Sunday, October 21, 2018

गुड्दा-गुड्दै मोटरसाइकलमा यसरी दन्कियो आगो

४ कात्तिक, काठमाडौं । आइतबार काठमाडौं-मुग्लिङ सडकखण्ड अन्तरगत धादिङको नौबिसेमा गुड्दा गुड्दै मोटरसाइकलमा आगलागी भएको छ । घटनामा जनधनको क्षति भने हुन पाएन ।

आइतबार दिउँसो धादिङको गजुरीबाट काठमाडौंतर्फ आउँदै गरेको बााइक धुनिबेसी-८ बाहुनडाँडामा एक्कसी आगलागी भएको हो ।

चलिरहेकै अवस्थामा बाकइमा आगो लागेको थाहा पाएपछि चालक जयराम तामाङ मोटरसाइकल बाटोमै रोकेर भागेका थिए । बा २२ प ५५३८ नम्बरको बाइकमा आगलागी भएको हो ।

Continue Reading…

राधाकृष्ण मैनालीको विश्लेषणः वामदेवले जे पनि गर्न सक्छन् !

४ कात्तिक, काठमाडौं । विगतमा सँगै राजनीतिक यात्रा गरेका पूर्वसहकर्मी राधाकृष्ण मैनालीले वामदेव गौतम चरम महत्वाकांक्षी नेता भएको बताएका छन् । गौतमले आफ्नो महत्वाकांक्षा पूरा गर्न जे पनि गर्न सक्ने मैनालीको विश्लेषण छ ।

अहिले सतहमा आएको काठमाडौं ७ का सांसद रामवीर मानन्धरको राजीनामा प्रकरणमा नेकपा नेता गौतमले आत्मघाती कदम चालेको र यसबाट उनको राजनीतिक वजन घटेको मैनालीको तर्क छ ।

गौतमको स्वाभाव र आनीबानीबारे पूर्वमन्त्री एवं वाम नेता मैनालीको विश्लेषण उनकै शब्दमा-

अहिलेको प्रकरणमा भित्री कुरो साँठगाँठ कताबाट कता थियो भन्ने विश्लेषणको कुरोमात्रै हो, किटानी नै गर्न सकिँदैन । उहाँको स्वाभावकै बारेमा हो भने केही कुरो भन्न सकिन्छ ।

वामदेवजीमा अत्यन्त चर्को महत्वाकांक्षा छ । संगठनमा तल बस्नु परेको भए पनि अहिले देशमा भएका सबै नेताहरु भन्दा म कुनै मानेमा कम छुइनँ भन्ने उहाँलाई लागेको छ । क्षमतामा म अरु भन्दा माथि छु भन्ने उहाँलाई छ । म एक नम्बरमा हुनुपर्ने, एक नम्बरमा पनि अति विशिष्ट हुनुपर्ने भन्नेखालको इगो उहाँमा छ ।

तर, यो इगो त सजिलै पूरा हुँदैन । पूरा नभएपछि उहाँले पार्टीमा गुट बनाउनुपर्ने हुन्छ । त्यो इगो पूरा गर्ने गुट बनाउनका लागि उहाँलाई पैसा चाहिन्छ । पैसा पनि उहाँले नसोचेको, अञ्दाज नगरेका ठाउँबाट पनि व्यवस्थापन गर्न सक्नुहुन्छ ।

यिनै तीनवटा कुराहरु छन्ः महत्वाकांक्षा, महत्वाकांक्षालाई पूरा गर्न चाहिने गुट र त्यसलाई पूरा गर्न चाहिने पैसा । यी तीनवटा कुरा भइसकेपछि कुनै सिद्धान्तको आड भरोसा हुँदैन । किनभने सिद्धान्तवादी मान्छेले त त्यसो गर्दै गर्दैन । सिद्धान्तमा अड्नुपर्‍यो । के गर्ने, के नगर्ने, छुट्याउनुपर्‍यो ।

हुन त अहिले नेपालका कुनै नेताहरुमा पनि सिद्धान्तवादिता छैन, चाहे केपी ओली हुन्, चाहे प्रचण्ड । कताबाट हुन्छ, सत्तामा जानेमात्रै महत्वाकांक्षा हो । सत्तामा जानका लागि जोसँग जे कुरो गरेर, मिलेर हुन्छ, त्यही गर्ने हो । बाबुरामजीमा पनि त्यही देखियो, चुनाव जित्नका लागि उहाँ कांग्रेससँग मिल्नुभयो । कांग्रेसले पनि काहीँ कोसँग गठबन्धन, काहीँ कोसँग गठबन्धन गर्‍यो ।

ओलीजी पनि एमाले हुँदा झापामा राप्रपासित मिल्नुभो । अत्यधीक भोट ल्याउने तरिका के हुन्छ भनेर त्यहाँ आफ्नै पार्टीले जित्ने ठाउँमा राप्रपालाई दिएर राप्रपाको भोट आफ्नो ठाउँमा तान्नु भो । त्यो कुनै सिद्धान्तको कुरो थिएन । यसरी सबैले यस्तै गरिरहेको ठाउँमा वामदेवले पनि गरेको यही हो ।

वास्तवमा वामदेव गौतमले धेरै नसोचिकन कदम चाल्नुभो । चुनिराखेको सांसदलाई अकारण एक वर्ष पनि नपुगी हटाएर म त्यहाँ जाँदा हुन्छ भन्ने उहाँको आँकलन सत्तामा जाने सिँढीको निम्ति नै एउटा ठूलो समस्या बन्यो । उहाँले असाध्यै कच्चा खेल खेल्नुभयो । यो सम्भव नै थिएन । संजोगले कुनै सीट खाली भएर त्यहाँ जानु एउटा कुरो भयो ।कसैलाई राजदूत बनाएर खाली गरिसकेपछि गरे्को भए पनि एउटा कुरा हुन्थ्यो ।

तर, त्यहाँभित्रका खेलका खेलाडीले त्यसो गर्न दिएनन् । ओलीजीहरुले के बुझेका छन् भने वामदेव यहाँ सजिलो कार्यकर्ता हुन आउन लागेका होइनन् । यो कुरा त अरुले पनि बुझेका छन् नि । इमान्दार सबै भएको भए पो सजिलो खेल हुन्थ्यो । एकले अर्कालाई पछार्न छिर्के दाउ लगाएर सत्तामा जानेहरुले त कुरो बुझिहाल्छन् ।

त्यसैले वामदेवजीले अहिले जे गर्नुभयो, त्यो उहाँकै निजी राजनीतिक जीवनका लागि पनि आत्मघाती भयो । हिजो चुनाव हारेर पनि पार्टीमा उहाँको जुन रजगज थियो, त्यो हल्का भयो । हिजोको वजन घट्यो । अश यसलाई कसरी उठाउनुहुन्छ, त्यो उहाँकै कुरो हो । उहाँले अब चुप लागेर बसेर बरु जित्नुहोला । उहाँले कुसमयमा गलत तरिकाले काम गर्नुभयो ।

वामदेवले भनिहाल्नुभयो नि, म नभई पार्लियामेन्ट चलेन । म नभई सरकार चलेन । म नभएसम्म देशै चलेन भन्ने किसिमको जुन उदगार दिनुभो, त्यो. महत्वाकांक्षाको चरमचुली हो । अहिले देशमा जुन स्थिति उत्पन्न भएको छ, ओलीजीले वा वामदेवजीले मात्रै घँचेटर देश अगाडि जान्छ जस्तो मलाई लाग्दैन ।

वामदेव गौतम अहिले इण्डियासँग मिल्नुभो कि भन्ने प्रश्नमा मिल्ने नसक्ने कुरोचाहिँ छैन । त्यहाँ गएर उहाँले फाइदा हुन्छ भन्ने कुरो बुझ्नुभो र अहिलेको अवस्थामा पार्टी अध्यक्ष जा प्रधानमन्त्री बन्न सकिन्छ भन्ने कुरो बुझ्नुभो भने उहाँले त्यसो गर्नुहुन्न भन्ने मलाई लाग्दैन । कि त पार्टी अध्यक्ष बन्ने, कि प्रधानमन्त्री बन्ने भन्ने दुईवटा कुराको सुइँको आयो भने त्यतापट्ट मिल्न उहाँलाई अप्ठ्यारो चाहिँ पर्दैन । अहिलेसम्मको व्यवहार हेर्दा उहाँ त्यसो गर्न सक्ने मान्छे हो ।

महत्वाकांक्षा आइसकेपछि त्यसलाई पूर्ति गर्न जे पनि गर्न तयार मान्छे हो उहाँ । चलखेलका हिसाबले सत्ता प्राप्ति हुने हुँदा उहाँ जे पनि गर्नर् तयार हुने मान्छे हो ।

यसो भनिरहँदा प्रचण्डको पनि स्वाभाव त्यही हो । जनक्रान्ति गर्ने भन्ने लागेर १७ हजार मान्छे मरिसकेपछि दिल्लीसँग सम्झौता गरेर उहाँ यहाँ राष्ट्रपति हुन आउनुभयो । भित्री मनशाय त उहाँको राष्ट्रपति हुने थियो । भित्ताको पोष्टरमा राष्ट्रपति भनेर टाँसिएको कारण नै त्यसको त केही अर्थ त छ । नत्र एकैचोटि भित्ताभरि प्रचण्ड राष्ट्रपति भनेर किन आउँथ्यो ? राष्ट्रपति नभएपछि प्रचण्ड प्रधानमन्त्री त हुनुभयो ।

इण्डियासँग सुरुङ युद्ध गर्ने मान्छे, प्रधानमन्त्रीकै लागि उहाँले इण्डियासँगै १२ बुँदे गर्न किन तयार हुनुभयो ? किनभने, सत्तामा जानका लागि । एमालेसँग हुँदाहुँदै कांग्रेसमा पुग्ने, कांग्रेससँग हुँदाहुँदै एमालेमा आउने । किन यस्तो भएको हो भने जताबाट आफू सत्तामा पुगिन्छ, त्यसलाई एक नम्बरमा ठान्ने । आम मानिसहरु सिद्धान्तको भन्दा पनि सत्ताका पछि जान्छन् । वामदेवले यो कुरा बुझेका छन् ।

अहिले म के देख्छु भने सिद्धान्तको पछि लाग्ने नेताहरुको उन्नति भएको छैन । मैले अहिले देखेको सिद्धान्तमा लाग्ने मान्छे भनेको मोहन वैद्यजी हो । उहाँ वास्तवमा पुराना नेतामध्येमा सिद्धान्तवादी हो । तर, कस्तो सिद्धान्तवादी भने अलि डरछेरुवा मान्छे । किनभने इण्डियाबाट आउनेवित्तिकै उहाँले यो क्रान्ति असफल हुने भयो भन्ने कुरो बुझेको भए अहिलेभन्दा उहाँले धेरै शक्ति आर्जन गर्नुहुने थियो । त्यो सक्नुभएन ।

तर, प्रचण्ड सत्ता लिन गए भन्ने कुरोचाहिँ उहाँले बुझेको हो । यसरी उहाँहरुले सोचेको समाजवाद आउँदैन भन्ने कुरोचाहिँ वैद्यजीले बुझेको हो । सिद्धान्तमा बुझ्नुभो, तर हिम्मत गर्न सक्नुभएन ।

अहिले धेरै मानिसहरु नेकपा फुट्छ भन्छन् । तर, मलाई लाग्छ, नेकपा फुट्दैन । किनभने फुटिसकेपछि सत्तामा जाने खेलै सकिन्छ । जस्तो अहिले हाम्रो सीपी मैनालीकै कुरो गरौं । उनी नेकपामा गएको भए कार्यकर्ताको सपोर्ट त उनले पनि पाउँथे नि । तर, उनले मानेनन् । यो कुरो नेकपाभित्रका चार/पाँच जना नेताहरु माधव, केपी, झलनाथ, प्रचण्ड, वामदेव यिनीहरुले बुझेका छन् । बाहिर जानेवित्तिकै हाम्रो सुतीखेती हुँदैन, त्यसैले यहीँ बसेर चलखेल गर्ने हो भन्ने उनीहरुलाई लागेको छ । उहाँहरुको सिद्धान्त भनेको सत्तामा कसरी जाने भन्ने सिद्धान्त हो । यही सिद्धान्तका आधारमा उहाँहरु चलखेल गरेको गर्‍यै हुनुहुन्छ । पार्टी एकीकरण पनि यही सिद्धान्तका आधारमा भएको हो । एकीकरणको केही महिना पछाडि विवाद सतहमा आएको पनि यही कारणले हो ।

मलाई के लाग्छ भने संविधानदेखि लिएर राष्ट्रिय अन्तरराष्ट्रिय परिस्थितिलाई अहिलेका नेताहरुले बुझेनन् । सबै एकीकृत भएर जनताका समस्या हटाउनेतिर लागेको भए अन्तरराष्ट्रिय परिस्थितिलाई पनि आफ्नो अनुकूल बनाउन सकिन्थ्यो । तर, जनताका दैनन्दिन समस्याका बारेमा चासै नराख्ने, अनि जो सरकारमा पुगेको छ, त्यो चाहिँ मदमत्त भएर हिँड्ने । जस्तो- अहिले ओलीजीले न क्याबिनेटमा गतिलो मान्छे राख्नुभएको छ, न सचिवालयमा गतिलो मान्छे राख्नुभएको छ । न सल्लाहकार टीम गतिलो बनाउनुभएको छ । न कुनै योजना नै गतिलो बनाउनुभएको छ ।

अहिले मन्त्रीले काम गरेनन् भन्छन् । मन्त्रीलाई के योजना दिएको छ र काम गर्नु ? प्रधानमन्त्री ठुल्ठुलो भाषण गरेर हिँड्ने । योजनै छैन । मन्त्रालयलाई कभर गर्नेखालका नयाँ योजना, जनताको मन जित्ने काम के छ ? केही पनि छैन । हिजो जे थियो, आज पनि त्यही छ । मन्त्रीले दिएको काम भनेको त मन्त्रालयले दिएको काम न गर्ने हो । मन्त्रालयमै योजना छैन ।

त्यसकारण मन्त्रीले काम गरेन भन्ने कुरोको कुनै अर्थ छैन । गहृमन्त्रीले शान्ति ुरिक्षा कायम गर्न सकेनन् भन्नेसम्म एउटा कुरो हो । अरु मन्त्रालयलाई त योजनै दिइएको छैन । नयाँ योजना नदिइएपछि बाहिर गएर मन्त्रीले केही गर्न सक्दैन । प्रधानमन्त्रीको एजेन्ट मात्रै हो मन्त्री भनेको । देशै हाँक्ने भनेको प्रधानमन्त्री हो । प्रधानमन्त्रीले योजना दिनुपर्‍यो । तर, मैले अहिले देखे अनुसार नयाँ योजना केही पनि छैन । परम्परादेखि आएको जे थियो, त्यही चलिरहेको छ ।

(कुराकानीमा आधारित)

Continue Reading…

केपी ओलीको ‘थेसिस’-वामदेवलाई भारतले उचाल्यो !

४ कात्तिक, काठमाडौं । नेकपाका शीर्षनेता वामदेव गौतमलाई काठमाडौं- ७ बाट चुनाव लडाउने अध्याय समाप्त भइसकेको छ । तर, पटक-पटक सांसद बन्न खोज्ने वामदेवको प्रयासका पछाडि छिमेकी भारतको उक्साहट रहेको विश्लेषण नेकपाभित्र सुरु भएको छ ।

नेकपाका नेताहरुले दिएको जानकारी अनुसार पार्टी अध्यक्ष एवं प्रधानमन्त्री केपी शर्मा ओलीले वामदेव गौतमको चुनाव लड्ने प्रयासलाई छिमेकीको उक्साहटमा भएको षडयन्त्र बताएका छन् । अघिल्लो साता रामवीर मानन्धरको राजीनामा आएपछि प्रधानमन्त्री ओलीले प्रचण्ड र माधव नेपालसँग भने- ‘यसमा ठूलै डिजाइनले काम गरेको छ ।’

महाकाली सन्धिको विरोध गर्दै एमाले फुटाएका वामदेव गौतमलाई भारतले राम्रो नजरले हेर्ने गरेको थिएन । महाकाली सन्धि हुँदा केपी ओली त्यसको पक्षमा थिए भने वामदेव गौतम चर्को विरोधमा थिए । तर, अहिले उनै केपी ओलीले वामदेवलाई भारतको उक्साहटमा लागेको आरोप लाग्ने अवस्था कसरी आइपुग्यो ? यो नेकपाभित्रको निकै रोचक प्रशंग हो ।

दक्षिणतर्फ वामदेवको यु-टर्न !

नेकपाको उच्च स्रोतका अनुसार जतिबेला केपी शर्मा ओली भारतीय नाकाबन्दीको विरोधमा चर्कोसँग उत्रिइरहेका थिए, त्यसबेलादेखि नै भारत एमालेभित्र आफ्नो बलियो विश्वास पात्रको खोजीमा थियो । तर, उसले ओलीको विरुद्धमा माधव नेपाल वा झलनाथ खनाललाई प्रयोग गर्न सम्भव देखेन र उसको नजर वामदेव गौतमतर्फ पर्‍यो ।

महाकाली सन्धीको विरोध गरेर नेकपा माले बनाउँदा राष्ट्रवादी छवि बनाएका वामदेव वैचारिक अडान नभएका नेताका रुपमा परिचित छन् । यही कारण उनको राष्ट्रवाद भारतपरस्त दृष्टिकोणमा सहजै परिवर्तन भएको पूर्वएमालेका एक नेता बताउँछन् ।

सूत्रको दाबीअनुसार वामदेव गौतमलाई भारतले आफ्नो प्रभावमा पूर्णरुपमा पारेको चाहिँ एमाले-माओवादी गठबन्धन सरकार ढलेर प्रचण्ड प्रधानमन्त्री बनेपछि हो । ओली सरकार ढलेपछि प्रधानमन्त्री बनेका प्रचण्डले शेरबहादुर देउवालाई सत्ता हस्तान्तरण गर्ने बेलामा वामदेवलाई प्रधानमन्त्री बनाउने प्रस्ताव आएको थियो । तर, ओलीले यो प्रस्तावलाई अस्वीकार गरिदिए ।

‘प्रचण्डले शेरबहादुरलाई हस्तान्तरण गर्ने बेलामा इण्डियनहरुले सर्वदलीय सरकार बनाउने एउटा प्रस्ताव ल्याएका थिए,’ नेकपा स्रोत भन्छ- ‘चुनावको म्याद एक वर्ष थप्ने, चुनावी सरकार देउवाकै नेतृत्वमा बनाउने तर, वीचमा केही समय सर्वदलीय सरकार बनाएर वामदेवलाई प्रधानमन्त्री बनाउने । तर, यो प्रस्ताव केपी ओलीले मानेनन् । र, देउवाकै नेतृत्वमा सरकार बन्यो ।’

त्यसबेला वामदेवले आफ्नो नेतृत्वमा सर्वदलीय सरकार बनाउने प्रस्ताव केपी ओलीसम्म पुर्‍याएको नेकपाका नेताको दाबी छ । पदीय लोभमा परेर गौतम भारतको योजनामा लपक्कै भएको आरोप नेकपाका केही नेताहरुले लगाउन थालेका छन् । र, विश्लेषणका सर्जक प्रधानमन्त्री केपी ओली आफैं हुन् ।

रामवीर प्रकरणले वामदेव ‘एक्स्पोज’ भए

काठमाडौं निर्वाचन क्षेत्र नम्बर ७ का सांसद रामवीर मानान्धरले सांसद पद छाड्ने घोषणा गरेपछि वामदेव गौतम एक्स्पोज भएको नेकपाका नेताहरुको बुझाइ छ ।

नेकपाका एक नेताले अनलाइनखबरसँग भने- ‘आर्थिक अनुशासनको हिसाबमा पनि वामदेवको छवि भ्रष्टाचारसँग जोडिने गरेको छ । उनले महाकाली सन्धीका बेलाको राष्ट्रियताको अडान पनि इण्डियालाई बिसाइसकेका छन् । र, अहिले सांसद हुन डोल्पादेखि काठमाडौंसम्म गरेको मरिहत्तेपछि उनी पदका लागि जे पनि गर्छन् भन्ने सन्देश गएको छ ।’

केपी ओलीमाथि ‘सरप्राइज्ड एट्याक’

काठमाडौं क्षेत्र नम्बर ७ का नेकपा सांसद रामवीर मानन्धर केपी ओली गुटकै नेता हुन् । तर, ओलीले मन्त्री बनाएकोमा मानन्धर ओलीसँग असन्तुष्ट रहँदै आएका थिए । तर, राज्यमन्त्रीसरहको सुविधा पाइने संसदीय समितिको सभापति बन्न पाइन्छ कि भन्ने मानन्धरको चाहना थियो, ओलीले त्यो सभापति पनि बनाएनन् । यसले गर्दा अलिकति सन्की स्वाभावका मानन्धर ओलीसँग भित्रभित्रै मुर्मुरिइरहेका थिए ।

ठीक यही समयमा वामदेव गौतमका प्युठानतिरका एकजना नेकपा नेताले मानान्धर ओलीसँग रिसाएको पत्तो पाए । त्यसपछि उनले मानन्धरलाई वामदेव गौतमकहाँ लिएर गए । नेता गौतमले आफू सांसद बनिसकेपछि उनलाई राष्ट्रियसभाको सदस्य र मन्त्री बनाइदिने आश्वासन दिए । कतिपयले आर्थिक विषयमा पनि कुरा भएको बताए पनि त्यो पुष्टि हुन सकेको छैन ।

रामवीरसँग सांसद पदको लेनदेन गर्ने सहमति भइसकेपछि वामदेवले प्रचण्डलाई फोन गरेर भने- ‘एकजना महत्वपूर्ण मान्छेसँग तपाईलाई भेट गराउनुपर्ने छ, समय मिलाइदिनुपर्‍यो ।’

यति भनिसकेपछि वामदेव रामवीर मानन्धरलाई लिएर प्रचण्डनिवासमा पुगे । र, रामवीरले त्यहीँ बसेर आफ्नो राजीनामा लेखे । जुन राजीनामा प्रचण्डबाट महासचिव विष्णु पौडेलको हातमा पुग्यो । पौडेलले दशैं अघिकामे सचिवालय बैठकमा रामवीरको राजीनामालाई बैठकको सुरुमै एजेण्डाका रुपमा प्रस्तुत गरे ।

नेकपा नेताहरुका अनुसार वामदेवका लागि ठाउँ खाली गर्न रामवीरले राजीनामा दिने कुरा एएटै गुटका केपी ओलीलाई थाहा थिएन । सचिवालयमा एकैचोटि यस्तो प्रस्ताव आएपछि प्रधानमन्त्री ओली सरप्राइजमा परेको र उनले यो प्रकरणमा भारतीय डिजाइन रहेको निश्कर्ष निकालेको नेकपाका नेता बताउँछन् ।

प्रचण्डले साथ दिएनन्, वामदेव हार्ने देखियो

रामवीरले आफ्नै निवासमा आएर राजीनामा लेख्दासम्म वामदेवप्रति उदार देखिएका प्रचण्ड अन्ततः केपी ओलीले यो प्रकरणलाई ‘भारतीय डिजाइन’ भनिदिएपछि हच्किएर एक कदम पछि हटे । प्रचण्ड पछि हटेपछि वामदेवको केही जोर चलेन । र, उनले ‘अहिले म उठ्दिनँ’ भनेर शीर्षनेतृत्वलाई बताइसकेका छन् ।

नेकपा स्रोतका अनुसार वामदेव गौतम काठमाडौं ७ बाट पछि हट्नुका पछाडि दुई/तीनवटा कारणहरु छन् । प्रथमतः केपी ओलीले हप्काएपछि प्रचण्ड पछि हटेका छन् । दोस्रो- सामाजिक सञ्जालमा देखिएको चर्को विरोधले वामदेव पराजीत हुने निश्कर्ष निस्किएको छ । यसैक्रममा रामवीर मानन्धर पनि बदनाम बनेका छन् र मानन्धर गुठीले उनलाई दिएको सम्मानसमेत फिर्ता लिएको छ ।

यी सबै कारणले गर्दा तत्कालका लागि वामदेवले काठमाडौं ७ बाट चुनाव लड्ने च्याप्टर क्लोज भएको छ । नेकपाको सचिवालयले आइतबार औपचारिक रुपबाटै यो च्याप्टरलाई बन्द गरिदिएको छ ।

वामदेव प्रकरण सकियो, अब एकता बलियो बनाइने

यसैवीच आइतबार बालुवाटारमा करिब ४ घण्टा बसेको नेकपाको सचिवालय बैठकमा वामदेव गौतम प्रकरणमा नेताहरुवीच चर्काचर्की बहस भयो । छलफलको निश्कर्षचाहिँ नेताहरुवीच आपसी शंका उपशंका हैन, एकता र विश्वासको बतावरण बनाउने रहेको सहभागी नेताहरुले बताएका छन् ।

आइतबारको सचिवालय बैठकले सांसद रामवीर मानान्धरको राजीनामा पत्र अस्वीकृत गर्ने निर्णय गरेको नेकपाका प्रवक्ता नारायणकाजी श्रेष्ठले बताए । सचिवालयको अर्को बैठक सोमबार दिउँसो १ बजे बस्नेछ भने स्थायी कमिटीको बैठक कात्तिक १२ र १३ गते बोलाइएको छ ।

यो पनि पढ्नुहोस्
रामवीरको राजीनामा अस्वीकृत गर्ने नेकपाको निर्णय

Continue Reading…

रामवीरको राजीनामा अस्वीकृत गर्ने नेकपाको निर्णय

४ कात्तिक, काठमाडौं । प्रधानमन्त्रीनिवास बालुवाटारमा आइतबार बसेको सत्तारुढ नेपाल कम्युनिष्ट पार्टीको सचिवालय बैठकले सांसद रामवीर मानान्धरको राजीनामा पत्र अस्वीकृत गर्ने निर्णय गरेको छ । राजीनामा स्वीकृत नभएपछि अब वामदेव गौतमले काठमाडौं ७ बाट चुनाव नलड्ने पक्कापक्की भएको छ ।

‘आजको बैठकले रामवीरको पत्रबारे निर्णय गर्नु नपर्ने निश्कर्ष निकालेको छ, बैठकपछि नेकपाका प्रवक्ता नारायणकाजी श्रेष्ठले भने,’यसको अर्थ अब पार्टी उपचुनावमा नजाने र वामदेवजी चुनाव नलड्ने निश्कर्ष निकालिएको छ ।’

आइतबार बसेको बैठकमा पार्टी एकीकरण प्रक्रियालाई हरहालतमा चाँडो टुंगो लगाउने, नेतृत्वको वीचमा आशंका हैन, सुदृढ एकता कायम गर्ने र सरकारलाई पनि सफल बनाउन सबैले एकतावद्ध भएर लाग्ने निश्कर्ष निकालिएको नेता श्रेष्ठले जानकारी दिए ।

नेतृत्वको वीचमा लामो एवं खुल्ला छलफल भएको र एजेण्डागत रुपमा चाहिँ रामवीर मानान्धरको पत्रको विषयमा केन्द्रित भएर छलफल भएको उनले बताए । पार्टी एकता र सरकारका विषयमा सथ्ायी कमिटीको बैठकमा छलफल हुने श्रेष्ठले बताए ।

सचिवालयको अर्को बैठक सोमबार दिउँसो १ बजे बस्नेछ । त्यसैगरी नेकपाको स्थायी कमिटीको बैठक कात्तिक १२ र १३ गते बोलाइएको छ ।

Continue Reading…

प्रधानन्यायाधीश मिश्रलाई ५१ किलोको माला

४ कात्तिक , बुटवल । प्रधानन्यायाधीश ओमप्रकाश मिश्रलाई ५१ किलोको मालासहित नागरिक अभिनन्दन गरिएको छ । रुपन्देहीको मर्चबारमा एक कार्यक्रमका बीच मिश्रलाई सम्मान गरिएको हो ।

मर्चवार क्षेत्रका कोटहीमाई, समरीमाई, मायादेबी र मर्चवारी गाउपालिकाका बासिन्दाले प्रधानन्यायाधीश मिश्रलाई ५१ किलोको माला, बुद्ध भगवानको मूर्ति र सम्मानपत्र सहित दोसल्ला ओढाएर अभिनन्दन गरे ।

प्रधानन्यायाधीश मिश्रले मर्चवारसहित समग्र लुम्विनीबासीका नागरिक र जनप्रतिनिधिहरुलाई धन्यवाद दिए । उनले मर्चवार क्षेत्रमा शिक्षाको आवश्यक रहेको बताउँदै एक छाक खाएर भए पनि आफ्नो छोराछोरीलाई पढाउन आग्रह गरे ।

उनले योग्यता भएमा पदले आफैं खोज्ने बताउँदै पदका लागि भाैंतारिन नपर्ने बताए । विकासको पहिलो आधार शिक्षा भएकाले सबै नागरिकले आफना बालबालिकालाई उचित शिक्षा दिएर मुलुक निर्माण गर्नुपर्नेमा जोड दिए ।

क्षेत्र नम्बर ४ -मर्चवार) का प्रतिनिधिसभा सदस्य प्रमोद यादवले मर्चवार क्षेत्रले प्रधानन्याधीश पाएकोमा खुशी व्यक्त गरे । पाँच नम्बर प्रदेशसभा सदस्य वसिउद्दिन खाँनले मर्चवार क्षेत्रका मिश्र प्रधानन्याधिश भएकोमा मर्चवार क्षेत्रवासी गौरवान्दित भएको बताए ।

Continue Reading…

औचित्यका आधारमा रामवीरको राजिनामा अघि बढाउनु नपर्ने नेकपा सचिवालयको निर्णय बैठक भोली पनः १ बजे वस्ने

कामाण्डौ । नेपाल कम्युनिष्ट पार्टी (नेकपा)को सचिवालय बैठकले काठमाण्डौ –७ का सांसद रामवीर मानन्धरले पार्टीमा बुझाएको राजीनामालाई अस्वीकृत गरेको छ । आज प्रधानमन्त्रीको सरकारी निवास बालुवाटारमा बसेको वैठकले पार्टीका सचिवालय सदस्य वामदेव गौतमका लागि वाटो सहज गर्दै सांसद मानन्धरले पार्टी अध्यक्ष पुष्पकमल दाहाल मार्फत दिएको राजीनामा सम्वन्धि सहमति पत्र औचित्यका आधारमा निश्क्रिय भएको भन्दै अस्वीकृत गरेको हो ।

सचिवालय सदस्य गौतम निर्वाचन नलड्ने निर्णयमा पुगेको कारण मानन्धरको राजीनामा अघि बढाउनु पर्ने नदेखिएको प्रवक्ता नारायणकाजी श्रेष्ठले जानकारी दिनुभयो । त्यसैगरि आजको बैठकमा वरिष्ठ नेता माधवकुमार नेपालले राखेको असन्तुष्टिको विषयमा विषय प्रवेश भए पनि छलफल कै क्रममा रहेको र भोली १ वजे बस्ने सचिवालय बैठकमा विस्तृत छलफल हुन्छ श्रेष्ठको भनाइ थियो । भोलि वस्ने वैठकमा सरकारको काम कारवाही र मन्त्रीहरुको मुल्याङकनको विषयमा पनि छलफल हुने छ ।

Continue Reading…

दीपिकाले आफ्नो विवाहको निमन्त्रणा कार्डमा के लेखिन ? 

अन्ततः दीपिका पादुकोण र रणवीर सिंहले विवाह गर्ने साइत जुराएका छन् । बलिउडका यी हट जोडीले आफ्नो विवाहको औपचारिक घोषणा गरेका छन् । उनीहरुले नोभेम्बर १४ र १५ मा जोडी बाँध्नेछन् ।

दीपिकाले आफ्नो विवाहको निमन्त्रणा कार्ड पनि सार्वजनिक गरेका छन् । कार्ड हिन्दी र अंग्रेजी दुबै भाषामा छ । कार्डमा लेखिएको छ, ‘यति बर्षसम्म तपाईहरुले हामीलाई जुन प्रेम र स्नेह दिनुभयो, त्यसका लागि आभारी छौं । हामी आफ्नो जिन्दगीको नयाँ सुरुवात गर्दैछौं । यसमा तपाईंको आर्शिवादको कामना गर्दछौं । अनगिन्ती प्रेम- दीपिका र रणवीर ।’

भनिहालौं, उनीहरुले यो विवाह इटलीको लेक कोमोमा गर्नेछन् । त्यसको उत्सव चार दिनसम्म चल्नेछ । तर, यस भव्य विवाहलाई मिडियाबाट टाढा राखिएको छ ।

दीपिका पादुकोण किङफिसर क्यालेन्डर गर्लको रुपमा ग्ल्यामर दुनियामा प्रवेश गरेकी हुन् । करियरको पूवार्द्धमा त्यसबेलाका धनाड्य विजय माल्यका पुत्रसँग दीपिकाको अफेयर रहेको चर्चा हुन्थ्यो । पछि उनी रणवीर कपुरसँग जोडिइन् । रणवीरसँगको उनको लभ-अफेयर बलिउडमा लामो समय चर्चामा विषय बन्यो । उनले रणवीरको नाममा ट्याटु समेत खोपाएकी थिइन् । रणवीर कपुरसँग ब्रेकअपछि उनको घनिष्ठता अर्का रणवीर अर्थात रणवीर सिंहसँग बढ्यो । त्यही घनिष्ठता प्रेममा रुपान्तरण भयो । अब त्यो दाम्पत्य जीवनमा प्रवेश गर्दैछ ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog