Sunday, July 14, 2019

आफ्नो पैसा कसरी व्यवस्थापन गर्ने ?

के तपाईंको श्रीमती वा श्रीमानसँग पैसाको विषयलाई लिएर बहस भएको छ ? पैसाको बारेमा साथी वा परिवारका सदस्यसँग छलफल भएको छ ?

खासगरी हामी पैसाको कुरा गर्दैनौं । किनभने यसले सामुन्नेका व्यक्तिलाई अनौठो लाग्नसक्छ वा नराम्रो । यद्यपी जहिलेपनि पैसाको विषयलाई नजरअन्दाज गर्न सकिदैन । जब पैसाको बहस हुन्छ, त्यसको अन्त्य एकदम खराब हुन्छ ।

सम्बन्धमा तित्तता ल्याउनमा पैसा एक ठूलो कारण हो ।

बि्रटेनमा भएको एक सर्वेका अनुसार पैसाको कारण हुने झगडाले धेरैजसो सम्बन्धलाई दुई चिरा बनाएको छ । यो सर्वे च्यारिटी रिलेट, रिलेशनसिप्स स्कटल्यान्ड एन्ड म्याजि केयरले गराएको थियो । यसअघि नेशनल अफिस अफ स्टेटिस्टिक्सले गराएको सर्वेबाट पनि यही नतिजा आएको थियो ।

र, यसले केवल श्रीमान्-श्रीमतीकको सम्बन्धमा मात्र असर गर्दैन, परिवार र मित्रबीच पनि यसको असर रहन्छ ।

यी सबै समस्याको हल हो कि, पैसालाई लिएर कुनैपनि कुरा स्पष्टसँग गर्नुपर्छ । अर्थात पैसालाई लिएर दुबै पक्षबीच स्पष्ट र खुला कुराकानी हुनुपर्छ ।

तर, यस विषयमा झगडाको मूख्य कारण चाहि के हो त ?

तपाईं पैसा बचाउने कि उडाउने ?

पैसालाई लिएर अक्सर बहस यसकारण हुन्छ कि, पैसा सम्बन्धी अलग-अलग मान्छेका रवैया अलग हुन्छ ।

तपाईं खर्चिलो हुनुहुन्छ वा पैसा बचाउने ? यो तपाईंको सुरुवाती जिन्दगीको अनुभव वा घरको माहौलमा निर्भर गर्छ । यद्यपी यस्तो बानी बाल्यकालदेखि नै विकास हुन्छ ।

यसको अर्थ यो होइन कि, यस सन्दर्भमा तपाईं आमाबुवा जस्तै हुनुहुन्छ । तपाईंले बाल्यकालमा पैसाको अभाव झेल्नुभएको थियो । तर, जवान भएपछि तपाईं अत्याधिक खर्चिलो पनि हुनसक्नुहुन्छ । किनभने यतिबेला तपाईंसँग पैसा हुन्छ । आफ्नो जिन्दगी राम्ररी बिताउने चाह पलाएको हुनसक्छ ।

तपाईं धेरै नै खर्च गर्न थाल्नुहुनेछ ।

कतिपय व्यक्तिका लागि पैसा जिन्दगीलाई सुरक्षित बनाउने तरिका हो । कतिको लागि यो स्वतन्त्रता हो । जबकी कसैको लागि यो प्रेम दर्शाउने कुरा हुनसक्छ, कसैका लागि यो ताकत वा प्रतिष्ठा ।

यसैले पैसासँगको हाम्रो सम्बन्ध एकदम पेचिलो र गहिरो हुन्छ । जब हामी ति व्यक्तिसँग भेट्छौं, जसमा पैसालाई लिएर अलग सोंच हुन्छ । तब दुबैबीच गलफत्ती र तनाव हुने संभावना रहन्छ ।

हुनसक्छ तपाईं पैसा एकदमै सावधानीपूर्वक खर्च गर्नुहुन्छ । तर, तपाईंको साथी नयाँ लुगाफाटो र पार्टीमा खुब पैसा उडाउँछ । तब उनलाई लाग्न सक्छ कि, तपाईंले आफ्नो कन्जुस स्वभाव त्याग्नुपर्छ । खुलेर खर्च गर्नुपर्छ ।

कोसँग बढी, कोसँग कम पैसा ?

यदि तपाईंले नयाँ सम्बन्ध सुरु गर्नुभएको छ र ‘मेरो पैसा’ अनि ‘तिम्रो पैसा’ ‘हाम्रो पैसा’मा बद्लिएको छ । तब केही हुनसक्छ ।

यसपछि जब तपाईं उक्त पैसा खर्च गर्ने सोच्नुहुन्छ, तब मतभेद सुरु हुन्छ ।

यसो भन्नुपर्छ कि, यो पैसा दुबैको आधा आधा हो । यो पनि सही हुँदैन । त्यसो भए कुन तरिका ठिक होला कि, जसमा दुबैको एकमत हुन्छ ?

अहिलेको अवस्था बद्लियो भने तपाईं के गर्नुहुन्छ, जस्तो कि बच्चा हुनसक्छ वा तपाईंहरु अलग हुने निर्णय लिनुहुन्छ । तब के गर्ने ?

यदि तपाईंको पुस्तौ पुस्ताको पैसा पनि त्यस पैसामा सामेल छ भने के त्यसलाई पनि तपाईं आपसमा बाढ्नुहुन्छ ?

यदि तपाईंको पैसा आफ्नो पार्टनरको पैसा भन्दा कम छ भने यसले पनि सम्बन्धमा तनाव पैदा गर्न सक्छ । यसले तपाईंलाई दुःखी बनाउँछ । तपाईंले सोच्नुहुनेछ कि तपाईं अरु कसैसँग निर्भर हुनुहुन्छ ।

अविश्वास

रमेशलाई थाहा भयो कि जब उनकी श्रीमतीले उनलाई नसोधी उनको एटिएमबाट हजारौं रुपैयाँ खर्च गरिन् । यसले उनलाई ठेस लाग्छ । उनलाई लाग्छ कि, ममाथि विश्वासघात भयो ।

जब तपाईं कुनै सम्बन्ध सुरु गर्दै हुनुहुन्छ भने त्यसमा विश्वासको स्तर एकदमै बढी हुन्छ । तपाईं आफ्ना साथीमाथि विश्वास गर्नुहुन्छ र तपाईंलाई लाग्छ कि उनले तपाईंको एकदमै ख्याल गर्छ ।

तर, पैसालाई लिएर तपाईंहरु दुबैको सोंच अन्तर भएमा दुबैबीचको विश्वास नराम्ररी टुट्न पुग्छ । त्यसैले तपाईंले आफ्नो खर्च गर्ने बानीमा इमान्दार रहनुपर्छ । यदि खर्च गर्नुभयो भने त्यसलाई लुकाउने, छिपाउने होइन, प्रष्ट बताउने गर्नुपर्छ ।

पैसा उधारो नलिनु, नदिनु

यदि कसैले तपाईंसँग पैसा माग्छ भने तपाईं के गर्नुहुन्छ ?

पैसा माग्ने मान्छे राम्रो साथी हुनसक्छ । वा कुनै साइनो सम्बन्धका हुनसक्छन् । उनलाई कुनै जरुरी कामको लागि पैसा चाहिएको हुनसक्छ ।

तपाईं उनलाई खुसीसाथ पैसा सापटी दिनुहुन्छ । तर, उनले उपहार जस्तै पैसा लिएर तपाईंलाई फिर्ता गरेन भने ?

यसैले तपाईंले पैसा सापटी दिदै हुनुहुन्छ भने स्पष्टसँग कुरा गर्नुहोस् । यसले गर्दा तपाईंहरुवीच कुनै मनमुटाव वा समस्या उत्पन्न हुँदैन । यी सबै कुरामा आवश्यक छ कि, तपाईंहरुले स्पष्ट र खुलेर कुरा गर्नुहोस् ।

आर्थिक विशेषज्ञ जीन थ्यूरेरको यी टिप्स उपयोगी छन्, जसले पैसाको बारेमा हुने संभावित विवाद हटाउन मद्दत गर्छ ।

सही समयमा पैसाको बारेमा कुरा गरौंः अर्कालाई सुनाउने वा सवाल जवाब नगरौं । सही समयमा पैसाको कुरा गरौं ।

आफ्नो साथीलाई निम्नस्तरको देखाउने गल्ती नगरौंः आत्मनिर्भर बनौं । आफ्नो साथीलाई आरोप लगाउने नगरौं ।

आफ्नो बजेटको बारेमा कुरा गरिरहनुहोस्ः बजेटलाई लिएर तपाईंहरु दुबैबीच सहमति हुनुपर्छ । यसका लागि हप्तामा, महिनामा, तीन महिनामा कुरा गरिरहनुपर्छ । तपाईंले मूल्यांकन पनि गर्दै जानुपर्छ कि सल्लाह बमोजिम पैसा खर्च भइरहेको छ ?

खुलेर कुरा गर्नुहोस्ः पैसाको विषयमा एकदमै स्पष्ट र खुला कुरा गर्नुपर्छ । – बिबिसीबाट भावनुवाद

Continue Reading…

कुलेखानीमा पानी भरिएपछि बाँध खोलिँदै, गृहले भन्यो- सतर्क रहनू

३० असार, काठमाडौं । अविरल वर्षाका कारण मकवानपुरस्थित कुलेखानी जलविद्युत आयोजनाको सरोवर भरिएको छ । ईन्द्र सरोवरमा पानी अत्यधिक भएपछि बाँध खोलेर बाहिर निकालिँदै छ ।

गृहमन्त्रालयका अनुसार कुलेखानीको सरोवर भरिएर पानी २५.४ मिटर पुगेको छ ।

केही घण्टापछि बाँध खोलिने भएकाले तल्लो तटीय क्षेत्रमा सतर्कता अपनाउन गृहले अनुरोध गरेको छ । सतर्कताको लागि सम्बन्धित प्रदेश प्रहरी कार्यालयहरुलाई पनि सजग रहन र आवश्यक तयारी गर्न भनिएको छ ।

कुलेखानी आयोजनालाई सुख्खायाममा लागि ‘पावर ब्याक अप’का रुपमा राखिने गरेको छ ।

कुनै प्रसारणलाइन बिग्रँदा वा सब-स्टेसनमा गडबडी आउँदा प्राधिकरणले यो आयोजना सञ्चालन गरेर विद्युत आपूर्ति गर्छ । आपतका बेलामा सञ्चालन गर्न सकिने ‘रिजर्भवायर प्लान्ट’ प्राधिकरणसँग यो एक मात्र हो ।

सुख्खायाममा ‘पिक आवर’मा विद्युत उत्पादन गरिने भएकाले यस आयोजनालाई महत्वपूर्ण रुपमा लिने गरिन्छ ।

Continue Reading…

आगमी २४ घण्टा होसियार रहन मौसम पूर्वानुमान महाशाखाको चेतावनी, हवाई र सडक यात्रा नगर्नु

काठमाडौं । भारी बर्षाको सम्भावना रहेको भन्दै मौसम पूर्वानुमान महाशाखाले आगामी २४ घन्टा सतर्क रहन आग्रह गरेको छ । सोमबार विहान सूचना जारी गर्दै महाशाखाले देशभरका विभिन्न स्थानमा भारी बर्षाको सम्भावना रहेकोले सवैले सर्तक रहन आग्रह गरेको छ ।

सोमबार विहान ६ बजे नै महाशाखाले २४ घण्टे सूचना जारी गरेको हो । देशका पूर्व, मध्य र पश्चिम क्षेत्रका थोरै स्थानमा भारी वर्षाको सम्भावना रहेको जनाएको छ । भारी बर्षाबाट जनधनको क्षति हुनसक्ने भन्दै महाशाखाले हाई अलट रहन चेतावनी दिएको छ । वर्षाले पहाडमा ठुलो पहिरो र तराईमा बाढी आउन सक्ने बताएको छ । आगामी २४ घन्टासम्म प्रभावित क्षेत्रका बासिन्दालाई होसियारी अपनाउन महाशाखाले शिषेष आग्रह गरेको छ।

सडक र हवाईयात्रमा पनि नगर्न आग्रह गरेको छ । बर्षाले सडक अबरुद्ध र कम भिजिबिलिटीका कारण हवाई सेवा प्रभावित हुनेभन्दै २४ घण्टा यात्रा नगर्न आग्रह गरेको छ । महाशाखाका अनुसार मनसुन न्यून चापीय रेखा अहिले नेपालको तराई भूभागमा अवस्थित छ । जसका कारण मनसुनी गतिविधि देशभर सक्रिय अवस्थामा छ।

Continue Reading…

बाढी पहिरोमा मृत्यु हुनेको संख्या ६५ पुग्यो

३० असार, काठमाडौं । अविरल वर्षासँगै आएको बाढी र पहिरोमा मृत्यु हुनेहरुको संख्या ६५ पुगेको छ । सोमबार बिहान ७ बजेसम्मको तथ्यांकअनुसार ६५ जनाको मृत्यु भएको नेपाल प्रहरीले जानकारी दिएको हो । मृत्यु हुनेहरुमा ४१ पुरुष र २४ महिला छन् ।


१२ पुरुष र १८ महिला गरी जम्मा ३० जना वेपत्ता छन् । ३८ जना घाइते छन् भने १ हजार ४४६ जनाको सकुशल उद्धार गरिएको प्रहरीले जनाएको छ ।

अविरल वर्षासँगै आएको बाढी र पहिरोले देशभरको जनजीवन प्रभावित भएको छ । सयौं वस्ती डुबानमा परेका छन् । पीडितहरुले राहत नपाएको गुनासो गरेका छन् । सडकहरु भत्किएर यातायात आवागमन पनि प्रभावित भएको छ । १४ जिल्लाका सडकहरुमा क्षति पुगेको प्रहरीको तथ्यांक छ ।

Continue Reading…

के तपाईको बच्चाले अरुको इर्ष्या गर्छ ?

इर्ष्या एक यस्तो भाव हो, जसले मान्छेलाई संकिर्ण बनाउँछ । हामीभित्र इर्ष्याको भाव हुन्छ । यद्यपी यसलाई राख्ने वा हटाउने ? हाम्रै हातको कुरा हो ।

हामी मात्र होइन, स-साना बालबालिकामा पनि यस किसिमको भावना विकास भएको हुन्छ । बाल-बालिकामा आफ्ना दाई, भाइ, दिदी, बहिनि, साथी-भाइ, आफन्त जो-कोहिसँग पनि इर्ष्यार्को भावना पैदा हुनसक्छ । बाल्यवस्थादेखि नै उनीहरुको इर्ष्यार्को भावनालाई नियन्त्रण गरेन भने ठुला भएर यसले गंभीर परिणाम ल्याउन सक्छ ।

बालबालिकामा चार प्रकारको इर्ष्या

मटेरियल जेलेसी (भौतिक चीजहरुबाट हुने इर्ष्या)

जब बालबालिकाहरु बाहिरी संसारको सम्पर्कमा आउँछन्, आफ्ना साथीभाइ, भाइ-बहिनीबाट आफुले चाहेका कुराहरु नपाउँदा उनहरुमा इर्ष्यार्को भावना उत्पन्न हुन्छ । जसलाई मटेरियल जेलेसी भनिन्छ ।

शैक्षिक योग्यता र कौशलसंगको इर्ष्या

यदि कुनै बालबालिकाले आफ्ना सहपाठीहरुसँग शैक्षिक र खेल सम्बन्धि इर्ष्या गर्न थाल्छन्, त्यस्तो अवस्थामा उनीहरुको आफ्नो प्रस्तुतीमा नराम्रो प्रभाव पर्न थाल्छ । उनीहरुले आफुलाई अरुभन्दा अयोग्य तथा सानो अनुभव गर्न थाल्छ ।

सोसल जेलेसी अर्थात सामाजिक इर्ष्या

बालबालिकाहरु हुर्कदै जाने क्रममा आफ्ना साथीहरुकै गर्लफ्रेण्ड तथा ब्वाइफ्रेण्डप्रति नै इर्ष्या गर्न थाल्छन् । सोसल जेलेसी किशोरावस्था स्वतः देखिने इर्ष्या हो ।

भाइ-बहिनीबीचमा हुने इर्ष्या (सिब्लिङ जेलेसी)

यो इर्ष्याको त्यस्तो रुप हो जुन बाल्य अवस्थाबाटै प्रारम्भ हुन्छ । कतिपय इर्ष्यार्लु बालबालिकाले सानैदेखि आफ्ना भाइ-बहिनीको इर्ष्या गर्छन् । जसले स्वथ्य दिदि-भाइ, दाजु -बहिनीको सम्बन्धलाई समेत नराम्रो बनाईदिन्छ ।

बालबालिकामा इर्ष्याको भावना खतरनाक हुँदाको स्थिती

-उनीहरुको आत्मविश्वासमा कमी आउन थाल्छ ।

-अन्य बालबालिकाहरुसँग आक्रामक व्यवहार गर्न थाल्छन् ।

-आफुलाई विवस र लाचार भएको अनुभव गर्छन् ।

-आफ्ना साथी-भाइ र सहपाठिहरुसँग अलग-अलग बस्न थाल्छन् ।

बालबालिकामा भएको इर्ष्यार्लाई कसरी घटाउने

तपाईको बालबालिका मटेरियल जेलेसीबाट ग्रस्त छन् भने अभिभावकले आफ्ना बालबालिकालाई सम्झाउनु पर्छ । हरेक परिवारको आर्थिक स्थिति फरक-फरक हुन्छ ।अरुको खेलौना अथवा अन्य कुरामा इर्ष्या गर्नुभन्दा आफुसँग जे छ त्यसैमा खुशी हुनुपर्छ भन्ने कुरा आफ्ना बालबालिकालाई राम्रोसँग सम्झाउनु पर्छ ।

यदि तपाईको बच्चा शैक्षिक तथा कौशल सम्बन्धि इर्ष्याबाट ग्रस्त छ भने अभिभावकले उसको योग्यताको पहिचार गरेर उ भित्र रहेको ईश्र्यालाई हटाउने कोशिश गर्नु पर्छ । बालबालिकाको ध्यान उसको व्यक्तिगत योग्यता र विशेषतातिर आकषिर्त गर्नुपर्छ । यसबाहेक जुन बिषयम अथवा क्षेत्रमा कमजोर छ, त्यसमा सुधार गर्नुपर्छ ।

यदि तपाईको बच्चामा सोशल जेलेसी (सामाजिक इर्ष्या) छ भने अभिभावकले उनीहरुको भावनालाई बुझ्नु पर्छ । उसलाई एक्लो छाड्नु भन्दा उसंग समय बिताउनु पर्छ ।  अभिभावकको साथले उनीहरुमा सकारात्मक सोच बढ्न थाल्छ ।

आफ्नै दाजु-भाइ अथवा दिदी-बहिनी (सिब्लिङ) बीचमा हुने मतभेदलाई हटाउनु अभिभावकको दायित्व हो । उनीहरुबीच उत्पन्न हुने नकारात्मक कुराहरुमा रोक लगाउनुहोस् र आफ्ना सबै बच्चामा उत्तिकै ध्यान दिनुहोस् ।

बालबालिकामा इर्ष्यार्को भावना हटाउनका लागि घर, स्कुल, पार्क आदि ठाउँमा साथीभाईसँग भएको उनीहरुको कुरा ध्यान दिएर सुन्ने । उनीहरु के कुराले खुशी छन्, कुन कुराले दुःखी छन्, के कारणले इर्ष्या, तनाव र चिडचियापन भएको छ सबै कुरा अभिभावकले थाहा पाउन आवश्यक छ । यी कुराहरु पछाडि लुकेका कारण थाहा पाउने कोसिस गर्नुहोस् ।

इर्ष्याको भावना हटाउनका लागि

-आफ्ना बालबालिकालाई महान व्यक्तिको प्रेरक प्रसंग सुनाउनुहोस्, जसले उनीहरुको हराएको आत्मविश्वास फर्कियोस् ।

-उनीहरुमा नकारात्मक विचारलाई हटाएर सकारात्मक सोच बढाउनु पर्छ ।

-उनीहरुको उपलब्धिलाई प्रशंसा गर्नुहोस् ।

-उनीहरुले गरेको राम्रो काममा प्रोत्साहित गर्नुहोस् ।

-उनीहरुको राम्रो सेन्स र ह्युमरको प्रशंसा गर्नुहोस् ।

आफ्ना बालबालिका इर्ष्यार्ग्रस्त भएका छन् भने आफ्ना साथीभाइ, परिवारको सदस्यसंग शेयर गर्न प्रेरित गर्नुहोस् । जसका कारण अभिभावकले इर्ष्यार्को कारण पत्ता लगाउन सजिलो होस् ।

यदि बालबालिकाले इर्ष्यार्को कारण बताउँदैनन भने उनीहरुलाई डायरीमा आफ्नो इश्र्यार्को कारण लेख्न लगाउनुहोस् र त्यसलाई दुई-तीन पटक पढ्न लगाउनुहोस् । इर्ष्यार्को कारण थाहा पाएपछि अभिभावक र बच्चा दुबैलाई त्यसबाट मुक्ति पाउने उपाय पनि थाहा हुन्छ ।

हरेक बालबालिकाको आफ्नै किसिमको बिषेशता हुन्छ । त्यसैले अभिभावकले अरुको बालबालिकासंग आफ्नो बच्चाको तुलना गर्नु हुँदैन । तपाईको बारम्बार तुलना गर्ने बानीले बच्चाको मनमा आफ्ना अभिभावकले आफुलाई माया गर्दैनन् भन्ने कुरा बस्छ ।

बिस्तारै बिस्तारै उनीहरुको मनमा इर्ष्यार्को भावना उत्पन्न हुन्छ र उनीहरुको आत्मविश्वास कमजोर हुन थाल्छ ।

साना बालबालिकालाई सम्झाउन गार्हो हुन्छ । तर केही कुराको बारेमा उनीहरुलाई जानकारी दिन आवश्यक हुन्छ, जस्तै-इर्ष्या । यदि तपाईको बच्चाले आफ्नो भाइ-बहिनिको आगमनमा इर्ष्या गर्छ भने अभिभावकले उसलाई भाइ-बहिनिको आगमनले उप्रतिको प्रेममा कुनै कमी नआउने कुरा माया र धैर्यताका साथ सम्झाउनु पर्छ । अभिभावकले माया, धैर्य र विश्वासका साथ सम्झाउनु भयो भने तपाईको बच्चाले अवश्य सम्झन्छ ।

अभिभावक र बच्चाबीच सम्बन्धलाई बलियो र इश्र्यार्लाई कम गर्नका लागि बच्चालाई स्पेशल फील गराउनु आवश्यक छ । जस्तै घुमाउनका लागि बाहिर लैजाने, उनीहरुको मन पर्ने कुरा गिफ्ट दिने । अभिभावकको आफुप्रतिको त्यस्तो व्यवहारका कारण बच्चाले आफुले पहिले जस्तै माया र केयरिङको अनुभव गर्छ ।

बाल अवस्थादेखि नै आफ्ना बालबालिकालाई शेयरिंङको भावना बिकसित गर्नुपर्छ । उनीहरुलाई शेयरिङको महत्व सम्झाउनु पर्छ । हरेक कुरा शेयरिंङ गर्ने बानीले उनीहरु सधै खुशी हुन्छन् र उनीहरुको मनमा कहिले पनि इश्र्यार्को भावना उत्पन्न हुँदैन ।

Continue Reading…

शाहिदको पारिश्रमिकः ३ करोडबाट ३० करोड ?

यो वर्षकै ब्लकबष्टर फिल्म ‘कबिर सिंह’ को सफलतापछि अभिनेता शाहिद कपूर अहिले चर्चाको शिखरमा छन् । यो फिल्मलाई शाहिद कपूरकै करियरको सबैभन्दा ठूलो सफलताको रुपमा समेत लिइएको छ । यही फिल्मको सफलतासंगै अभिनेता कपूरले आफ्नो पारिश्रमिकको दर समेत बढणएका छन् । हालै एउटा समाचारमा जनाइए अनुसार अभिनेता कपूरले आफ्नो पारिश्रमिक ३ करोड भारुबाट बढाएर ३० करोड भारु पुर्‍याएका छन् ।

त्यसो त कबिर सिंहलाई शाहिदको पहिलो सोलो हिट फिल्म समेत मानिएको छ । यो फिल्मले सोच भन्दा बढि सफलता हासिल गरेको हो । जसका कारण शाहिदको भाउ स्वतः बढ्न पुग्यो । उनी बलिउडकै हट प्रोपर्टी बन्न पुगे । उनलाई यतिबेला नयाँ नयाँ फिल्मका साथै विज्ञापनहरुबाट समेत प्रसस्त प्रस्तावहरु आउन थालेका छन् ।

फिल्मका लागि त उनले आफ्नो पारिश्रमिक ३० करोड भारु बताइसकेका छन् । कबिर सिंहका लागि उनलाई ३ करोड भारु पारिश्रमिक दिइएको थियो । करिब सिंहको सफलतासंगै उनले आफ्नो पारिश्रमिकको दर बढाएका हुन् ।

तर, वास्तविक के छ भने शाहिदले आफ्नो पारिश्रमिकको दर बढाए पनि निर्माताहरुले भने त्यति ठूलो रकम दिन चाहिरहेका छैनन् । अब हेर्नुछ, शाहिदले आफ्नो पारिश्रमिकको दर थोरै घटाउँछन् कि त्यसैमा अडिग रहन्छन् ।

 

 

 

Continue Reading…

धादिङमा निर्माणाधीन सिमेन्ट उद्योग बाढीले बगायो, ५ मजदूर बाढीमा फसे

३० असार, धादिङ । धादिङको बेनीघाट रोराङ गाउँपालिकाको वडा नं २ ताल्तीमा निर्माणाधीन अवस्थामा रहेको ह्वासिन सिमेन्ट उद्योग गए रातिको बाढीले बगाएको छ ।

ताल्तीस्थित खोलालाई नियन्त्रण गरी निर्माण थालिएको सिमेन्ट उद्योग तीन दिनदेखिको वर्षाका कारण खोलामा आएको बाढीले बगाएको सूचना अधिकारी तुलसीजङ्ग थापाले जानकारी दिए । रातिको समयमा आएको बाढीका कारण पाँच जना मजदूर बाढीमा फसेका छन् ।

दुवैतर्फ खोला बगेकाले बीच भागमा रहेको फलामका पोलमा समातेर उनीहरु बचेका छन् । खोलामा फसेका मजदूरको उद्धारका लागि इलाका प्रहरी कार्यालय गजुरीबाट गएको टोली सो स्थानमा पुग्न सकेको छैन । ताल्ती जाने बाटो मलेखु नजिकै सोही खोलाले बगाएपछि उद्धारकर्मी रोकिएको जिल्ला प्रहरी कार्यालयले जनाएको छ ।

रातभरि परेको वर्षाका कारण खोलामा फसेका मजदूरको स्थानीयवासी र ताल्तीमा रहेको प्रहरी टोलीले उद्धार गरिरहेको जनाएको छ । बाढीका कारण निर्माण भएका केही संरचना बगाएको छ । क्षतिको आँकलन गर्न सकिएको छैन । मानविय क्षति भएको छैन ।

रु १५ अर्बको लगानीमा चिनियाँ ह्वासिन कम्पनीले सो उद्योग निर्माण शुरु गरेको चार महीना भएको छ । नौ महीनामा निर्माण सम्पन्न गरी दैनिक ६० हजार बोरा सिमेन्ट उत्पादन गर्ने गरी उद्योगको निर्माण शुरु भएको थियो ।

Continue Reading…
Loading...

Popular Bla Bla's

Loading...

Latest Bla Bla's on Fun2Sh

Powered by Blogger.
Copyright © Funtoosh Blog