आज बस्ने भनिएको अर्थ, कृषि, सहकारी तथा प्राकृतिक स्रोत समितिको बैठक स्थगित भएको छ ।

गणपूरक सङ्ख्याका लागि कम्तिमा २ २६ सांसद अनिवार्य उपस्थिति हुनुपर्ने मा बैठकमा कृषि, सहकारी तथा प्राकृतिक स्रोत समितिबाट १३ र अर्थ समितिबाट नौँ सांसद मात्र उपस्थित भएकाले ११ बजेका लागि बोलाइएको संयुक्त बैठक अन्तत साढे १२ बजे स्थगित गरिएको हो ।

बैठकमा पूर्व प्रधानमन्त्री डा.बाबुराम भट्टराई पनि पुगेका थिए तर लामो समयसम्म अन्य सदस्य उपस्थित नभएपछि अन्ततः उनि पनि बैठक कक्ष सिहंदरबारबाट निएका थिए ।

आज बस्ने भनिएको बैठकमा भारतीय कम्पनी जीएम आरले माथिल्लो मस्र्याङ्दी–२ जलविद्युत् आयोजनाको लाइसेन्स चिनियाँ कम्पनीलाई बिक्री गरिएका सम्बन्धमा सरकोकारवालबाट सत्यतथ्य सहितको विस्तृते जानकारी लिइने उल्लेख थियो ।

समितिका सभापति कृष्णप्रसाद दाहालले सदस्यहरू विभिन्न कामकाजका लागि जिल्ला बाहिर रहनुभएकाले बैठकमा अनुपस्थित भएकोे जानकारी दिए ।

The post गणपूरक सङ्ख्या नपुगेका कारण अर्थ समितिको बैठक स्थगित appeared first on YesKathmandu.com.

Continue Reading…

Finance Minister says Nepal’s economy is ‘fevered’

 

Kathmandu, December 11

Minister for Finance Yubaraj Khatiwada says the country’s economy is suffering from fever.

The Minister, however, comments that this fever is slight like the one children suffer when they lose their teeth. He says it cannot leave any long term impact.

Minister Khatiwada’s statement comes at a time when some share market investors of the country have launched a protest demanding his resignation. They have claimed that the Minister does not understand their value in the national economy.

But, speaking at a meeting of the Finance Committee in the House of Representatives on Tuesday afternoon, the economist turned politician said he wanted to utilise the money of capital market into productive sectors so that the national economy would grow.

He claimed the government was aware of the capital market.

Khatiwada assured that no one should panic as the country’s economy was moving towards a positive direction.

 

Continue Reading…

अर्थतन्त्रमा ज्वरो आएको छः अर्थमन्त्री खतिवडा

२५ मंसिर, काठमाडौं । अर्थमन्त्री डा. युवराज खतिवडाले मुलुकको अर्थतन्त्रमा ज्वरो अाएको बताएका छन् ।

अर्थसमिति बैठकमा बोल्दै अर्थमन्त्री खतिवडाले अर्थतन्त्रमा ज्वरो अाएको तर त्यो बच्चाको दात अाउँदा अाएको ज्वराे भएका कारण असर खासै नगर्ने बताए ।

सेयर बजारमा विषयमा छलफल गर्न बोलाएको बैठकमा बाेल्दै उनले सेयर बजारमा भएको पुँजीलाई परिचालन गरी उत्पादनमूलक क्षेत्रमा लगाउन सके अार्थिक वृद्धिदरमा सहयोग पुग्ने बताए ।

समितिले निर्णय कुनै लिने भए सेयर बजारका बिज्ञको धारणा लिएर मात्रै निर्णय लिनु पर्ने बताए । उनले सरकार पुँजी बजारका विषयमा सजक भएको समेत बताएका छन्  ।

उनले सेयर बजारमा लगानी गर्दा कति समय होल्ड गर्न सकिन्छ विचार गरेर मात्रै लगानी गर्न सुझाव दिए । राष्ट्रिय पुँजी निर्माण सेयर बजारलाई बनाउनु पर्ने अाफ्नाे धारणा रहेको उनले बताए ।

अर्थतन्त्र सकरात्मक दिशामा रहेका कारण अात्तिनु पर्ने अवस्था भने नरहेको अर्थमन्त्री खतिवडाको भनाइ छ ।

 

Continue Reading…

‘यात्रा’मा सलिनको कडा मिहिनेत

आफ्नो डेब्यू चलचित्र ‘ए मेरो हजुर ३’बाट चर्चा कमाएका नायक सलिनमान बनियाँ अहिले दोश्रो चलचित्र ‘यात्रा’को काममा व्यस्त छन् । दोश्रो चलचित्रको हाल धमाधम डबिङ भैरहेको छ । यो चलचित्रको डबिङ सलिनले थालेसँगै यसको कामपनि अन्तिम चरणमा पुगेको छ ।

चकलेटी अनुहार र कोरियन लुक्स भएका कारण उनका ˆयान स्वदेशसँगै विदेशमा पनि उतिकै छन् । चलचित्रमा सलिनले आफ्नो उत्कृष्ट काम गरेको चर्चा यसको निर्माण टिममा छ । चलचित्रलाई सम्राट शाक्यले निर्देशन गरेका हुन् । उनले भने-‘हामीले चलचित्रमा जर्नीको क्रममा आउने घटनाक्रमलाई देखाउने कोशिस गरेका छौ ।’ सलिनले आफू दोश्रो चलचित्रमा आइपुग्दा परिपक्क भएको बताएका छन् ।

चलचित्रमा सलिनसँगै , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , कमल मैनाली , सौगात शर्मा लगायतको अभिनय रहनेछ । मल्लिका महत्तले यो चलचित्र मार्फत डेब्यू गरेकी छिन् । यो चलचित्रमार्फत नायिका मल्लिका महत्तले डेब्यू गर्दैछिन् । यो चलचित्रमा केशव भट्टराईसँगै चिज कुमार श्रेष्ठ प्रस्तुतकर्ता छन् । चलचित्रमा बिक्रम पराजुली , मुक्ति तिम्सिना र राम शरण घिमिरे सह – निर्माता रहेका छन् ।

चलचित्रका निर्माता सुशील पोखरेल हुन् भने कार्यकारी निर्माता सर्जुमान लिगल छन् । यो चलचित्र चैत्र २९ गतेबाट रिलिज हुँदैछ ।

Continue Reading…

तेल चोरी प्रकरणः निगमले म्याच फिक्सिङ गर्‍यो !

२५ मंसिर, काठमाडौं । नेपाल आयल निगमले नियमित अनुगमन गरेको र आधुनिक प्रविधि प्रयोग गरेको भनिए पनि ट्यांकरबाट तेल चोरी हुने र पेट्रोल पम्पहरुबाट कम परिमाणमा तेल बिक्री गरेर उपभोक्तालाई ठग्ने क्रम रोकिएको छैन । आयल निगमका लागि इन्धन ढुवानी गर्ने ट्यांकरहरुको तेल बीच बाटोमै चोरी हुने गरेको छ ।

नेपाल पेट्रोलियम डिलर्स एसोसिएसनका अध्यक्ष लिलेन्द्र प्रधानका अनुसार ट्यांकरबाट हुने तेल चोरी होस् वा पेट्रोल पम्पबाट कम परिमाणमा तेल बिक्री वितरण होस्, यी सबै आयल निगमको कमजोरीका कारण भइरहेको छ । उनी भन्छन्, ‘निगमले म्याच फिक्सिङ नगरेसम्म इन्द्रेको बाउ चन्द्रेले पनि केही गर्न सक्दैन ।’

पहिले आयल निगमले नै अनियमितता गर्न चालकहरुलाई छुट दिन्थ्यो । त्यसैले पहिले खान पाएकाहरुले फेरि पनि खान पाउ“m भनिरहेको प्रधानको भनाइ छ । तर उनले त्यसरी अनियमिता गर्न दिन नहुने बताए ।

यसै सेरोफेरोमा प्रधानसँग गरिएको कुराकानी –

निगममा यस्ता समस्या आइरहनुको कारण के होला ?

आयल निगमले वास्तवमा अपरेसन म्यानुअल नै बनाएको छैन । सबैभन्दा पहिले ट्रान्सपोर्टर, ड्राइभर, निगमलाई गाइड गर्ने एउटा किताब (अपरेसनल म्यानुअल) बनाउनुपर्छ । अपरेसनल म्यानुअलमा ट्यांकरहरुलाई करारमा लिँदाखेरि म्यानुअल दिनुपर्‍यो, यी तरिकाले नापजाँच गर्छु, यी तरिकाले गुणस्तर चेक गर्छु, यी तरिकाले लोड-अनलोड गर्छु भन्ने हुनुपर्छ । यो कुरा अहिलेसम्म प्रष्ट छैन ।

एक दिन एउटा कुरामा सहमति गर्दिने, अर्को दिन त्यही कुरामा असहमति जनाइदिने गरिएको छ । जस्तै टेम्प्रेचर लिने कुरामा सहमति भयो भने जहाँबाट पनि लिइदिने, सहमति भएन भने नलिइदिने गरिन्छ । हेर्दा साना कुरा लागे पनि यस्तैयस्तै कारणले एउटा-एउटा समस्या आइरहेको छ ।

त्यसकारण सबैभन्दा पहिले म्यानुअल बनाउनुपर्यो । बनाउँदाखेरि आयल निगम, ट्यांकर चालकका प्रतिनिधि, पेट्रोलियम डिलर्स एसोसियसन लगायत सबै स्टेक होल्डरलाई राख्नुपर्‍यो ।

निगमको कारण मात्र समस्या आएको होइन होला नि । यसमा तेल ढुवानीकर्ता, डिलर लिएकाहरु पनि त दोषि छन् नि, होइन ?

यसमा म एउटा उदाहरण दिन्छु- जस्तो कि तपाईंलाई मैले पहिले सधैं चिया खाजा खुवाउँथे । एक दिन खुवाएन भने के हो यार, आज त खाजै खुवाउनु भएन नि भन्ने खालको प्रवृत्ति भयो भने के हुन्छ ? भन्नुस् त ! तपाईं आफैंले यस्तो बनाइदिनुभयो कि, मानौं नियम मिचेर चियाखाजा खान पाउने मेरो अधिकार हो । विगतका दिनहरुमा यस्तो गर्न दिएरै त अहिले ट्यांकर चालकहरुले मागे होलान् नि ।

तपाईंको भनाइअनुसार तेलमा भइरहेको अनियमिततामा निगमको पनि मिलेमतो छ ?

लकिङ सिस्टम प्राविधिक रुपले एकदमै सफल हो । तर हाम्रो देशमा फिटिङमा कैफियत भइरहेको छ । यो कैफियत हुनुमा दुवै पक्षको कमजोरी छ

 

त्यसरी सीधै आरोप त नलगाऔं । तर पहिले दिएको भएर नै त अहिले पनि मागेको होला नी । योभन्दा पहिले दिइयो भने किन दिइएको थियो त्यो कुरालाई पुष्टि गर्नुपर्छ । अहिले दिइँदैन भने किन दिइँदैन त्यसलाई पनि प्रष्ट पार्नुपर्छ । पहिले दिइएको छ भने दुई पक्ष -निगम र ट्यांकर चालक)बीच राम्रो सम्बन्ध भएकाले दिइयो होला । अहिले दुई पक्षमा केही कुरा मिलेन होला त्यही भएर त तीन सेन्टिमिटरसम्म तेल मिलाउन पाउनुपर्‍यो भनेर माग गरिरहेका छन् भन्ने कुराहरु बाहिर आयो नत्र किन आउँथ्यो र ? मेरो कुरा गर्नुहुन्छ भने म त दिनु हुँदैन भन्ने पक्षमा छु । हाम्रो संस्था यसको बर्खिलापमा छ ।

सीधै चोर्न पाउनुपर्‍यो भनेर माग्न पनि त भएन नि ?

भारतको उत्तरप्रदेशमा एउटा यस्तै घटनाको उदाहरण छ । योगी आदित्यनाथको क्षेत्रका पेट्रोल पम्पहरुमा व्यापक सिल तोडिएका भेटिए । अनुगमन गरेर सबैलाई कारबाही गरियो । पछि के पत्ता लाग्यो भने लागतअनुसार प्रतिफल नपाएकाले पम्प सन्चालकले त्यस्तो गरेका रहेछन् । यो कुरा पत्ता लागेपछि त्यहाँको सरकारले लागतअनुसार प्रतिफल दियो । खुरुखुरु प्रतिफल पाएपछि समस्या हट्यो । तर, हामी जहिले पनि सीधा ढोकाबाट निस्कने वातावरण नै बनाउँदैनौं ।

त्यसैले म के भन्छु भने, कुनै पनि नागरिकलाई नियम पालना गराउन र कानुनभित्र बसाउनलाई सरकारले वातावरण बनाएन भने सम्भव नै छैन । जस्तै उदाहरणको लागि- मोटर लगाएर पानी तान्नु पनि चोरी हो । तर, मानिसहरु मोटर लगाएर पानी तान्न बाध्य छन् । प्रशस्त पानी पाउने र जति पानी चलाएको हो त्यो वाफत शुल्क तिर्ने हो भने तपाईंको गच्छेअनुसार तपाईंले तिर्नुहुन्छ, मेरो गच्छेअनुसार म तिर्छु । अहिले त तपाईंको घरमा धारा भए पनि मोटर लगाएर पानी तान्नै पर्ने बाध्यता छ । इमान्दारपूर्वक बस्छु भन्ने व्यक्तिलाई त सरकारले वातावरण बनाइदिनुपर्‍यो नि ।

ट्यांकरमा लकिङ सिस्टम सुरु भएपछि तेल चोरी रोकिने भनिएको थियो । तर पनि नरोकिएको किन होला ?

मेरो स्पष्ट भनाइ के हो भने गलत काम यदि भएको छ भने त्यो एकैछिनमा थाहा भइहाल्छ, लुकाएर लुक्ने कुरा होइन यो । निगमले म्याच फिक्सिङ नगरेसम्म इन्द्रेको बाउ चन्द्रेले पनि चोर्न सक्दैन

लकिङ सिस्टम प्राविधिक रुपले एकदमै सफल हो । तर हाम्रो देशमा फिटिङमा कैफियत भइरहेको छ । यो कैफियत हुनुमा दुवै पक्षको कमजोरी छ । निगमको एउटा मान्छेले ति यन्त्रहरुको फिटिङ ठीक छ भन्छ, दिनहुँ त्यही गाडीबाट तेल पनि बुझिरहेको छ र, त्यो माल प्रयोग गर्न पनि ठीक छ भनिरहेको छ । तर केन्द्रबाट छड्के आउने अर्को मान्छेले चाहिँ त्यो बिगि्रएको छ भनिदिन्छ । भनेपछि यहाँ शक्ति पृथकीकरण भएन के । जाँच्ने पनि उही, नाप्ने पनि उही र दण्ड दिने पनि उही छ । जाँच्ने एउटा पक्ष हुनुपर्‍यो र दण्ड दिने अर्को पक्ष हुनुपर्‍यो ।

मेरो स्पष्ट भनाइ के हो भने गलत काम यदि भएको छ भने त्यो एकैछिनमा थाहा भइहाल्छ, लुकाएर लुक्ने कुरा होइन यो । निगमले म्याच फिक्सिङ नगरेसम्म इन्द्रेको बाउ चन्द्रेले पनि चोर्न सक्दैन । सरकारको लापरवाही नभएसम्म नेपालमा क्राइम सम्भवै छैन । यो तेल प्रकरणलाई पनि त्यसैगरी लिनुपर्छ । निगमसँग अनुगमन, नियमन र नियन्त्रणको स्पष्ट योजना र कार्यक्रम नै छैन ।

निगमलाई स्रोत साधन सम्पन्न र प्रविधियुक्त बनाएपछि समस्या समाधान हुन्छ त्यसो भए ?

सुशील कोइराला प्रधानमन्त्री हुँदा इन्धनको मूल्य वृद्धिमा धेरै गुनासा आएपछि एउटा संसदीय समितिले अध्ययन गरेको थियो । पद्मनारायण चौधरी नेतृत्वको त्यो समितिले धेरै बुँदाहरुमा सुझाव पनि दियो । त्यसमा आवश्यकताभन्दा बढी पेट्रोल पम्प खोल्न अनुमति दिइएको, आवश्यकताभन्दा बढी ट्यांकर दिइएको र अब आइन्दा आवश्यकता पुष्टि हुने गरी मात्रै लाइसेन्स वितरण गर्नुपर्छ भन्ने कुरा छ । तर, सरकारले त्यसलाई पालना गरिरहेको छैन ।

जुन सरकार आयो, जुन मन्त्री आयो डिलरसिप चाहिँ बाँड्ने काम मात्र भइरहेको छ । जहाँ नयाँ बाटाहरु बनेका छन् त्यहाँ चाहिँ डिलर दिनुपर्छ । तर दिनुभन्दा अगाडि औचित्य पुष्टि गर्नुपर्छ ।

डिलरहरुलाई नियमन गर्न न सरकारसँग प्रयाप्त स्रोतसाधन छ, न निगमसँग छ । न अनुगमन गर्ने स्रोत र साधन छ । निगमलाई उच्च प्रविधियुक्त बनाउनुपर्छ र हाम्रो गलत मानसिकता पनि बदलिनुपर्छ ।

यी कुराहरु निगमलाई किन भन्नुहुन्न त तपाईंहरुले ? निगमलाई सुधार्ने जिम्मेवारी त तपाईंहरुको पनि त हो नि, होइन ?

हामीले त भनिरहेका छौं तर हाम्रो कुरा न निगमले सुन्छ, न सरकारले । हामीलाई छलफलमा बोलाउँदै बोलाउँदैन । अहिले छलफलको शून्यता नै छ । कुनै कुरामा हाम्रो सहमति होला वा असहमति, तर छलफलमा त बोलाउनुपर्छ नि । हाम्रो पनि बिसौं वर्षदेखिको अनुभव छ । त्यो अनुभव सुन्नु पर्दैन ? अर्थमन्त्रालयको प्रतिनिधिभन्दा त हाम्रो प्रतिनिधित्व अर्थपूर्ण हुन्छ । कर्मचारीहरु त कहिले आउने, कहिले जाने हुन्छन् । हामी त बिसौं वर्षदेखि यही फिल्डमा छौं । हामीलाई सैद्धान्तिक ज्ञान नहोला तर व्यवहारिक ज्ञान धेरै छ । हाम्रो अनुभव सुन्दा राम्रै हुन्थ्यो होला, तर निगमले कहिल्यै पनि बोलाएर हाम्रो अनुभव सुन्दैन ।

त्यो नगर्दावित्तिकै विरोधका स्वरहरु स्वाभाविकरुपमा आउँछन् । जे कुरामा पनि हकारेर मात्रै हुन्छ र ? गरेर खान सबैलाई दिनुपर्छ, भैरहेको राम्रा कामलाई संरक्षण पनि गर्नुपर्छ । विकृति रोक्नु पनि पर्छ । यसो गरे, उसो गरे भनेर दोष मात्रै लगाउनुभन्दा विकृति त्यस्ता समस्याहरु आउनै नदिनका लागि पहिल्यै सजग हुनु राम्रो हो नि ।

तर, हामीलाई त दोस्रो दर्जाका मानिस जस्तो व्यवहार गरिन्छ । प्रजातन्त्र, लोकतन्त्र र गणतन्त्र आइसक्दा पनि दास मनोवृत्ति कायमै छ । लोकतन्त्रमा जबरजस्ती लाद्न पाइन्छ र ?

त्यसो भए सुधारका लागि के गर्ने त ?

सबैभन्दा पहिला त निगम जागरुक भयो भने ९९ प्रतिशत समस्या आफै समाधान हुन्छ । त्यसका लागि चुहावट हुने कारण केके हुन्, केके कठिनाइहरु छन् भन्ने कुरामा बेलाबेला छलफल हुनुपर्छ । यहाँ त ताल्चा लगाउने तर कब्जा लुज गरिदिने प्रवृत्ति छ । अब भन्नुस् त यसो भयो भने के हुन्छ ? यो कब्जा हेर्ने काम त आयल निगमकै हो नि ।

तर, फेरि यो काम निगमको हो भन्दैमा ढुवानी पक्ष (चालक)ले पनि नैतिकता गुमाउनु भएन । सबैले आ-आफ्नो ठाउँमा इमान्दारीतापूर्वक काम गर्ने हो भने यो वास्तवमा एकैदिनमा समस्या समाधान हुन्छ ।

अर्को कुरा चालकहरुले तलबभत्ता पाएका छैनन् भने दिनुपर्‍यो । सुरक्षा दिनुपर्‍यो । लोड गरिसकेपछि समयमै अनलोड गरिदिनुपर्‍यो । कहिलेकाहिँ त भण्डारण गर्ने ठाउँ छैन भनेर गाडीबाट तेल अनलोड नै गरिदिँदैनन् ।

Continue Reading…

बैतडीमा बाँदर आतङ्क, खेतीयोग्य जमीन बाँझै

Continue Reading…

काँग्रेस बैठकमा राजनीतिक प्रस्ताव पेस, शनिवारदेखि महासमिति बैठक

काठमाडौँ । नेपाली कांग्रेसको केन्द्रीय समिति बैठकमा राजनीतिक प्रस्ताव पेस भएको छ ।

मंगलबार दिउँसो पार्टी केन्द्रीय कार्यालय सानेपामा बसेको बैठकमा उपसभापति विमलेन्द्र निधिको संयोजकत्व रहेको १७ सदस्यीय समितिले तयार पारेको राजनीतिक प्रतिवेदन पेस गरिएको हो ।

केन्द्रीय सदस्य नरहरि आचार्य संयोजक रहेको उपसमितिले विभिन्न क्षेत्रका विज्ञहरुको रायसहित प्रतिवेदन लेखेको थियो । आचार्य संयोजक रहेको ७ सदस्यीय कार्यदलले गत साता मूल समितिलाई राजनीतिक प्रतिवेदन बुझाएको थियो । सोमबार र मंगलबारर बसेको मूल समितिले प्रतिवेदनलाई अन्तिम रुप दिएको हो ।

सोमवार मात्रै सहमहामन्त्री डा. प्रकाशशरण महत नेतृत्वको समितिले पेस गरेको आर्थिक प्रतिवेदन परिमार्जनसहित पारित भएको थियो । महासमितिले यी प्रतिवदेन पारित गरेसँगै कांग्रेसको राजनीतिक नीति तयार हुनेछ ।

यस्तै कांग्रेसको महासमिति बैठक आउँदो शनिबारदेखि बस्ने भएको छ । देशभरका महासमिति सदस्यहरु अघिल्लो दिन नै काठमाडौं आइपुग्नेछन् । महासमिति बैठकको उद्घाटन २९ गते शनिबार गरिने पार्टी प्रवक्ता विश्वप्रकाश शर्माले जानकारी दिए ।

त्यही दिन साँझ राजनीतिकसहितका दस्तावेज पेश गर्ने र पुस १ गतेबाट छलफल थाल्ने तयारी छ ।

The post काँग्रेस बैठकमा राजनीतिक प्रस्ताव पेस, शनिवारदेखि महासमिति बैठक appeared first on YesKathmandu.com.

Continue Reading…

अर्थ र कृषि समितिको बैठक कोरम नपुगेपछि स्थगित

२५ मंसिर, काठमाडौं । मंगलबार बिहान सिंहदरबारमा बोलाइएको संघीय संसद अन्तरगतको अर्थ र कृषि, सहकारी तथा प्राकृतिक स्रोत समितिको संयुक्त बैठक कोरम नपुगेपछि स्थगित भएको छ ।

अर्थ समितिका अधिकांश सांसदहरुको अनुपस्थित भएपछि बिहान साँढे ११ बजेका लागि बोलाइएको बैठक बस्दै नबसी स्थगित भएको हो । साढे १२ बजेसम्म पर्खदा पनि कोरम नपुगेपछि बैठक बस्न नसकेको हो । सांसदहरुको कार्य व्यस्तताका कारण बैठक स्थगित भएको अर्थ समितिका सभापति कृष्णप्रसाद दाहालले जानकारी दिए ।

संयुक्त बैठकका लागि मर्स्याङ्दी–२ जलविद्युत आयोजनाको लाइसेन्स खरिद बिक्रीबारे विस्तृत छलफल गर्ने कार्यसूची तय गरिएको थियो । भारतीय कम्पनी जिएमआरले सो जलविद्युत आयोजनाको लाइसेन्स विक्री गरेपछि तत्सम्बन्धमा अध्ययन गर्न दुवै समितिको संयुक्त बैठक बोलाइएको थियो ।

लाइसेन्स लिने तर आयोजनाको काम अघि नबढाउने कम्पनीलाई कार्वाहीको दायरामा ल्याउने विषयमा छलफल गर्न दुवै समितिको संयुक्त बैठक बोलाइएको पनि अर्थ समितिका सभापति दाहालले बताए ।

अर्थ समितिले सो सम्बन्धमा छानवीन गर्न उपसमिति गठन गर्ने योजना पनि बनाएको छ । संयुक्त बैठक बस्ने अवस्था नभए उपसमिति बनाएर भए पनि सो लाईसेन्स खरिद सम्बन्धमा आवश्यक छानवीनको कामलाई अघि बढाउने योजना रहेको अर्थ समितिका सभापति दाहालले बताए ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog